初七車仔麵

營業中

休息中

初七，我去試咗間食得非常掂嘅車仔麵，冇得輸，真係要推介俾搵平、搵實搵好味嘅朋友哋。湯底選咗酸甜又惹味嘅蕃茄湯，每啖都食得出個心思。精選咗牛筋、蘿蔔同肥牛三款配菜，牛筋完美至極，軟熟得啱啱好，口感q彈無比，而肥牛就夠晒滑，細嚼慢嚥中盡展牛肉嘅純粹香味。至於蘿蔔，吸滿咗湯汁，每啖都清新爽口。💯筷子一插落油麵裏面，發現佢哋梗得咁一踢，勁正！夠彈性又唔會太硬，真係入口即溶。最正嘅係魷魚同甜酸齋，濃厚港式咖喱味魷魚好夠晒尺度，但唔會過火，至於甜酸齋就齋菜中嘅戰鬥機，食落醒胃開胡👌。附上嘅奶茶平易近人又香滑圓潤，簡直係畫龍點睛之作。🥤食罷，完全覺得平民美食有時啱啱好超過高級食府，間間舖頭就算細細間，都值得一試！🍜👍

今日行完八仙嶺，落到去粉嶺見到呢度下午茶車仔麵三餸一麵都係$40左右，今次點左鹹牛脷，牛腩同猪大腸，同埋配埋韭菜（下午茶送），要左麻中辣湯底，飲凍檸茶，味道正常，埋單$43抵食！

今日下午去初七，我去叫咗一個車仔麵及熱飲。因為冇收到付款單已經追問收緊銀男士，但係沒有什麼反應。之前佢問過我係咪要小食，我話唔需要因為嗰啲唔係我落嘅。唔知乜嘢原因，呢個收銀完全都唔想做我生意。等咗10分鐘之後都冇上菜。遲過我嘅客人都已經開始上菜，我就追問阿姐，佢幫我問廚房，但係聽到廚房話完全冇我嗰張單。我好唔開心，跟住嗰個收銀就嘗試找我落單嗰塊牌但係收銀男仕話無落單，一句對唔住都冇。即刻走人唔會再去

喺聯和墟講起車仔麵一定係去『初七』好味又抵食今日再去發現加左價不過無阻我食車仔麵嘅心😂$40有三餸一麵其他都仲算抵食雖然加左價但配菜選擇好似好多左外賣點餐由紙仔變成過咗膠可重用嘅牌仔抵讚👍🏼麵、湯底、飲品水準依舊很好不過咖哩魷魚就差左啲口感都有嘅但係就比之前淡味好多咖哩味完全消失了🫠買夠$100仍然有小食送都係【炸雲吞】同【咖哩燒賣】二選一今次揀左燒賣燒賣炸過再淋上咖喱汁雖然拎到返屋企巳經無左脆皮不過味道搭夠👌🏼咖哩味夠濃，燒賣彈牙有咬口今次試多樣【韭菜豬紅】😍份量都算多豬紅實淨無怪味韭菜唔老容易咬調味辣辣地，都幾惹味😋

今日係2022年3月1號冇下午茶餐冇得堂食加一蚊可以分湯包得好靚仔好企理全相個底有少量雜菜要咗豬骨湯底加辣汁、腩汁韭菜餸菜有甜酸齋、牛腩、紅腸、粗麵熱奶茶☕️可能我好肚餓我覺得佢好細碗又或者我隻手太大牛腩汁韭菜加$9韭菜有啲老不過呢個時勢$9已經好合理啦同各位大神講嘅一樣牛腩係林嘅，好味，但切得好的骰紅腸都係切得薄甜酸齋係好味但又係碎上女仔夠飽但係男士可能要加底穩陣啲啦因為始終份量不算太多餸又不算多

粉嶺聯和墟呢幾年開咗好多間車仔麵檔🍜，呢間係比較唔錯嘅👍🏻，會有張格仔只比你自己剔☑️，同埋自選車仔麵所有餸菜都係同一個價錢💰，唔使計住計住自選年車仔麵 🍜（3餸1麵）（$38）車仔麵揀左油麵，有彈性，可以索住湯汁👍🏻咖喱魷魚🦑都調味得好好，有濃濃嘅港式咖喱味，魷魚夠爽口。牛腩都炆得好淋好入味🐮，食落唔會有渣，唯一挑剔嘅地方係牛腩切都比較細舊。甜酸齋，係三款入面最好嘅一款，甜酸齋本身已經夠晒味酸酸甜甜👍🏻，識落又唔會好油膩，又可以吸晒湯底嘅腩汁😎奶茶☕️（跟餐）呢道嘅奶茶都係水準之作👏🏻，茶底溝得香濃，唔會有澀味，質素好過唔少茶餐廳🍴📍 初七車仔麵 (粉嶺)粉嶺聯和墟聯和道63號地下

