劉一手重慶火鍋 (又一城)

營業中

休息中

中午係openrice訂佐位食佐2人套餐。去到可能人手不足原因，上餐慢，食物勁鹹！D餐食完單點嘅食物仲未見影，話食完飯D未上的退算啦，佢哋又話煮佐，再等15分鐘以上才催到來。唔止咁，個男服務生講嘢又大聲又惡。嚇親人啦。下次唔敢幫襯！

餐廳 ： 劉一手重慶麻辣火(又一城)@liuyishouhotpot.hk 劉一手原來有午市半放題$228 + $15 醬料費有一set 美國三角肥牛+牛頸脊另外有廿多款配料任食再有一份魚皮+響鈴+ 一杯指定飲品呢個價錢睇落已經好吸引😍🎀麻辣拼山珍雜菌鴛鴦鍋Wow…..好大磚紅油，聞到D香味即刻口水分泌增加🤤🤤雜菌湯好清甜，娃娃菜放落去吸收哂d鮮甜味好正🎀 美國三角肥牛+牛頸脊 平分秋色，各有各好食😋😋🎀火鍋配料：午餐肉，魚皮餃，鮮腐皮，鴨血 係必食+encore 之選👍🏻👍🏻👍🏻食咗一堆辣野，飲豆漿真係好解辣😜整體來講 ：呢個半放題是lunch 係好抵食，單點就偏貴

中午兩個大人和一個3歲小朋友打算食火鍋，點左兩個人的套餐每位229，小朋友唔食得辣，點左個椰子雞湯麵。等左一陣，餐廳過來話比我知，我地唔可以咁樣點，如果要享受午餐套餐，須一人一位，小朋友都要計算229一位，唔可以點雞湯麵咁樣⋯⋯本人唔想響朋友面前出醜，就只能講聲：如果要咁樣點，咁我地唔食了！餐廳回覆一句：好嘅，歡迎！餐牌上面有寫min 2，兩個大人一人一個set好合理，我到依家都未明白我錯邊度？呢種係趕客嘅餐廳，大家小心避雷。想食就盡量唔好帶小朋友了。第一次遇到咁好「禮遇」，好無奈！事實陳述以上，大家睇睇餐廳的經營是否合理啦！

收咁嘅價錢竟然限時90分鐘，放題就話啫。入座時又沒有說明，還未食完就催埋單，熄爐，啼笑皆非，不如所講。食物質素一般，座位超窄，餐具準備不齊全，服務及招呼一般般，物非所值。我本約6:30，但有明友大約6點早到，竟然沒知會的情況下起鐘計時，最後一位朋友6:30才到，所以只要一小時用餐。想加單之時，竟然話夠鐘不接受，一般來說，打邊爐都係邊食邊叫邊吹水，90分鐘限時打邊爐真係第一次見識（放題任食另計），老襯做一次，以後唔會再幫襯！

book左6點半，入座後冇野食menu，冇野飲menu，要問第二次先囉到嘢飲menu，搵唔到職員落單。職員唔知舖頭promotion。最後6點55分先落到單。中途想加單搵唔到職員。（催人走個時職員出曬黎）1個鐘頭未到，7點50分已經催埋單。未夠90分鐘仲有好多野食未食曬，不斷催，最後職員直接熄左個爐，十分冇禮貌！態度差！唔會有下次！冷氣機滴水，卡座地下濕曬，食食下野有水滴落黎。整體用餐感覺:服務差，野食ok，冇下次。

一個不知所謂既經理全場都無人仲要一個經理兩個服務生全程入晒廚房要客人不停叫「吾該」、「有冇人」甘既服務態度仲要任食 同埋比服務費？！十問九吾應，又解決唔到食客既問題一味只係推甘容易就到經理，等執

上次食過晚市，覺得好好味，所以今次再encore！見到有午市任食，價錢都係228+，經OpenRice訂座仲有85折。咁咪試吓囉滿心歡喜以為仼點呢張紙上面嘅食物，原來每人只限點3份肉🥲下面就係2個人6份肉嘅份量，俾大家參考吓不過劉一手個湯底真係冇得輸，牛油辣鍋一如水準咁好味，個雜菌鍋都超級正！個餐包得一杯飲品，好彩有呢個雜菌湯飲吓🤣其他菜品都好高質，基本上即叫即到，服務都係冇得彈。不過俾錢嘅時候，記住望多次張單，事關我哋坐低之前已經reconfirm 過個店員我個85折優惠，但係賣單嘅時候佢都係幫我出正價😶

