初心冰室 (已結業)

起附近shopping 完，見呢度d set dinner幾抵食就入黎試下，加25蚊仲可以每人配兩款小食添。✨枱面上既磚真係好有懷舊feel~✨雜菜湯：超多料，酸度啱啱好帶少少辣，好開胃。✨麵包好鬆軟，仲有有少少茄乾同埋香草，如果有埋牛油就好喇。✨忌廉湯：加$10 要左個酥皮，熱辣辣好好味。個湯入面勁多打到碎晒既菇蓉，好有咬口飲落又唔會覺得漏。 ✨芝士焗西蘭花+田螺焗薯蓉： 個薯蓉好滑好好食，仲好香芝士味，入面仲有d 洋蔥。西蘭花都唔錯，索晒d 汁仲有dd 拉絲芝士度。 ✨黑松茸煙三文魚忌廉燴意大利飯（$80): 入面超多菇同埋煙三文魚，意大利飯有咬口得黎硬度適中，而且粒粒飯索晒忌廉汁勁飽滿，味道唔錯好豐富。✨蟹肉蜆肉忌廉天使麵（$72）：個碟好深比我想像中大既份量，呢款味道比較清，個人喜好食意大利飯多d.✨飯後甜品仲有雪糕糯米糍送，真係好飽。

這裡標榜係冰室，但係打開餐單就發覺與西餐無異，價錢仲相當便宜。除左有晚市套餐，單點主餐牌仲可以加錢轉套餐，加例湯及飲品。今晚我地就叫左份羊架和葡國雞飯。餐湯例牌一紅一白，不過發現餐包不是普通的麵包，裡面有些香草的，單吃都覺得好好味先來葡國雞飯，椰汁味香濃，上面仲鋪滿椰絲，配白飯食一流以黃薑粉來醃雞肉，先煎香再去焗，非常嫩滑羊架賣相一流，而且有四件相當抵食羊架叫左5成熟，成數岩岩好，不會太生或太熟，羊架肉嫩多汁但好似缺少了點羊味，不過醮上燒汁食，令整個味道提升了不少。另外跟餐以$25 加左兩款小食:蜜糖雞翼真係冇得頂炸香然後再加少少蜜糖去焗，嗰種簡單制作方式雖然不是什麼秘技，但需要細心去做才有這個味道，太少又會無味，太多又會變得太淋太甜最後仲送上糯米糍，為今晚晚餐畫上完美句號

《初心冰室》 #食在旺角📍旺角西洋菜南街190-194A號西洋大樓地舖-最近好似愈開愈多冰室 #願你我不忘初心 有特式嘅地方我特別想試 Set Dinner 跟餐湯餐包及餐飲 （凍飲+$3）🔹烤美國穀飼西冷扒配黑松露野菌汁 可選飯/意粉/薯菜 $88 西冷扒嗌左5成熟 最中間有部份位都幾生 因為唔係鐵板上 嗌7成都可以牛有牛味 煎得幾好 外面係真係脆 Size同味道都唔錯 呢個價錢絕對抵食黑松露野菌汁比起一般黑椒汁好味 味道岩岩好唔會過濃搶哂d牛味薯角又係好脆 正呀！🔹香煎挪威三文魚扒配香草忌廉汁 可選飯/意粉/薯菜 $88煎香左嘅三文魚扒真係好正 某情度黎講我係鐘意三文魚扒多過牛扒個香草忌廉汁淡淡地忌廉味 唔特別 但因為三文魚扒原本已經好夠味 唔點汁都ok一樣係揀左薯菜 下次有機會再試下飯或意粉跟餐小食 $25/2款🔹芝士焗西蘭花 🔹田螺焗薯蓉跟餐小食有三款 只需$25就可以揀兩款 超級抵！餐湯轉🔹酥皮 +$10突然好想飲酥皮湯 既然呢到有得轉 一定要嗌 上枱果時勁熱 小心⚠️轉🔹雪糕紅豆冰 +$12個雪糕又幾好味喎 不過溶哂之後成杯野都係雲尼拿味😂 紅豆係細細粒嘅 唔係起沙果種 不過

