功夫點心 (已搬遷) 新店位置

每逢週六，都會約定親愛的女友，今天也不例外。然而每逢週六的行程，或許都已經擬定好的，但是總會有更改的情況。就像原本去西灣河的，卻又轉到深水埗這一區。深水埗無疑是基層社區，衣食住都會是非常平民化的，當中亦有電腦商場，可謂增添色彩。既然身在此區，逛街之餘亦需找吃，於是就來到這曾經到過的功夫點心，來一個點心午餐。餐廳環境猶如一間中式茶樓，而且還有以功夫名稱來為點心起名，加上卡通化的圖畫，增添了不少觀感的視覺。座位也以木製枱椅為主，更顯古代的食肆感覺。點心紙裡的點心，既傳統卻又有一些新𩓙的點心。雖然如此，然而由於咱們還需往別處再戰下一城，故不會點來太多點心。原隻鮮蝦蝦腸親愛的女友永遠喜歡吃腸粉，故點來一碟。腸粉皮薄，蝦仁又夠大和爽口和彈牙，是一道不錯的腸粉。唯獨加了醬油後，變得鹹了一點，然而倘若是甜醬油的話，那麼味道就大大不同了。濃湯魚肚鮮竹卷從前吃鮮竹卷，多數給人一種邪惡感，那種肥膩的感覺，永遠在吃後有層油脂在口腔。然而當鮮竹卷放在上湯，那就沒有那種肥膩而充滿邪惡感，反而會帶來清淡一點的感覺。這個點心的精華在於上湯，清甜而濃郁的味道，沒有半點些微的味精，鮮竹卷的腐皮足味，內裡的饀料也頗鮮味有

好中意食點心 所以就試下呢間功夫點心天氣都幾熱，係出面都有唔少人等緊位，等左5分鐘已經出汗喇 所以去左隔離再隔離果間7-11避下暑;]等左大概20分鐘，終於等到位入去喇點左幾樣好中意食既點心，有D掛住食冇影到相xd 值得提既係有D點心可以自己揀蒸幾多粒，人少既話都唔洗驚食唔哂(:1. 蝦餃 － 好食 同之前食過既蝦餃差唔多味，皮差唔多厚度，蝦差唔多大細，所以可以話係正常水準。2. 小籠包 － 好好食 個皮，餡同湯都好啱我口味 最開心係個湯既溫度適中，熱得尼唔會lart親條脷 3. 沙爹鳳爪 － 本身中意食沙爹所以覺得幾好食;] 正常水準4. 長春卷 － 好新鮮! 新鮮炸出尼所以有少少lart親xd 好香脆可口5. 蒸章魚馬蹄肉餅飯 － 鹹度適中，味道正常(:6. 馬拉糕 － 幾鬆軟，唔太甜，唔錯唔錯7. 煎蘿蔔糕 － 幾好食 少少脆脆地 但略嫌油左少少下次會留番個肚食甜品

三個為食積lunch time搭左兩個站港鐵去深水涉搵食。去左呢間試下d點心得唔得。我地係出名眼闊肚窄嘅，一共叫左8個點心，奶皇酥，蝦餃，鮑汁雞腳，棉花雞，香煎糯米雞，醉豬手，鮮蝦腐皮卷，鮮蝦白菜雲耳餃…咁多個點心最出色係蝦餃，皮煙un, 尺寸唔會過大，餡料都新鮮。呢到嘅蝦餃係最貴，$8/粒，但我覺得係最好食嘅。跟住排第二係馬拉糕，好小可以用咁平嘅貴錢食到咁新鮮嘅馬拉糕，雖然味道唔係最好，但有心機，又唔太甜，鬆軟入面密度高有質感。好味！排第三係棉花雞，呢個點心好足料，而且魚肚唔會散，夠白夠大件，底有芋頭兩大件，汁唔會太油，雞冇皮味道都可以。其他點心質素好參差，好似個醉豬手，完全無花雕味，食落去竟然係熱嘅，好驚，好難食…肉質好淋，完全唔個想點。另外個鮮蝦白菜雲耳餃，其實聽個名係贏哂ka，可惜食落去……餃皮濕淋爛，入面d餡料好濕爛，唔得。除呢幾樣其他食物都ok ka。整體黎講以呢個價有茶飲，又食到熱辣辣同幾好味點心，環境又唔錯，真係都算好ok ka 啦

夜晚八點半把電腦帶往高登維修後,趕快找地方醫肚,見到此店仍有三分一座位無人坐,即入去開餐:我們二人同行坐了一張四人枱，把背囊及手袋放在旁邊的椅子上，一名男侍應要我們把袋拿起，說遲些會有客坐，但當時仍有多張大中小型枱空置著，我對他說：等你真係有客要嚟坐，我再收返都未遲！最後當然不了了之。

行完鴨記，揾左間有點心食既舖頭試下：棉花雞正👍，雞好好味，魚肚浸左湯好入味。沙嗲蒸鳳爪無沙爹味，大失所望。😧蝦腸D蝦夠大隻，可惜太厚皮。😥香芒鮮蝦筒D芒果竟然酸😱潮州粉果皮厚餡料少不值十六蚊。最抵係個茶，茶葉靚，水夠熱，服務好。

