力天冰室

營業中

休息中

作為一個土生土長嘅香港人，間唔中去下港式冰室簡直係指定動作。 何文田呢間冰室係用清新嘅藍綠色作為主色，都幾吸睛🤩，入面位置幾多，不過都差唔多坐滿，店員們亦非常忙碌。入到去二話不說，梗係嗌番個常餐先啦🤭。其實除左常餐，仲有好多款中式小菜可以揀，而且價錢都好親民，係真。茶餐廳價格👍。❤3.6牛乳炒蛋拼腸仔， 煉乳丹麥多士炒蛋真係落左好多牛奶，食入口滑嘟嘟，可以直接滑入喉嚨😋。腸仔係用左我最喜歡嘅廚師腸，微微煎過好香口。 丹麥多士比一般茶餐廳多士更加鬆軟酥脆，加埋煉奶真係邪惡又好味呀😜。❤仿鮑魚絲火腿通粉通粉份量都唔少，係比較厚身有嚼勁嘅。上面有非常大量嘅火腿絲同鮑魚絲，幾足料。❤招牌沙茶牛肉麵公仔麵硬度啱啱好，非常掛湯。湯底又夠濃味，牛肉好大塊而且係滑同腍嘅，係味道唔錯嘅一碗招牌牛肉麵。❤凍華田隨餐附送嘅飲品都幾大杯。整體黎講，食物質素唔錯，一個常餐50蚊唔駛，係好抵食嘅🏅。

住喺呢度附近，來來去去都係得一兩間相對比較好食嘅茶記。這間茶記開之前，佢嘅上手，我都試過，試過一次都冇第二次，咪就係啲嘢唔得！可能有啲陰影，今次「力天」新開，我都等咗一段時間觀察下先去幫襯。終於有一日放假，做完運動回來食個早餐，好嘢！又多一個選擇，一食過早餐就覺得佢掂豬膶公仔麵有好多薑絲，多士係丹麥多士，又有牛角包🥐⋯⋯仲有啲中式早餐可選擇之後都有再去幫襯食午餐，人都好多，又要搭枱，價錢，味道，款式全部都滿意

身為地道香港人，點少得幫襯富有香港特色既港式冰室。今日就黎到位於何文田既力天冰室，餐廳位置都算容易搵到，對正大馬路，而且餐廳用左清新既藍綠色仲主色，不難看見。黎到港式冰室當然唔可以錯過本地特色小吃。芝士流心西多士：改良左傳統西多士做法，中間加入流心芝士，金黃色既外表，加埋裡面熱溶既芝士，令人一試愛上。炸大雞脾，話明大雞脾, 果然真係夠晒大， 而且雞脾炸得剛好，唔會炸到乾爭爭，肉質仲好滑嫩。常餐：試左腸炒蛋、鮮牛豬潤麵，炒蛋金黃色，滑嫩；鮮牛唔會鞋口、豬潤無腥味。飲品：懷舊雜果冰同紅豆冰都唔錯，唔會特別太甜。

早上去力天冰室多次，吃过多款早餐，發覺味道很濃但太咸，不適合腎功能差的客人。由於家人不喜歡太咸的食物，我近來小去幫襯。希望力天負責人留意下。值得一提是侍應態度幾好，等候時間又短。

今天去完旺角探完外公外婆順便到附近吃下午茶見到有間門面好突出的新式茶餐廳想吃一下常餐尤其是公仔麵所以進去摸索一下🥰🥰🥰見到牌餐的價錢中道油尖旺區來說價錢適中餐廳以藍色為主調看到令人精神為之一振♥️生滾鮮牛肉豬潤雙拼公仔麵$52生滾牛肉粥就常常吃生滾鮮牛公仔麵就未吃過覺得好奇就想試試和粥品的牛肉會不會不一樣落完單等了一會練乳丹麥多士、香腸和炒蛋先上丹麥多士超酥軟😱😱😱😱而且牛油超！級！香！比外面貴價麵包店還要好吃一百倍🥰🥰絕對無誇張炒蛋有預期的滑嫩香腸是久違了的茶餐廳煎香腸味🤣🤣🤣至於麵餐份量真的不少以下午茶來說是大份的牛肉和豬潤份量很多生滾的牛肉和豬無讓我失望因為夠嫩而且是剛剛熟！温度控制得很好而且湯底是牛肉清湯湯底很熱可能是為了碰熟肉片配上薑絲就很有台灣風味🧡懷舊紅豆冰 跟餐+$8紅豆份量多剩驚人滿滿的差不多有半杯而且粒粒分明吃下去是軟綿的但不太爛反而保持咬口和口感紅豆也不是死甜的來貨整杯的淡奶味夠是我喜歡的比例📍 力天冰室 (何文田)何文田窩打老道73號地下D號舖

