別府駅前料理 (青衣城1) (已結業)

✨ 牛肉平平烏冬+雞飯團 呢個烏冬嘅牛肉肥而唔膩，肉嫩多汁，而且牛肉香味濃郁。 而平平烏冬面比較粗寬，應該手工麵，咬落去堅韌又有彈性，湯底清甜爽滑，呢個套餐仲有一個飯團，雞肉飯團味道一般，但尚算抵食，完全填飽左個肚，期待飯糰可以整得更加好 ✨ 豬軟骨煎蛋飯呢個飯有三件豬軟骨，全部都醃制得很入味，相信應該醃咗好耐，而質地方面，軟骨酥脆而有彈性，肉煮至入口即化😈 煎雞蛋外邊非常之脆，蛋黃未熟可以篤穿佢撈埋同豬軟骨珍珠飯一起食

#chuchu食在青衣📍 別府駅前料理 嗰日同🐷仔係青衣睇戲就快快脆脆食野，入咗呢間🐷食過外賣，唔難食嘅！試吓佢堂食！有得食一人火鍋，🐷仔想食不過我哋唔係好夠時間！總結行開可以食下，唔洗專登黎—————————————————————❣️ 御善二人前 $288因為唔想諗就嗌左個set唔洗煩！🥗豆腐胡麻沙律好大兜！面頭有木魚絲，麻醬都幾多，可以撈晒青瓜絲同沙律菜，開胃！幾fresh！🥟雞胸軟骨餃子餃子幾好食！入面係有啲較骨幾有咬口，好有口感！不過個皮煎得有啲乾！🐟鹽燒鯖花魚燒得好香！即刻燒，燒到個皮卜卜脆！淡淡嘅魚油香，唔會太腥！🍜黑蒜油腩肉拉麵欣賞佢腩肉會煎左先，煎得好香，不過拉麵就有啲普通，糖心蛋好食！湯底係似出前一丁黑蒜油湯底，鹹左啲！🥘海鮮味噌石頭炒飯🐷好鐘意食石頭鍋飯嘅飯焦，呢個除咗飯焦就唔好食，因為佢啲海鮮係魷魚同蝦，冇乜味🥲🍇巨峰乳酸梳打🐷仔飲，唔知乜味，不過佢飲曬🍋柚子蜂蜜梳打幾好！唔會太甜！.❣️三文魚壽司（2件）$17嗌完個set，🐷仔仲話要再嗌野食，所以就比佢嗌個壽司！但呢個三文魚係同爭鮮一樣級數🤣—————————————————————不專業評分👅好味指數:6/1

約咗個好耐冇見嘅朋友喺青衣見面 所以都想搵間可以坐得耐啲嘅餐廳 update一下彼此嘅近況 友人就揀咗呢間餐廳😮我哋兩個費事揀食啲咩 所以就叫改御膳二人前A🙊豆腐胡麻沙律見到面頭嘅木魚絲就已經有食日本菜嘅感覺 沙律胡麻醬幾多 足夠撈晒青瓜絲同沙律菜 係幾fresh嘅前菜😚雞胸軟骨餃子餃子煎得比較乾 咬開亦都冇咩肉汁 預期雞胸軟骨會比較有嚼勁 但係都同一般餃子餡冇咩大分別😂鹽燒鯖花魚鯖花魚燒得幾香 食到淡淡嘅魚油香 但係又唔會太鹹或者太腥🐟黑蒜油腩肉拉麵湯底就係即食麵嘅黑蒜油湯底🍜 所以都比較鹹 腩肉煎得好香口 不過拉麵就有少少過淋 特別欣賞佢嘅蛋 生熟程度啱啱好 三文魚石頭炒飯冬天食呢個就啱晒啦 夠晒熱 可以暖身 都有些微嘅飯焦 不過三文魚唔係好多🤭巨峰梳打 柚子蜂蜜梳打兩杯飲品都超甜 飲到一半就唔飲啦 飲返餐廳免費提供嘅熱茶😓食物質素都中規中矩 係一間好正常質素嘅日式連鎖餐廳😗

今晚同朋友去青衣城試左別府駅前料理。晚市及外賣大餐牌有85折，我地兩個人order左雜錦刺身飯，韓式部隊鍋及吉列蠔。首先講下雜錦刺身飯，有牡丹蝦一隻，三文魚，吞拿魚，八爪魚，黃金魷魚，甜蛋，帶子等，每款一至兩件，材料豐富，都幾新鮮，飯用左珍珠米，飯質煙韌。而韓式部隊鍋有年榚，午餐肉，冬菇，泡菜，金菇，香腸及娃娃菜，辣度適中，附有嘅烏冬好彈牙，都幾大碗，足夠兩個人食。而另加嘅吉列蠔有三隻，都算大隻，炸到金黃色，配有蛋黃醬，入口香脆。喜歡食日本野嘅朋友可以去試下😉

