劉平記麵家 (已結業)

今日下午五時廿五分來到劉平記，進店後點餐，然後我們說要坐在餐廳裡（因室外太熱），但在場的女工一句話說：「唔得喎，因為我哋準備清潔收工，你哋坐岀面食喇！」 望前一望，只看到了一個呀叔差不多飲完支啤酒，但突然有位女士手持餐具進來便坐下（應該點了餐等食），再望多眼，發現場內亦有另一位女士在等食，而在場職員亦無表示反對進內的女士坐下，我們有感不公便直斥在場女工處理不公，而女工亦啞口無言，欲解釋卻無言以對，我們還說營業時間至六時但五點半便不滿我們來惠顧欲趕客走的態度，十分過分！然後我們好有骨氣地坐在室外，但事情還未完結，我們在飲檸檬茶時發現飲料中有六條長頭髮，便向店員投訴，要求更換，但女店員霸氣地說：「頭髮啫，人人個頭都有頭髮㗎喇，甩頭髮亦是正常，跌左落杯飲品更是人之常情的事，無得換，撈起咪飲得囉，又唔會飲壞人嘅！」之後更離譜，我們在炸菜肉絲米中發現了多隻曱甴腳，而女店員說：「你睇錯了，這是果皮絲，我店為求食品味道良好，所以加了果皮！」真係不要再幫襯長洲劉平記黑過墨店

本局長是日公幹前先吃早餐，信步走至北帝廟附近之劉平記，隨即入內幫襯。本局長曾於此店食燒味及雲吞麵，但覺兩者均非常麻麻。是次食早餐，相對來說質素較佳。早餐有多款選擇，包括湯粉、扒、吉列、粥、炒麵等。本局長著小二來一早餐A，火腿通、雙蛋、腸仔、麵包轉多士，凍啡款甜。麵包烘得香脆，蛋煎得頗靚，通粉用忌廉湯開（應該係），味道不俗。飲品則正常水準。總括而言，此餐廳早餐質素正常，價錢公道，屬街坊早餐醫肚之選。

入長洲，個個唔係食大魚蛋，就係食芒果糯米池，今次同朋友入長洲想舒舒服服坐下，輕鬆一下，於是揀左入呢間好地道茶餐廳。下午茶時間，我地揀左好多大路野，估唔到有驚喜呀！西多士岩岩炸起，熱辣辣，脆卜卜，佢最特別之處係配煉奶，而唔係糖漿，呢個配搭唔係周圍有，好特別！朋友分別叫左草莓同藍莓多士，多士烘得好脆，而且用上厚多士，勁有咬口！黎到長洲，點都要叫下海鮮，輕食黎講，我地叫左雲吞同魚皮。雲吞皮夠薄，鮮蝦大大隻，好配無食過Ｄ咁有誠意既蝦餃！魚皮係自家炸，好鬆脆，陣陣魚皮香，當小食一流！平時去長洲可能唔易發現到佢，因為佢既位置較遠，近球場空地個面。不過係一間好有心既老字號小店，有機會去長洲要再去食！

去長洲去得多，雖然好多特色食店，什麼糯米糍，甜品，海鮮等等多不勝數，但有陣時想簡單單食碗麵真係唔知食邊間好，通常都幫襯近碼頭嗰啲食肆，但質素真係一般價錢有很貴，可能做開遊客生意，咁啱經過呢一間麵店，幫襯嘅都係本地人，甚少遊客，就坐低食碗麵，估唔到真係好好食，牛肚炆得好入味好林，雲吞大大粒好味道，面個湯底都好出色，杯奶茶都好好飲，仲有其他粉面都好吸引，如果唔係長洲居民真係未必知道呢間隱世小店！下次來長洲都會再試！

住喺長州既朋友帶路食美味魚蛋, 佢話雖然好細間, 但在長州好出名, 甘為食既我當然要試試佢啦入面門面的確幾細, 陳設就好似幾十年前既普通粉面店一樣大食二人就叫左淨魚蛋, 魚蛋牛丸撈麵同咪魚片河我成日喺度唸, 係咪永遠只有地租平既地方先會有多D成本去做一D甘好味既食物個淨魚蛋比我想像中更好味,應該係潮州魚蛋黎,彈牙又爽口充滿魚味 令我懷緬番小時食既魚蛋!魚片河都十分好味, 河粉爽口吾太林, 魚片頭前期制做炸得皮厚適中, 以致後期放入湯時吾會脹得太大, 而且充滿魚味不過牛丸就一般冇乜特別, 都係魚類最好味!

琴日入長洲行左一轉, 正值午飯時間, 食左魚蛋河同燒鴨麵, 再加菜芯一碟. 魚蛋河d魚蛋幾彈牙, 燒鴨麵d燒鴨好香. 菜芯大碟度係平日市區嘅兩碟咁濟. 大大支可樂都係9蚊雞. 涷檸茶有成5片檸檬, 好味.

上次我同朋友去食, 我地叫左魚蛋粉, 黑椒牛扒, 雞鵝飯同免治牛肉飯.魚蛋粉: D魚蛋好正, 彈牙又香魚肉味, 加上佢地的辣椒油真係冇得頂.黑椒牛扒: 黑椒夠香又夠辣.雞鵝飯: 雞就一般, 但鵝就好香.免治牛肉飯: 好可惜, 冇咩特別.飲品: 我D朋友話冇咩特別, 但我杯奶茶就好滑...總評: 平,靚,正...不過服務態度差D

以前讀書時成日都呢度食, 搬出香港之後間唔中返都會想食碗魚蛋粉, 因為係香港食唔到咁好味!

All things are bad!

全獨家用正料的炸魚蛋, 還有炸魚皮能錯過.