利寶閣 (已結業)

好耐都無出街食飯啦！仲黎到食大閘蟹既時間，咁岩見到利寶閣做緊大閘蟹放題，梗係要去試下啦～2小時任食大閘蟹、片皮鴨同甜品，仲有原盅螺頭花膠湯、蠔皇8頭鮑魚花菇同8年太雕醉蟹，好似都唔錯喎！片皮鴨係自助式既，但都係有專人即時片出黎，一出爐好快就俾人攞晒啦～原盅螺頭花膠湯，真係有螺頭同花膠架蠔皇8頭鮑魚花菇都入味，但一人得一份咋8年太雕醉蟹都幾大隻，而且好香花雕味，呢個係凍食架，如果想再食就可以用$20商追加～大閘蟹都有3款揀，有清蒸大閘蟹、花雕蒸大閘蟹同鹽油焗大閘蟹雖然望落去細細隻，但入面都好多蟹膏架～清蒸就原汁原味，鹽油焗就帶少少鹹香花雕蒸呢就有酒香，蟹肉更加鮮甜如果唔夠飽仲可以食生炒糯米飯，都係任食架食完大閘蟹梗係要飲薑茶啦～呢個薑茶湯丸幾好，薑味夠，又夠辣，湯丸係芝麻餡～另外仲叫左個黑糖蜂巢糕，都幾得意，唔無好甜，質地煙煙韌韌～歎左2個鐘食飽飽就走人啦～

見到網上宣傳，利寶閣有大閘蟹放題，於是約家人共六人去吃。第一次去觀塘利寶閣食野，覺得環境不錯，交通方便。若兩天前到網上團購，可每人平40元，但我不喜歡未食就付款，所以選擇電話訂位付全費。去到以為會分兩張枱，誰知給了一張圓枱，中間放了一塊不透明的膠板，若是透明的就好好多，大家可以見到面，傾到偈，但不透明的，看不到對面的家人，大煞風景。可以任食的只有大閘蟹、糯米飯和片皮鴨，還有的就是幾款甜品，只有那麼少選擇，有點失望。枱面很擠迫，唯有玩層層疊疊，招呼唔算好好，已經無位放野，收野又唔快，吃得不舒適。叫甜品上得較快，叫大閘蟹上得較慢，要未吃完就叫定下一輪，否則兩小時好快過。大閘蟹有大隻有細隻，多數都係三兩幾重，但無論大小，全部都好多膏，可惜上枱的都是暖，能再熱些就更好，如果只為大閘蟹而來的，沒有其他要求，可以一試，如果只吃一兩隻大閘蟹就夠的話，就不太適合。家人中，有三位愛吃大閘蟹，共吃了不同味道的八隻，覺得不錯，家人中亦有三位只想吃兩隻蟹的，就覺得食物款式選擇不多。468元一位，提早網購減40元。茶位16元，另加一服務。

琴晚去左觀塘利寶閣食大閘蟹放題，之前睇holidaysmart介紹佢的蟹有公有乸又多膏，而自己本身都比較中意食蟹乸，所以都幾期待。結果琴晚我地兩個人去食，總共叫左24隻蟹，竟然！全部！都係公！！！問過店員佢話冇得揀。講返蟹既味道先，個人認為膏唔算多，不過味道都可以既，蟹比較細隻，除左膏都冇咩可以食。至於佢所講嘅花雕蒸/清蒸/鹽焗，個人覺得都係同一個味，好似冇咩分別。飲品方面就只有茶，其他野要加錢。另外，店員的服務態度都唔多好，同埋就快夠鐘果時都冇話提醒下就夠鐘或者問下last order仲要唔要加野咁，到夠鐘果時就直接隊張單過黎。唯一有一個短頭髮的店員態度比較好，笑容幾親切，其他都比較惡。總捨而言，食唔到蟹乸好失望

