初心冰室 (已結業)

某日跟朋友帶路嚟咗呢間餐廳晚膳,睇完餐牌後就叫咗個牛扒配白飯,羊架配薯菜跟個紅湯!等咗十零分鐘左右晚餐就嚟嘞,我個牛扒原先係要求五成熟,但我一切落去就知道應該有七至八成熟(因為都要用d力鋸落去)幸好肉質都還可以接受,唔需咀嚼太久,但我下次嚟再食就要轉食薯菜,因為兜飯既口感我唔多習惯(大家試下就知)另外個羊架就就比較肥d,如果注重健康既女仕就未必鐘意,個红湯就唔錯,材料都幾多,好過某d餐廳湯底一係杰撻撻,一係就剩水咁。

原本吃個輕食餐於是到旺角地鐵站附近較為舒服的《初心冰室》。環境比傳統冰室較為舒適，有梳化位，燈光暗暗。 連檯都係挑選過的看看餐牌發現冰室也有西式？仲要係有我喜愛的食物—- 羊，牛，龍蝦，鵝肝，三文魚.. 好難選擇啊！ 波士頓龍蝦拼牛柳 188 + 25 有湯有飲品 用似木黑炭色的板盛著龍蝦及牛柳 配料有薯菜再加小許醬作裝飾，情現的顏色對比很吸引。 半邊的龍蝦加上香噴噴芝士，其玉身充滿肉而且彈牙，多汁有鮮味。 蟹抓容易脫下，好方便食用。 而牛柳喜出望外的就是這麼厚身但做到裡面仲紅卜卜而表面小小濃濃地感覺。 再強調，甘厚身但容易切 ——佳因為非常棯身，多汁。 橫切面既肉好好好好嫩，也沒有根。 開頭還以為扒房才能做到甘出色，原來冰室也可！

旺角行街經開哩間餐廳，見到個餐牌食物圖幾吸引，就入去幫襯下先。餐廳內以磚牆做裝修，好有美國style，幾靚！凍檸水(+$3)，跟餐加錢，都幾大杯。烤美國穀飼西冷扒配黑松露野菌汁跟薯菜($88)，目測有一隻半手掌長，厚度約2-3cm，點左7成熟，所以肉入面仲會帶點紅色，容易切開，食落都好腍唔會韌，有牛味，薯角炸得夠腍夠熱。燒三文魚柳意大利飯($108)，先講賣相伴碟整得幾靚，三文魚煎得好香口，魚皮好脆，意大利飯炒得好香，黏黏地幾好食。焦糖燉蛋($38)，點返個飯後甜品，燒得好靚，唔會太燶，燉蛋都好滑。雪米糍，餐廳送，雲尼拿味，好食。

中午食飯時間約左同事去旺角搵食，見到初心𣲙室大排長龍，行近睇餐牌，見到價錢好實惠，中午套餐大多系50蚊左右，包埋野飲又有湯同餐包,可以講系，抵到爛吖！！！一碗紅湯一碗白湯，加上鬆軟的餐包，已經開始有d飽。我點左份煙三文魚天使麵，飲凍菜蜜。估唔到呢份餐咁滿足，煙三文魚好大片，天使麵好juice.另一份糸黑椒汁雞扒飯，好大一塊雞扒！淋上黑椒汁，十分惹味。雞肉不鞋，幾嫩滑。中午飯食完去返工。平平地絕對系一個好選擇。

今日行著行著，見到呢間叫初心的冰室，就入左去食飯。餐廳跟其他冰室不一樣，光線比較暗，比較有浪漫既氣氛。座位寛敞，4人卡位都可以只坐2個人，不會強逼人搭枱。今日心情麻麻，就要對自己好一d，叫了一個龍蝦拼牛柳，再加一杯咸檸七。賣相好靚，未食都已經覺得一定係好好味。先試一下個牛柳，一刀切落去，嘩，好冧。切了一小口，沾了黑椒汁，牛柳入口即溶，非常好味，只有塊牛柳夠靚先可以做到呢個效果。龍蝦好鮮甜，好多膏，只係略嫌細隻左d。跟餐仲可以揀意粉或者白飯，今日我就揀左意粉。黎得冰室當然要飲特飲，叫了一杯我最愛咸檸七。平時去食西餐鋸扒，邊可能有咸檸七飲，只有在冰室先有呢個完美的配搭。食完呢餐好滿足，就算生活幾不如意，也要記得毋忘初心，繼續堅持，總有一天會成功的。