好耐冇黎過何文田, 今日經過, 竟然發現有新開既茶記。 一至既天藍色設計就吸引到我入去啦。 入到去, 見到裝潢就同附近既好唔同, 感覺好光鮮舒服。冇諗到2點後下午茶時間都咁多人客。 我同朋友坐底就叫左2個常餐加紅豆冰。佢常餐都有幾多野食, 我地叫左豬潤滑牛米粉。 佢地既餐包竟然係用丹麥包, 腸仔仲有炒蛋。丹麥包暖笠笠配牛油煉奶, 真係好美味, 比起厚方包同牛角包更好食。 真係好少見有茶餐廳會有咁既配搭。 而炒蛋都好有水準, 亦都夠大份。而碗米粉都唔錯。 豬潤雖然薄左d, 但卻煮得好爽口, 而且夠熟。 滑牛都好滑, 似打邊爐既滑牛。 而且碗粉都有好香既薑味, 又唔會覺得辣個種。 味道幾好。而最正仲有杯紅豆冰。 飲落好香奶味, 紅豆原粒, 咬落起沙, 甜度剛剛好。這間茶記真的不一般, 發現真係好好味。

常餐好多時都係去冰室嘅其中一樣必試美食，看似普通，不過一個月總是會食好幾次，今晚來到<力天冰室>，見有常餐供應，試過確係吾錯。入到餐廳，以冰室來講，地方夠闊落，環境乾淨企理，絕對坐得舒適。常餐11：30 am 後開始供應，價格都係四十幾、五十蚊左右，非常合理。餐廳吾同時段都有套餐供應，價格親民，非常抵食。除了常餐，仲有多種中式小菜、鐵板套餐、扒類、西餐、小食等等供應，選擇多多。炒滑蛋用上3.6牛乳來炒，真係夠曬滑，濃郁蛋香，腸仔夠惹味，丹麥多士牛油味非常香濃，配埋練奶非常好食。<招牌沙茶牛肉麵>沙茶牛肉份量好多，塊塊牛肉都又腍又大塊，沙茶醬汁好濃好夠味，麵質彈牙好食。<生滾鮮牛肉豬潤雙拼公仔麵>鮮牛肉都好多好足料，而且仲好腍。豬潤新鮮，入口爽口彈牙，牛肉湯底清甜好味。凍奶茶都幾大杯，抵飲！！整體來講，餐廳環境舒服，供應的食物質素水準都好好，而且價格平，份量夠，非常抵食，值得再來呀！！

行過先發現原來何文田呢邊開左間新開嘅茶餐廳，裝修主要行天藍色為主，原來佢嘅常餐都幾抵食喎。生滾鮮牛肉豬潤雙拼通粉 3.6牛乳炒蛋拼腸仔 練乳丹麥多士 熱杏仁霜 $52最快到嘅就係炒蛋腸仔多士，丹麥多士好味過普通多士好多！更加酥脆，配上練奶甜甜的，亦都有好大份嘅炒蛋。值得一提嘅係杯杏仁霜，唔會好甜，而又充滿濃濃嘅杏仁味本身已經超鐘意豬潤嘅我，見到佢個6號餐簡直係雙眼發光！牛肉同豬潤都好足料，而且個湯唔係一般嘅清湯，係濃湯。普通嘅一個常餐都食得好滿足呢～

