劉興記生煎包專門店

營業中

休息中

最近劉興記超出名呀，朋友帶左我黎食，睇下有幾勁先，可以叫套餐或者散叫😏🍲鮮雞湯小雲吞(12粒)+生煎包(2隻)細細粒幾入味，飲品加$8可以轉可樂🍜上海排骨湯麵+生煎包(1隻)湯底好鮮美，排骨好嫩滑多汁，麵好彈牙😍普通生煎包都係一樣爆汁，個皮唔會好易爛，都係好煙韌🥠蟹黃生煎包(2隻） $36黎依度必食架😚大大粒，真係爆汁，生煎包既包皮好煙韌🍜雞絲酸辣湯麵 $34好足料，辣辣地幾開胃😎🧇手功豆沙窩餅 $28唔會好甜，又無炸到好燶😆劉興記生煎包專門店 (大圍)📍大圍積信街27號地舖

慕名而來，聽講都有好多分店，而家終於新界都有，約下午一點到，仍然好多人排隊，等咗30分鐘，終於有位。店鋪較擁擠，坐得唔係好舒服。豆沙鍋餅煎到好油，豆沙餡較少，食落冇咩味。生煎包多汁，但係冇咩驚喜，皮實在太厚。蟹黃生煎包基本上食唔出蟹味，同普通生煎包差唔多。酸辣湯不過不失。frd食排骨麵，排骨煎到好油，面好一般

只要你細心發掘下，大圍絕對多美食俾你尋寶。呢間小小店舖門口已經排長龍，但係絕對值得你等候。🍯｜招牌生煎包｜HKD 30餐廳招牌菜式必叫，‼️爆汁請注意‼️，外皮脆口咬落爆汁，絕對冇介紹錯，台台客都必叫。🍯｜手功豆沙窩餅 ｜HKD 28切成細細件，色澤金黃，內餡軟綿綿豆沙蓉，甜度適中，甜而不膩。🍯｜鮮雞湯小雲吞 ｜HKD 30雲吞皮薄，細細粒，容易入口，清雞湯香而不油膩。🍯｜麻醬手撕雞絲冷麵 ｜HKD 42份量非常充足，少麵已經大碗，見隔籬枱正常份量成座山咁高，物超所值。麻醬濃郁香味、手撕雞肉的鮮嫩多汁,以及冰涼爽爽的麵條,夏天選擇之一。

劉興記生煎包專門店一連係多區開咗分店，人氣旺盛一直持續到依家😲😲平日晚市時間嚟到大圍分店，離遠已經見到長長嘅人龍🫢另一邊仲有一堆人等緊外賣🥡除咗人氣必點之選爆汁生煎包之面外，仲有數款抵食嘅套餐連豆漿👍🏻我地就叫咗兩個餐外加一款主食，食到捧住個肚仔走🤭🤗爆汁生煎包生煎包果然係劉興記嘅招牌菜，即叫即煎，每一隻都係大大粒相當飽滿，咬落去要非常小心👀小心爆汁噴到人呀🫢外皮煎到香脆，入面真係完全係滿滿嘅湯汁😋😋迷你雞絲酸辣湯套餐仲連6隻生煎包，所以真係相當抵食😆雞絲酸辣湯足料，豆腐粒、木耳絲、筍條同雞絲，酸辣湯偏酸唔算辣麻醬手撕雞粉皮滿滿一整盤😲雞絲粉皮，青瓜🥒絲超爽脆，粉皮有別於其他，哩到係扁身大大片，拌勻花生🥜味濃郁嘅麻醬同手撕雞絲，真係食完相當滿足😌糖醋炸排骨菜飯排骨炸起後再淋上糖醋醬，所以炸排骨仲可以保持脆感又俾酸甜嘅糖醋醬汁包覆住，菜飯好香又健康🤗

傳說中的爆湯生煎包開到大圍了！放工極速衝到大圍，等一桌就到我們，也算成功避開排隊人潮😁 ❤ 迷你雞絲酸辣湯＋生煎包6隻 $59掰開生煎包，肉汁爆出🤩湯汁鮮甜不膩，好好喝，包底煎得超香脆，放久了還是很好吃🤤誠意推薦！跟餐的迷利酸辣湯並不迷利，材料豐富，雞絲也多，酸辣得宜，滋味醒胃，是性價比很高的套餐喔🥳❤ 麻醬手撕雞絲粉皮 $35粉皮一卷卷，很可愛又容易吃，雞絲有調味，份量也多，配上大量的青瓜絲，最適合夏天吃！👍🏼 上海排骨菜飯 $42菜飯不油，但份量也是很多，胃口小的可以叫少飯喔。排骨炸得挺香口。❤ 酥炸小雲吞 $25性價比超高，有十二粒！沒想過每一粒還有滿滿的肉餡👏列入最愛飯堂之一！🥳

