刀鋒寶貝 (已結業)

今次再嚟黃大仙鳳凰村的這間隱世台灣美食小店！位置不是十分顯眼，但食物質素卻不是一般貨色，每道菜都包含著老闆娘的心思及烹調技巧，食得出每道食物都是精心製作，加上店舖內很多撐醫護嘅標語！可見老闆娘是有情有義及做事認真嘅人！當然要多多幫襯！今日我就試試店長推介👍🏻嘅台式牛肉麵（$48）及刀鋒雞翼（$22）作為我嘅午餐。📍台式牛肉麵🍜台式牛肉麵真係食過唔少，但呢度嘅台式牛肉麵真係同坊間嘅牛肉麵有所不同，首先佢嘅台式牛肉比較諗身！而且牛肉有好特別嘅醬汁，食落甜甜地而且很軟滑！加上有少少牛筋，充滿骨膠原，與其他店舖硬實實的台式牛肉相比，簡直係與別不同！而麵嘅質地夠煙韌，很有質感！這原本平凡嘅台式牛肉麵都可以整得咁好食，可見廚師嘅功夫！📍刀鋒雞翼聽老闆娘講這個刀鋒雞翼是他們的鎮店之寶！他們用秘製醬汁醃製，加上蒜香辣椒，便成這個味道特別嘅刀鋒雞翼！食落去少少辣，而且秘製醬汁及蒜蓉很入味，肉質軟硬度適中，果然十分香口美味！這個簡單嘅午餐，平凡嘅食材卻有着不平凡嘅美味！而且價錢相當大眾化！老闆娘又這麼親切招呼，感覺好像同街坊傾偈一樣！這個午餐真是食得很愉快！

呢段時間，好多時都要食外賣，為左安心同外賣都想食新野，今次收工之後，在附近買埋番屋企先食，一於試下新食店~平時成日都環鳳街呢頭買野，因為呢到既日常生活食物真係好平，之前行過都見到好多餐廳，今次就想食下呢間主打台灣風味的小店~環境好企理整潔，堂食應該都會坐得幾舒適。呢到都好多野食，麵飯主食、小食及飲料都有好幾款.價錢$50左右，主食的仲包埋飲品，真係好抵。今次我自帶餐具，因為成日外賣真係太多膠，為左愛護環境，都呼籲身邊朋友自備餐盒呢~都好多謝食店，肯幫我入落飯盒到~呢個蔥油手撕雞飯$48，真係好香而且仲有青菜，很好。而且雞肉都好嫩滑，好味。肉燥四季豆$28 好好食, 個肉燥唔會太咸，真正係自家製作，好有家的味道。飲料係送埋既，真係好抵呢~呢個係百香果多多，即係百香果汁加益力多，酸酸甜甜好好味呢~整體呢間食店有好心，而且食物同環境都好企理，加上冇咩味精，長遠來講係一間可以支持的外賣店呀~!下次一定再來試埋其他野先~支持本土小店

抗疫期間小店好難做，所以要去支持下良心小店💪🏻今次黎黃大仙呢間台式小店，四五十蚊有飯/麵包台式飲品真係好抵呀😋.喇沙海鮮麵 $48我揀左拉麵，湯底有濃濃既喇沙香，又唔太辣，海鮮份量好足，有蝦肉、蟹捧、魚片、豆卜，仲有半隻溏心蛋🤩.喇沙肥牛麵 $48朋友都好想食喇沙所以叫左一樣既湯底🤣肥牛份量一樣好足.跟餐配飲品 我地揀左百香果多多同荔枝多多.刀鋒雞翼 $28有花雕酒味同蒜蓉辣椒，好好食喔.麻醬手撕雞 $38麻醬味好香，配青瓜好開胃！

