劉興記生煎包專門店

營業中

休息中

This pan-fried pork buns specialty shop is very famous for their juicy and crispy buns, which are sold at very low price! It’s autumn and I had the crab pan fried pork buns. The skin of the buns were a little thick at the bottom, but the surrounding parts were thin enough, to hold the meat and most importantly, the broth. There’re bits of orange hairy crab mixed in with the meat. Overall that’s quite nice, yet I would like it even more if the crab taste could be stronger. The deep fried pork cho

見到網上熱烈討論，一直十分好奇。難得放假，就與好友一同試試，終於明白點解咁受歡迎。✨上海小籠包✨✨蟹粉小籠包✨皮薄餡靚，原味湯汁滿滿，搭配香醋，非常開胃。蟹粉小籠包，蟹肉微甜，餡香湯鮮，沒有任何腥味，非常高質。✨招牌生煎包✨ $35岀現最令人期待的一幕，輕輕一按就爆湯汁，令人超級興奮🤩皮煎得甘香但軟熟，咬落不會過硬。肉餡飽滿，充滿肉汁，鮮甜不膩，好食😋✨排骨蔥油拌麵✨$42排骨大件，粉漿很薄，炸得香脆👍🏻最正是蔥油拌麵，蔥油比例恰到好處，不會過鹹過油，鹹香味十足，非常好吃。✨百步香蔥油餅✨ $28與想像的很不同，以為係普通蔥油餅，卻有意外的驚喜。這個香蔥油餅，更像是香蔥油酥，由多層餅皮製作而成，於其中釀滿香蔥。一口下去，超級鬆化，葱的香氣喺口腔中爆發，超正。✨豆漿✨$8豆漿唔單止低糖，而且仲可以無限加添，非常佛心價👍🏻👍🏻👍🏻價錢相宜，食物質素高，難怪發哥也支持，想食嘅朋友記得早啲去攞位。想睇更多介紹，馬上Follow我啦😁。#big_big_foodie #big_big_foodie食勻元朗

屯馬沿線🚈找美食 ⇒朗屏🚏B2出口 元朗廣場方向 🚶‍♀️大約3至4分鐘👍@lauhingkee以地道上海風味 新鮮手工製作爆汁生煎包🔥紅😚👑 王牌套餐有五款 劃一價錢💰54可無限添飲豆漿🥛#麻醬手撕雞絲粉皮 ➕️ 生煎包一隻 好啱夏天食🥵 嫩滑雞絲 入口Q彈順滑既粉皮 再淋上滋味麻醬👍#招牌生煎包 2隻💰20包底煎到金黃脆口😚皮薄餡靚 肉香味鮮👍要小心啲食呀😆 真係好爆汁💦 坐係對面嘅人要分分鐘會中招⚠️小口吃一啖 索哂啲湯汁至食👌#蟹黃生煎包 2隻💰38🦀油豐富又有蟹膏 再點上香醋食😋#招牌擔擔麵 💰42這是一碗有櫻花🦐既擔擔麵喎😚湯底除咗有濃郁🥜味再有🦐既香氣👍湯麵掛曬汁食落鹹香辣辣地😋#酥炸小雲吞 💰35即叫即炸 一碟有12粒細細小🥟卜卜脆香口 夠曬熱氣 不錯嘅小食😋

