影片
港鐵將軍澳站 A2 出口, 步行約6分鐘; 至善街公眾停車場旁邊
繼續閱讀
電話號碼
21171884
開飯介紹
位於將軍澳的火鍋店，提供火鍋放題，有七款火鍋湯底選擇，其中推薦蟲草花南瓜鍋，養生美顏。餐廳可以單點刺身、海鮮船，亦可以額外追加極上肥牛，能無限添飲非酒精類飲品，並提供飯後甜品。
繼續閱讀
營業時間
今日營業
07:30 - 15:30
17:00 - 23:00
星期一至日
07:30 - 15:30
17:00 - 23:00
*最後落單時間：22:30
以上資料只供參考, 請與餐廳確認詳情
有關獎賞計劃
相關文章
原來將軍澳有間超抵食雞煲火鍋放題，一個價錢包左宮廷小食，刺身，雞煲，火鍋，海鮮拼盤，嘉士伯啤酒都係任飲，仲有好多款非酒精飲品選擇！最平係星期一至四，成人$298 一位，食足150分鐘！😍餐廳有個L型魚缸，好多生猛海鮮。宮廷小食(每天5款，可追加)1松露蝦多士2涼拌雲耳3麻辣鴨血4椒鹽三文魚頭腩5黃金雞翼🐟三文魚刺身雖然不可追加，但有6大片，新鮮肥美，都好夠喉😆🐥招牌雞煲(可追加)先食雞煲，揀左小辣，有大量紫洋蔥，炸腐竹，辣椒，豬皮，醬汁調教得超級惹味！主角雞件好嫩滑，入晒味，份量都幾多，食晒一煲好滿足😋🍲食完雞煲就揀個湯底開始打邊爐拉😆湯底都有成十款選擇，揀左蕃茄美人鍋，好清甜，有大量蕃茄，玉米，紅棗，好滋陰🤤🐟海鮮拚盤(每天6款，非任食)1海蝦2廣島生蠔3龍躉件4海蜆5日本元貝6翡翠螺🌟樣樣海鮮真係好新鮮，最愛龍躉件,厚切鮮味彈牙！👍🏻火鍋配料試左好幾款:1極上肥牛2黑豚肉3手打牛丸4水餃王5午餐肉6年糕福袋7日本蟹柳8蔬菜拚盤9響鈴🌟肥牛同黑豚肉質好軟腍，肉味濃，encore左幾次🤤手打牛丸好juicy 彈牙👍🏻水餃王大大隻，皮薄餡靚。🌟餐廳食物選擇太多，其實每樣食物都試一次，都已經輕鬆回本。由頭食至落尾，150分鐘食得好輕鬆😎
繼續閱讀
位於將軍澳唐俊街嘅❣︎初心❣︎雞煲火鍋任食放題，平日星期一至四只需$298咋，仲要任飲醇滑嘉仕伯啤酒😍，冇酒精飲品都係任飲架，性價比真係好高👍🏻呢到環境舒服，座位寬敞，地方又乾淨，超推薦呀🩷❣︎頭盤會有5款小食❣︎(可追加）啲小食好高質，絕對冇hea你，麻辣鴨血麻辣味濃郁，鴨血口感扎實👍🏻椒鹽三文魚頭腩，入口仲暖架😋炸得好香口惹味。❣︎三文魚刺身❣︎(一客)一大盤冰底上，有埋插花裝飾，夠晒誠意😍❣︎招牌雞煲❣︎(可追加）可以揀辣道，啲雞整得好嫩滑😋，仲有豬皮同支竹做配料👍🏻索晒啲醬汁，非常惹味，超正👍🏻❣︎火鍋湯底❣︎有成十款選擇，我地揀左澳門豬骨鍋，用一個宮廷設計嘅鍋上😍霸氣十足，入面有兩大舊豬骨，粟米同胡椒，底湯超足料，用佢來打邊爐已經好夠味，唔需要沾醬料都得。❣︎環球海鮮拼盤❣︎內有海蝦，大鮑魚，廣島生蠔，龍躉件，翡翠螺，海蜆，全部都好新鮮😋食到呢到已經覺得超值回票價。❣︎火鍋配料❣︎佢會比一堆火鍋配料你先，安格斯牛小排同黑豚肉都唔錯，入口軟嫩有肉香，有成五十幾款火鍋配料比你無限追加😋👍🏻啲配料都好有水準架，仲有我至愛嘅雞子添👍🏻食飽之後每人仲會有糯米糍甜品享用。