收工經過大圍見到有間大排長龍嘅生煎包，於是決定同朋友一齊入去試下。招牌生煎包（2隻） $20生煎包係餐廳嘅招牌菜，仲寫明唔爆汁可以免費更換！啱啱煎起嘅生煎包色澤好靚，咬落外面脆脆地，重點係真係超多汁，肉餡調味都唔錯！麻醬手撕雞粉皮+生煎包（2隻） $54佢嘅套餐幾抵食又有唔同配搭，朋友試咗呢個S2套餐。麻醬手撕雞粉皮份量多，麻醬味道香濃，手撕雞、青瓜等配料份量多，食完好飽肚。生炸雞扒拌蔥油麵 $42呢個蔥油麵我選擇咗少油，但食落依然好香蔥油味，面頭仲有幾條炸過嘅乾蔥。雞扒份量唔少，外脆內軟，唔錯。

見呢間成日都有人排隊就一於幫襯吓，估唔到未夠六點已經有人排隊叫咗兩個套餐+雞絲粉皮+豆沙窩餅，食到好飽，兩個人都係$170 ，真係超值。🍴爆汁生煎包餐廳標榜如果唔爆汁包換，食之前都預咗有汁，但係一咬開，啲汁真係爆曬出嚟，搞到成塊面都係。佢嘅汁之多真係冇expect到！湯汁豐富又好味，餡肉好鮮甜，最驚喜係雖然個包爆汁，但包底好脆！🍴排骨菜飯，小雲吞排骨係類似鹽酥排骨嗰種台式排骨，菜飯屬於淡味無乜油味嗰種，幾健康。小雲吞有12粒，都好味。🍴青瓜雞絲粉皮呢個係我第二個最愛，佢比一般嘅雞絲粉皮多好多青瓜絲，夏天食十分清爽，麻醬都好濃郁好夾。總括來說個最驚喜係生煎包，值得排隊試下

第一🔥，呢個天時冷氣唔凍冇冷氣好熱🔥🔥🔥🔥🔥🔥🔥🔥🔥🔥🔥🔥🔥第二🔥嘢食一般般豆漿$8得茶杯咁細唔抵直頭肉狗酸。第三🔥麻醬雞絲粉皮唔凍室溫，差少少小以為係熱嘅😮‍💨🔥🔥🔥🔥🔥🔥🔥🔥第四👌生前包就過得去，但唔可以叫好食第五😾上海排骨飯，排骨細細粒，骨多個肉個汁仲要好甜好重酒味，個菜飯唔菜飯，完第六👎🏻👎🏻淨係收現金。👎🏻👎🏻👎🏻👎🏻咩年代冇得電子消費👎🏻👎🏻冇諗過咁差，真係冇下次

今日放工同老公去大圍搵野食，經過見到呢間劉興記食生煎包，又有人排隊，就入左去試下。舖頭細細間，坐位係有少少窄，但感覺唔算迫，而且落單已經先進到有得用QR code！唔使叫侍應，好方便。🥢 鮮雞湯小雲吞 $30細細粒嘅雲吞一口一個，配上濃郁嘅雞湯，好鮮甜。$30一碗就有12隻小雲吞，抵食！🥢 生炸雞扒湯麵 $42雞扒炸得外脆內軟，唔會油膩，入面嘅雞扒仲有肉汁，湯麵都好大碗，麵條唔會腍啤啤，軟硬適中。🥢 迷你雞絲酸辣湯+生煎包+ 豆漿$59酸辣湯偏酸唔太辣，各人有各人口味，呢個偏酸嘅酸辣湯非常適合我飲。招牌嘅生煎包真係每一口都爆汁，裏面嘅肉份量都多，舖頭仲寫明唔爆汁會免費更換！！🥢 手工豆沙窩餅 $28以豆沙窩餅作為呢一餐嘅完結，細細嘅一件，外面炸得非常香脆，裏面有滿滿嘅豆沙餡，唔會甜到膩，好吃！我地兩個人食左$160，飽到捧住個肚走，睇黎今晚個晚飯可以唔洗食啦！如果揸車嚟嘅，一定要預留時間搵位，附近雖然有好多咪錶位，但係都好full好多人！！不過為左個爆汁生煎包，都值得等嘅。

大圍交通方便，食店林立，的確係一個搵食嘅好去處。但係每一間餐廳都各有賣點，要突圍而出真係唔容易。早幾日我就去咗大圍嘅「劉興記」，睇下佢點解可以成為區內新興起嘅人氣小店。幫襯得人氣小店，一定要有排隊嘅心理準備，但係其實較啱時間，都未必需要排隊嘅。我今次幫襯嘅時間係晏晝大約四點鐘，雖然舖頭入面已經有唔少食客，但係好好彩竟然仲有個二人位。一坐低之後，我第一件事竟然唔係睇餐牌，而係畀餐廳入面嘅告示吸引咗。「親愛的顧客們生煎包無爆汁，可免費更換」嘩，咁有信心得唔得架？之後我哋就叫咗一個套餐：「皇牌2 - 麻醬手撕雞絲粉皮 + 生煎包2隻 配豆漿」單點：「蟹黃生煎包」2隻、「招牌擔擔麵」、「秘製上海炸排骨」同埋一罐可樂。好快嘢食就上枱，我第一時間檢查吓啲生煎包有冇爆汁，結果啲汁係衝出嚟，啲汁嘅份量甚至一度令我非常懷疑一個生煎包最多究竟可以裝幾多嘅汁，總之，試過就會知道，要唔漏汁食呢一個生煎包，成隻鯨吞可能係其中一個可行嘅選項。兩款生煎包都好高質，普通版肉味較重，蟹黃版香氣濃郁，各有各出色之處。麻醬手撕雞絲粉皮麻醬同粉皮比例調配得好，雞絲同瓜絲份量足夠。擔擔麵湯底香濃可口，麵身軟硬適中，配合香脆嘅秘