識我嘅人都知我無辣不歡，特別係重慶火鍋，今次就同朋友去試九龍塘又一城首間香港直營店與Gaia Group合作嘅《劉一手重慶火鍋》、原來傳係重慶火鍋十大品牌之一，環境寬敞舒適，最特別係有京劇面譜🎭🎭圖案做牆紙、好有特色💯💯🔥🔥🔥🔥🔥🔥🔥🔥🔥🔥🔥🔥🔥🔥🔥今次試佢地午市($228一位再加一)90分鐘任食超值任點火鍋套餐❣️湯底❣️鴛鴦鍋~~山珍雜菌鍋+招牌一手辣方麻辣紅油湯底，雜菌鍋好足料，湯底鮮甜，麻辣湯底好濃郁好香，越食越辣，不過辣得過癮，岩哂我口味😋😋套餐選擇夠多👇🏻👇🏻📌雪花梅頭片📌美國三角肥牛📌美國牛肩夾心所以材料都好新鮮。入口即溶。另外加埋牛栢葉、芋絲、魚皮餃、墨丸、芝士腸、午餐肉、魚腐，配搭麻辣湯底簡直直係perfect match..吸哂湯底辣味，超級正，令我一次又一次追加嘅係佢地嘅鴨血、大推👍🏻👍🏻最後精選海鮮新鮮到隻蝦都仲郁緊，而每枱佢地都有一樽自家品牌香油。呢間真心唔錯，下次會再Encore📍劉一手重慶火鍋@liuyishouhotpot.hk地址: 九龍塘達之路80號又一城UG樓37-38號舖

劉一手麻辣火鍋出晒名, 今日特登來試下最新推出日間$228 平日午市任點火鍋放題!如果係週末午市任點火鍋放題則$298 (11:30am - 5pm)湯底有麻辣+雜菌鴛鴦鍋, 或可以選壽喜燒, 但來得劉一手緊係試下個麻辣鍋啦!主菜係每人任選3款, 我地選左A4 和牛肩 + 海解拼盤.麻辣湯唔算太辣, 應該係調左岩香港人口味, 麻為主. 野菌湯就反而係香味比較重, 湯底係清小小, 如果中意食牛本身既牛味 唔想其他湯影響建議可以試呢邊湯底.和牛肩好大塊, 偏硬身小小, 牛味算重. 油脂味比較輕. 麻辣湯底都唔會太擋到牛本身既味道.海鮮就真係十分新鮮, 尤其蝦拎出來既時候仲識動, 十分生猛. 海鮮鮮味都十分明顯, 中意新鮮海鮮既人可以點來試下.其他配料係任叫的, 魚蛋我自己覺得幾好食, 好彈牙 有別於出面普通魚蛋, 可以試下. 配埋麻辣湯唔錯.麵類反而有一個問題就係好難夾, 因為湯底本身配料都好多, 例如放入麻辣到 好易會連埋好多辣椒配料一齊夾上來 變成食麵類既話會有小小辛苦整體都係算係抵食! 款式唔算太多選擇環境 服務全部都好好!

估唔到九龍塘「劉一手重慶火鍋」竟然有午市任點火鍋放題，呢間餐廳食材一向高級，原本以為佢會好貴，點知佢午市任食90分鐘都係$228一位，就算星期六、日都係$298一位，而且時間係由上午11:30至到下晝5:00，真係啱晒香港人👍🏻呢個真係近期最抵嘅優惠，睇到都開心，我哋馬上安排入座😍呢間餐廳環境舒適不在話下，裝修典雅高級又寬躺，特別係佢哋嘅抽氣系統，保證唔會食到成身味，絕對係食火鍋嘅好地方🥰 20幾款配料任你點任你食，仲包埋特色飲品，咁嘅價錢真心抵到震👍🏻大大杯嘢飲，包括竹蔗茅根紅蘿蔔馬蹄水，酸梅洛神花茶，野生雞骨五花蜜，或凍豆漿，總有一款啱你心水🥳 20幾款配料，全部都係優質食材，絕對唔會將貨就價，劉一手呢個招牌絕對靠得住😘美國三角肥牛、美國牛肩夾心，絕對係我不二之選，你睇吓啲肉脂幾分明，幾平均，真係有圖有真相，冇花冇假😘份量絕對唔少，兩個人食真係足夠，而且招呼好，水準高，服務員客氣有禮，送餐速度夠快，真係食得舒服，真心推薦比大家一定要試吓👍🏻👍🏻👍🏻

作为湖南人 觉得刘一手的火锅还是挺辣但是我觉得海底捞比它味道好些而且便宜一些 所以我觉得刘一手一般。 毕竟开在又一城里 环境啥的还是很不错的 单就性价比和好吃 我觉得不够好。