同朋友去旺角買完野，準備搭巴士回家，就在窩打老道巴士站附近見到間力天冰室，餐廳地方整潔，裝修雅緻，咁啱我哋又有啲肚餓，咪就入去食啲嘢先走。揀咗兩即叫即煮嘅常餐。瑞士雞翼撈公仔麵，完隻雞翼嫩滑入味，公仔麵撈埋啲醬汁爽口美味！3.6牛乳炒蛋拼腸仔：加入3.6的牛乳炒蛋口感滑而香。煉乳丹麥多士，丹麥吐司層次分明，外皮酥脆，奶香濃郁，鹹檸七化痰潤喉。生滾夠薑豬膶米粉，豬膶薄切，並加入大量薑絲一同生滾，令到豬膶完全冇腥味，更令湯底增添不少香味，豬膶有口感唔會好硬，米粉爽口。3.6牛乳炒蛋拼腸仔，煉乳丹麥多士。懷舊紅豆冰，紅豆冰是用古老杯裝，充滿懷舊風味！ 紅豆林身夠清甜！

🍴生滾夠薑豬潤公仔麵 3.6 牛乳炒蛋拼腸仔 練乳丹麥多士 50 蚊🥚🍴生滾鮮牛肉豬潤雙拼公仔麵 3.6 牛乳炒蛋拼腸仔 練乳丹麥多士 52蚊🐷十分唔錯既常餐 首先佢腸仔煎到剛好 炒蛋好香滑 有好香蛋味 可能落左奶 而佢個多士整得好夠香脆 帶 d牛油令到麵包好軟林 🍞 再加埋香滑既煉奶 因為麵包帶 d熱 所以奶溶入去包度好入味 講番個豬潤 (或豬潤牛肉) 🐮 牛肉好彈牙 應該係滑牛 豬潤切成薄碎 熟程度剛好👍🏻 🐷 湯底 整得夠薑味 甜咸度適中 無論浸米粉或公仔麵都好正👍🏻#公仔麵 #米粉 #豬潤 #牛肉 #煉奶 #炒蛋 #多士 #腸仔 Score 平均分 <7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#力天冰室何文田窩打老道73 號地下 d號鋪~~~~~~~~~~~~~~

呢排冰室真係愈開愈多 食物種類較多所以我都好鍾意去冰室食嘢 呢間冰室嘅環境夠晒光猛 主色調係Tiffany blue真係夠晒casual 真係好吸引到我行入去試吓😂今日唔係太肚餓又見佢份煉奶丹麥多士好吸引 所以嗌咗兩份常餐試吓😗 本身友人想試個生滾鮮牛肉豬潤雙拼公仔麵 點知可能放工太晏 所以豬潤已經賣晒🥺 結果嗌咗一份招牌沙茶牛肉麵同埋瑞士雞翼撈公仔麵 點知瑞士雞翼又賣晒 就變咗瑞士雞髀🍗 其實轉咗瑞士雞髀都幾好啊 瑞士雞髀size竟然大過一隻手掌🖐️ 本身好怕食撈麵 因為出邊啲餐廳成日煮得太林🤮 但係呢間嘅撈公仔麵真係啱啱好 而招牌沙茶牛肉麵 味道都幾惹味 牛肉唔會太韌 而醬料又唔會太鹹🐮 都幾啱我口味煉奶丹麥多士好脆口 加埋煉奶雖然好邪惡 但真係好好食😋 3.6牛乳炒蛋都唔錯 半生熟咁幾creamy飲品方面 我地嗌咗凍檸茶同埋凍奶茶走甜多奶 咁刁鑽嘅飲品 但餐廳都可以完全跟足要求 真係抵讚👍🏻

