功德林上海素食 (Sugar+)

營業中

休息中

環境食物很好，可借服務員衛生意識很差，基本上沒有，帶住藍色手套，執枱，抹枱，上菜都帶住，碟碟餸都插左隻手指入去，送白飯時，隻手指公係插左係入面🥶😥🤢經理淨係識係企到，乜都吾理，我地揮哂手想叫菜，但望都唔望一眼，打呢份工都幾好做 🥱

搬了新店的「功德林」，我都是第一次到來，環境舒適，居高林下，能飽覽維園景色。餐廳標榜所有菜式不加味精和色素，我們挑選了酥炸三絲雞卷、豆腐餃子、油雞菌雜錦煲仔飯、酸辣湯、田園粟米羹、豆腐花、湯圓，各款素菜質素都頗滿意。首先上桌的是湯羹，酸辣湯的酸辣度剛好，粟米羮香甜。暖暖胃，是這頓晚餐的好開始。酥炸三絲雞卷吃不出半點油膩感，新鮮爽脆時蔬、素雞做成春卷，與甜酸汁拌食，味道非常之好，在悶熱的天氣下，酸酸甜甜很開胃，這道菜我很喜歡。豆腐餃子要讚賞廚師手工，純手作把豆腐當作餃子皮，包著蔬菜，來一道非常清淡菜式，也很不錯。看似平凡不過的煲仔飯，香氣撲鼻，惹味的油雞菌、雜菇，配以熱騰騰粒粒分明的米飯，金黃香脆飯焦，這是我對煲仔飯着迷的原因。木桶豆腐花滑捋捋，配上桂花糖水，味道很清香。黑芝麻湯圓，芝麻餡好香，甜品質素也相當高。用心做，高質素，我一定會再來！

其實我好鍾意佢地既食物環境都好好本身叫左10樣菜式有多有好幾樣等左好而都未出我地又飽左所以決定係淨餘未出既菜式入面取消一碟已經再三強調唔要個一碟服務員堅持上餐我地食哂所有野先上一早已order 取消個碟前後都有1小時我地用餐時間差唔多2小時令整個體驗變差以呢個價位既素食餐廳黎講真係有啲失望希望素食店係員工培訓方面可以做好啲勿被員工因小失大失去食客見到功德林由大場搬細場已經有啲唏噓希望所有素食店都可以長做落去

新開在Sugar + 的功德林，地方比較別緻，環境OK，人流不多，可能是性價比太低！點了488 二人套餐，沒加任何食物，埋單承惠600+， 清水20/位，2位開了一壺，收40元，小食花生16元（冇得揀），再全部加一 怪不得很多人要北上消費，在上海功德林，200元就可食到差不多食物，服務更好！食物一般，竹笙湯，優點是夠熱；前菜2款，細細碟，蛋白炒粉絲，松子炒飯，豆沙鍋餅⋯都不是什麼貴菜式（素食材料本身不貴），488二人套餐都不怎優惠若飲滾水要收40元，待應應和客人交代！

素食有味 一半煙火 一半清歡新春團拜暨開年飯～春節前後各家大小都吃得太多又太油膩～是時候素一素了～🫢🧧🧨於是三家人來了久違的《功德林上海素食》冷盤：👉凍茄子👉香椿拌豆腐👉翡翠馬蘭頭小菜：👉豆腐餃子👉蜜汁紫菜火腿卷👉無錫脆鱔👉橄欖菜炒秋葵👉乾燒四季豆👉百葉結紅燒肉👉花菜主食：👉上海粗炒麵👉台菜松子炒飯👉雙冬津白炒年糕👉上海冷麵甜品：👉高力豆沙香蕉圓滿的清淡中有味的素食料理，新春吃素開啟了新的一年的吉祥如意，而光顧了30餘年的功德林仍然是我首選的的素食餐廳～😍

從食評中選擇食肆的確有參考價值 當然都會睇下是打手還是真正評語 香港素食店舖已經唔多 近年經濟環境差 就更所餘無幾了 想搵間高質素食就更難 環境 服務 食物同樣有水準 實在是難能可貴 第一次來試 印象很好 有七八成入座 算是很不錯 叫咗個二人餐已包括紅棗茶 燉湯 兩份前菜 兩份主食 炒飯 甜品 價格很合理 食物質素很高 服務很貼心 很優質 完全吸引客人再來 見到在座都幾多是熟客 我應該會再來吧！如果想要優質食物及服務 我會選擇留港消費 起碼慳番好多交通時間及費用 最重要是食物安全 有保證 食得放心 優質人材及店舖 都要靠香港人支持 努力維持經營💪🏻💪🏻💪🏻😊