同女朋友行經旺角，見到有間新開既西餐廳，見唔係好貴所以入去試一試。女朋友嗌左三文魚而我就嗌左蛋包飯。仲另外嗌多左個小食，同加左酥皮湯。埋單都係2有幾唔到300蚊，都算抵食。餐湯(+$10轉酥皮湯)晚餐包飲品同餐湯..女友想食酥皮，所以加左錢轉酥皮湯..點知原來個酥皮係原本既餐湯上面加左塊酥皮，噤加法好似有啲小貴。香煎挪威三文魚扒配香草忌廉汁(配薯菜)三文魚大塊仲煎得幾香，我地配左薯菜，下面有好多既薯條，算係幾脆同炸得幾乾身，唔錯。黑松茸海鮮蛋包飯配日式咖喱汁咖啡汁屬於日式甜咖哩，個蛋包飯份量都幾多下。好食，不過食到最後會有d漏。芝士焗西蘭花配蜜汁炸單骨雞翼(+$25)見到餐牌話可加錢配小食，我個為食女友即刻話要加雞翼同西蘭花。芝士焗西蘭花: 芝士味香濃，西蘭花煮得剛剛好唔會過硬或過林蜜汁炸單骨雞翼: 單骨雞翼香脆可口。

當日同同事去品嚐這款菜式, 香草咖喱燒羊排。這間餐廳，坐落在旺角鬧市中，門面設計簡潔鮮明，裡面環境闊落，冷氣充足，坐下來不會很擠迫。😊😊最令我印象深刻是用鼻子聞到這款香口curry, 是非常正宗! 印度印度!😘各位食家可以一邊享受食物一邊欣賞藝術, 都市的浪漫!餐牌相對其他食店而言，簡單直接，只專注做多種主打菜,尤其羊扒牛扒及炸魚。從各種細微處可以看出店主的心思。店主亦十分好客熱情，向我們一一講解了各款菜式的特點。這款羊扒生熟度剛好，入味又嫩滑，肉味慢慢滲出，不但野味, 而且保留濃厚的肉質鮮味彈牙，趁熱食最好。另外這個很有味道的garlic bread,濃郁有層次，香甜且帶蒜蓉的味道，令人欲罷不能﹔更加叫人食慾大振！羅宋湯非常正宗, BORSCH 亦是俄羅斯出品。喝完之後全身感覺溫暖。總括而言, 羊肉不會過老或太韌，而是新鮮有彈性，肉質柔軟al dente，喜歡吃羊肉的朋友必試！菜式品種雖然不多，但絕不欺場，食物質量十分高，份量也不少，個人吃到最後實在因為太飽而吃不下，覺得可惜……食店方面亦挺貼心，見客人想喝湯，會主動問客人是否需要加湯。綜上所述，十分推薦這間用心經營的食店，我亦會跟同

行完金魚街就喺附近揾嘢食，行過見到呢間“初心”冰室個名咁特別，就決定揀呢度。餐廳裝修富心思，牆上掛滿别緻的裝飾，有格調又漂亮。餐牌上都有好多選擇煎鵝肝意大利飯 ($98) - 鵝肝表面煎得香口，入口即化，creamy幼滑無筋，意大利飯米心保持嚼勁，每粒飯都掛滿creamy嘅香草忌廉sauce，飯入面加有爽口蘑菇，令口感更有層次。香草大蝦芝士意大利飯 ($108) - 大蝦煎得香口，蝦肉爽口肉質細緻，配上creamy嘅意大利飯，味道不俗！雪糕紅豆冰 ($30) - 红豆、奶、冰的比例唔錯，紅豆煲得夠腍，甜度適中，再加上一球雪糕球，味美之選！即溶咖啡 ($15) - 咖啡香醇幼滑，以即溶咖啡嚟講絕對值得一讚！