過完新曆新年，好快又到過農曆年，其實早晌12月已見各大商號、酒家、餐廳、餅店推出林林總總嘅賀年糕品，傳統嘅有蘿蔔糕、芋頭糕、年糕、馬蹄糕……等等，新派嘅更加多不勝數，甚麼亞麻籽綠茶棗皇糕、紫薯玉露糕、發財蠔豉蓮藕糕、富貴櫻花蝦金腿馬豆糕抹茶開心果糕、紫米黃薑糕、燕窩楊枝甘露糕、山楂草莓乳酪糕 ……真喺層出不窮、創意無限。「功夫點心」貴為點心專門店，師傅做糕無難度，賀年糕品依個賺錢大餅又豈會唔分番一啖吖。小弟有幸喜獲店方送贈兩盒賀年糕品，都喺極傳統嘅臘味蘿蔔糕及椰汁年糕 ，屋企人都鍾意食糕，最啱就煲啖粥，食粥餸糕又一餐。 臘味蘿蔔糕 $88 各門各派都有自己做糕嘅方程式，而功夫點心嘅臘味蘿蔔糕晌標榜新鮮香港製造，不含人工香料，惹味鮮肉臘腸，嚴選頂級蝦米，配以粗條蘿蔔。一盒淨重900g嘅臘味蘿蔔糕十分墜手，定價$88算經濟實惠 。打開包裝，糕面以蝦米居多，臘腸只佔少部份，怕肥肉嘅人就啱晒。再切開糕身，粗條蘿蔔清晰可見，唔使估估吓足唔足料。煎香後嘅蘿蔔糕，個人覺得質感喺有少少削身，不過，入口咬落一條條蘿蔔肉，清甜有口感，加上煎得焦香嘅蝦米同臘腸，味道不俗 。是晚，就喺煲咗生菜鯪

因為睇完跌打要戒口，唔可以食糯米飯，所以退而求其次試下功夫點心。鋪面裝修幾好，但無諗過食物質素會強差人異…我地叫左四款食物先，皆因張枱太細。1）排骨飯-最好食，排骨入味，飯用砵仔蒸，唔會太軟身2）小籠包-皮太厚，小汁3）濃湯魚肚浸鮮竹卷-得一件魚肚咁大把，鮮竹卷本身係唔錯，但入面d紅蘿蔔太粗，都未就透就俾客食，所以好硬。4）蘿蔔煎餅-哇！真失望！入面係有蘿蔔，但太多汁，搞到個包好濕，一pat野咁。個包面煎過，以為會好似生煎包咁脆，真係俾佢吹脹個煎餅係好熱，但一d都唔脆，仲要好多油。我地見叫四款，得一款較為好食，都唔想再俾錢佢賺，即刻走人。

叉燒腸上湯鮮竹卷叉燒飽蝦蛟皇咸水角豬膶砵仔飯是晚行完電腦商場, 行去福華街醫肚, 又唔想食得好HEAVY, 於是貢入去呢間點心舖.這裡食物有驚喜, 咸水角是即炸的, 很燙口呢 另外個豬膶砵仔飯亦相當唔錯, 飯香, 料新鮮 總括黎講係一間不錯嘅點心店, 值得推介呢

在深水埗吃中式點心，很多人會想起添好運，不過太多人了，今天來到福榮街，見到這間連鎖點心店「功夫」，決定下午來個一盅兩件。第一件： 古法潮州粉果 （$15）何謂古法？ 我估只不過是傳統罷了，望落個樣的確好似舊式茶樓的樣子。粉果外表煙靱而偏太厚皮，涵料好咬口，但缺少菜。第二件： 酥皮香麻蘿蔔餅外觀做得不俗，而外層好香芝麻味，也很香脆，但內皮就不夠鬆軟。 內裡的蘿蔔切絲，口感爽口清甜。整體水準中等，有心思但不夠突出，如要求不太高而又想速吃點心，都可以一來。

個日,好似原先想到稻香飲茶,但從粉嶺出車到深水步窒車都爆,攪到4點去唔到.咁就找左間點心店試試環保就一般,好似d碗有d唔乾淨 ,你叫佢換都ok.不過價錢比起酒樓貴,試一試無妨

:今晚10:00後去不用等位,上次食都覺得冇以前咁好食,今日諗住再試多次睇下有冇改善,點知.......一坐底就點咗3個點心:蝦餃,粉果,鮮蝦腸粉同埋1碟上湯浸菜,大概10分鐘到碟菜先上,因太肚餓的關係,所以冇撈好就已經食,到其他的陸續送到,就食下其他,:蝦餃,粉果都細隻咗!!跟住我用筷子撩下d菜....竟然見到.....有1隻烏蠅係碟菜入面,原本諗住1隻都算,再撩下......竟然比我見到又多1隻,一碟菜竟然有2隻烏蠅,所以碟腸粉都冇食到....當時我已經有d反胃,唔想食....最後佢地亦冇收費,但係若果收我都會比,當貼錢買難受!!!不過唔會再去喇!