由於奶奶是素食者，今晚老公便特意揀選了一向食物水準穩定的功德林，和奶奶預祝中秋節。我們一行四人點選了香酥鰂魚、上湯有機蕃薯苗、砂鍋獅子頭及花菇素雞栗子煲。個人最欣賞是香酥鰂魚，芋頭魚這款看似平凡不過的素菜，炸得皮脆芋蓉香，最難得是吃不出半點油膩。獅子頭像真度非常高，口感和真正用豬肉烹調的獅子頭沒有多大分別。總結各款餸菜也具水準，加上餐廳標榜所有菜式不加味精或色素，堅持少鹽少油，實屬難得。

兩個月去左差唔多五六次，味道非常好，非常一致，蕃薯苗非常清新，每一次選料上盛，前菜酸菜及花生惹味，分量相當韻，欣賞他們飯的質量很美味，黑松露伊麵每一次必點，No.1

無錫脆鱔作為開胃小食最適合不過！脆鱔炸得好金香香脆，而且配上甜甜嘅醬料，相當開胃，又好食！宮爆雞丁必點菜式之一！唔食得辣可以叫唔辣，而我今次就叫左小辣！呢款雞丁其實係豆腐來🤣但餐廳整到真係似雞肉口感，幾好咬，食落口感好真！仲有埋腰果食，好脆！擔擔麵呢款擔擔面花生醬好濃郁，令到菜式更香，加埋有少少辣味，食落好惹味！上湯有機番薯苗清清地，好健康，番薯苗亦好嫩！酒釀桂花丸子超好食！唔愛酒嘅我都愛上左食，因為呢款丸子酒味唔濃，反而桂花味更濃郁，食落好清香，清新！小丸子亦好煙韌，好好咬！

約咗朋友喺銅鑼灣飲茶佢今日帶我去咗一間新開嘅素食餐廳。原來功德林在銅鑼灣開咗新嘅分店，一直喜歡食素食的我，其實也很喜歡功德林的素食。這種大廈在維園旁邊，功德林在大廈的18樓，從餐桌望出去就是維多利亞公園，非常開揚。天朗氣清，看著維園的風景心曠神怡。我們點了點心，小菜和甜品。蘿蔔絲酥卷，新鮮炸起，非常鬆脆，蘿蔔一絲一絲的，鮮甜美味。小心你的嘴唇被燙傷。蘿蔔絲酥卷做得很用心，非常好。之前試過其他酒樓飲茶，不是一夾起就散，就是又硬又凍。脆皮素鵝，素鵝炸得非常香口，西芹，紅蘿蔔，冬菇用腐皮包著煎香，喜歡他的香脆鮮甜。鮮茄蝦仁鍋巴，鮮茄汁較為失色，比我想像中沒有酸味，湊合而已。可惜了鍋巴，一種我喜愛的食品。蜜汁紫菜火腿卷，有六條成為一個塔。素火腿包著西芹紅蘿蔔，中間用紫菜捲起來上面灑上蜜汁。素火腿的味道不是我喜歡的，還可以吧。原桶豆腐花，有桂花和黃糖，任君選擇。紅豆沙鍋餅，一共有八塊，煎得非常香脆，豆沙甜甜的好好味。和朋友談天說地，慢慢地倒著茶，談著天，食著美味，積著功德，享受享受。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9

接近5:00才吃有很餓的感覺今天特意找上素食店一直都想吃希望這家不會太油膩茄子南瓜排骨煲$108其實我也想吃麻婆豆腐..吃點小吃的吧再加碗白飯點完餐可以靜靜欣賞這裡的風景實話 不能說漂亮但真的很舒服 或許因為今天的好天氣風和日麗 藍天白雲 碧綠山影清晰的視野 沒有霧霾一切都變得無違和感熱辣辣的煲仔來了讓在下想起多年沒吃的煲仔飯不知道夏天是否有得食..🤔瓦煲的好處就是異常的保溫像在下吃飯那麼慢的人也能吃到最後還是熱的這令在下感覺十分舒適濃而入味的茄子🍆粉嫩又有口感的南瓜🎃熱熱滑滑的豆腐扒還有一些筍片這些配搭和味道真的很好吃到一半已經KO了一碗飯不過也因店舖Last Call要準備晚巿而沒有再加點食物在下更喜歡下午茶後時段去吃東西因為多數會更為寧靜不過有時候也會因餐廳的忙碌而無法久坐休息整體而言食物質素很好環境不用說啦服務正常價錢也很合理不知道尖沙咀分店會有多大的不同在下期待光顧