Maybe I've ordered wrong meal.That Beef meat has no taste.,not jucy,and very hard😓😓 How come they serve such food to us? Will never go back againたぶん食べるものを間違えたみたいです。注文した焼き肉定食の牛肉ですが、味がなく、パサパサで硬かった。よくあんなもの出せるなと。もう二度と行くつもりはありません。

我一個懶得打字嘅人都要上嚟打食評…話說我同兩個朋友準備去樓上會所玩，趕時間下只得呢間野條隊排得快啲，（幾年前食過刺身飯..勁唔新鮮 北寄貝都可以放到變黑，玉子都可以難食….之後就幾年都冇再食）諗住隔咗咁耐，仲爆場，食物質素應該有啲改善掛，俾多次機會佢….入到位坐成地都係水….隻腳冼來冼去唔知擺邊好….，朋友食鰻魚飯…都成$100左右，佢係咁話啲飯好難食，然後我剪咗三款散叫刺身，我想講個帶子唔新鮮都算，點解可以連北寄貝都發黑又乾，好似食橡筋咁……得啲三文魚係接受到…..響我就快食完啲刺身嘅時候，另一個朋友嘅海地獄拉麵終於嚟啦，原本我哋預算15分鐘內食完要趕上去會所，點知我個朋友食咗5分鐘就話食完….唔係佢食得快，係佢話啲麵真係唔好食，衰過味千…..放棄左大半麵…..真係地獄拉麵…..就咁睇Menu已經貴，仲要+1，我想講，我哋趕時間都預咗食啲冇咁好食嘅餐廳，但係點解佢可以難食得來咁貴但係都爆場🤮🤢？啲人係咪冇味覺…定還是大家都趕時間…完

今晚2個人食飯 商場見到有日本菜 食拉麵同追加了小吃甜蝦刺身 大隻鮮甜 賣相又靚仔有光澤,好食小吃 炸芝士年糕 炸蠔 炸雞 每樣2件 無骨日式炸雞夠香脆 炸蠔咬開夠鮮味 芝士年糕有拉絲!辣豚骨濃湯麵 2片叉燒 湯底又濃又辣好重口味 叉燒夠肥嫩成層腩肉好甘香 麵條夠掛湯另一碗係黑蒜油豚肉拉麵 一隻蛋一件叉燒 粟米蔥花海帶配料黑蒜帶點焦香味 麵條都係一樣夠彈性掛湯好食 配料再豐富D 樣樣都有D 隻滷仍半熟夠滑夠香駅前料理消費$300評分7/10青衣青敬路33號青衣城301號舖

今次其實係我第一次食別府，見佢下午茶價錢都ok,就諗住試下佢啦。我地叫左滑蛋鰻魚飯同溫泉蛋牛肉飯，一個小食同兩杯飲品。飲品出奇地都有問題，杯熱檸水居然係有層油，要叫佢地換過杯比我地咁個滑蛋鰻魚飯就正正常常既，洋蔥炒得幾甜(應該係落左糖)，但係飯煲得略嫌有啲過濕，醬汁一般，以價錢黎講叫做食得過。但係個牛肉飯真係好唔掂。女朋友太餓所以未影相就食，我唯有係度用文字形容。白飯底再牛肉放面然後再加七味粉同一隻溫泉蛋，內容係咁多，但係七味粉係近乎無味，再加埋啲飯又係有啲濕，成個口感變得好奇怪。唔止係咁，牛肉有陣奇怪既牛臭味，配飯食係真係好難食，好似廁所既味道，呢個飯真係難食到想退貨!然後芝士年糕係我地食哂兩個飯既十幾分鐘之後先黎，因為都唔係重點野所以唔影了。大細唔同出面啲放題，就同個QQ波差唔多，黎到個陣有個都炸過龍爆左啲芝士出黎。因為係黎貨野，想試既話可以。呢次體驗可以話係相當差，我地食完係勁失望，黎緊應該都唔會再敢黎食