劉興記生煎包專門店今次應該唔洗我介紹，繼續人氣爆登嘅餐廳「劉興記生煎包專門店」，連發哥都有幫襯，仲知道佢哋之前喺一個月內連開五間分店，依家暫時總共有六間分店，無論咩時段都好多人排隊，餐廳內充滿咗「嘩嘩嘩」聲，今次我去咗元朗分店，呢間分店門口竟然有斜板，喺度諗當初點解要去旺角咁傻，入到去店員熱情招待，餐廳內多數係卡位，幸好近門口有一張係可移動式枱面，不過又係要小心「菠蘿蓋」，自己撞自己「菠蘿蓋」五次，痛到hi hi咁款，好彩生煎包上枱好快，一上枱就唔記得痛啦！🤣🤣🤣1.生炸雞扒蔥油拌麵$42+低糖豆漿$8（9/10）雞扒炸得好酥脆，雞扒切開4條，蔥油拌麵有少少油，至於今次嚟就多咗豆漿任飲，豆漿唔會好甜，只要惠顧任何套餐或滿$60或以上，豆漿就可以任飲！2.上海排骨湯麵+生煎包（1隻）+低糖豆漿$54（9.5/10）呢碗上海排骨湯麵個麵好彈牙，炸排骨即係豬扒都係切開4條，炸得好酥脆，份量亦都唔少，仲跟咗一條菜心，呢個套餐仲包括有1隻生煎包同一杯低糖豆漿，豆漿唔會好甜，只要惠顧任何套餐或滿$60或以上，豆漿就可以任飲！3.招牌生煎包（4隻）$30（10/10）點咗四隻招牌生煎包，上次喺旺角食

劉興記開左一段時間，仲有熱潮，星期六6:30到都好多人! 今日叫左套餐，蔥油雞扒湯面會搭多隻生煎包，呢D餐好岩想食面又想試下生煎包既人! 留意到座位牆邊仲話豆漿可以任加，而且生煎包唔夠熱都可以換，感覺好有誠意。蔥油雞扒湯面雞扒炸到好香脆，雞肉嫩滑，本身調味好夠，好食! 湯面比較清淡，唔會太濃味，感覺好健康，如果想食重口味D，仲可以加埋佢既辣椒醬，都唔錯。招牌生煎包外皮好脆口，咬入去爆汁，內面就係軟淋淋既面包口感，肉餡好大舊，食到最後都keep住咁juicy!蟹黃生煎包蟹膏份量好多，食落好鮮味。豆沙窩餅次次黎我都會食，色澤金黃、外面香脆煙韌、甜而不膩。

依度最出名就係生煎包，叫得越多就越平，我地叫晒兩款招牌同埋蟹黃生煎包，生煎包非常爆汁，一定記得要要開少少個頂再食，唔係嘅話就會噴到周圍都係，皮薄而底下煎得脆，而且講明唔熱可以換🥢蟹黃生煎包嘅價錢差不多係普通生煎包嘅double，一隻就要$20，不過食完覺得的確對得住個價錢，因為蟹味好明顯，見到有蟹黃同埋蟹肉🦀另外叫咗擔擔麵同埋上海排骨菜飯，價錢非常親民，大部分飯麵都只係四十幾蚊，份量一啲都唔少，一定飽肚，叫套餐或者食滿$60仲會送豆漿，侍應仲會主動添豆漿～

見到店外有唔少名人幫襯嘅照片，又有好評既報導；位置方便，直程喺朗屏站天橋下邊，就入去食lu !果然報道冇介紹錯！價錢合理，豆漿任飲！值得一提，豆漿飲落唔會太甜，似係即磨味道，正！樣樣都好想試，但齋叫生煎包或小籠包又怕唔夠食，就試咗個王牌套餐！麻醬手撕雞粉皮+生煎包一隻麻醬愛好者必嗌！好濃麻醬味，每一條粉皮都可以沾滿醬汁！生煎包肉汁豐富！上海小籠包好飽滿兼新鮮熱辣出爐，又係皮薄肉汁爆多，唔會輸俾連鎖店的上海餐廳！蔥油拌麵蔥油又係滿滿，比足料

🐔麻醬手撕雞粉皮粉皮又滑又薄，配埋手撕雞肉嘅嫩滑口感 🤤 加埋濃郁嘅麻醬，食落口勁滿足🥰⭐️招牌生煎包生煎包底部煎得金黃香脆，咬開有滿滿嘅肉汁🤤有啲湯汁滲出嚟，好juicy呀！食時小心啲，熱辣辣噴汁！🍜 招牌擔擔麵花生醬好香。加埋嗰啲酸酸辣辣嘅湯汁，真係好惹味，麵條彈牙有嚼勁，食完淨係想再叫多碗！🤤🍗 生炸雞扒外皮炸到脆卜卜，仲係熱辣辣嗰種✨ 裏面嘅雞肉超嫩滑，多汁得嚟完全唔油膩 🤩 只要叫夠$60或者係套餐，就可以堂食任飲豆漿😍