今日經過呢間初七車仔麵，見到佢店舖出面貼住一張poster，寫住下午茶餐$38仲會送一碟菜再加一杯熱飲😲我就係比咁抵嘅價錢吸引咗入去食嘢😬叫咗魚腐，滷水蛋，冬菇同埋米線配蕃茄湯底（一般車仔麵店又或者係米線店，配蕃茄湯底都要額外加錢，但係呢度居然唔使😵😵）坦白講食物質素就真係中規中矩😶論米線嘅口感又或者係香滑程度，就真係冇辦法同譚仔//譚仔三哥比較😶而蕃茄湯底亦都唔係話好濃郁，但呢度勝在真係平，抵食，又夠飽肚😎 係慳家之選🤑

尋日想去食……點知原來休例四……今日再落嚟試，下午三點，唔多人（因為舖頭細細，中午應該好迫下）我估我呢碗應該係大碗d既，因為我點左麵+5款食物麻辣湯底，好少辣，都算香，夠味油麵唔係好粗身果d, 我個人覺得可以鹵水旦，好香似茶葉旦既香味，浸得入味豬手，炆得岩岩好少少咬口，好味（2件）碎牛腩，都係鹵得夠身入味（5小粒）豬皮，浸得入味（5小片）菜肉雲吞，味道中規中矩（3小粒）凍奶茶就好一般總括食物既味道唔錯，小店亦乾淨企理我自己覺得同墟內既另外三間車仔麵比較，呢間算好食，但相對份量應該偏少，不過寧願好食都好過大大份而味道一般。

平日的日子，下午三時多，在聯和墟吃下午茶，看到初七車仔麵，入內試試。人不多，座位任選，填紙仔選食物，下午茶$38可自選三款配料，一款麵食點了: 豬手、牛栢葉，牛筋配油麵首先讚下店家，下午茶任選三餸都可選價錢較高的食材。豬手炆得軟糯入味，牛栢葉爽口唔會老，牛筋就較碎，入味淋身，夠火喉，湯底味道不錯，用餐過後不會口渴，三款餸整體有水準。油麵軟硬度剛好，唔會發到好漲，又唔會粗鞋，好食下午茶餐送的油菜是菜心菜心就認真麻麻，又黃又老，碟子將菜和蠔油分開放，蠔油倒是不吝嗇。點了凍奶茶少甜，真的做到少甜味道，奶茶好多冰塊，很快淡了下午茶價錢: 三餸加送油菜，凍飲加$2共$40，便宜得來食物水準不錯，值得一試。

忍唔住寫我第一個OpenRice 食評叫咗個外賣 一開始見到好足料就開始食啦個湯好淡 叫麻辣冇麻辣味 但其他嘢係正常結果食食吓就見到條毛盡量唔好去諗係身體邊一部份既毛啦👃🏼👀當時好肚餓就繼續食啦結果食食吓又多一條 非常飽滿既菜蟲終於我頂唔順啦食唔落

星期日心思思到聯和墟想食群記豬手，遙遠看見門口已聚集了很多人，相信有排排。行過少少見到有間新開的車仔麵，看見Menu也很吸引，便入去試試。今次點了雞翼蘿蔔加豬腸+酸齋配米粉!每款餸也很好味，特別係酸齋同銅鑼灣麵尊有得fight喎！但是豬骨湯底較為清淡，最特別係炸物，炸雲吞配甜酸汁，咖喱角配咖喱汁，非常好味，兩人合共消費$113抵食，咖喱角是食滿$100送的。

$38 3餸都算OK可能貴咗啲，但依家香港係咁上下。有好多特別嘅餸選擇，職員態度好好，我忘記點野飲，佢都提返我叫咗 蕃茄湯底加辣，味道OK$38仲計埋冷熱飲品tim

以前茶餐廳時，都食開。而家轉了開車仔麵，後繼續幫襯下。疫情後好耐冇食，今日再來幫襯。放飯時間，多了好多學生，幫襯加了新食法，撈麵蘿蔔好香甜，牛腩好入味，酸齋不太酸。

聯和墟終於有好食既車仔麵，原來用羅宋湯做湯底咁好味，個湯好濃郁，牛柏葉、豆卜、豬皮，全部都好入味但豬皮食落口有油益味，希望可以再好啲☺️，仲有炸雲吞、炸蝦卷、酸齋好正😋😋😘，春卷就一般，下次會再幫襯☺️

出嚟做野後，食一餐lunch至少$40-50起跳！但呢間 #初七車仔麵 3餸一麵仲包埋野飲都只需38蚊，簡直係窮人恩物！重點係佢地包既餸一啲都唔頹，平時比較貴價嘅牛筋牛腩大腸都有，唔會額外加錢，讚呀！ .湯底推薦香辣汁蕃茄湯，酸酸甜甜蕃茄湯好濃郁，配埋香辣汁更惹味開胃 。 餸料方面，牛筋蘿蔔肥牛係我至愛， 牛筋爽滑軟腍有咬口，蘿蔔清甜無加糖，煮得入味腍滑，肥牛新鮮有牛香，呢個價錢食到呢個質素，簡直係大滿足！！