劉興記生煎包專門店

營業中

休息中

星期六去咗大圍踩單車決定食返一定唔會中伏的劉興記 ，越來越多分店啦人均消費都係$50左右 好抵食除咗生煎包仲試咗其他新嘢同其他分店一樣用QR code落單店面唔算好大 唔少人都會嗌外賣不過留意返，落單嗰個程式係冇照片可以睇返OpenRice嘅相最快到嘅係生煎包，原味都好正爆爆爆汁！真係要留意唔好咁快食正確食法係 細細啖咬一口先有少少似平時食小籠包生煎包個底好脆呢間好食因為夠熱呢款就係蟹粉生煎包雖然貴少少 但係都值得食$18一個都唔係好貴平過唔少蟹粉小籠包另外仲嗌咗蔥油餅同平時見到嘅蔥油餅有啲唔同呢個蔥油餅，係千層酥口感比較脆 裏面有蔥香好細心已經切開一半就唔使食到咁論盡終於嚟到今日最想食嘅主角蟹粉豆腐菜飯因為之前食過蟹粉拌麵對佢印象唔錯，呢款係用上大量蟹粉同埋蟹肉平民價錢高級享受，豆腐好啱送飯加埋啲蟹粉汁，夠晒香濃而且份量都比較較多6:30左右已經好多人要早啲去啊 不過都唔使等好耐

招牌生煎包熱辣辣，外皮煎得好香脆，連生煎包底部都煎得焦脆香口，真正係皮薄底脆！輕輕一咬就已經爆哂汁，仲食到好鮮香嘅豬肉餡料同埋蔥花、芝麻嘅香味上海排骨湯麵份量好多！上海排骨炸得金黃酥脆，排骨炸得好乾身，但仍然保留到好多肉汁，湯麵有口感鮮雞湯小雲吞皮薄餡靚，細細粒嘅小雲吞，餡料都充足，配埋好清甜嘅雞湯，幾好味手工豆沙窩餅炸到金黃色脆卜卜，甜度啱啱好，甜而不膩餐廳舒適，上菜速度快，餐廳店員服務態度友善，抵讚！性價比好高，價錢合理，唔怪得知成日都大排長龍啦

早排有人外賣左生煎包比我 外賣都勁出色 今日要去現場感受下先🤩鋪位唔係好大 所以門口keep住都有條隊好彩大家都係速戰速決 好快就有位😌招牌生煎包(8隻）每個人檯面都必需要有☺️皮同餡嘅比例唔錯 ‼️千萬要記得第一啖要細細啖‼️啲汁係會周圍噴 唔小心就會辣親嘴啊套餐S2 蔥油雞拌麵 ＋生煎包（1隻）配（凍）豆漿同認知嘅蔥油拌麵有啲出入🧐🧐啲蔥好吸引 但會zip牙那🫣再加埋辣椒醬就完美😌手功豆沙窩餅即叫即煎🥰薄薄一層豆沙餡 唔會太甜 美好嘅飯後甜點簡簡單單 兩個人百零蚊 已經飽到上心口抵食👍🏻👍🏻

這日係大圍開完會真氣難下。開足半日同老闆頂足半日。心裡決定要食返些去平衡自己的心態。大圍係這區食肆臨立之下。竟然不覺意下見到幾有特式的小店。招牌生煎包。生煎包既肉汁滿瀉。肉質咬勁。底部煎特脆脆可口。要小心肉汁燙熱入口。蟹黃小籠包。蟹黃的獨特鮮甜海鮮味道。真的令人難以忘記。肉汁爆射。蟹黄令成個口腔內充滿口腹之慾。皮薄餡靚。入口即化。但真心要小心內部滾湯。肉質鬆軟。最重要係入面每位服務員積極&禮貌地服務。有介紹食物給我。勁好服務態度。

📍劉興記生煎包專門店 大圍積信街27號地舖大熱爆汁生煎包，大排長龍，生煎包是現叫現造，每枱都必叫，裡面熱騰騰的肉汁非常多，外皮底部煎至金黄酥脆，撒上芝麻、香葱，非常惹味，第一啖一定要小心食，因為會爆漿，小心燙口。豆漿任飲，不會太甜，店員好好不停refill。☁️招牌生煎包☁️蟹黃生煎包 ☁️排骨蔥油拌麵☁️迷你雞絲酸辣湯

上海排骨菜飯，上海排骨煎炸成金黃色，好香口好酥脆，肉質軟嫩，一啲都唔嚡口，味道好惹味，配埋菜飯一齊食，好夾！生煎包上皮薄，下底脆，生煎包皮煎得好香脆，而且加入芝麻，更加香口！輕輕一咬就爆哂啲肉汁精華出黎，肉餡香濃多汁，好滿足，好好味上海排骨湯麵，份量好足夠，上海排骨好香脆，仍然好juicy!!湯麵湯底好清甜，麵質都好彈牙，好飽肚凍豆漿豆香味好濃郁，豆味仲好突出，質感比較厚滑餐廳舒適，座位數量不多，上菜速度快，餐廳店員服務態度好友善，抵讚