來到元朗想食平靚正上海菜，就會諗起呢間劉興記，因為朗屏站附近都開咗佢哋嘅分店！因為餐廳除咗有每日新鮮製做嘅招牌生煎包之外，仲有其他上海美食㗎，例如係上海菜飯、拌麵同小食等等～招牌生煎包(6隻)💰HK$50生煎包餡料豐富，一咬落去仲係熱辣辣，而且爆汁效果一流，充滿住豬肉嘅鮮甜味～蟹黃生煎包(2隻)💰HK$38同樣都係熱辣辣同埋有爆汁效果！除咗豬肉嘅鮮味之外，仲多咗份濃郁嘅蟹黃香味～原味上海小籠包(4隻)💰HK$40小籠包即叫即蒸，爆汁嘅效果都好澎湃，外皮軟糯，肉餡鮮甜滋味～鮮雞湯小雲吞(12粒)💰HK$35鮮雞湯清澈鮮甜！小雲吞皮薄餡靚，而且比想像中大粒好多，份量十足～凍 低糖豆漿💰HK$8係一杯好濃厚嘅豆漿，仲可以無限refill～

不嬲都好鍾意食食生煎包，亦都知道呢間劉興記係幾出名，擁有多間分店，價錢合理食完生煎包，小籠包，都覺得係幾好食夜晚六點左右，已經坐滿咗好多人🥢 招牌生煎包 4隻 $35生煎包熱辣辣嘅，面頭有好香嘅芝麻，外皮好香脆，唔會過硬，點少少豆瓣醬食，微辣更過癮一咬開，滿滿肉汁，豬肉味道好鮮甜，冇肥肉蟹黃生煎包 2隻 $38 好香蟹黃味，裡面有蟹膏，蟹肉一咬開爆曬黃油，爆汁，好香完全唔會覺得腥原味上海小籠包 4隻 $40熱辣辣，配有薑絲，浙醋小籠包個皮薄黎又唔會易穿，肉餡好飽滿，一咬落d 汁多到爆曬出黎，好滿足套餐價係好抵～😋 麻醬手撕雞絲粉皮 +1隻生煎包 $54配凍豆漿呢個雞絲粉皮份量超足夠，一個人食已經飽咗雞肉絲份量多，粉皮晶瑩剔透大大片，食落好軟滑，唔會覺得好硬醬汁帶點甜味，份量足夠撈勻成碗粉皮👉豆漿係任飲㗎，非常良心🥹只要惠顧套餐/滿60歲或以上就得

元朗搵食，劉興記是一家小巧的上海風味小店，生煎包外脆內多汁，上海排骨菜飯雖然味道不錯，但排骨口感過於淋。雞絲酸辣湯清爽可口，雞湯小雲吞味道實啲，豆沙窩餅甜而不膩，豆漿滑順，適合搭配各式菜餚，還有豆漿係任添的，雖然出餐速度略顯混亂，但整體味道值得一試

《劉興記生煎包專門店》講起生煎包，大家可能淨係諗起某某號大型連鎖品牌，呢間生煎包上次係上環食過，覺得勁好食又高性價比，今次就去咗元朗分店再食。我哋嗌咗兩個套餐，再加一份小食，同埋另外再單點兩個蟹粉生煎包，套餐包無限任飲豆漿，豆漿自由啊！🦀蟹黃生煎包2隻($38)生煎包簡直就係highlight，薄薄一層皮，咬落去即刻爆汁，用匙羹係唔夠接，要用碗仔，竟然倒出成層湯汁，入面有蟹黃同蟹肉，味道十分鮮甜🐔麻醬手撕雞絲粉皮+生煎包1隻配豆漿 $54麻醬分量同味道啱啱好，足夠撈曬成碗粉皮👍🏻雞絲加上青瓜，最佳拍檔🍗蔥油雞扒菜飯+生煎包1隻配豆漿 $54雞扒炸粉好薄，炸得非常酥脆，雞扒仲好嫩滑Juicy🤤出色！🫔百步香蔥油餅($28)蔥怪一定要叫！🌟Tips：1. 生煎包會爆汁，記得提前落碗仔接住，同埋小心熱！2. 豆漿可以無限添加！3. Lunchtime好多人買外賣，堂食都要排隊架，想試就早啲過去啦！📍元朗俊賢坊18號權益大樓地下15號舖(MTR朗屏站 B2 出口, 步行約3分鐘)