繼續閱讀
入秋啦🍂又係時候打邊爐。之前經過都有留意到呢一間舖, 原來佢哋除咗做點心小菜，仲有個超抵食嘅雞煲火鍋放題。平日星期一至四只須$298 /位，價錢包左宮廷小食，三文魚刺身，雞煲，海鮮拼盤，火鍋，多款飲品種類任飲，加士伯醇滑啤酒都係任飲傢。仲要食足150分鐘。入到嚟第一嘅感覺係每位店員都好客之道，好熱心詳盡講解店舖有啲乜嘢食，每款項目包啲咩，難得一見。(1)宮廷小食 （可追加）松露蝦多士麻辣鴨血涼拌雲耳椒鹽三文魚頭腩鹽香炸雞翼(2)三文魚刺身雖然唔可以追加，但每一塊都是厚切肥美。(3)雞煲 （可追加）雞件滑溜，比出邊雞煲不會太死咸濃味(4)火鍋湯底都有10款選擇，酸菜魚或椰子文昌雞鍋需要額外加錢，最後我哋就揀咗個養生蓮花鍋，貪佢清清地咁先食得出配料嘅新鮮。另外就係要睇住嗰朵蓮花放落去嘅儀式感🤭(5)環球海鮮拼盤每天會有六款（非追加）當日拼盤有海蝦，廣島蠔，翡翠螺，龍躉件，蟶子皇，花甲。 全部都好新鮮鮮甜。好比一些大集團。配料我會推介以下幾款👍👍手打牛丸：彈牙重牛味極上肥牛：看起來很瘦，但一點都唔嚡口，重牛香味。鮮鵝腸： 一上菜就見到肥膏滿滿非常新鮮，絕不是雪藏品質。鮮雞子：粉紅嫩滑。日本蟹柳：超大條，口感滿滿。水餃：大大粒，滿滿的餡料。飽滿的一餐，店員再送上兩粒雪糕糯米糍，作為完美的句號😍
繼續閱讀
雞煲＋火鍋放題真係無敵配搭黎架，位於將軍澳The Parkside 既初心，我哋入座時，餐廳已經坐滿人，門口仲有幾組客人因為全滿而無法入座，足見佢哋受歡迎程度。坐喺門口附近，感受到店內嘅熱鬧氣氛。服務員態度非常友好，落單之後，食物上得特別快，幾分鐘就已經有食物上檯。首先嚟咗個雞煲，雞肉嫩滑得嚟，湯汁濃郁但唔咸，真係好好味！同時，店員仲送咗好多款小食，包括香脆嘅蝦多士、鮮美嘅三文魚刺身，仲有第一次既紅酒浸過嘅繑頭，呢個好食，好特別。左湯底之後，火鍋會跟一份海鮮併盤。拼盤入面有鮑魚、大蜆、新鮮蝦、蠔、魚片等等，見到已經急不及待起筷子了。其他配料如手打牛丸、手工水餃、魚皮同新鮮蔬菜都一應俱全，所有食材都好新鮮，尤其是海鮮，口感無得彈！初心火鍋店唔單止有美味嘅菜品，仲有貼心嘅服務，下次要再約多幾個朋友黎初心打邊爐！
繼續閱讀
要先吃飽才有力量去減肥！這餐真的吃得很飽、充滿力量😃店員很友善，而且講解很清楚：放題套餐（$328，星期一至四只需$298，要加一）有五款小食、三文魚刺身（先上），然後便是雞煲，接着便是海鮮火鍋。除了刺身和海鮮外，其他食物都可無限追加！實在太豐富了，而且每款食物也很美味！- 雞煲以多種不同配料烹調，雞件十分香濃入味。當中還有豬皮和支竹，也很入味。- 刺身和海鮮十分鮮甜，而且海鮮種類很多（龍𧄌件、鮑魚、螺、蠔、蜆、海蝦、吊桶）- 火鍋湯底選了藥膳醉雞，雞件十分嫩滑。-火鍋食品中，巨大的蟹柳叫我驚訝；手打牛丸十分彈牙；蔬菜很鮮甜。
繼續閱讀