香草芥苿籽燒紐西蘭羊架配燒汁及薯菜$98烤美國穀飼西冷扒配黑松露野菌汁及意粉$88。晚餐送杯嘢飲同忌廉或什菜湯，加十蚊轉酥皮湯。選晚餐或主菜類可用$25加購法式田螺焗薯蓉或芝士白汁焗西蘭花，我地兩個都叫晒。跟餐紅莓蛋糕仔第二度好少見送，配湯都幾合適。田螺焗薯蓉同芝士白汁焗西蘭花同一碟上，唔算大份，但芝士白汁同D薯蓉一齊食就加番唔少分。個牛扒同羊架熟成度都剛剛好，跟餐薯菜意粉都無大問題。燒汁都唔錯，份量多D會好啲。羊架唔會太肥。最後仲有點品送，CP值ok啦！

星期日lunch去邊好，約好榴槤妹陪我行旺角，我哋就上open rice睇下有咩餐廳，好食又抵食。我哋就擇選了太子西洋菜南街的“初心冰室”，餐廳位置剛在華星對面，但食客竟然比華星多，究竟係咩一回事呢？我就同榴槤妹在門口等了5分鐘，好快就可入坐，餐廳裡面全院滿座，而且人流都快來快去，等位時間不會太長。坐位多數是卡位最多， 繁忙時間就要搭枱囉，好彩佢哋上菜快，而且食客們多數食完就會讓座，相當有秩序及規矩， 大家嚟到嚟“初心冰室”都係為咗食好西啫。lunch set 選擇都多， 扒類、意大利粉及飯，任君選擇，想light d仲有沙律套餐，邊種類型通通都有得揀。我睇見對面枱叫的食物，樣樣都份量十足，價錢仲好合理，同茶餐廳價錢差不多。首先講番個雜菜湯，超好飲，熱辣辣，有香濃番茄味，冇肉只得蔬菜都非常好飲，連食素人士都啱呀。至於我哋叫咗一個黑椒西冷牛扒薯菜及燒汁雞扒薯菜，牛扒同雞扒大大件，有一隻手掌咁大架，薯菜仲好多，多到根本食唔晒，但最後我都完全食晒落肚，咁美味真係唔想浪費。味道方面，我比較喜歡雞扒，似雞脾肉質，煎得雞皮香脆，加埋個燒汁更添滋味。連餐飲都大大杯，午市套餐由40幾蚊起，真心超值呀～

到左食飯時間，去到呢間冰室，感覺好特別，餐廳名 “初心”已經好吸引我，而餐廳環境都幾靚，坐得好舒服，下午茶餐都有好多選擇，今日唔想食得太heavy, 好彩有個午餐係沙律餐，餐湯配上雜菜湯，呢個湯好好飲，好夠濃，仲好多料。沙律餐可配煙三文魚片或燒雞，我就麻麻地鍾意食煙三文魚，所以無得揀啦🤣🤣燒雞都幾好食，配上沙律菜一齊食會好夾，唔好以為食沙律會唔飽喎，呢個餐都幾大碟，我可以清晒，而且仲好飽，呢間都會係我再幫襯的list🤣🤣

初心冰室放眼看去就是一家新式的冰室保留了傳統冰室的特點卻又是現代化的衛生條件和設備晚上來的時候人流挺多的始終是旺角 也難免了・香草羊扒 ＄98羊扒有3塊 份量可以羊扒會有一點點油脂但不會太騷不吃羊的朋友們可以一試旁邊的醬汁不是傳統的薄荷醬汁但我覺得還可以 反正不沾醬的味道也夠・烤美國穀飼西冷牛扒 ＄88點了5成熟煎得剛剛好 肉質鮮嫩感覺不會太油份量多意粉不會煮得太爛加上醬汁 很是開胃・雜菜湯忌廉湯最後還有甜品送