今日隨便喺青衣入去食嘢 一家幾口咁樣見佢無咩人唔洗排就入去...食完知道點解唔洗排三文魚 正常花之戀 幾份豬軟骨拉麵 湯底 完全冇味道 豬軟骨就 偏鹹味 唔係諗住咁樣可以中和？？吉列炸蠔...凍既 3粒都凍 即刻叫啊媽唔好放入口...天婦羅 炸到兩隻蝦黐曬一齊 粉太多同埋全部都係凍嘅 全部都係冷食梳打特飲全部太甜食完就好想參觀下個廚房 究竟出咗咩問題真係出曬事 但呢間嘢喺青衣都立咗好多年 點樣可以做到嘅呢， 可能下次乖乖哋食壽司冇事

假日，和媽媽到青衣城逛逛，順便找地方吃午餐，港鐵青衣站往東涌的月台，設有出閘機，直接連接青衣城３樓，很方便！別府就在３樓，門外有人等位，加上看到門口標籤寫着：日本靜岡米使用，我們決定等位，在這裡吃午餐，等了約20分鐘才安排入座。點了：#鹿兒島豚肉便當三文魚刺身厚切兩片，這個味道可以！炸薯餅１件，太油膩！太卷２件，米飯鬆散，失望！鹿兒䐁肉，醬油放多了，好鹹！米飯，中伏，太硬，完全沒有日本米的軟糯質感。#燒鰻魚溏心蛋飯，也是吃不出是日本靜岡米！#味噌湯，本餐最好味，是這個湯。#熱咖啡，又苦又澀，勁難喝！失望的午餐！

今日嚟到呢個青衣城一個有港鐵經營嘅大型商場咁之前儲地鐵積分就換咗啲現金卷啦所以今日就嚟呢個青衣城消費券lu但其實都唔知買咩好但係食嘢就一定要食嘅咁我哋喺青衣城揀咗食呢一間別府啦我哋睇完個餐牌決定一人叫一個食嘅特級安格斯牛肉壽喜鍋 $98呢個係有個科文同埋係有啲生牛肉牛肉網絡質素都唔錯肥膏唔算多鍋物入邊嘅材料都豐富嘅有冬瓜有蘿蔔又豆腐金菇等等跟住呢個我都唔記得咗佢有冇係跟飯定係面麵喇因為我哋有呢兩個人食而我同女朋友嘅食量都唔算大所以嚟咗一個公仔麵我哋都差啲食唔晒咁滯一個公仔麵都夠同夠晒我地兩個食呀仲要食到好飽啊韓式部隊鍋$88呢個韓式部隊鍋都係材料豐富嘅有午餐肉啊有年糕泡菜生菜蘿蔔睇吓兩個鍋都好少湯但係都唔緊要因為可以叫佢幫手加嘅最後我覺得今次食得好飽所以我覺得今次啲餐都幾滿足

剛食完個九州拉麵，同我之前食嘅係完全兩樣，不講其他，只係麵底已經完全不能接受，淋到好似食緊粉團咁，不過自己因為吾好意思而沒有要求更換，所以這次應該是我最後一次幫襯呢間食店了

去迪士尼之前諗住 去青衣城食啲嘢因為迪士尼入邊啲嘢好難食 我叫咗個烏冬食唔記得咗叫咩名啊幾好食 一串嗰個係雞肉丸🍡分量同味道都幾好呢個係超級好食嘅 炸魷魚鬚有少少蔥油香味有種好特別嘅味 唔知係咪時興隆咖喱味另外朋友叫咗滑蛋豬扒飯都幾好個蛋幾滑

服務態度好差，做野好慢， 碗烏東好耐先嚟，出來那碗烏冬嘢好凍。 我哋畀錢買佢嘅服務和食物，竟然可以做到咁， 真係超級失敗。這次是我出來食東西最差的體驗。過，希望貴公司可以改善員工的效率和服務。

別府駅前料理 (青衣)-而家別府有抗疫優惠價，無論堂食外賣都好抵！特別外賣真係超抵，低至30幾蚊已經有得食。今次堂食就食咗個鰻魚飯，超級抵食60已經有得食鰻魚飯！食落去正正常常，有兩塊大大嘅鰻魚😍 不過就覺得鰻魚汁多多少少會更加好😛 雞胸軟骨餃子棒食落覺得冇咩特別，不過作為小食幾抵食😛 不過個人鍾意食普通餃子多啲🤭🤣-🔍 鰻魚飯 $60🔍 雞胸軟骨餃子棒 $25-📍別府駅前料理 (青衣城) (青衣)青衣青敬路33號青衣城301號舖