今日黎到太子既初心冰室叫左兩份晚餐，分別係D1既香草芥茉籽燒紐西蘭羊架配燒汁（跟飯），同埋D2既烤美國穀飼西冷扒配黑松露野菌汁（跟飯）跟餐有餐湯同餐飲，如果轉酥皮湯就加$10,而餐湯就有雜菜湯同忌廉湯可以揀我揀左忌廉湯餐包唔係一般餐包，應該係自家制烤美國穀飼西冷扒配黑松露野菌（$88)牛扒係薄切，下面配左雜菜烤出黎幾香口，有近期大熱既炸牛扒咁既感覺香草芥茉籽燒紐西蘭羊架配燒汁（$98)有兩件羊架，羊架好肥美，而且都唔會太細件。餐飲叫左雪糕紅豆冰，轉左配朱古力雪糕，朱古力有碎朱古力，好好味另一杯係朱古力雪糕咖啡，唔係好多地方有得飲呢度燈光暗暗地，幾有格調，見到都有好多情侶黎食，相信會係情侶拍拖既一個新選擇。

餐廳喺太子西洋菜南街，星期日中午兩點去到，都有七八成客人。Set lunch都幾多選擇，有成13款，都係$50左右，包埋餐湯同餐飲。餐湯揀咗忌廉湯，有埋餐包。忌廉湯都幾濃稠，食到有湯料。【烤美國西冷配黑松露野菌燒汁$62】西冷default咗係七成熟，係就薄啲，不過算大塊，味道不錯，野菌燒汁幾入味，不過冇乜黑松露味。飯都幾多，仲配幾條青瓜，均衡啲。【凱撒沙律$47】可選配煙三文魚片或香草燒雞，我哋揀咗三文魚片，又係好大兜，勁多沙律菜，三文魚就唔係食開嗰啲大大片咁，不過都夠。食沙律都食到好飽。【清酒煮蜆$78】雖然叫清酒煮蜆不過就冇乜清酒味，反而似蒜香。好在份量又係勁多，而且隻隻蜆都好大隻，食落係鮮爽嘅。【即磨咖啡】跟餐加$5就有，都幾香濃。呢度真係大件夾抵食，而且上菜速度超快，個湯上完兩分鐘就即刻上主菜，啱晒生活節奏快嘅香港人～

收工晚上約了朋友去旺角行街，路過呢間初心冰室時覺得佢裝修得好有情調，同普通冰室感覺唔同，價錢方面又幾抵😳於是決定入去試下。餐廳有大量卡座，雖然檯與檯之間唔算闊落但私隱度都算高！想傾計都唔怕隔離檯聽到初心冰室燈光比較昏暗，想平平地約會下都唔錯，幾有feel晚市套餐非常抵，價錢由60蚊至98都有，包餐湯餐包同餐飲點完單好快就黎左餐包及餐湯，紅湯足料好飲，白湯稍為普通。飲完餐湯冇耐就上主菜了，時間啱啱好主菜看起來非常吸引，無論是餐碟定係擺盤，都睇得出花了心思，絕對唔係普通冰室水準！香煎挪威三文魚扒$88香煎三文魚扒望落簡單，但其實我食過許多西餐廳都有失敗品，不是太乾就是太淡。估唔到呢間冰室既三文魚扒令我十分有驚喜，皮脆而不失肉汁，三文魚既油脂係口入面融化既感覺真係好幸福❤️美國穀飼西冷扒$88西冷扒有兩塊，份量非常多。廚師火候控制得很好，叫了五成熟就是五成熟薯角味道都唔錯，真係好抵食跟餐送雪米糍今日好想飲特飲，加左10蚊轉紅豆冰。大大杯好正啊焦糖燉蛋$38由於呢間冰室既出品令我地太有驚喜，所以決定叫多個甜品試下呢個決定係冇錯㗎！咁焦糖燉蛋蛋味香濃，質地幼滑，表面的焦糖燒得香脆，好出色呢間冰室真