返工多野做到心理平衡唔到，放工又鬼死咁肚餓，我們就求其入了一間冰室餐快餐去頂肚，點知有驚喜呀!由於肚餓關係，我們叫了2個常餐 ，MENU 寫住即叫即做，等左一陣，店員好快端上食物，而且食物仲係熱辣辣的!入親茶記，沙茶牛肉公仔麵都是必點的!力天沙茶醬好香好惹味，牛肉質地嫩，份量多，麵唔會煮得太淋身，軟硬適中，入味瑞士雞翼撈公仔麵公仔麵唔會煮到好淋或者太硬太生，口感剛好，瑞士雞翼煮得好入味，肉質JUICY呢兩個茶餐都會跟炒蛋, 腸仔同埋多士炒蛋嫩滑，腸仔煎得好香!有別於坊間冰室，力天常餐是配丹麥多士，層層酥皮，鬆軟酥香跟埋煉奶，好好味，食到停唔到口!由於無食LUNCH，工作量又多，放工要平衡心理下，我們叫了芝士西多士店員好細心，牛油會另外放在冰塊上，可以睇返個人喜好調節牛油份量剛炸起的西多士唔會油膩，蛋香味夠，配埋濃郁牛油同芝士內餡，加埋糖漿，入口柔軟，好食!總括而言，力天冰室食物份量多，好飽肚，回頭度大增!

話說友人A最近搬左去何文田～ 大大力同我講呢間新冰室好好食（培正小學斜對面，香港九龍維景酒店隔離）～ 話間嘢開業一個禮拜，佢就食左兩晚～ 要叫埋我同友人B 過去陪佢食第三晚..一入去就發現間茶餐廳裝飾有別於一般茶記冰室，有小盆栽、書、帆船、saxophone 等等做裝飾，感覺好Modern ~ 顛覆左傳統茶記冰室既老舊死板，感覺似一間cafe 仔多啲，唔知老闆係唔係後生仔呢～話說回來～講返味道先！睇吓有乜野神仙味道，令友人A一星期要食足三晚咁誇張。..麻辣薯仔雞煲 （我叫加辣版）- 惹味之選，配飯一流！😋😋😋😋😋一上枱香味撲鼻，內有薑片、洋蔥、蒜頭、蔥、辣椒，三色椒等佐料。件件雞都掛上醬汁， 不多不少，味道足，唔味精，無死咸，微辣，每件雞件都嫩滑濃香，香辣惹味，同白飯絕對係絕配。由於個小菜名叫麻辣雞，我就就覺得麻味差咁啲喇，呢到會扣少少分。其他我都比5分！但整體味道確係一流！順帶一提，我來身係食譚仔大辣/勁辣，所以加辣對我黎講都係BB辣。如果你食開譚仔3-10小辣，呢款都食得到。 ..豬油渣炒芥蘭 - 坊間少有，必食古早味！😋😋😋😋😋識食一定係食豬油渣！豬油渣，簡直係係人間罕見的美食之

經過見此點新開張，店員在門口派傳單，就内進食個下午茶。餐牌上都有幾多食物選擇，午餐大約$50，包餐湯和餐飲，而下午茶大約$40包飲品。雖然感覺上午餐比較抵食，因午餐碟頭較大，但現在新開張期間下午茶餐飲可以免費轉我很久沒有飲過的紅豆冰，最後決定點下午茶餐。紅豆冰的紅豆分量幾多，不會太甜，味道不錯蔥花煙肉炒蛋潛水艇($39)，由於薯角沒有供應我就改配咖哩角，但是咖喱角餡少味淡，裏面沒有什麽可以吃的，只有很輕的咖喱味。除了咖喱角也有沙律選擇，但沙律的調味十分甜，有在食甜品的感覺，因而兩款小食表現都不太好，有需要轉咖喱角的貨源以及調教沙律的味道。大大件的潛艇樣子十分吸引，麵包的兩旁用牙籤插著，以防裏面的餡料掉出來，設計上有考慮過。麵包有烘過，烘的時間足夠，讓麵包的外面乾身微脆，包的裏面有融掉的牛油軟軟的，質感不錯。餡料方面有不敗的葱花和煙肉，散發香氣，蛋的份量都多，塞滿麵包，只是沒有蛋味，而蛋炒得略為過熟，倘若能夠炒得生一點，相信質地更滑會更好食。以這個地段來說，價錢跟食物質都算不錯，跟同區其他茶餐廳比較都算抵食的。她們還有供應其他炒粉麵、焗飯類，食完也可以坐一會聊聊天，也是在附近的茶餐廳新選