呢間野無論去到邊間分店都係食到一肚氣的。其實食物係好食嘅，環境亦好。但服務就連大排檔都不如。以前經常去上環嗰間但有個阿姐真係超級衰。有次間嘢冇乜人佢安排咗一枱畀我哋，但係嗰度太大風我哋行過咗兩枱坐，然後佢就不斷畀說話我哋聽，話攪到佢要行多啲路。然後過咗幾個字開始坐滿人喇，我心諗我哋之後嗰啲枱你係咪唔洗行過去做呢😤上星期試觀塘呢間，個燒買等咗半小時，催咗兩次，個賣相好似鄉下婆嘅亞姐先好敷衍咁同我哋講已經落返了😤咁即係漏咗單啦😤然後再等多廿分鐘再催，呢位阿姐竟然用趕客嘅口吻回覆“未得呀你唔等就埋單走啦”疫境下全幢大廈得佢一間唔使等位係有原因的😎

見疫情緩和了，想和家人鬆一鬆開開心心吃暢快，見觀塘利寶閣有午市点心放題，諗住也oK，訂了位說有八折，最终也要150一位，說平也不平，选擇也不多，落了單半小時，一樣東西也沒來，我們劃了鮑汁鳳爪及咸菜豬肚，我們座位旁邊就是有個呀姐喺度(畢)鳳爪豬肚的攤位，我叫那位呀姐过泥問佢:我地食放題，落咗單半個钟，一樣也未有，我地有叫鳳爪同咸菜豬肚，点解唔比我地！佢畢泥畢去畢哂冇野再畢都唔輪到我地，佢話入哂單啦，等吓啦！見到咁樣……已經冇哂興趣再吃！一直只出散叫食客的点心，放題的就一味拖，唔想比人食，咁冇誠意，就唔好做放題，美其名任叫任食兩小時，半個钟什麼也冇得食，浪費時間兼掃興！

日式放題、韓式放題冇咩特別，中式放題毫真係第一次。利寶閣星期六﹑日$168可以任食超過50款既中菜，即叫即做，本身只係想飲個茶既我都轉左食放題。首先按人頭送上原隻鮑魚酥同足料花膠灌湯餃。放題同平時飲茶一樣有張點心紙，即叫即做。更可以唔使一籠籠咁點，單一件都照上，好大彈性，唔使再出現我點完之後冇人食，跟住一個人食3個包既情況。除左一般點心蝦餃燒賣個啲之外，我地仲點左唔同既野食，有脆皮蝦餃、薑汁雞包仔、豬腳薑等等，一於點哂平時少食既野食過下口癮。

係點心放題！觀塘鱷魚恤中心呢間「利寶閣」竟然有假日午市2小時點心放題任食！之前食過佢既點心都真材實料，味道不錯，印象不錯。放題都好多點心款式可以揀，仲有粉麵飯，小食同甜品。每位仲送原隻鮑魚酥同足料花膠灌湯餃。第一次食鮑魚酥，幾得意，有原隻鮑魚係個蛋撻皮到。灌湯餃就大大隻，皮薄饀料足，味道鮮！點左好多點心，包括珍珠帶子腸粉、义燒腸粉、鮮蝦菜苗餃、晶瑩鮮蝦餃、奶皇流沙包、沙田雞粥等等，仲有甜品楊枝甘露、北海道十勝紅豆雪糕脆麻花、懷舊馬拉糕，物超所值！

識我嘅都知我好鬼鍾意飲茶食點心🤤 無意中俾我知道左利寶閣有個超抵優惠🙀 148蚊任點任食兩小時點心中菜放題，啲點心同中菜仲係即叫即製👍 另外每位均附送原隻鮑魚酥及一客花膠灌湯餃，好正呀！·我同朋輩叫到成枱都係，真係夠哂滿足💕 蝦餃燒賣一定唔少得，腸粉叉燒包鳳爪排骨牛肉球樣樣齊，另外仲有多款較為特別而言少見既點心及中菜，好似懷舊大包、鵪鶉蛋燒賣、流心榴槤炸藥、暗然銷魂飯、懷舊芝麻卷等等，款式真係多到唔會一次食得哂，所以我已經決定好再嚟食過，實行一定要食哂咁多款😆🤤·當中個人非常咖哩魷魚，咖哩味道香濃，魷魚十分入味，而且口感非常軟腍，所以引唔住喺咁多款揀之下再encore左籠😋😋·特別一提，酒樓十分貼心，可以喺點心紙上面俾你揀要幾多粒/幾多件，咁就唔會浪費啦👍👍唔好做大嘥鬼啦~