某天無聊上網看食評，發現近年開了很多點心專門店，但是這些點心專門店的質素很參差。最喜歡吃的是「一點心」，不時也會想著她的馬拉糕，但也曾經吃過燒賣大半數是肥肉，肯定不會再光顧去的。某天看完電影已經兩點多了，本想到「一點心」吃我最喜歡的馬拉糕，那知道人龍依然。正猶豫應不應該苦候，想起剛好要為「白老鼠」新玩具買裝備，又要為我的小朋友買聖誕禮物，正好附近又有這家想去吃的專門店，在網上食評看見馬拉糕的樣子是我最愛的那種，那就不用再猶豫了。雖然仍要等候入座，但相對「一點心」而言，那絕對不算是人龍。入座後看見有優惠時段，這是白老鼠沒法享受的福利。我想這段時間應該不用排隊的，如果有天可以早點下班，而我又記得如何來到這家店的話，一定帶花師奶來嘗嘗。古法馬拉糕曾經嘗過不少專門店做的，看樣子跟「一點心」的馬拉糕差不多，但吃下去卻有天淵之別。才剛拍完照，我便「手起筷落」把一小塊送進嘴巴裡。入口也十分鬆軟，香滑且不會太甜，可媲美「一點心」的佳作，但仍稍嫌質感較「實在」。砵仔排骨飯利用砵仔來蒸排骨飯，做出來的效果較乾身。排骨肥瘦適中，飯少肉多，唯一美中不足是太油膩，吃完後砵底的肥油仍清晰可見。蝦餃王蝦餃和燒賣以件

和老公原本打算去添好運吃早餐連午餐，已看到添好運門前有一大堆的人在等位，於是立刻決定另覓食處。於openrice search到這間點心店，滿心期望的去到，也是人滿為患，但尚有吉台，還在想:咁多人食，應該不錯吧？點知...初入去時，都算好服務，餐桌抹得乾淨，茶也上得很快，下單也快。第一樣上的是酥皮奶皇飽，很甜很流...難吃！然後隔了很久其他點心也未到，那隻吉碟就放在桌上無人收拾，碟上墊食物的吸油紙就不斷被風吹離。喝完了那壼茶，開了蓋放在桌上也沒人理會，中途叫了一兩次阿姐收拾，但都應完便不理了，到其他食物到，沒位放才收去吉碟，但水仍沒添，最後還是老公自己拿去添水。粉果，大致ok,但皮很黏，黏實了墊底的紙，一夾便爛了。遠年陳皮牛肉球，根本和普通牛肉球沒分別，也吃不到陳皮味。魚腩粥，粥很綿，但除了看到有幾舊魚和粥中有碎骨外，味道和白粥沒分別！棉花雞一般，塊豬皮像普通用水燙的，硬身普通豬皮味，一些汁也沒有。馬拉糕ok,沒什麼突別。酥炸蘿蔔餅，很脆，但稍嫌太多油。另外要了四粒燒賣，遂粒計的，六蚊粒，以為會有驚喜，原來仍是一般貨色，失望！唯一稍好的是鮮蝦腸粉，腸粉夠滑，不錯。這餐盛惠176大元，這

試過天后的功夫點心多次覺得其點心有其特點今日來到深水埗想嘆一嘆點心平日下午茶時段有八折, 又不用等位可以真正的嘆茶了蘿蔔絲餅面層香脆,粒粒芝麻香口皮薄內層蘿蔔絲絲帶甜蝦餃 $7 (每隻)外皮不算得上是皮薄, 唯用料尚算靚蝦的質感確有 “彈牙” (彈牙不代表是鮮蝦, 但不彈牙一定不是鮮蝦)飽魚雞粒荷葉飯荷葉包裹著的飯十分香, 令人涶涎欲滴飯軟味香, 帶有微微飽魚味而且吸盡了荷葉的葉香一口一口地吃著這荷葉飯, 個人有感覺如在一股懷舊的酒樓吃飯布拉腸粉薄薄一層捲成一條條的腸粉, 白白滑滑而且軟腍腍的趁熱即吃, 點上醬油再配芝麻, 甜醬, 這樣吃腸粉就是吃醬, 原來腸粉只是配角…酥皮奶皇包酥皮一定要立即吃, 可見其皮薄香脆可是內層的奶皇則差極了, 奶皇並不是熱騰騰又沒有帶金黃色的油…沒有邊吃著邊看見奶皇油而且內餡不夠熱, 這次失了水準懷舊馬拉糕懷舊味稍欠, 馬拉糕糕身不夠深啡色, 其名懷舊但其賣相是淺啡色的馬拉糕以迷你蒸籠與馬拉糕一齊上份量夠兩三人分享, 每人兩件才夠滋味稍欠了些紅糖香味, 但糕鬆軟, 趁熱吃更佳

現在要吃點心真的非常方便，不用上茶樓，而且一個人也可以嘆一盅兩件．要了這個芝麻餅，表面煎成金黃色，賣相討好，加上大量芝麻，入口更香．而餅的內面鬆軟有質感，入口充滿麵粉的香氣，非常的好吃！