利寶閣 (已結業)

日式放題、韓式放題冇咩特別，中式放題毫真係第一次。利寶閣星期六﹑日$168可以任食超過50款既中菜，即叫即做，本身只係想飲個茶既我都轉左食放題。首先按人頭送上原隻鮑魚酥同足料花膠灌湯餃。放題同平時飲茶一樣有張點心紙，即叫即做。更可以唔使一籠籠咁點，單一件都照上，好大彈性，唔使再出現我點完之後冇人食，跟住一個人食3個包既情況。除左一般點心蝦餃燒賣個啲之外，我地仲點左唔同既野食，有脆皮蝦餃、薑汁雞包仔、豬腳薑等等，一於點哂平時少食既野食過下口癮。