初七車仔麵

營業中

休息中

繼續去食車仔麵，最近聯和墟開咗幾檔車仔麵店，多咗競爭亦多咗選擇。今次呢間車仔麵以抵食麵餐咗招徠，💲3️⃣8️⃣（3餸麵🍜連飲品🥤），絕對有優勢！.🍜酸齋、咖哩魷魚🦑、滷水豬耳🐽👂🏻💬碼實係三款餸都係出色，酸齋入味、咖哩魷魚幼切唔會韌、豬耳爽口，仲有大量芫茜蔥，賣相味道同樣出色😌.🍜豬手🐽、豬腸、雲吞💬彈牙嘅豬手千萬不要走漏眼，豬腸亦都炆煮腍身，可以一試😏.🍜肥牛🐮、豬柳片🐷、蘿蔔💬蘿蔔清甜多汁，肥牛是秘制，但幾好食有𡁻頭，豬柳片沒想像般驚喜😏.💬整體而言，算是相當不錯，唔想煮飯嘅話可以簡單食一碗麵🍜，轉菜飯🥬🍚都係同一個價錢💲，仲係好大碟𠻹！大食嘅朋友一樣有選擇，「一品麵」有8️⃣個餸，都係💲4️⃣8️⃣，真係一啲都唔貴！

車仔麵的配料有很多種類， 佢個番茄湯底好濃郁，我最喜歡食佢個甜酸齋，味道適中，又有咬口，配蕃茄湯底係最 perfect, 另外魚蛋朱皮都好有懷舊的味道。除此之外， 豬骨湯配辣汁亦都冇得頂， 再加埋咖哩尤魚同朱手就更美味。價錢方面: 三餸一面加埋飲品都係38蚊，好扺食!環境方面: 乾淨企理，地方雖少但坐落都好舒適。服務方面: 出面的樓面同收銀姐姐好好人，好有禮貌，做嘢快手，好合拍，老闆真幸福!已經食過幾次，外賣同堂食都試過，唔錯。

住咗粉嶺都十幾年，終於有一開好食車仔麵開咗，幫襯咗都10次以上，湯底、辣汁，都做得好好，蘿蔔清甜無落糖煮，豬紅入味，炸蝦卷同牛脷都好食，大腸係車仔麵既靈魂，不過令我最失望就係大腸，切得太幼再加上浸喺d汁度保溫令大腸太淋食唔到大腸既爽滑，老實講都唔知食咗咩落口，係做飲食要計成本，其實切厚d比少d都唔係問題吖，起碼食到有咬口，牛脷都係一樣，希望店主睇到可改善吓啦，5月份都唔會再光顧，6月會再來食吓，希望到時會有驚喜啦！

行完山去揾食，吾覺意選中這店，碗麵一上枱賣相整齊，有用心去擺，食落夠熱有以前車仔麵的味道，啲食材夠入味有咬口如咖喱尤魚，魚蛋和豬皮，市區的一般做吾到，同有米芝蓮嘉許過的車仔麵店比較完全落下風兼有過之而無及，食完好滿足，我雖住市區，但有機會一定會再去食，希望佢可發展到出市開分店。

話說媽咪唔想煮，就試下新野，買咗呢間新開嘅初七車仔麵。三餸一麵都係38蚊，幾抵食，我叫咗甜酸齋，墨魚丸，魚腐，味道嚟講不過不失，不過勝在湯底幾好味，差啲忍唔住飲哂嚟湯而買滿100蚊送嘅炸雲吞都炸得啱啱好，正啊！

難得和同事一齊放假，去血拼之前先填飽個胃，突然想食車仔麵，無意間找到此更食店，家庭式經營，員工熱誠有禮。湯底有特別的番茄湯底，靚妹妹還送贈一碟自家制雲吞給我們配埋自家制醬汁加上親切笑容真的是值門票價，其他食物質素亦不俗。裝修簡潔衛生。特意由青衣到該店品嘗不一樣的車仔麵。蘿白，咸牛脷好好味。雖然只是一碗車仔餸，但已经是，香港我吃過印象最深，味道最正的一碗了。所以，也忍不住想分享给大家。大家經過粉嶺可試試，支持本土小店。

今日星期六，就打算去超市上糧。當行過聯和墟馬會時，就見到一間的新餐廳 - 初七車仔麵。咁當然要去試下啦。入到鋪頭時，見到以前係我屋苑到開茶餐廳既老闆娘，原來佢賣左盤，轉戰車仔麵。餐廳環境係時下興用的沉色主題，我就嫌坐位與坐位之間就迫左少少，但總體都算舒服。食物方面，選擇都好多。我就揀左蘿蔔，魚片頭，豬紅，牛柏葉和時菜，湯底係豬骨湯加咖哩汁。而佢亦有蕃茄湯底，可以下次試（我相信我會繼續幫襯）。最令我驚喜的就係蘿蔔啦，冇渣和入囗即溶，其他食物既味道都不錯！價錢方面，唔算貴，最抵消費$26，飲品＋$8。值得一試！

經常光顧的餐廳結業了，換上車仔麵店。店面乾淨整齊，陳設簡單。開業至今光顧了3次，每次都略嫌粉麵份量不足夠，試過叫了河粉或米粉配三餸都沒有吃飽的感覺，希望店家可以調整一下粉麵份量，會比較好。今日再去光顧，點了一碗初7一品麵，個人覺得非常大碗抵食！一品麵價格合理，有8款餸，每款都十分新鮮、美味，是飽肚之選。所以個人認為比自選餸，性價比更高，非常推介。❤特別一提，店家除了車仔麵外，亦有飯和羅漢麵供應，十分多元化。

好開心呀，榮福德記前老闆終於回歸聯和墟，開咗新檔賣車仔麵。今次叫老公嗌外賣，有 豬耳🐷，豬紅，肥牛🐄，河粉。河粉比較失色，來貨比較厚身😅。豬紅非常好味 ，入味，彈牙，有口感😍。肥牛都幾好，唔算真係好肥，啱晒怕肥膏但又想食有牛肉香嘅人。今次小辣唔夠喉，下次要加多啲😁。

聯和墟終於有我最鍾意嘅車仔麵啦！！！！！！！今日終於肯出門口食嘢，咁啱見到新開左間車仔麵，一於入去試下佢！！！揀左個有8樣餸嘅一品麵，啱晒我呢啲有選擇困難症嘅人！麵到啦！！個麵碗好大個，可以拎黎洗面！但餸嘅份量都唔少，第一下當然試下蘿蔔啦，好食，清甜，無渣！魚蛋係陳皮魚蛋！我話，如果係咖喱魚蛋就好啦，點知個靚女員工聽到，哈哈，即時比左個咖喱汁我，好細心呀⋯⋯個咖喱汁好好味，我最後全部加晒落個麵度。豬皮入味，唔淋，好爽！凍檸茶大大杯，好鍾意佢個杯，好工業風，想問老闆係邊度有得買。但佢哋芫荽同蔥係撈埋左一齊，嗚嗚，我係一個食蔥但唔食芫荽嘅人，如果可以分開就好啦。佢哋無外賣，但可以自取，方便！！總體黎講，十分唔錯，聯和墟又多個選擇，希望佢哋可以keep到水準！！