功夫點心

營業中

休息中

今午12點，舖頭客人唔多,得幾張枱有客人，本來想外賣幾款點心，入去問果收銀，她話點心要等20分鐘（她當時已經好唔耐煩），我於是改外賣牛肉飯就算，不過我再問鳳爪都要等呀？她好大聲話係呀！我心想我點解要受佢氣呀！於是我話飯都唔買啦！😡 好彩我之後近巴士總站，發現包點先生，之後買左幾款點心，人地唔駛客人等，仲要態度好！👍🏻👍🏻 依間功夫點心竟然款款點心都要等20分鐘，仲要態度甘差，想揾人去食都難啦！

與同工開會後齊齊琴功夫點心食下午茶，呢度位置雖在筲箕灣道，但隔離有大大的對手，我們鮮有想起它。呢度免加一，茶芥$5/位，點心即叫即蒸，性比價高！我地足足叫左兩round添！這是第一round! 大部份都好好食，蒸飯軟滑、叉燒飽好好食，蘿蔔糕煎香好吃，樣樣食一小部份，好快包！如事比較喜歡長春粉，表面脆到不得了！鮑汁鮮蝦荷葉飯，絕對是推薦！米飯軟熟，荷葉香濃，好好食！棉花雞：首讚芋頭香腍，雞件是雞比肉？好鬼軟滑！幸不得自己一個幹掉！蝦餃燒賣係逐粒叫，每粒$9，因應份量點叫，以人為本，蝦靚彈牙，皮薄餡靚，好好味！所有炸物好邪惡！但同事瞬間清盤，熱辣辣，好好食，尤其鮮蝦腐皮卷脆卜卜，花枝丸內有乾坤，有驚喜！是一間我們可以encore 的飲茶選擇，平日下午茶仲有8折添！

因為鄰近家人居處，近來時有幫襯點心款式不少，價格尚可，茶也算可取，每位茶價$5，不算貴蝦餃，燒賣，品質好蛋煎糯米雞 ，水凖之作，排骨蒸陳村粉，陳村粉滑滑，排骨不錯，肉夠多汁，好好味呀最精彩係燉湯，海底椰豬展湯，冇味精，好清甜可口，正，正，正招呼很好，很快手

還有不足一個星期便正式踏入狗年了，筆者在此先預祝大家狗年進步，身體健康，生活愉快！新年新氣象，吃糕點更能添氣氛。其實近幾年，筆者都會選購傳統賀年糕點作為宴客之用，今年當然也不例外，一再 encore，買了「功夫點心」的椰汁年糕及臘味蘿蔔糕回家。和往年一樣，今年「功夫點心」的兩款糕點，外層包裝纸盒，仍然沿用中國人於喜慶節日最喜愛、象徵喜氣洋洋和花開富貴的紅色和金色，十分切合新春主題，代表鴻運當頭、金銀滿屋。不過由於是自用，為了響應環保，所以今次買糕時，決定唔攞紙盒，為源頭減廢盡一分力。趁這天假期，就拿了兩盒糕，各切了一點出來，再煲一鍋粥，當作晚餐品嘗。臘味蘿蔔糕 (現貨價 $98)  仍然保持水準，煎香後入口不會太軟腍，蘿蔔分佈亦非常均勻，挾起每一塊都配有粗條蘿蔔。至於配料方面，雖然只是混入了簡單的蝦米和臘腸，但配搭亦恰到好處，啖啖都吃得出蘿蔔的清甜。至於椰汁年糕 (現貨價 $88)，椰汁味雖然唔算非常突出，但煎香後外脆內軟，細嚼下還會嘗到淡淡椰香，口感軟糯煙韌又不黏牙，令人吃得滿意。雖然近年市面推出左唔少千奇百趣的新口味年糕，但經典口味始終穩佔一席，難以代替。

天氣咁凍，最好就係嘆番一盅兩件，但係又唔想去一般嘅酒樓，因為好難揾位，所以就去揾d易揾位嘅地方。呢間餐廳，好易揾位。食物嘅款式同質素都幾好，本人好喜歡佢個香煎糯米雞、菜苗餃，記住要問店員攞埋個辣椒醬一齊食，咁就真係一絕啦！

好像隔了很久沒飲過茶，所以襯著有空就和家人去喔！而且剛好在想去的地方附近便有一家點心專門店！這家的茶頗香～茶芥是每位$5 翡翠叉燒腸 ($23) - 豉油是分開上的，不過豉油並不是太鹹，全倒進去也可以。腸粉皮有點厚，而且不算很滑。但叉燒還算大舊的。菌香蟹粉菜苗餃 ($26) - 餡料很豐富的喔！獨特的菌香、鮮美的蟹粉和嫩脆的菜苗，味道層次更突出。黃金流沙包 ($8) 需最少點兩個 ....但我完全沒想到原來是這麼大的一個，所以點了三個 Orz (有點太多了)熱呼呼的～而且確實有香濃可口的“流沙”！蟹子香菇燒賣皇 ($9/隻) 同樣也是最少點兩隻喔香菇並沒有很多～口感吃起來滿彈牙。鮮雞湯小籠包 ($23) - 皮有點太厚了吧 ...內餡的湯汁也有點少喲 ... 濃湯魚肚鮮竹卷 ($20) - 用上了濃湯~吃起來不會很油膩。而且魚肚吸收了濃湯後也很惹味的喔！最後還點了～ 鮑汁鮮蝦荷葉飯 ($28) 雖說是鮑汁，但這個的味道有點淡 ... 飯和蝦還要有點乾。點心感覺好壞參半就是。