住大圍 見呢到有分店就諗住試下新野下晝3點幾 唔使等可以直入叫左8隻生煎包 1碟油菜 1份炸豬扒 兩樣飲品生煎包: 係有湯汁，但唔夠熱個底好厚 調味一般亦相當油食完好膩，5分質素油菜: 落左相當多油 反哂光炸豬扒: 稍為好，夠熱同鬆化，唔會太乾同得炸粉豆漿: 店員唔老實，落左一杯豆漿之後原來唔識跳返優惠，本來應該免費但照收左我$8，同佢講返又話改唔到單。未埋單都話改唔到單，硬俾左$8然後杯豆漿係唔夠凍，好多豆渣，唔理價錢去睇，都絕對係極差水平，最後飲完一啖就浪費哂兩杯整體黎講，屬於唔食冇可惜，食完可能會嬲既質素，店員好懶，不善溝通亦懶理香港餐廳已經唔易做，呢啲服務同食物質素係自殺

唔知點解大圍人真係好鍾意食中菜，根本上只要係新開嘅中菜都會有人排隊。中午12 點已經有條人龍，記得帶把🌂唔係曬到應一應。招牌生煎包（$20/兩個）一場黎到自然要試生煎包。生煎包外皮金黃酥脆，內餡多汁✅底部有焦脆口感！蟹黃生煎包 （$40/ 兩個）蟹黃生煎包係另一道必試！蟹肉鮮甜，搭配濃郁的蟹黃，口感滑嫩，而且多汁challenge 都✅ （唔使退貨😂）小籠包 （$24/4隻）小籠包皮薄肉多，湯汁豐富✅ 搭配醬油和姜絲別有一番風味。（我個人甚至覺得小籠包出色過生煎包😀）排骨菜飯（$46）排骨份量好多，炸得香口。同菜飯一齊食解膩。麻醬雞絲粉皮（$35）雞絲粉皮清爽可口，是一道清淡的選擇。粉皮滑嫩，雞絲鮮美，搭配特製的醬料，讓整道菜都充滿了層次感。豆沙煎餅 （$28）食完鹹嘢就想食返d 甜嘢。推介豆沙煎餅。外脆內軟，甜而不膩，豆沙餡料分量十足，令人滿足～另外一個優惠係，惠顧$60以上豆漿任飲搭配點心享用，另一層次👍🏻

事源，望到豆漿仼飲仲以為自己一定會飲好多杯，原來一杯好飲既豆漿都可以整到咁難飲，怪不得仼飲，但sorry比錢我都5會飲，點解從未飲過豆漿口感好似未隔清啲渣甘，一d都唔滑，感覺飲緊有渣無豆味既水？ 我人生未飲過一間甘地獄，今日去到叫左兩個餐，加個蟹粉生煎包套餐係排隊既時候已經望到，粗制濫造，本身一d期望都無，坐低叫完個餐勁快到，一食落口，雞絲酸辣湯變雞件胡椒粉水，本身無期待，到我哋自己加辣椒醋，都叫有返個味喇，繼續食，食食下咬到件雞件臭同腥，我完全癲咗，雞絲粉皮到，都係啦雞絲變雞件，粉皮變粉卷，大佬丫，咩叫粉皮，你連佢係皮都5煮到佢變返皮，點食丫？😂😂😂不如5好做啦⋯到生煎包，招牌野無得輸喇係咪？生煎包個皮厚到防幅射甘，我有食哂既，因為最正常，到個蟹粉生煎包，你得兩個生煎包做招牌菜，都無理由又腥又唔熱，食左一隻，放棄一隻，叫左4隻，覺得呢餐飯好難食，貼錢買難受，最後，結論5值得排，除咗佢個正常生煎包正常少少外，其他都好難食。人哋祥X記個皮做得好好多囉，完。。不喜勿插，真實評論

平時都經過呢間餐廳，但每次行過都見有人排隊，今日早左收工經過冇人排，終於可以食到。蟹黃煎包真係好好食，蟹黃味唔腥，唔濃味，仲好香，食嘅時候小心會爆汁😋然後招牌生煎包都好好味，都係會爆汁，肉汁鮮甜估唔到d麵都幾出色，鍾意呢個招牌擔擔麵，唔會太濃味，又會食到花生香味，麵質掛湯蟹黃拌麵，又係唔會太濃味，仲好多蟹肉同蟹黃，麵質爽彈煙靭上海小籠包咬開好多湯汁，都好好味呢幾鍾意佢嘅材料同煮法都好用心，食物份量都唔少，價錢仲好抵食，呢個質素加埋個價錢真係冇得頂，差啲唔記得講，豆漿仲要係任飲