訂枱時無說明限時90分鐘。入座時才說限時。唔係任食火鍋，點解限時？食材一般，價錢非一般。飲水要收7元茶水費。入座後60分鐘，店員話last order。5分鐘後，店員攞張單過來叫我們"check單"。再過2分鐘後，店員又過來叫我們“轉頭埋咗張單先”。立即火起，向店長投訴。還有25分鐘進食時間，點解要埋單先？感受非常不良好。雖然店長不停說“對唔住” ，“會提醒員工的服務”，還主動比9折，但是感受不良。永不再來！

三傻一個月又出嚟食一次飯啦 haha🎉今次美女就挑選左呢一間餐廳 上次我哋就食都係打邊爐 不過就食鼎王三個人坐落去我覺得地方都闊落嘅 舒服！但我見到隔離枱兩個人嗰啲就有啲迫我哋諗住揀鴛鴦鍋～之前睇食評啲人話麻辣係又麻又辣（雖然好似好廢話 但係好少餐廳真係兩者俱全） 但係怕其他兩位食唔到好辣 所以就點左個「小辣」～另一個係雞湯底（朋友話覺得啲雞好好食因為好林😂😂😂😂）見到呢個鹿兒島牛個名好似好勁抽 嚟到大約一人分2-3片 但係食落覺得麻麻地 淥咗幾秒但係都係覺得唔係嫰 牛味又普通各位冇乜「不值」嘅朋友可以揀個平平哋嘅牛都ok! 因為我覺得呢間重點係湯底好味就咩都好食薯粉好食！份量都夠多黑松露餃 朋友好似好少食黑松露餃子 佢話覺得好好食我就覺得係正常操作 花枝丸 呢個係我覺得唯一麻麻哋嘅！食落去有啲腥腥地….同埋以往食嗰啲係爽爽地 呢個質地係淋淋地 我覺得有少少怪腐竹就正常鴨血 建議可以擺到最尾先至食 因為會入味好多！！腰花⋯⋯我未食過嘅！今次第一次食 我覺得係似爽爽地嘅豬潤 朋友就覺得幾好食皇帝菜 個樣都靚仔新鮮嘅朋友覺得紅糖粑粑 好好食 我覺得都OK嘅食到最尾就叫咗個份冰粉 三個人淺

知道九龍塘開咗一間新嘅劉一手火鍋，星期六放假就同朋友去試吓佢個午市放題，放題有鴛鴦鍋同清湯兩個選擇，肉類方面就每人兩碟，不過某部份肉類需要額外加錢。配料方面，有菜、鴨血、菇類、丸類、等等都係任食。鴛鴦鍋就係清湯加麻辣嘅組合，麻辣只有一款辣到，冇分大中小辣。上枱見到麻辣鍋都幾正宗，有大大磚牛油喺上面，溶咗就可以食得。最值得讚嘅係舖頭提供一罐罐嘅麻油俾你加入醬汁度，因為聽講話又可以保護胃部，令到你食辣嘅時候都冇咁辛苦。食物方面，肉類冇特別額外加錢叫其他肉，食佢最普通嘅豬同牛，上枱網絡唔算特別靚，仲好似雪咗好耐下，識落都冇非常驚喜只係普普通通。配料我諗大約有10幾款，當中鴨血配麻辣鍋就梗係絕配，另外仲有凍豆腐等等都算唔錯。可以一試。

食物四星/感受一星😢又一城環境優雅，餐廳闊落舒適選了二百幾元火鍋任食套餐麻辣湯底，特大煱爐，已經引起食慾點菜，每人限點三碟肉類，請問你要那款？甚麼？限三碟？任食火鍋？懷疑人生中..中午一點半，上菜速度很快，很不錯豬三份，牛三份，雖然限量，但份量仍算足夠各種丸子，蔬菜，新鮮有質素醬汁，炸蒜，蔥粒，辣椒，齊全，豉油好味點飲品，每人限一杯？又限量…..聽說麻辣湯會很辣，特別要求BB辣美國牛肉在麻辣湯滾一滾，很辣，非常辣..除了辣，沒其他，不麻，不香還好它是鴛鴦煱，另一邊湯底蔬菜菇菌味香濃在辣味不停衝擊底下，唯一的飲品瞬間蒸發餘下時間一步一驚心，叫了任食套餐卻不能自由奔放地釋放，規矩設定實在小家小氣總結：環境食物四星五星，感受一星，同樣價錢有更多好選擇！