力天冰室

營業中

休息中

新開張到而家，成日經過都見多人，今日兩人第一次入咗去食個Tea^^鐵板黑椒牛柳絲炒麵：賣相精美，熱度足夠，上枱時鐵板有咋咋聲，冒煙，炒麪脆口有黑胡椒碎，麪量多；肉絲略少，無牛味分唔出是豬是牛，芡汁略少，味道偏淡。 （$60）公司三文治配薯角：賣相不俗，三文治烘底剛剛好，配料充足（吞拿魚/沙律菜/蕃茄/炒蛋/午餐肉/火腿），薯角香脆夠熱，表面有橙色味粉，不用點茄汁也好吃，出色有驚喜。（$56）奶茶夠熱，有很輕微微澀，不夠茶香，多奶沒有感覺多奶，中規中舉可接受。熱檸水有3片薄檸檬正常尚可。燈光環境舒服，裝修中檔，唯4人卡位比較細。枱面有自斟䁔水，有少許過濾水味。樓面阿姐即叫即到，有招呼，食完可以繼續坐，沒有趕客翻枱情況。

新蒲崗最近開咗一間新嘅力天冰室佔地比起平時茶餐廳大，屬於新式嘅茶餐廳。力天冰室提供非常多種類嘅菜式，由鐵板，咖喱，焗飯到常餐下午茶咩都有，睇到人眼花撩亂。我同朋友叫咗黑椒薯仔牛柳粒配白飯及湯另外叫了兩個下午茶一個是厚切花生醬西多士及魚柳拼秘製鮮果沙律。黑椒薯仔牛柳粒醃得非常入味配上黑椒蜜糖亦唔會太甜，仲配埋白飯及中湯或紅湯&飲品。西多士餐廳用上厚切方式配上海量花生醬，比起坊間唔會太多有油膩感。炸魚柳拼沙律，魚柳十分慷慨，比起手掌還要長，非常抵食另外配上鮮果沙律裏面仲有腰豆，喜歡食腰豆嘅我，平時只可以喺聖誕節時候先會有得食。飲品方面我哋叫咗兩杯特飲一杯係青檸雜果冰另外一杯係薄荷濃咖啡，咖啡非常香濃，好似食緊Dryers雪糕嘅薄荷味，行過想食下午茶餐可以一試。

是夜母親節，怕了周圍人迫人和部份餐廳的開天殺價，反高潮去間街坊茶記有驚喜。力天餐牌選擇多多，侍應精神抖擻，熱情招呼，真正香港精神。先來套餐的港式羅宋湯，菜莖餚至軟稔，湯底微辣蕃香十足，喝下開胃。茶記都有pasta?簡單以蒜油炒香，有海鮮粒，三色椒和蘑菇，健康豐富。經典小菜西蘭花炒帶子，爽脆嫩綠，帶子彈牙，飯粒乾爽分明。小食椒鹽粟米乾爽香脆不過油，椒鹽惹味，份量十足。套餐還有餐飲，一熱一凍，完全作結。

今日星期日放假 大約早上10點幾 落咗去力天冰室食早餐，果時食客都算多，我都好彩唔使搭位。我叫咗嗰仿鮑絲套餐，加$5可轉牛角包。整體味道ok，座位又坐得幾舒服，四十蚊一個早餐算係咁，勝價比都高。奶茶 咖啡 都幾好飲😋但米粉係幼嗰種，其實我鍾意正常嗰種，佢啲種食落一餅野又滯。

GG長知識了，原來新蒲崗、鑽石山、啟德都係好近，行一陣就好似開左隨意門甘，閃一眼就到。同朋友由啟德邊傾邊行，好似戴住竹蜻蜓甘，突然就到新蒲崗，今日天氣好熱，攪到又攰又餓，要去補給下先可以撐到夜晚7點半去尖沙咀睇全球首場多啦A夢無人機匯演🔋🔋🔋📌XO醬蝦球珍珠帶子扒西蘭花，包白飯、熱飲（咖啡）好比大排檔，夠曬穫，西蘭花爽口夠味，配上XO醬加大大塊嘅蝦球同珍珠帶子扒好夾📌麻辣茄子海鮮煲，包白飯、熱飲（奶茶）麻辣茄子海鮮煲送飯一流，辣辣地好野味，份量好足，個煲深不見底，好食到想加多個飯📌脆辣雞腿堡，連薯角、熱飲（鴛鴦）一大塊雞腿被脆卜卜嘅雞皮包住，包皮好似用牛油烘過，將包嘅層次提升，仲有生菜嗰啲蔬菜墊底，當堂令個雞腿堡有fresh 嘅感覺可以係晏晝5點幾食到下午茶同時又食到夜市甘正嘅小菜，呢間冰室可以話係#離奇神話不可思議心中一想就得到夠曬力氣去長征睇多啦A夢lu📍力天冰室新蒲崗崇齡街81-83號崇齡大廈地舖#多啦A夢#多啦A夢無人機匯演#力天冰室#新蒲崗