呢間冰室比起一般冰室嘅裝修好唔同, 檯上用左好多小磁磚砌成唔同圖案, 非常特別｡餐牌菜式以西式為主, 價錢都唔算好貴, 有提供 Dinner Set 套餐, 即使散嗌主餐牌上嘅主食類菜式, 都可以加錢轉為套餐｡ 酥皮忌廉湯酥皮焗到鬆脆可口,  配埋熱辣辣 & 好 Creamy 嘅忌廉湯一起飲, 無得頂｡香煎肉眼扒配露筍賣相唔錯, 肉眼扒亦比想像中大份, 而且絕對唔係普通茶餐廳貨色｡ 原本嗌 7 成熟, 但黎到就熟左少少, 不過就無損口感, 肉質仍帶有牛香, 配埋黑椒汁食味道更加昇華｡ 薯菜係即炸薯角, 仲有烚西蘭花 & 椰菜花, 而露筍亦非常鮮嫩｡

酥皮忌廉湯 + 蒜蓉包焗酥皮忌廉湯可說是童年的至愛。尤其是酥皮焗得鬆脆可口，牛油香氣四溢。配合湯一起用，特別美味。其實，不知道是喜歡吃酥皮，還是喜歡喝湯。沒關係，總而言之就是美味。蒜蓉包更加是最佳配角。香辣茄醬煮大蜆蜆肉好新鮮，煮嘅時間剛剛好，唔會過 “老”，好鮮嫩。煙肉、洋蔥，配合香辣茄醬，非常好食。芝士焗鮮茄豬扒飯香濃炒飯底 + 厚切嫩滑豬扒 + 大量芝士配合鮮番茄醬焗製 = 港式美味香煎肉眼扒配蘆筍雖然唔係什麼頂級貨色，但未至於提供 ”發水” 醃製牛扒。有真真正正的牛肉味。當然油脂味道略嫌不足啦。但以此價錢，算係超額完成。

今天和朋友7:30pm到這初心冰室 呢度一直都做開冰室 間隔同之前嘅差唔多最有特色嘅都係佢啲枱 用咗一啲好有特色嘅陶瓷階磚嚟裝飾 呢度嘅晚餐好豐富 好多選擇 真係好吸引 最重要係價錢真係一啲都唔貴好似食個意大利飯咁 出面閒閒哋都要百幾蚊 呢度呀包埋餐都係80蚊咋！！！咁我今日同朋友就各自叫咗兩個餐 就《係羊架配薯菜 $98》同主餐牌入面嘅 《煎三文魚意大利飯＄108》另外加28蚊呢就可以轉成套餐㗎啦 咁就有餐飲同埋餐湯!!喺呢度 羊架有兩大塊 再有好多好多嘅炸薯角 係仲要係粗身嗰一隻呀羊架會另外配上一兜汁 係蘑菇汁 係超濃嘅蘑菇汁呀！佢有三成五成同埋七成俾你揀 我嗰陣時就叫咗七成入口一啲都唔會un  係啖啖肉好好食不過可惜上枱嘅時候唔夠熱 呢方面就失色咗但整體上個肉質同埋味道上都唔錯呀 唔會太騷但又唔會冇味意大利飯就真係一流 我出名係意大利 飯愛好者 但係唔係間間都可以整到好好食 本身見價錢咁平都冇乜嘢期待 點知呢到真係好香好creamy 係真係粒粒分明 食落去係軟硬兼併 煎三文魚就畀咗半邊仔嘅肉嚟 不過唔知係咪因為意大利飯太香已經蓋過咗三文魚嘅魚香 所以其實我唔係幾食得出三文魚嘅味道

近來約另一半放工後吃晚飯，大家都帶著非常疲累的心情，今晚想和另一半去一間比較舒適的地方relax一下, 我提議來這裡 "初心冰室"。餐廳位於旺角，對我們來說是十分方便，而且不用等候就可以入座本身都打算點set dinner, 看看價錢也不貴, 牛排餐都只是$88, 有餐湯餐飲附送，我們二口同聲點西冷牛排餐湯味道一般, 但是餐包很有驚喜，香口又開胃, 所以沒有牛油都不覺得失色。牛排一上餐的時候已令我和另一半很有好感, 貌相非常美, 牛排放在瓦碟上好像一幅藝術傑作我和另一半點五成及七成熟，牛排很鬆軟亦很香口，而奉上的黑松露野菌汁把這個牛排的精華散發出來，可以説回味無窮！最後歎番柸餐茶relax多一會，餐廳不是很多客人，我們可以任由待很久都不怕, 喔！原來還有雪米糍