今日放工即刻同老公去食晚飯，講左好耐想試的刀鋒寶貝。門面招牌好特別係木板刻上刀鋒寶貝，店內環境整潔，白色牆身顯得非常明亮。老闆娘好親切，老闆仔好靚仔添！日式麻醬手撕雞$38，雞肉份量多，粗幼剛好，青瓜新鮮爽甜。雞翼$22/4隻- 有辣椒蒜蓉加有點點酒味，雞肉滑，惹味開胃。　老公點肉燥雞脾飯$48，炸脾新鮮炸起，熱熱熱，唔太油，啖啖肉。我就點左推介的喇沙海鮮配烏冬（可選拉面或米粉）$48，賣相吸引，食材多，半熟溏心蛋，兩大隻蝦彈牙可口，蟹柳魚片豆卜全部成相對。ＳＯ　ＳＷＥＥＴ泰式花枝丸有成５大粒$30，切開十字，炸到金黃色，似足美麗盛開的花花，如果阿女在場一定喜歡。龍眼蜂蜜-蜂蜜的甜味剛好，龍眼肉清甜潤喉。哈蜜瓜多多味蕾新嘗試，不錯。老闆娘自家製麻辣醬，香氣濃，原本覺得不麻不辣，但後勁強，埋單時咀唇痺左，十分過癮。

今日中午時間嚟黃大仙行街，誤打誤撞嚟到銀鳳街，見有間食店幾乾淨，主打台灣飯、麵、小食，見開始有啲餓，決定先醫醫肚皮點咗台式牛肉烏冬（另選配拉麵/米粉)，飲品-巨峰提子多多（點麵或飯送飲品），小食-日式麻醬手撕雞台式牛肉烏冬～有牛展+牛筋，牛展肉質嫩，有牛味，牛筋够腍，唔會黐牙，烏冬好彈，湯底有牛同少許蒜味，整體來講好好食日式麻醬手撕雞～手撕雞雞肉嫩滑，加上日式麻醬，入口香滑，墊底用咗四季豆，四季豆醮麻醬，真係幾清新爽脆 巨峰提子多多～有提子味，味道清清甜甜，好適合鍾意飲凍野的我，仲有，佢哋係用紙飲管，真係幾著重環保的小店

刀鋒寶貝原來是一間家庭式小餐廳，雖然是小本經營，但廚房擺放食材放得井井有條，乾淨企理，食都食得放心。地方不算太擴闊，只有數十個坐位，但總給人一種家的感覺。刀鋒中有肉燥飯、牛肉丼、喇沙等等...餐廳很貼心的，坐低不久便奉上熱水，給人消毒一下餐具。龍眼蜂蜜來到時已聞到蜂蜜的香味，飲落清甜潤喉。喇沙肥牛米粉 - $48喇沙味香濃，椰香一足；而肥牛份量蠻多，嫩滑又彈牙。喇沙肥牛米粉還有一隻溏心蛋，半熟狀態，口感嫩滑，跟米麵一同進食，味道更豐富可口。刀鋒雞翼 - $22/4隻刀鋒雞翼上滿滿的蒜香味道，而且非常入味，還有點微辣的味道，相當惹味嫩滑，越食越想食。在這疫情中，真的要多多支持小店👍🏻加油！！

係企home office ， 都要出去 伸下懶腰 ， 喺屋企附近覓下食 ， 去平時學生哥幫襯的餐廳 ，搵d小店支持下。 蒲崗村 刀鋒寶貝 ， 之前午飯大把學生哥去， 但停課之後餐廳生意少咗。 既然我仲有份工， 不如就去幫襯下街坊， 共渡時艱。 餐廳供應台式飯類為主。 凡order一碗大碗飯都會送台式嘢飲， 另外仲有啲小食。 日式卷腩飯46 捲腩以五花腩入饌 煎至金黃色, 豚肉肉質鮮嫩，選用五花腩部位做卷燒， 油分煎香咗後，突顯甘香。 台式牛肉麵48 湯底老闆娘自己煲，不落味精， 味道冇傳統台式湯濃，反而感覺清新。 牛肉拉麵有牛展及牛筋， 兩者皆滷得入味。 百香果多多 清新微酸不覺甜。水蜜桃果汁 酸酸甜甜 肉燥四季豆28 半肥瘦滷得入味的肉燥， 配上白洽的四季豆， 唔會太肥膩但係又有肉燥的甘香。 刀鋒雞翼22 以辣椒和蒜頭 入饌， 雞翼帶微辣惹味, 而且充滿蒜香， 喜愛濃味美食物的人的最愛。

