影片
營業時間
今日營業
07:30 - 18:00
星期一至日
07:30 - 18:00
以上資料只供參考, 請與餐廳確認詳情
景林邨商場地下嘅一間點心專門店，環境似茶餐廳，有卡位有2人枱，膠杯膠碗膠筷子，保持返茶樓嘅傳統，有大兜比你洗餐具酥皮焗菠蘿包 $ 26酥皮唔知係邊個位，可能菠蘿皮？個皮一夾即甩，個心超熱而菠蘿皮微暖，加上個包過份煙韌兼實，有種微波加熱感。。。蒜茸蝦春卷 $ 26新鮮，脆皮，一定係即炸香芹厚切叉燒腸粉 $ 30腸粉好滑而不油膩叉燒量就一般，但真係厚切，要少少時間去嘴嚼鮮蝦菜苗餃 $ 28大大粒，眼見都睇得出皮薄餡多，都非常讚潮州粉果 $ 26餡料味道偏鹹少少，食到有蝦米，整體味道一般馬來沙嗲蒸鳳爪 $ 26馬來沙嗲？我冇睇錯。。。但食唔出！同傳統豉汁蒸無異，同時鳳爪有啲指頭乾硬化蟹籽香菇燒賣皇 $ 9/粒佢呢道好係可以逐粒點😂 算係大粒又爽彈，味道剛好濃湯魚肚鮮竹卷 $ 26湯頭偏鹹。。。魚肚一片，感覺可以再炆淋少少。鮮竹卷應該新鮮，因為餡料好爽脆茶位$ 7整體感覺偏向好一般，茶好快就冇味，店員收籠都快手，係食物質素一般，而正午都未爆場。。。。
繼續閱讀
本人5月12號下午12:25 點左10樣點心，等到1點都未有得攞，成間餐廳目測一半都坐唔滿，追問收銀職員重要叫耐，十問九唔應，行入去出餐位問出餐職員，話我張單差一樣點心，咁我係出餐位等多左5分鐘左右都見未有，再追問，如果冇直接幫我取消，出餐職員顧住包網上外賣平台外賣冇再應我，但就聽到廚房有人大叫出黎，叫個客唔好X吹，等唔到幫佢取消佢， 之後就取消左，成程成間餐廳職員態度惡劣，成程不願意協助客人，廚房更不知所謂
繼續閱讀
年初一唔想開爐就叫外賣點心返屋企同屋企人慢慢嘆茶😜 蟹籽香菇燒賣皇大大粒正！入面仲有蝦絕無偷工減料✌🏻 瑤柱鮮蝦菜苗餃比起蝦餃我更鐘意菜苗餃清清地 有啲菜落肚嘛🤣 馬來沙嗲蒸鳳爪有少少少少少辣不過都好惹味🤭🤤 鳳凰煎糯米雞呢個正呀！完全癲覆左我對糯米雞嘅印象！外脆 內軟🤤 好香口 一人一舊都要爭🤣 翡翠叉燒腸每條腸入面都有好多叉燒啲叉燒仲多到跌出嚟添😜
繼續閱讀
好耐無嚟過景林邨喇，之前商場二樓有一間酒樓，嚟過一兩次，之後結業後都好少嚟食嘢。今日同事約我嚟景林邨飲茶食早餐，原來開咗間點心店。食店內有大量卡座，坐得都幾舒適，不過冷氣就有啲大，點心紙係功夫秘笈造型，好得意，食物方面味道就普普通通。功夫蝦餃皇，可以逐隻點，皮好厚，蝦肉亦唔爽口。蟹籽香菇燒賣皇，呢款都係可以點需要數量，呢個嘅肉都可以。遠年陳皮牛肉球。沙律明蝦角，蝦都係爭啲。生菜魚蓉炸兩腸，除咗脆仲有其他口感，都可以。黃金流沙包，好似無咩蛋黃味。鳳爪排骨腸粉煲，原本以為係熱煲上少少啫啫或者炒過，估唔到咁求其就咁用煲裝住。
繼續閱讀
第五波疫情於年初爆發，因疫情嚴峻的關係，已經好幾個月沒和公公婆婆飲茶，這天才知道他們家樓下新開了這家點心店，老人家可以不用走到老遠的飲茶了。由於許久沒和他們飲茶，公公忍不住手的畫了不少點心～～～瑤柱魚肚灌湯餃，灌湯餃都算大隻，皮薄而餡料飽滿。至於瑤柱與魚肚的份量當然不會多～～味道普通。翡翠叉燒腸，腸粉皮不會太厚，叉燒份量OK，叉燒普通，並不特別香。功夫蝦餃王 ($9/隻)，最少兩隻起，雖然蝦餃皮不是特別薄身，但厚度尚可接受。蝦仁幾大粒，亦夠爽口！馬來沙嗲蒸鳳爪，鳳爪入味又帶點微辣，幾惹味！不會蒸得太過稔身，帶點咬口～～蟹籽香菇燒賣王 ($9/粒)，同樣都是最少兩粒起，燒賣都幾大粒～～豬肉餡料肥瘦適中，加入香菇，帶點香氣，味道不錯～遠年陳皮牛肉球，沒什麼陳皮香，牛肉球夠大粒亦夠稔身，加入些許馬蹄粒，增添咬口。對比之前邨內的酒樓而言，功夫點心的質素都算合格有多！
繼續閱讀