食極都唔會失望既 劉興記生煎包，✨️ 滿60蚊就可以豆漿任飲呀😍我哋叫咗招牌生煎包8隻劉興記嘅爆汁生煎包真係令到人哋流曬口水🤤， 每一隻都係爆曬汁 ， 簡直係視覺同味蕾嘅享受呀， 仲有佢嘅鮮美豬肉餡， 生煎包個底部煎過好脆皮👍🏼，食極都想食呀糖醋炸排骨菜飯酸酸甜甜嘅糖醋炸排骨 配埋菜飯更加開胃😋雞絲酸辣湯麵有雞絲又有麵又有酸辣湯，簡直係滿足曬三個要求， 再加少少胡椒粉真係好好味店員仲好好， 週不時都幫你添加豆漿見到佢個蟹黃伴面，好吸引，下次一定要再嚟試下先除咗見到餐廳成日爆滿人之外，仲有好多人嚟外賣真係性價比超高，又唔貴又好食， 唔怪得知連發哥，仲有其他明星都嚟幫襯啦

元朗有2間出名嘅生煎包，今日我食左朗屏橋底個間，見到餐廳既招牌已經覺得好有feel，入到去感覺風格偏懷舊feel🔸雞絲酸辣湯+生煎包（2隻）配（凍）豆漿見到佢有套餐簡，即刻簡左e款，因為可以試多d唔同既野，雞絲酸辣湯用料充足，可以自行再加醋調較酸度。生煎包上枱嘅時候以為佢會好乾爭爭，點知咬開仲有好多，而且包底仲脆卜卜，果然係生招牌👍🏻另外值得一讚，餐廳豆漿可以無限refill，豆漿少糖厚實，健康之選😌🔸麻醬青瓜絲粉皮以為係小食，點知份量係主食咁大份，麻醬偏杰身，粉皮爽口，餐廳有個特色唔夠醬仲可以再加🔸蔥油雞扒拌麵份量都唔少，雞扒炸得酥脆嫩滑，拌麵撈咗蔥油非常惹味，而且面嘅口感煮得岩岩好，配埋蔥油既蔥香，答配得宜🔸原味上海小籠包新鮮熱辣，即叫即蒸，小籠包皮薄餡靚隻隻飽滿，咬開仲有好多湯汁，調味唔會偏鹹，我一個人食晒一籠都得😏繁忙時間黎食飯，預咗一定要等位，因為餐廳除咗堂食忙外賣都好忙，今次食完，會令我當諗起要食生煎包或者小籠包，就會諗起劉興記🥰

劉興記生煎包唔使多介紹，因為應該幾多人食過。必點生煎包，煎得底部香脆，內餡有肉汁，上枱熱辣辣，要小心D咬，因為會爆汁。蟹黃生煎包，蟹黃蟹粉份量足，鮮味又多汁，真係堅好食，大推蟹黃生煎包👍🏻🍜 雞絲酸辣湯酸辣湯材料豐富有雞絲、冬菇絲、木耳絲、筍絲、豆腐絲，湯底清爽，酸中帶辣，味道平衡，十分開胃。🥛 豆漿任添豆漿香濃可口，無限任添服務更是貼心，我飲咗三杯，不過個杯唔係好大😂。人氣熱賣皇牌套餐$54雞絲酸辣湯+招牌生煎包兩隻套餐奉送豆漿 （可無限添飲）蟹黃生煎包一隻$20是日消費$74