今日去大圍行街，見到間上海餐廳大排長龍，有咩吸引到啲人係高温34度下長時間排隊，我本住唔執輸既心態排埋一份，真係值得的!!麻醬手撕雞絲粉皮- 鮮嫩雞肉與彈牙粉皮,淋上濃郁醇香的麻醬,口感豐富,酸甜鹹香。秘製上海炸排骨- 外酥內嫩的炸排骨,可口,肉質紮實多汁,回味無窮。雞絲酸辣湯面- 湯頭酸辣開胃,雞絲鮮嫩,麵條彈牙,清新爽口,是一道溫暖舒適的佳餚。招牌生煎包- 皮薄餡多,餡料鮮美多汁,煎至金黃酥脆,一咬仲要爆汁差啲射到隔離枱。蟹黃生煎包- 入口即化的蟹黃餡料配上酥脆的皮層,交織出頂級的口感體驗。低糖豆漿- 香醇濃郁,卻不失清爽順口,適度低糖,滿足健康飲食需求。

唔試就走寶了! 大圍積信街外大排長龍，原來係新開的爆汁生煎包佢哋嘅爆汁生煎包，幾有驚喜 做到一咬爆汁嘅效果，最重要係個皮薄唔油又唔易穿～堂食熱辣辣，個口感更加正除了原味生煎包，仲有蟹黃生煎包! 滿滿蟹黃，襯熱食，效果更佳！上海排骨菜飯炸豬扒即叫即炸非常熱辣辣，最重要外皮夠脆，而裏面亦夠juicy麻醬雞絲粉皮切成條狀嘅青瓜拌雞絲，口感清爽～ 粉皮滑溜帶煙韌感，拌入麻醬，係夏日小菜之選豆沙窩餅豆沙餡配埋即炸外皮，滋味滿分

去到大圍見到呢間舖即使喺高溫下 依然有好多人排 抱住執輸行頭慘過敗家嘅精神 我哋都排嚟試下我哋嗌咗生炸雞扒蔥油拌麵🍜重可以揀少油 幾貼心👍個生炸雞扒真係好出色🍗建議大家可以加佢哋嘅辣醬吊味 個味道會再昇華咗🥵麻醬手撕雞粉皮+生煎包（2隻）送凍豆漿個手撕雞粉皮好啱夏天食☀️雞嘅份量都唔少🥳生煎包佢寫明唔爆汁免費換🌟相當有信心 食落都冇令人失望🤩真係好多肉汁好正 講起都想再食👍👍👍凍豆漿竟然唔使額外加錢都大讚呀 性價比實在太高啦

今日Lunch試呢間生煎包，揀咗套餐皇牌4 S4，盛惠59蚊。套餐包括一碗迷你雞絲酸辣湯、生煎包6隻、凍豆漿一杯。落單後等咗5分鐘左右，所有食物就上齊。迷你雞絲酸辣湯：微酸，有胡椒味，好多料，雞絲好多好滑生煎包6隻：底係硬脆煎得有啲燶，入口係熱辣辣，好多湯汁，要小心食，食完6隻之後好飽，但返到office覺得勁口渴，飲咗勁多水，生煎包似加咗味精調味。豆漿：一般，無豆味，可能係叫貨嚟賣。呢間幾啱食quick lunch，由入門口到埋單走人用咗16分鐘，味道唔都ok，唔算勁好食但唔差，扣分位係味精調味。

劉興記呢個名都聽過好幾次....最出名一定係新鮮熱辣爆汁生煎包!!!🥟星期三大概 19:40 左右排隊,, 8點鐘鬆 D 就有位入去食 入到去係 QR code 落單既, 不過個 app 好慢.... 狂 hang 機😂😂 廢麥夫婦分別揀咗皇牌套餐 2 & 3, 跟餐有杯凍豆漿另外單點一個蟹黃生煎包🦀🦀 -生煎包真係爆曬汁, 仲要係好多汁個隻!!! 小雲吞普普通通, 但老公話個湯幾好味麻醬手撕雞絲粉皮成碗既雞絲同粉皮份量都算幾多麻醬夠多夠曬香滑, 一入口係好想再食個隻😋😋不過始終食咗2粒生煎包, 麻醬手撕雞絲粉皮只係食到3分2😂😂