🩵 大圍分店新開咗冇幾耐！去到晚飯時間通常都會開始排長龍😝 今次同媽咪嚟試吓~🩵 蟹黃生煎包 $20 有蟹黃特別版梗係要試吓啦!!一咬落去即刻爆汁🤪 啲汁多到要瀉出嚟。咬開入邊睇到有好明顯嘅蟹膏同埋蟹肉☺️☺️蟹味都算幾濃厚，唔錯👍🏻🩵 蔥油雞扒拌麵 + 生煎包 $64♡ 另外都有套餐會包咗生煎包。普通生煎包粒粒都係咁大粒。咬開入邊都係爆汁！面頭有芝麻，個底都煎得好脆☺️♡ 蔥油雞扒拌麵個麵同雞排嘅份量都比想像中大。雞扒酥脆🩵 麻醬手撕雞粉皮 + 生煎包 $54雞絲粉皮好好食！粉皮切得比較粗身，雞絲都幾粗，咬落比較有咬口😊 麻醬唔會太油膩，又唔會太滯。整體感覺幾好食🫶🏻🩵 手工豆沙窩餅 $28豆沙窩餅唔算太厚，但係食落好有蛋香~ 兩面都煎得香脆😆🩵 如果每人食夠$60，仲可以免費添飲鮮豆漿！狂飲幾多杯都得😝

今晚嚟到大圍，打算搵吓有咩好食，見到呢間劉興記生煎包專門店門口企滿人，無論係買外賣定排隊等堂食都一樣咁多人。.我本身超鍾意食生煎包、小籠包呢啲，加上見咁多人幫襯，就吸引到我哋去試吓啦🤩.我哋當然要試吓佢嘅signature生煎包啦！😍 有招牌生煎包及蟹黃生煎包2款，我哋2樣都叫少少試吓😋.招牌生煎包 —先咬小小一啖，因為入面啲汁真係好熱辣辣，而且真係爆多汁！我食每啖肉都有汁，食到最尾仲可以飲埋啲汁，超滿足！😍.店舖檯面有豆瓣醬提供，我哋試過生煎包配豆瓣醬亦都好好食👍🏻.蟹黃生煎包 —大大隻，蟹黃味道好出，入面有好多餡，好多蟹肉蟹膏！🤩.糖醋炸排骨湯麵 —排骨炸到好香脆，入面juicy有肉汁👍🏻食得出啲芝麻有炒過，所以幾香；糖醋醬汁酸甜度啱啱好，好開胃。.麻醬手撕雞絲粉皮 —超大份量！！諗住係一細碟小食嘅份量，點知佢係成碗粉麵咁多！配料有青瓜絲、雞絲，份量都好多；雞絲肉質幾嫩，食落似係雞髀肉👍🏻.呢度好好，可以揀多醬或少醬，我鍾意多麻醬😆 每條粉皮都佈滿麻醬好正😋.手功豆沙窩餅 —做到外表酥脆內裡軟熟，餅皮唔會炸到好乾同硬，豆沙餡唔會太甜，食落唔覺漏👍🏻.餐廳而家仲做緊優惠 —惠顧套餐或

行完街係附近諗住搵啲輕食見到呢期好似幾出名下就去試試晚市都幾旺場但等候時間都唔算太耐🤩一入去 就俾個消費滿$60豆漿任飲吸引左明明想輕鬆一餐都引唔住乜都試下先叫左個上海小籠包隻隻飽滿 睇到已經食指大動咬一啖 滿滿既湯汁啲肉爽嫩彈牙好快就清哂4粒上海排骨菜飯 配一隻生煎包唔少得杯凍豆漿🤩排骨炸到香脆配上菜飯就唔怕油膩食食下都清哂😂生煎包 話會爆汁睇個樣 又唔似但佢話明唔包汁可以同佢講返出個粒小心翼翼咁咬一啖點知 嘩 🤯佢真係爆汁架😂果然真材實料叫左咁多都係$100左右認真抵食

今天我想跟大家分享幾道超好味嘅上海美食！首先是蟹粉生煎包，這個包外皮金黃酥脆，裡面包著鮮美的蟹肉和湯汁，咬下去的瞬間，湯汁噴發，真是太過癮了！接下來是小籠包，這可是經典中的經典，薄薄的皮包著鮮嫩的肉餡，裡面還有濃郁的湯汁，搭配醋和薑絲，簡直是絕配。再來是生炸雞扒菜飯，這道菜的雞扒外酥內嫩，搭配香噴噴的白飯，還有新鮮的蔬菜，吃起來特別滿足。最後是上海雲吞麵，雲吞皮薄餡多，湯頭清爽，吃上一口，讓人感覺暖心又舒適。

住喺沙田咁耐都未食過，成日見啲人排隊，一於試一試，個人覺得佢比連鎖式嗰間好味好多佢啲套餐好抵麻醬手撕雞絲粉皮 佢呢間超多青瓜🤩 每啖都勁爽口，而且加咗麻醬同手撕雞好嫩滑，唔會好草青，粉皮都好彈牙，而且呢間胡麻醬好香花生醬味排骨蔥油拌麵佢嘅蔥油好香，唔會覺得好油膩嗰種，係淡淡嘅蔥香，麵條又掛著啲汁，排骨都外脆內嫩🤩 好大份主菜生煎包個肉質勁Juicy，個皮薄得來又脆，一咬落去脆卜卜，爆汁，超爽，上面仲有啲香蔥調味；個肉嘅調味都好香