平時食得油膩，又食冇定時，所以決定去食下齋清下腸胃。不過唔想去啲傳統店舖度食，感覺了無新意，所以就搵喺銅鑼灣chill chill地嘅新式齋菜，功德林上海素食。入到店舖，我地被帶到坐窗邊位置，個景超靚，嘗心悅目。我地叫咗脆皮素鵝 $90，咕嚕肉 $128，芙蓉炒桂花翅 $128同埋原桶豆腐花 $48。✨脆皮素鵝 $90素鵝賣相超好，唔講真係唔覺得係齋。咬落唔油同埋幾脆口，而且非常足料，件數都唔少。✨ 咕嚕肉 $128跟住黎個咕嚕肉，味道甜酸適中，新鮮菠蘿非常鮮甜，食落去係一度非常開胃既小菜。咕嚕肉口感都好似平時係酒樓食開個啲，感覺好正，同時冇咗肉膩感，更加清爽冇負擔。✨芙蓉炒桂花翅 $128至於個桂花翅，賣相高貴，蛋白炒得結實滑溜，味道清清地，唔錯。✨ 原桶豆腐花 $48原桶豆腐花非常嫩滑，值得一提就係佢既桂花糖水，食落去有種脫俗既感覺。

見到呢度新開就黎試下啦！環境好舒服，位置闊落，夠光猛，望出去好開揚，食野都開心啲擔擔麵 $68望落去紅紅地，本身都驚好辣，但食落又唔算好辣，岩晒唔食得辣既我！佢個湯好濃，但又唔會好咸，花生味較重，都好香。配搭住麵食好夾！個麵韌度剛好，幼身，但食落爽口！唔錯！牛肝菌炆豆腐 $108上枱仲熱辣辣！個人好鍾意食牛肝菌，只味好香，又有咬感！吸晒啲汁，好味！豆腐內裡好滑，大大舊，沾滿汁，好食！送飯一流！芙蓉炒桂花翅 $128好大碟，我地兩個人食，爭啲食唔晒蛋白好嫩滑，有蛋香味。炒得唔錯！夾住爽脆既素翅食別有一番風味！高力豆沙加香蕉$92最後食返個甜味先完美每次食上海野都會叫高力豆沙，好鍾意食！炸到外脆內軟，中間埶辣辣，好鬆軟！豆沙唔會太甜，加埋香蕉既甜，剛剛好！本身都好食，但建議一定要加香蕉，好味程度提升幾度！呢度既食物唔會好咸，好合胃口，環境同食物都高質既素食餐廳，好滿足既一餐！佢個二人餐都幾多野食，好似好過散叫，下次試下先！

聽我同學講，功德林新開在銅鑼灣，我作為一個上海人當然要趕緊來試試。我們點了二人餐，448💰，食的好飽！1⃣️自選前菜：脆鱔功德林的脆鱔一直很出名，但係今次覺得口感很特別，很像夏威夷果的口感，問咗店員話係菇類。外面酸酸甜甜，同以往嘅一樣～2⃣️竹笙百合金蟲草燉湯我好鍾意飲燉湯，料很豐富。應該係煲咗好耐，好鮮美。3⃣️芙蓉炒桂花翅這道菜應該係功德林嘅名菜，份量很大，味道都好好食。4⃣️牛肝菌海參燜豆腐濃油赤醬，好典型嘅上海菜。入邊有海參、豆泡、香菇、杏鮑菇、牛肝菌、青菜、木耳。5⃣️油雞菌欖菜雜錦炒飯炒飯好有鑊氣，不過覺得有啲乾。我基本食唔晒，好飽好飽😂6⃣️豆沙鍋餅雖然食得好飽，但係甜品唔可以錯過。唔會好甜，我覺得我食一盤都冇問題😅.可能係新店開張，送咗我哋兩張$200現金優惠券。新店很火爆，大家記得提早book啊！

未搬鋪時都係世貿中心食左一次功德林，果陣已經一食就愛上🥹點知無幾耐發現銅鑼灣分店消失了，後來朋友提及，先至搬咗去糖街嗰邊🥹就即刻約朋友去食返餐先！🌟宮爆雞丁次次嚟親都一定食！如果食唔到辣可以叫唔辣😆但個人覺得少少辣就更加過癮🤣「雞」肉食落口感好似雞肉加左豆腐咁，好特別，幾好咬🤩配埋腰果更好食！🌟無錫脆鱔呢款小食嘅醬汁好好味，脆鱔甜甜地，又脆脆地，真係開胃小食咁😋好好味！🌟擔擔面次次嚟食都必點，呢款擔擔面嘅花生醬味好香🥹唔想食辣嘅都可以叫唔辣，真係大人細路都啱食！🌟酒釀桂花丸子呢款桂花丸子酒味唔會好濃，反而桂花味就濃啲，食落淡淡桂花香，好清新嘅感覺，小丸子亦好煙靭，好好咬，好味🥹個人超級推薦！🌟紅豆沙窩餅呢款紅豆沙窩餅不過不失，個人覺得有少少偏甜🤣🤣🤣如果可以冇咁甜就好！