年年黎親黃大仙都會做一樣野就係拜神 拜完神梗係要食啲嘢醫下肚 行行吓見到呢間小店 而且仲要係黃店 更加要入去試下 鋪頭唔算好大 裝修簡單 好乾淨 Menu上面嘅選擇雖然唔係好多 但係都幾吸引咁🤤喇沙海鮮麵呢個可以揀唔同嘅麵底 例如拉麵 烏冬 米粉配料份量都好多 有有蝦 豆卜 魚片 蟹柳 粟米 仲有粒糖心蛋 個湯底好正 小小辣但好味 而且飲得出係冇落過任何味精嘅 咁拉麵好掛湯汁 而且個麵好彈牙刀鋒雞翼肉燥糖心蛋飯好大碗好足料 個肉燥飯好好味送飯一流 而且一啲都唔油膩 而且個飯係用珍珠米 唔錯 刀鋒雞翼肉質鮮嫩 而且好入味 簡單得來又好食日式麻醬手撕雞雞肉下面有啲四季豆 上面啲雞肉嘅份量都幾多 肉質鮮嫩 味道唔錯而且好有雞味紅油抄手望落細細份 但原來好多粒豬肉餃 都幾大粒 個醬汁調校得好好 個餃子好索啲醬汁 食識落十分之開胃

返工前醫下個肚先，聽朋友講話黃大仙銀鳳街附近有好多嘢食👅，所以行過去睇下。原來真係有好多食肆，仲係平民價錢💰，大眾化口味，最後選擇這間，因為想試吓佢個喇沙湯麵。入到去舖頭細細，侍應/老闆都好熱情招待🥰，似家庭式經營，光猛整潔，幾舒服。叫咗🥢喇沙海鮮米粉🍜：喇沙湯好正，不太辣，無加味精，好有家鄉風味，大大隻蝦🍤好爽口，仲有配菜豆腐卜，吸晒個湯嘅精華，好味😋。🥢刀鋒雞翼🐔4隻：蒜蓉味好重，微辣，雞肉煮得剛剛好，好嫩滑。☕️送台式飲品一杯☕️：我揀咗黑糖薑母茶，薑味好濃，好足料，不太甜，啱晒我👍

屋企附近又發現新餐廳，店面細細，但乾淨企理，決定入去支持下小店先！食物種類唔算多，但款款都好平🥰性價比超值啊！喇沙雞絲湯麵喇沙湯底好夠味啦而且都幾辣下台式牛肉麵有牛展同埋牛根，個湯好清甜我反而有啲似日式嘅關東煮湯刀鋒雞翼佢哋嘅招牌菜！果然好好味呀，其實個汁就系B仔雞翼尖味，但原來煮雞翼都咁好食㗎！紅油抄手有得揀素餃/韭菜豬肉餃，食肉獸就梗系食後者🥰韭菜味香濃配上紅油辣汁好好味😋

因為疫情關係，少左人出剩食飯，但無阻我去食好野既，因為～唔使排隊😂😂黃大仙銀鳳街呢間台式食店其實我想幫襯好耐，但每一次就算我任何時候嚟都好，都要等位😑雖然證明左有咁多人等係真係正野，但我就真係無心機等。今晚同同事OT完，諗住行過嚟睇睇啦，真係唔使等位喎，咁我地就衝左入去，店員仲安排我地坐一張卡位👍🏻叫野食時間真係好頭疼，樣樣都想試下，咁我地例牌叫2罐可樂、一碟泰式炸花枝丸、緊係唔少得以店舖名命名既刀鋒雞翼啦、叻外叫多2個麵，一碗係喇沙海鮮麵、一碗係台式牛肉麵。等左無耐上菜喇😂😂牛肉麵有牛𦟌牛筋牛肉（好豐富）碗喇沙海鮮麵仲勁，蟹柳蝦肉魚片豆卜糖心蛋、碟刀鋒雞翼仲不得了，用蒜蓉辣椒調味，還有一種應該係獨家既味道，至於花枝丸賣相好正，將粒丸𠝹開再炸出黎既效果真係好得。今日終於一嚐到我多個月既心願，總算可以食飽訓訓個好覺喇😂