上個星期地鐵有半價梗係要出去行下啦 出完銅鑼灣再返旺角 對於我呢個九龍人 都係mk最多嘢睇同多嘢食行下行下肚餓見到有一間叫做初心冰室 冰室兩個字近來真係好吸晴冰室既裝修係行復古路線 佈置好優雅 舒服習慣放假早食晚餐既我地 六點幾時間就食 唔使等位之餘 又可以早D食咗飯繼續行街作戰晚餐有多選擇 有羊扒同西冷扒 仲有海鮮飯 湯天使麵沙律都有幾款 有選擇困難嘅我真係都唔知食咩好😆最後決定選咗 香煎黑毛豬鞍 同埋香煎挪威三文魚扒落單嘅時候侍應 仲話個黑毛豬鞍係優質豬 所以有得揀煮幾多成熟 真係好似高級餐廳一樣但係價錢又唔貴 件黑毛豬鞍 真係同平時食開嘅豬扒唔同 佢啲肉同肥膏食落好甘香 又有肉味香煎挪威三文魚扒 三文魚夠新鮮 配埋個香草忌廉汁 煎得又香又滑晚餐有飯,意粉,薯菜揀 仲送埋飲品同甜品 份量都頗多 價錢抵食 值得一試

最近不停食茶記、冰室之類既店～再唔係就深水埗食麵🤣成陣呀叔味出曬黎～終於遇到間無乜呀叔味既冰室😎·我同男友都係叫dinner set，貪佢包齊餐湯、飲品😝·烤美國穀飼西冷扒配黑松露野菌汁💰HKD88唔知係咪用烤、唔是用煎，感覺上無咁油膩，我揀左七成熟，但嫌略有些少熟🙈但佢就係大大塊，咬落都幾嫩唔韌，對得住價錢啦😛·黑松茸海鮮蛋包飯配日式咖哩汁💰HKD78我家男人好似見親蛋包飯都會叫🤣我都試左佢幾啖，咖哩汁唔算好濃，反而好香松茸味，飯粒分明無炒埋一pat😙-🤩打卡優惠活動以半價$40享有半隻焗龍蝦🦞👇🏻見到有優惠活動，女人仔心態都係衝住去試，上枱之後係店員面前post相上Facebook 再打卡，就可以有優惠啦🤪大大隻仲有埋鉗😍抵食！🤣我地仲每人加左$10轉酥皮湯，純粹個人喜好😂影相靚啲嘛🤭·我仲轉左雪糕紅豆冰🤤🤤而家唔多餐廳會有，見到真係會忍唔住想食，大大球雲尼拿雪糕😍紅豆粒粒好多，甜度適中！正！·最後仲有雪米糍送～sweet~

無意之間係旺角發现一間懷舊歺聽，叫做初心冰室，就相約太太放咗工一齊去，間歺聽係西洋菜南街，因時間尚早，可以係花園街行一陣先，行咗半嗰鐘買咗少少嘢，先再行去初心冰室，入到去座低，嗰環境都幾特別，枱面嘅玻璃好有懷舊色彩，睇咗歺牌，太太選擇咗一嗰香煎帶子露筍闊麵，我要咗香煎肉眼扒配露筍，加多28元可以轉歺，有歺湯同麵包，重有杯嘢飲，太太嘅闊條麵先上，帶子煎到兩边金黃色，闊條麵嗰汁非常好味，撈埋食一流，無幾耐，香煎肉眼扒都到，我選擇咗七成熟，切開後中間重係有少少生嘅，啱嗮我，沾埋少少自家制嘅酱汁，特別好味，配菜薯條炸得外脆内軟，沾埋茄汁，真係絕配，歺飲要了凍咖啡，味道好濃郁，食飽坐多一陣就埋单走人。

從來未试过咁嬲，話說今日放工嘅時候，經過旺角西洋菜南街，見有啲肚餓，就入咗一間叫初心冰室嘅餐廳，諗住食过靚牛扒先返家，点知貨不对辨，叫佢五成熟，佢同我整咗七成，味道又差，完全不是味兒，都算啦，湯又冇呢味道，麵包超细，要加一又唔出声、餐牌又冇寫，下次都係唔好再嚟，去过第二間好啲。