劉萬利咖啡粉麵燒臘飯 (已結業)

老闆劉萬利 開間劉萬利尼食下個tea.....大排檔野....咁緊係食番d 大排檔的撚手野就算....叫左個 牛腩河....竟然都係一般炸播....牛腩好痴牙...d 湯雖然 落左好多腩汁...但係竟然都唔覺好味...我諗原因係佢根本個湯底就唔多得掛....反而個奶茶就幾滑啦~~突然係度諗....其實呢間野個老闆...係唔係真係叫劉萬利呢?定係佢只係姓劉...但係想間野 一本萬利所以先叫做 劉萬利呢???真係唔知喇

年度教會大旅行，晨咁早就去到沙角附近，時候尚早，百無聊賴，淨係諗到一個地方坐低hea 一hea。別無他選，坐低食個ABC餐la..上次吃過晚飯，完全不知所謂，今次來個早餐，開宗明義叫自己做咖啡茶檔，應該好D啩...例牌沙爹牛麵，又係例牌一pat沙爹放响大光麵上，見到已經唔算食，好彩麵唔係淥得太淰，如果唔係，直頭來個絕食抗議...反而蛋治入面嘅蛋炒得不錯，有蛋汁流出，頗滑，馬上清晒倉...茶走一般，不夠滑....總算比晚飯水準好....

真係一流,D車仔麵勁正,唔日日叫杯奶茶都唔得,又多選擇,有時食下車仔麵,有時又可以食西式早餐,又有粉麵同燒味飯.點食都唔會悶.最正係D辣椒油.出面食唔返.好似話劉老板親自煮架.好正!服務都ok,繁忙時間D野都黎得算快,環境算好好,又大又衛生.好過出面D茶餐廳同大排擋.抵沙角劉萬利做足30年!名不虛傳!

今日訓醒落去買個外賣芙蓉蛋飯炒底+凍奶茶,一向都係高水準.....點知今次出事啦,個芙蓉蛋~~未熟透,(平時係金黃色)淡而無味,凍奶茶呢~~好驚~~有公仔麵o係入面!!!睇黎我同呢個大排檔ge廿幾年感情要結束啦!

跟太座食個快飯之後趕快回家休息。走入沙角邨嘅大排檔陣，本不想去水準已大倒退嘅金沙角，但其餘嘅未試過，唔敢搏。點知去到，多人到暈，仲要等位，放棄。無奈選擇第二間...來到呢度，吉位多過乜，心知不妙，可能佢哋唔係做小菜為主la。唔想四圍蕩，就坐低...晚飯要飽肚D，決定捨茶餐及碟頭飯而取小菜，點知就後悔嘞...啫啫雞煲上枱熱辣辣，但只係虛有其表。俾埋D雞腳及雞頸呢D豬頭骨你，直頭離晒譜；豬潤又唔爽口，味道亦偏鹹...係小弟食過其一最差嘅啫雞煲...鹹魚茸炒菜心，食落似浸菜心多過炒菜心；雖則話落咗鹹魚，但真係過份地鹹...最後食咗兩條就擺低，再食我驚血壓會標升...當然唔可以就咁就判呢度死刑(始終佢哋嘅賣點係咖啡小食)，不過單論小菜水準，簡直係死有餘辜...

去沙田圍食午餐,見幾多人就揀里到，叫咗猪扒糩意,朋友叫咗奶茶同雲吞面. 雲吞頗多同吃得出有大地魚的鮮味. 到我既猪扒意粉，份量頗多，猪扒很入味，汁加入咗好多蘑菇，意粉又入味，讚！要提一提乾淨程度都算高喎。

劉萬利是沙角出名的大排檔，早上早餐時段往往是人頭湧湧，早餐大件又抵食，本人很喜歡茶餐，車仔麵及奶茶。

My last trip to Hong Kong, I stayed near Shatin Wai and I ate at the Sha Tin Dai Pai Dong every morning. I became addicted to their Hong Kong milk tea and had to have a cup every day before embarking on my daily business. It is THAT good! The food is also great tasting and by far, the best value. Must haves on their extensive menu include their pork chop bun, various BBQ'ed meats, and wonton mein w/ chili oil. On my next visit to Hong Kong I will try and attack the other side of their menu

上星期日遲遲未食晏,求其落沙角食d野...三點幾,大排檔還是坐的半,午飯時間在大排檔外加建帳篷仍在,帳篷下仍有唔少人食緊野...茶餐跟午餐只是相差一元,就點了午餐...午餐有沙爹牛肉意,奄列,牛油方包,熱奶茶...沙爹牛肉意,意粉並非腍腍的,牛肉頗入味...奄列,裡面的火腿唔係咁多,唔太鹹,幸蛋是全熟的,因自己唔鍾意食生熟蛋...牛油方包,自己又忘記了記佢烘底,牛油唔多...熱奶茶,奶味茶味並重...同時間亦係呀姐食飯時間...因為係大排檔,服務始終係麻麻的...地方都算幾乾淨,地下乾乾的,冇乜垃圾...食完又係時候走人...有時覺得冬菇亭似帳篷,在入面食野,擋風擋雨擋太陽...不過始終擋不住歲月流逝,將來冬菇都有可能成為歷史...

「劉萬利」是沙角/乙明村一個大牌子，覆蓋範圍包括咖啡/奶茶/粥/粉/麵/燒臘/小炒/火窩，十行八檔，都唔好話唔犀利。行山前，要找處地方醫肚先，跟朋友來了這裡。要了一件油占多，一隻熱狗，加杯熱咖啡同熱奶茶。不要看這裡只是一般排檔，雖然環境麻麻，但那隻匙羹，是洗得像新的一樣乾淨。食物的水準也較預期中好，多士略烘，外微脆，而內裡卻幾鬆軟，意料之外；熱狗包也是烘熱了的，除了一條炸過的香腸外，還有蕃茄及醬瓜，只賣七元五角，是難得的認真。咖啡幾香，奶茶也不錯。埋單40蚊，路經此地的話，食得過。

我係到住左十幾年, d水餃由細食到大, 真係好好味ga~!外便都找唔到好味過佢既水餃!!!佢d蛋治都ok, 勁厚!奶茶very good!其他食物就一般啦, 唔係樣樣都好食, 有時d通粉仲會過林tim...........但夏天來食就會好好好好好熱, 來得呢度食既都係街坊~

9-10-2005 1047同下午茶一樣，都要做個ending，不過已諗到下一個系列要寫的乜。今日係openrice既單車日，正式開始之前佢地都會食個brunch，不過自己仍然有多點點時間，便自己行遠少少，望遠少少應該有多的好野食，去沙角村既大排檔整個早餐。點了沙爹牛肉加餐肉治，沙爹牛肉還有少少味，麵還是普通既公仔麵，不過兩件餐肉治都幾大份，作為消耗體力的最佳良方，廿蚊加兩蚊的確幾抵。事後聽番佢地講頭先去牛肉館餐廳，食到一肚都係，而笑臉只係俾份特大既餐肉治。

好耐未去過大排檔食野啦, 今日tea time特登由new town plaza 去左沙角食tea, 落大雨, 好涼, 坐大排檔一d都唔辛苦~ ^^叫左個白蘿白魚蛋, 蘿白真係好好味, 一d 都唔苦勁滿足呀