途經母校，想搵食就走左入呢間個名幾特別既小店，究竟刀鋒上既寶貝係咩呢？睇下個餐牌，台式又不是全台式，泛亞接近啲🤣又台又日又星馬anyway, 最近要好食喇沙肥牛面 - 湯頗清，不是濃濃的喇沙湯日式卷肉拉面🍜 - 呢碗既卷肉不錯，份量好夠，啲肉好似食極食唔哂🤣泰式花枝丸 - 一碟有五粒， 份量不少，炸出來不太油，唔錯皮蛋豆腐 - 好好味😋一般皮蛋豆腐都好易汁還汁，餸還餸，但呢個汁真係入到啲皮蛋同豆腐， 係我食過較好味既

這間新開的家庭式小店，地方細細，裝修簡單乾淨，賣的是老闆娘沒有添加味精的撚手小菜，小店仍然是試業當中，所以餐牌上選擇不是太多，有飯有麵有小食。我們點了老闆娘推介的蔥油手撕雞飯，喇沙素菜麵及紅油炒手，價錢每款都不過五十蚊，份量十足，飯類及麵類還奉送台食品一杯，十分抵食。蔥油手撕雞飯，手撕雞份量多，雞肉嫩滑，超香的蔥油蒜味，十分好送飯。喇沙素菜麵，老闆娘會因應每日有的新鮮蔬菜而作出不同配撘的素菜麵，今晚是椰菜，邊豆, 豆卜及雞蛋，配料雖然簡單，但他們微辣的喇沙湯底很有椰香味，麵條似日式拉麵，吸收了香濃湯底更惹味。紅油炒手，$40已經有六隻，有素菜或九菜豬肉的選擇，我們選了每款三隻，賣相不錯，但素菜的那款食落感覺會比較鬆散，九菜豬肉食落就很有九菜香及比較實淨，但醬汁味道卻很正宗。老闆娘很親切的，會聽食客意見，近排他們為了支持醫護人士還給他們折扣，很有愛的。

在家的附近開了一家新餐廳，今天便來和女兒試一試這家台式店，看看有什麼特別的吃吃，餐廳環境乾淨整齊，洗手間空間感足夠及潔淨，我先點了一杯百香果果汁凍飲，它還有多多和綠茶可以選擇與百香果混合，味道十分清甜醒胃，淡淡的百香果味令人感到很清新，推介大家可以試試，另外熱黑糖薑母茶微辣的薑味味道也不錯。主菜則選擇了喇沙海鮮麵，配料份量很多，包括有蝦，魚片，豆卜，椰菜和蟹柳，蝦非常新鮮彈牙，麵質煙韌，湯底很惹味，麻醬手撕雞甜甜的也頗美味！

放假同媽子試下屋企附近新開既餐廳，店鋪細細似家庭經營，女職員好熱情同有禮貌推介餐廳既主打菜，我地每人叫左個主菜，飲品加個小食，我點左雞脾肉燥飯，飲品就揀左黑糖薑母茶，雞脾即叫即炸而且超級大隻，啖啖肉超級惹味，鹹鹹地肉質嫩滑，肉燥味道很好，肉燥汁分量好足夠曬撈飯，仲有撈埋椰菜，飯粒好有咬口好煙韌，因為佢地用左珍珠米，食落去好有飽足感，客人可以因應個人既胃口叫多飯少飯，咁就包保唔會浪費食物啦，黑糖薑茶味道偏薑，甜度較少，不過辣辣地都幾正👍