原來酒樓都有放題！以前同屋企人食飯好怕要去酒樓，因為食親都好貴，但而家「利寶閣」晚市放題＄268 兩小時北京片皮鴨自助餐+每位送一客蟲草花花膠燉雞湯及新鮮加拿大活龍蝦(半隻)見價錢唔算貴，就試下！菜單上分好 ：煎、炒、煮、炸、浸、烤、焗仲有甜品❤️ 必食推介 ：北京片皮鴨蘿蔔金錢肚紅油抄手默然叉燒飯石岐燒乳鴿鮑汁雞腳抵食指數100分！小菜即叫即抄，全部熱辣辣，好有鑊氣。食都成五十五款嘢食真係超滿足呀~鮑汁雞腳同金錢肚都好入味㗎！甜品都ok

年近歲晚，要好好地搵間酒樓食飯已經難～～搵間好味又有質素既更難～～好彩我一早book 左利寶閣既晚巿放題～～講真，而家出去食個圍餐都要$400落樓，而家$258（五、六、日及假日，另計茶水及加一）咋，仲要放題！！即刻覺得好抵🤗🤗當晚雖然有人間左房，但係感覺都唔算迫～～坐底就有店員簡單介紹一下放題資料～～不過叫起上黎都有點迷惘，事關我填數字1，有時係一件，有時係一碟😂😂真係要諗清楚先叫～～點完一陣就先上極品佛跳牆，足料燉湯，有花膠、鮑魚😋😋😋跟住再上埋焗虎蝦天使麵或加錢做湯士頓龍蝦🦞天使麵～～真係值得加錢轉做龍蝦囉～～可惜我地只係轉左一份😂之後點既菜式都慢慢上，唔覺唔覺就點左好多😅好彩都叫食得哂咋～～另外，仲有京式片皮鴨同埋堂煎美國谷飼牛柳任食～～片皮鴨係自己出去夾，食幾多夾幾多唔浪費呢😉😉至於牛柳就有店員拎左一大碟黎，果然好軟淋好食～～～最後梗係要有甜品做結尾先圓滿～～我地點左馬拉糕、楊枝甘露同蛋白杏仁茶～～最正係杏仁茶係即刻整！！！（可能咁啱多人叫😛）好滑同好香呀😍😍😍P.S.: 新春仲特別加料：有大撈起😍睇落都好吸引又好意頭～～

今日再去利寶閣食點心放題，水準都仲keep到而且勁多人! 好多地方都有做點心放題但我食過最好食既都係利寶閣，以呢個價錢食到呢個質素絕對收貨!我地叫咗好多點心而當中好多款都好出色，特別要講既係燒賣，蝦肉同埋豬肉既比例好岩而且肥瘦適中，一啖一粒都絕對冇問題。其次就係佢既飯類，因為淨食點心未必可以食到好飽，所以佢都有飯可以叫，我地食咝楊洲炒飯同埋黯然銷魂飯，兩款都好出色而且飯粒分明，特別係黯然銷魂飯，叉燒燶邊加埋隻太陽蛋，再加少少鼓油呢個配搭真係冇得輸，所以食開不仿叫一碗試下，真係好好食的!

。小編第一次試中式放題，種類有好多，有煎炒煮炸炆焗 等菜式另外京式片皮鴨，煎牛柳都是任食，眼闊肚窄，記得食得晒先好拎。片皮鴨 質素好好。。鴨皮鬆脆，餅皮很薄，而且還有 青瓜絲、哈蜜瓜絲、大蔥絲作配菜。味道清新，濃而不膩。不會令人吃兩三塊就已經有很飽的感覺。附送的 極品佛跳牆，內有雞肉、魚肚、原隻鮑魚、瑤柱等食材。味道鮮甜。。本人是燒腩仔 愛好者 ，利寶閣的燒腩仔確實不錯，皮脆肉嫩 油脂分布亦很平均，唔覺意食咗好多舊😋😋。另一方面 兩款肉蟹（薑蔥肉蟹 跟 避風塘肉蟹）略為失色。味道新鮮程度不及其他菜式。。最高為（5/5）味道⭐⭐⭐⭐價錢⭐⭐⭐⭐環境⭐⭐⭐⭐⭐️服務⭐⭐⭐⭐⭐️推薦星數⭐⭐⭐⭐ #hkfood#hkfoodie#hkfoodbloggger#hkfoodblog#hkrestaurant#foodpotography#openricehk#foodpic#foodporn#picoftheday#instafood#topcitybiteshk#hkig#hkiger#hkigers#foodie#foodgasm食評#相機食先#食好西#利寶閣

