影片
更多
2023-10-05
36 瀏覽
黎到尖沙咀朋友介紹一間食割烹既餐廳。呢間餐廳係位於尖沙咀the one去到門口都睇到裝修好高級好有style入面環境好有格調，仲設有室外位置，十分有氣氛。呢間餐廳既菜色係結合左意大利同日式。我坐既位置係對住廚房，可以睇到廚師製作每一道菜。成個menu 有8道菜式。首先黎左一杯清酒，清酒味道唔會太難入口，香香地既米味帶少少甜味。第一道Amuse Bouche 係一set菜式，擺盤十分靚，好有意境，好有藝術感入面有帆立貝青瓜凍湯，赤海蝦昆布佃煮意大利水牛芝士，巴馬火腿甜瓜出汁啫喱。首先食左啫喱，巴緊火腿夾埋甜瓜鹹鹹地有少少甜味，好特別，啫喱味到清清地少少鹹味，成個感覺十分清新。之後食左赤海蝦昆布佃煮意大利水牛芝士，底部有個脆片夾埋赤蝦2種口感。赤蝦肉十分新鮮，配埋芝士十分好味。帆立貝青瓜凍湯係加入左豆乳去製成，成個湯好creamy ，好重青瓜味好清新帶少少酸，帆立貝煎得岩岩好，食得出好新鮮，上面配埋香草帶一d香味。第二part菜式有2款，第一款明太子釀意大利黃瓜花天婦羅。表面元有新鮮刨製既木魚絲好香，入口散開。黃瓜花咬開入面滿滿明太子醬，入面保持到溫度，d煙仲慢慢飄出黎，但又唔會燙口。明太
呢間餐廳係位於尖沙咀the one
去到門口都睇到裝修好高級好有style
入面環境好有格調，仲設有室外位置，十分有氣氛。呢間餐廳既菜色係結合左意大利同日式。
我坐既位置係對住廚房，可以睇到廚師製作每一道菜。
成個menu 有8道菜式。
首先黎左一杯清酒，清酒味道唔會太難入口，香香地既米味帶少少甜味。
第一道Amuse Bouche 係一set菜式，擺盤十分靚，好有意境，好有藝術感
入面有帆立貝青瓜凍湯，赤海蝦昆布佃煮意大利水牛芝士，巴馬火腿甜瓜出汁啫喱。
首先食左啫喱，巴緊火腿夾埋甜瓜鹹鹹地有少少甜味，好特別，啫喱味到清清地少少鹹味，成個感覺十分清新。之後食左赤海蝦昆布佃煮意大利水牛芝士，底部有個脆片夾埋赤蝦2種口感。赤蝦肉十分新鮮，配埋芝士十分好味。帆立貝青瓜凍湯係加入左豆乳去製成，成個湯好creamy ，好重青瓜味好清新帶少少酸，帆立貝煎得岩岩好，食得出好新鮮，上面配埋香草帶一d香味。
第二part菜式有2款，第一款明太子釀意大利黃瓜花天婦羅。表面元有新鮮刨製既木魚絲好香，入口散開。黃瓜花咬開入面滿滿明太子醬，入面保持到溫度，d煙仲慢慢飄出黎，但又唔會燙口。明太子好cream唔會好鹹，天婦羅炸得香脆不油膩。
和牛舌酢漬姫菇，食到呢個菜開始感覺到廚師既手藝。表面既配菜好香，漬姫菇酸酸地好開胃，和牛舌煎得十分出色，表面好輕既脆面之後好軟綿，入口即溶，和牛味香。係食過牛舌之中整得最好食。配左酸酸地既菇中和個油膩感，呢個菜式十分難忘。
去到主菜有3款
鮮鮑魚淺蜊富山米意大利飯
佢呢道菜用左富山米去做，食落口外軟入面保持左意大利飯既口感。飯入面有淺蜊十分鮮甜。鮑魚口感適中，調味都做得好好。另外仲配左鮑魚肝醬，味道濃厚，鮮味十足，配埋飯加多一點層次。
利沃內塞式烤穴子
呢度菜都係十分特別，用左白鱔，表面烤得十分香脆，保留到魚既肉汁，肉質十分滑嫩，佢個醬都好香番茄味同埋食落佢會有少少麻既感覺好得意。
日本A5和牛配味噌大根
味噌大根十分出色同好特別，口感軟軟，表面加左醬再灸燒，成個食落去好香好滑，從未食過既味道。和牛份量好多，表面睇到d油花，食落口好香油脂味，牛味重，生熟度亦到煮得岩岩好
去到甜品既部份
提供左焙茶可以清一清主菜既油膩感。
第一道甜品係里科塔奶酪小倉紅豆castella
蛋糕食落濕潤唔乾，紅豆醬香濃。奶酪做得好creamy入面有紅豆粒，蛋糕係偏向甜 ，夾埋薄荷葉調較翻成個味道好清新。
最後就係四小味甜品
擺盤十分靚好精緻，入面有粟子可麗露，brownie，ichigo tart同 hojicha almond pudding。
可麗露做得十分出色，呢個甜品要做得好食都唔易，佢做到外脆入面軟，食到淡淡酒香味，同由雲尼那配塔已出黎既吉士味。完全做到可麗露要有既要求。
brownie都比一般既做得好食，朱力味係真朱古力既味道，濕潤得黎又唔會黏口，食落都好似食緊半朱古力半蛋糕咁，做得十分好
ichigo tart好清新，tart皮做得脆口，呢個甜品偏向酸，同岩岩偏向甜味既甜品中和翻。
最後hojicha almond pudding，都係出色既甜品之一，焙茶味十分出，好香焙茶味亦有茶既苦味唔太甜，個泡芙皮香脆，十分出色。
成個環境服務都好高級好專業，廚師手藝十分出色，同平時食其他料理十分唔同，食得出廚師既手藝，菜式既設計配搭心思，樣樣都做到極緻，一生人點都一定要試一次割烹。
張貼