16:00 步入分店。人數2人。我們行了一圈，全店過半枱無人並且全部未執枱。職員並回應人係呀 未執枱呀。我問咁坐邊呀？先去執一張2人枱， 我示意想坐旁邊張4人枱，他說2人剛好，一陣有3-4人會坐，我問佢全部都無人坐，係你哋未執枱。如果你爆場我即讓比你。仲要執枱唔抹枱就上餐具。其間有幾枱客人投訴等候時間太長唔得而走。有客人入坐沒有人招呼並不停叫客人調枱。如果你哋係唔想人地亂坐 點解唔執枱唔招呼客人坐枱。我示意位著西裝既大姐我想要辣油，應左我，無左件事，再同佢講仲笑笑口問我乜野，我話阿姐我頭先同你講架嘛，你應完就算。幫襯左功夫起碼3年去過4間分店，今次係史上最差之後我唔會再去呢間分店。

入到去冇人招呼，跟住收銀叫我地拎票，其實個收銀唔知係度做緊乜，冇理過任何人，唔係收銀中，跟住個收銀仲要俾面色我地，我地只不過企係度等跟本就係冇人招呼我地，拎左票，等執枱，我個號碼21，3人，叫飛就叫22，23，每個號碼都係2個人，之後再追問先俾張枱我地，俾張4人枱一早有枱就跳號碼，轉頭俾張近走廊既枱我地，極度唔方便客人又唔算多，職員態度惡劣，唔只一次我多數夜晚幫襯人少少，唔洗睇人面色

一年一度的中秋節又到了，所以又是時候吃月餅了。上星期嘗了一款低糖雙黃白蓮蓉月，今個星期就一於再接再厲，繼續同大家分享月餅。講真，月餅乃高膽固醇、高脂肪、高糖之物，多吃無益，加上年紀大了，吃月餅的 Quota 不多，所以今次就決定選吃這款以健康為主的「功夫點心」蛋黃芝麻月。其實店子的月餅券，早於 8 月 1 號已經開始發售，昨天拿餅券去分店換取時，發現原來禮券和現貨都已經全部售罄，看來都頗受客人歡迎。這款包裝華麗的芝麻月餅，以紅色禮盒盛載，揭開盒蓋，內有月餅四個，Size 比一般月餅較細，屬迷你裝分量，全部獨立包裝，每一個面頭都印有「功夫」兩個字。切開一試，外皮酥香鬆化，而內藏蛋黃的黑芝麻蓉餡料，亦質感細膩，入口充滿芝麻香，令人吃得滋味滿心，無論用來饋贈親友或自奉，均是窩心之選。。

排隊安排又差，餐廳內大把吉位，門外亦大把等候嘅客人。叫左上湯雲吞上海麵，雲吞係就係大粒，但裡面全是肥肉又實又淡而無味，叫人點再幫襯呢？豉汁排骨飯啲排骨又係「肥肉+骨」，不如賣「豉汁蒸飯」算啦！

平時好多人排, 今日行過竟然唔駛等位, 可能放假點人去晒外遊, 啱晒, 可以入去試試點心款式唔算多, 不過一般大路野都齊, 創新點心就冇咩la先來個瑤柱海皇肉丸粥暖暖胃, 見到肉丸的時候, 第一時間覺得係豬肉丸, 仲覺得同海皇粥加埋有點怪怪地咁, 但原來個肉丸係海鮮丸, 食落有點似蝦丸mixed 墨丸咁, 都几好食。個粥仲有魷魚同其他好細的海鮮雜料咁, 個味道都算ok跟住叫左菜苗餃同金錢肚, 菜苗餃都算足料, 大大粒又飽滿, 不過可惜個皮唔係太好, 好易夾爛, 金錢肚就中規中矩, 冇咩特別見佢有個黑芝麻松皮包, 話賣完就冇咁特別, 諗住應該好正, 個包賣相ok, 黃黃地咁, 入面係黑芝麻蓉, 但芝麻味唔算好香, 反而仲有少少奶黃味再來就係香口野, 叫左長春卷, 糯米雞同花枝餅, 三樣野來講春卷算叫做最好味, 因為唔會好油, 但蒜味可以再加強點 ; 花枝餅個名"金甲玉蘭", 其實真係估唔到係咩, 來到先知原來係好多杏仁片包住花枝膠, 仲有一點點綠綠地但因為太細粒, 食唔出係咩菜,個花枝膠好好食, 但外面點杏仁片太多, 又唔夠香, 會食到口淡淡咁, 如果焗香點杏仁片, 同落返少點會好點,

Got these from Kung Fu Dim Sum.After slicing and shallow frying it, the pudding was ready to eat.You can either shallow fry it directly or dip the slices in egg before frying.The pudding was similar to mochi but the texture was much denser and stickier and not too sweet with a hint of coconut milk.For the radish pudding, I liked the chunky white radish pieces in the middle with lots of dried shrimps and preserved wax sausages in it.

前晚心思思想食點心，一落街就見到好多人排隊呀！ 好在2人行方便等位等左10分鐘左右就有位！先黎第一碟牛肉腸熱辣辣 腸粉皮不太厚再黎燉湯蜜棗南北杏西洋菜燉白肺湯好甜好滋潤正呀！好足料臘腸荷葉飯荷葉只係放係底，冇乜荷葉味！飯都吾算太濕～ 整體都可以！叫左2粒燒賣好大粒蝦肉，夠哂鮮！仲有馬拉糕牛栢葉一蒸起就送黎，好鬆軟！牛栢葉不過不失～最後一味 咸水角即叫即炸 脆卜卜！正呀！超級飽呀大滿足8:30後冇咁多人易搵位啲！