陪好姊妹到新蒲崗工廠區試婚紗, 順道一齊食個DINNER, 去咗附近呢間茶餐廳--力天冰室, 地方乾淨企理, 食物款式多, 有小炒、小食、鐵板扒餐、焗飯等等....酥炸香脆大雞脾:雞脾嘅雞皮炸得極為香脆, 脆而不油, keep到些少肉汁, 肉質不柴, 不錯。特厚花生醬西多士:西多士炸得金黃, 放了一片牛油, 牛油漸漸溶化, 多士有花生醬做夾心, 帶少少花生碎, 自行加上糖漿, 邪惡美味。鐵板黑椒牛柳絲炒麵:鐵板沒有預期熱辣辣得滋滋聲上檯, 但麵餅確實炸得脆卜卜, 淋上了甜甜地嘅茨汁, 帶有些少黑椒, 微辣惹味。芝士焗鮮茄豬扒意粉: (自選飯/意粉)面層芝士焗得帶些少焦濃, 豬扒大大件, 肉質彈牙唔會柴, 意粉偏林, 甜中帶微酸, 整體味道唔錯。主食免費跟coffee/tea, 凍飲另加$3,order咗杯凍檸水同埋凍奶茶。

新蒲崗地道Dinner@力天冰室今晚去左新蒲崗力天冰室trytry佢地嘅港式風味dinner🐰👉🏻蜜椒薯仔牛柳粒飯：三色椒配埋牛柳粒色彩睇落已經好靚，而且黑椒香氣撲鼻🐰牛柳粒同薯仔都炒得好香脆，好有鑊氣👍🏻肉質嫩滑多汁，再加上蜜椒調味，味道香辣可口， 可以餸多碗飯 👍🏻👉🏻合掌瓜粟米湯：晚市飯餐送中or 西湯，合掌瓜同粟米煮得軟綿入味，暖胃又滋潤❤️除咗吃飯餐之外佢嘅鐵板扒餐都相當吸引，有機會再試🐰🐰🐰

同朋友係新蒲崗食晚飯，搵左間有得叫小菜嘅冰室！入到黎就感受到濃濃嘅舊香港風味，但又裝修得幾新淨同舒服！同埋keep住好多人入黎食，好彩我地早左黎食飯🥹Menu有好多選擇，最後都係想叫啲煮家餸🤤 🍽️黑松露珍珠帶子炒滑蛋配飯炒蛋煮得好滑，帶子又彈牙，係完美結合！混埋嗰啲黑松露嘅香氣，每一啖都令人回味無窮！🍽️金銀蒜粉絲蒸勝瓜勝瓜底下鋪滿左粉絲，加上金銀蒜嘅爽脆口感，味道清新得嚟食落去好有層次，就連我朋友都讚不絕口！🍽️紅燒BB乳鴿肉質緊密而多汁，外層嘅紅燒香味濃郁，啖啖肉，份量亦都十足！🥛蛋白杏仁茶呢杯要大讚，好好飲👍🏻👍🏻👍🏻 蛋白好滑，杏仁香味岩岩好，甜而不膩🤤加錢飲呢杯係值得的！仲有送左兩碗中湯，有肉有瓜可以食，好有誠意👍🏻呢間冰室野食唔錯，價錢算合理，亦都坐得舒服👍🏻

商場一個路口之隔，新蒲崗舊街有各類老店小店，有時想大快朵頤就會來覓食。下午茶離不開常餐，但由於瞄到鄰桌的巨大熱狗實在吸引，馬上跟隊柯打潛艇包。粗略估計下午茶選擇多達50款，我用了好一段時間研究餐牌，最後點它家的沙嗲王包茶餐。茶記份量，西餐的企理，還有香港人最愛的‘多肉多醬’，凍華田亦夠濃味。雜果沙律是地道的口味，全是罐頭水果。可能有洗走糖水果肉不會過份甜，而沙律醬也較輕盈容易入口。炒過的洋蔥甜但不辣。沙嗲有點像是用老牌香港醬料廠出品，混有花生碎，牛肉片份量大方，配包食的確惹味。潛艇包極軟熟但又可以挺起醬汁，內外也是烘底的。另外加了一份脆脆雞$22，原來是雞塊，這價錢有六件也不錯。凍華田非常濃味～ 表面有一層糖粉，趁冰塊溶化前空口食先會脆。還有特飲雖然要加錢，但容量又會比一般更多，我覺得很可以。整體食物價廉物美，無須將就價錢點菜，毫無無包袱，經過新蒲崗想再試試飯餐。