琴日同朋友行完街...行到好攰..諗住搵間餐廳坐底順便食埋晚餐......誤打誤撞就入左去初心冰室....平時都有留意開呢間餐廳...見到夜晚時段都係爆晒座...好多人企係門口等位....好彩我地今次6點就食晚餐...避開人潮.......一入去, 店員熱情帶位, 招呼周到, 有卡位, 有梳化位, 都好闊落............店員仲好快就送上MENU....西餐為主, 扒類...意粉..沙律應有盡有...朋友就簡左(烤美國穀飼西冷扒配黑松露野菌)...(5成熟) 有飯/意粉/薯菜選擇~~....朋友比較細食既人...就選左薯菜.....熟度很好的控制在五成熟....油脂飽滿的肉..份量好足...肉汁豐盈且夠嚼頭....仲要奉送白/紅湯+餐飲我就點左香辣蒜蓉蜆肉炒意粉...因為呢個唔係套餐, 所以咩都無包, 如果加$28就可以升級為套餐....即刻有是日餐湯+飲品呢碟意粉有超多粒又大粒既蜆肉, 連埋殼, 大約有10幾粒, 好足料, 意粉好有咬感, 唔會太(淋)/太硬..岩岩好, 滿滿既蕃茄醬, 痴滿住每一條意粉 ...一句講晒..正丫~~~而且惠顧晚市套餐都會送上甜品....甜品當日

中午食飯時間系最令人頭痛的，有時真系買個外賣在公司解決就算，不過今日約左個客戶，點都晤可以太頹，徵求佢意見之後，就鎖定目標近近地在旺角搵食。中午12點的時候，早人地一步入左一間叫初心冰室的餐廳。名字好有文藝氣息，裝修都幾精緻！卡位沙發坐得舒服，好方便我地傾野，客戶十分滿意。餐枱用左好靚的瓷磚鋪排，感覺清爽又大方，晤似其他冰室的環境咁逼，反而似一餐有特色的西餐廳。餐牌分為是日午餐推介同普通餐牌。我地晤太肚餓，所以單點，冇要中午套餐。蒜蓉包配南瓜蟹肉濃湯，蒜蓉包好䯳軟，蒜味好濃郁。南瓜湯底有好多蟹肉，晤會太稀。主菜糸三文魚扒配薯角，賣相不錯，份量好滿足，薯角炸得岩岩好。可惜三文魚有d偏乾，火候過左少少。不過整體算糸不錯。單點一杯凍奶茶，為午餐划上句號。

同姐妹去完大館，行左成日係時候食晚餐，返返九龍區食飯，早前book左呢間，位置唔難搵，店名幾有feel~睇睇餐牌，叫左一個D2（配意粉）同一個D8,另叫左一個白酒煮大蜆同煎鵝肝配牛柳（薯菜）。餐湯兩個都加左$10酥皮，好耐無飲過有酥皮既湯，唔係好多地方有得加酥皮，係正既～但兩個湯味道都比較淡d,南瓜湯有南瓜但南瓜味唔重，忌廉湯係舊式忌廉湯味道，但都係淡味d。西冷牛扒就餣味比較重，茶餐廳既牛扒味道。但比較奇怪既係意粉另上，無配上汁，兜醬汁唔太清楚係點牛扒定配意粉，有d confuse🤔意大利飯味道係ok既，但略嫌唔太夠熟，比較硬。白酒煮大蜆～蜆size係ok,但配菜比蜆更入味，感覺很中式，蜆肉味道還好，但唔算嫩。煎鵝肝配牛柳～呢個就比較出眾d,鵝肝幾香滑無so味，牛柳叫左3成做得到既，淋香有牛味，個人覺得配海鹽更好，但醬汁味道都不賴的。最後，甜品係一個粒粒多士配雙球雪糕，多士香口，配合起黎都幾好，都食晒咁濟。

三個人行完街經過見到新開無耐決定試下🤩套餐忌廉湯+$15元轉酥皮正正常常的忌廉湯（對送的本來就沒有期待）哈哈美國西冷牛扒配意粉(3成熟)整體比8分 牛扒好入味但蓋左少少本身牛肉味 但口感岩岩好 做到3成熟既效果👍🏻黑松煙三文魚忌廉意大利飯意大利飯成日都覺得吾系太生就太熟呢間就岩岩好 我個人都幾滿意鵝肝拼牛柳十分推介🤩👅一定要點呢個鵝肝點整都真系好好食不過呢間整得好食牛柳好淋，超有牛味而且3成熟都拿捏得好好 可以再返來食🌝清酒煮大蜆個人覺得有啲似中國菜feel😂蜆肉大隻 不過不失~整體來說呢個價錢可以食到呢個質素都算幾好，加上佢擺盤幾有心思 視覺上有滿足到😳