食物質素如相片所見，賣相差!難食! 質素仲衰過百佳d兩餸飯!還有所謂咩任食片皮鴨!咩牛柳粒! 嘥氣!噱頭而已! 牛柳粒同片皮鴨擺晒出面嘅長枱度叫啲人自己攞! 我覺得佢有啲唔衛生囉!事關佢成碟牛肉擺曬出面，隔離就有個煎pan，但唔見有廚師係附近？!要自己煎？!難怪成晚冇人吼啦! 同埋又唔知佢擺咗幾耐!而片皮鴨則兩個字形容:難食!所以我哋攞咗一次就冇人再攞啦! 成餐飯完全唔值三百幾蚊囉!我冇諗過佢晚市放題嘅水準會差過佢搞那個點心放題囉! 完全兩個層次!

利寶閣日式放題就食得多，中式放題你食過未😎。今次小編就帶大家黎到觀塘利寶閣試試地道中菜放題😆。菜式選擇多，煎炒煮炸炆焗等等，只要你諗得出既中式煮法都有，另外重點係京式片皮鴨羋堂煎牛柳都係任食🤩。吾好任以為任食既質素會一般般，呢間放題既CP值之高，真係估你吾到😝。就以京式片皮鴨為例，鴨皮鬆脆，餅皮夠薄，而且還有青瓜絲、哈蜜瓜絲、大蔥絲作配菜，認真皮薄餡靚，而且食落味道清新，濃而不膩，不會令人吃兩三塊就已經有很飽的感覺👍🏻。而且仲有得食極品佛跳牆😍，內有雞肉、魚肚、原隻鮑魚、瑤柱等食材。材料份量十足，味道鮮甜😋。燒腩仔亦都皮脆肉嫩，油脂分布均勻👍🏻。而薑蔥肉蟹同避風塘肉蟹都各有特色，食落好夠入味，正😙

實現別人想做的事情令自己更開心，母親聽別人說這店食物好味，已說了一段時間，今終可與她去吃，看她笑容滿滿的回報，心中歡暢。中餐，自助餐與放題吃得多，很少吃全自助中菜，無限點吃，感覺有所不同呢！(賺咗 ... ..開心) 迷你佛跳牆湯甜，鮑魚彈，還有沒出鏡的干瑤柱，好飲。龍蝦麵（幼意粉）彈牙的加拿大龍蝦肉，很有很多龍蝦湯汁，伴麵味道鮮。片皮鴨~自取肉質，伴菜味道可以，只是放涼了，應等出新鴨才去取，蠢了；第二次取熱的吃。😋牛柳粒~即煎，自取肉腍味不錯，有點牛味。燒乳鴿每人吃了一隻，皆因先吃了半隻，好味再點，挑剔的母親吃了也過關😋。燒酒海蝦有酒味，肉Q彈，也點了2 round。迷你軟蟹蓋+芝士蝦丸蟹蓋挺鮮味，但略油了點。蝦丸可拉出一條長的芝士絲，香濃，皮煙韌；脆蝦餃經常吃蒸的，今次吃炸的，外皮脆脆地，別有風味，不錯。奶黃西米撻，又是點完再點的甜品。馬拉糕鬆軟，棗皇糕煙韌。脆麻花雪糕十勝紅豆，脆麻花沒有蜜糖包覆的，紅豆粒也乾身；不甜，混芒果雪糕剛好😋。還有楊枝甘露,蛋白杏仁 .....吃了很多款食物，加埋甜品，很飽！下次帶埋另一半來。