一個餐換兩次都有頭髮，我問服務員，他叫我自己去問他們，請問，我去問誰，第一次雞蛋有頭髮第二次沙拉裡面有頭發，服務態度差，吃的一次不會在光顧。連鎖店都是這樣，真的怕吃這些了

呢間力天嘅早餐夠晒多選擇，港式早餐、西式早餐、歐式早餐、三文治早餐樣樣齊，而且味道都好好，住喺附近嘅朋友街坊真係好幸福😳今次揀咗港式早餐嚟食，料多又夠正，特別係個家鄉蝦米雪菜米粉👍🏻出面真係食唔到嘅味道👅而且鋪滿面頭，食一啖米粉就有一啖雪菜🤩 另外五香公仔麵都唔錯，個公仔麵夠晒彈啦🥰佢哋side dish配埋個炒滑蛋、火腿、芝士牛角包🥐真係勁豐富！而且個炒滑蛋勁香勁creamy,真係滑一滑😊朋友食完話唔夠飽叫多碗火腿鮑片絲通粉，好香雞湯味，而且火腿鮑包片絲都好多，唔似得出面其他茶餐廳咁好孤寒得過幾塊，果然係掂🫡

今天工作來到新蒲崗，工作完畢，和同事來到崇齡街的「力天冰室」食飯，餐廳光猛整潔，有很多卡位，坐得舒服。大大本的餐牌，餸菜選擇非常多，不單晚餐上菜速度快，連其他小菜都一樣咁快，值得稱讚。有紅湯和中湯兩款選擇《乾炒牛河》$68牛河賣相不錯，河粉條條分開，不會黐住一嚿，夾雜著爽口的芽菜和三色椒，還有鮮嫩的牛肉片，不錯。《西蘭花炒鮮魷》$88混合了XO醬一齊炒，非常惹味，西蘭花爽脆，魷魚鮮甜。《馬拉盞豬潤鮮雞煲》$88馬拉盞不單炒通菜好吃，混入新鮮的豬潤和雞肉一起煮，加上濃郁的芡汁，絕對美味。紅豆冰加8元，抵飲

午膳時間餐廳都人頭湧湧，非常之熱鬧。午市套餐嘅選擇都非常之多，我哋今次叫咗西冷牛扒配黑椒汁 白飯❤️蔥油五目腸香茅豬扒 飯❤️剁椒蒸黃立䱽❤️餐湯有冬瓜清補涼湯❤️羅宋湯❤️先講條黃立䱽非常之惹味，食起上嚟一啲都唔辣，就算佢好似有好多辣椒，入口好惹味，而且非常之鮮味可口，魚肉肉質嫩滑，唔算好大條，但一個人食啱啱好！西冷嘅牛味香濃，而且有返咁上下厚度，醬汁嘅份量亦都啱啱好白飯殺手！豬扒更加香脆鬆軟，夾埋啲蔥油夠晒惹味

去 Mikiki 行街，但對商場的餐廳已經食厭了，所以行出去搵食。到力天冰室，位於新蒲崗崇齡街81-83號崇齡大廈地舖。 ▫️常餐 $56 🍜 ～ 生滾夠薑豬潤公仔麵、太陽蛋配煉奶丹麥酥、 熱華田， 豬潤好硬， 湯底薑味好重， 煉奶丹麥酥幾好食。 ▫️午餐 $62 🍛 ～ 鮮茄焗豬扒飯、例湯、熱檸茶，之前要羅宋湯非常稀，轉了中湯，味道普通。 鮮茄焗豬扒飯即叫即焗熱辣辣，豬扒口感偏韌。 個人感覺，味道普通。🏷️溫馨提示～ 整個用餐體驗均屬個人分享意見， 只作參考😊。

今日去咗新蒲崗附近搵食, 係Mikiki附近其實有好多不同顃型嘅餐廳，今次我試下冰室先,佢呢間唔止係食常餐嘅冰室，佢仲有好多唔同種顃嘅茶餐廳嘅美食，佢似摩登嘅茶餐廳，環境舒適，坐得舒服 好多冰室都係千篇一律, 佢最吸引我係竟然有廣東小炒菜式, 破例D今次叫小炒, 見到有菠蘿咕嚕炒蝦球就想試一試，同埋叫咗個上湯菜芯，凍檸茶咁 菠蘿咕嚕炒蝦球，份量都大份，炒得都有鑊氣，食落酸酸甜甜，蝦球都好大隻，咬落都好彈牙，仲有大舊舊嘅菠蘿，好開胃，送飯一流, 仲有例湯係合掌瓜紅蘿蔔粟米湯，足料老火湯冇師傅，都唔差 上湯菜芯，清清地，份量都大份，唔叫炒菜芯因為怕油得滯 以冰室嚟講, 佢都唔錯，有大排檔嘅鑊氣小炒，仲有其他焗飯，常餐，雞煲，扒餐，炒粉麵飯，連派對到會都有, 梗有一樣啱口味