加多樂冰室 (已結業)

下午放lunch, 費時行咁遠食, 就近近地入左哩間叫加多樂冰室食,叫左個咖哩魚柳飯先, 但食到一半, 發現有半隻青蛙, 想嘔...........完全唔知點解會有斬開左一半嘅青蛙出現係碟飯度..............................

嘢食差，豬扒番茄湯米線，啲豬扒半煎半唔煎，西多中間冇花生醬，叫份薯條$30，份量少得不合理，質素亦差，又乾又柴，好似求其整少少敷衍你，敷衍都算啦，價錢不合理⋯⋯

又係經過新蒲崗諗佳試下其他工廈茶記點知中左伏價錢中等 食物份量大但真心味道麻麻香煎雞扒撈丁 （洋蔥汁）係我太天真以為撈丁都係安全之選點知來到如圖一舊野雞扒無味洋蒽汁帶苦 麵勁淋食左少少堅持唔到落去蔥油雞扒煎蛋飯相比之下呢個出色太多但只算普普通通留意每日午餐假日會加10蚊人總要中下伏既

話說星期日早上，瑞士咖啡室無開，附近見到呢間有開有早餐就入咗嚟。叫左雪菜肉絲通粉配腸蛋，開頭以為係濃湯，但原來唔係，食物味道偏啖，奶茶亦比較淡。而且漏咗俾包，已經追問咗2次，收到回覆係餐同包分開出，個包仲整緊，之後會補返。直到食完成個餐都未見有，再問個姐姐先幫手追返。最後發現張單同餐牌唔同價錢，收多咗$5😑咁姐姐都幫我哋改返單，話因為收銀機未改價錢，建議大家俾錢前都望一望。另外如果唔想食包，可以考慮$29個必食之選，唔駛咁飽又平dd。

話說同老公撐枱腳都係去茶餐廳姐！我就叫咗個蔥油煎肉餅飯都幾OK ！老公叫咗個咖喱牛腩飯，老公嗰碟返嚟先，咁梗係幫佢試味食一口先啦！梗係不一個牛腩再不一頓飯度下你話幾好笑呢！嗰日蛋飯係熱辣辣嘅，然後夾件牛腩食下啦…..點知係微暖嘅啫！即刻同我靚女講麻煩幫我叮返熱得唔得呀啲牛腩凍凍地喎！公道講句，味道係可以嘅，下午2:00來食就唔熱既送係要檢討一下！咁碟油菜都幾大碟，奶茶都好飲，咁呢啲就改善下啦！拜拜！

店舖已經唔係忙，身為茶記唔畀熱水。開到聲問竟然要自己去。食物麻麻，價錢都無同區平。無下次.........😑😑😑😑😑😑😑😑😑😑😑😑😑😔

大家各位小心中伏，此店以前都有食過，半年，午餐魔鬼牛扒薄如火腿片，牛又無味，薯條明顯返炸再返炸，硬到食唔到，甘樣的食店，我以後都不會去，怪唔知得你們的紅磡都做到結業了

常餐👉🏻瑞士雞翼湯公仔麵（轉米粉）配炒蛋、厚多士 $45瑞士雞翼有三隻，份量可以，幾入味，有少少稔。炒蛋幾滑，有少少淡。厚多士好像是沒有牛油的，有牛油會好得多，不算烘得很脆。午餐來說價錢抵食。

是次晚餐叫咗鰻魚滑蛋飯$62 同 煎肉餅飯$48（包熱飲）晚餐黎講呢個價錢真係幾抵，而且好大碟。鰻魚超大條肉餅應該自家製，入面有啲冬菇有馬蹄，味道亦都調得唔錯。有厚度嘅一塊肉餅！影咗個唔關晚餐事嘅餐牌，因為見openrice無咩佢嘅早餐餐牌本身係openrice訂咗位，想儲openrice訂座積分，但職員話確認訂座部機壞咗，但都好熱心幫我留低資料，話會同openrice聯絡返，職員態度唔錯

之前一直都好中意食呢間加多樂冰室，但都係買外賣多，好少堂食佢既下午茶，今日甘岩放工係下午茶時間，就由鑽石山站行過去食，可以話我都算係忠實fans。然後今日入去，新蒲崗工廠區下午茶時間唔算多人，入面夠闊落，呢點要讚。我叫左佢招牌既下午茶雙併，好抵食先33蚊，可以要意粉加雞肶，仲有大量既配搭。今次叫既卡邦尼意粉拼炸雞肶都好好食，雞肶鮮炸外皮又脆雞肉又嫩，而意粉白汁又夠creamy，真係可以再翻叫。最後連凍檸茶先36蚊，大滿足。

朋友最近搬左新studio到新蒲崗，本身仲以為個邊係美食沙漠，之後朋友力推呢間外表極簡約灰色牆身，連招牌都無既港式茶餐廳。 心血來潮好想食咖哩飯， 落單揀左款『咖哩吉列豬扒飯』 🌟價錢：$50 （連飲料，凍飲+$2） 🌟味道： 咖哩夠惹味，濃郁，吾會係個d咖哩湯水。 吉列豬扒夠厚實，炸粉薄脆，可再控制煎炸時間。 白飯口感適中，粒粒分明 （小編真係無辦法接受軟飯，變左糊個種口感好差） 朋友叫左『煎蛋雞扒飯』 +分 雞扒吾會煎到好幹，柴；夠juicy 好味到我連雞皮都食埋🙃 +分 d蔥油超好食，極香蔥味d油好干淨smooth （好食到我就咁蔥油溝飯食） 🌟環境： 裝修偏modern， 暗光線，下午茶時間人流較少所以偏靜同舒適 🌟服務： 上餐時間快（下午茶時間少人） 服務員態度良好 食物創新： 普通港式茶餐廳 （勝在性價比高；味道中上） 🌟🌟🌟🌟/5實心推介

今日經過見到外賣65折咁抵，本身要買外賣，鰻魚蛋包飯都係$40，就被吸引了😮叫左一個照燒汁原條鰻魚滑蛋飯（$40）加凍檸茶（+$3），外賣（$2），合計：$45。打開飯盒，有驚喜，望落幾靚，條鰻魚幾大條，加埋有蛋包飯既感覺，如果再多少少照燒汁就更好，凍檸茶唔差，茶餐廳既茶底，整體來講，晚餐$45好抵食。

位於新蒲崗「大有街」工廠樓下舖位置裡面的食店「加多樂冰室」，餐廳門口近乎完全沒有掛招牌裝置，食客只能透過門口位置的價目表，才知道有「加多樂冰室」的存在。由於我剛才光顧完一間潮州粉麵店，食完一碗有濃厚牛肉原味，偏向沒有雞肉在裡面的「牛筋腩牛丸河」，所以在「加多樂冰室」裡面食一碟雞扒飯，完成晚餐「下半部」裡面的一部分。我見到「加多樂冰室」價目表裡面，有一款名稱叫做「黑椒卡夫芝士雞扒飯」，還天真地單純覺得雞扒裡面加入了「卡夫芝士」作為餡料，令雞扒變成了「流心芝士雞扒」。但是實際上的「黑椒卡夫芝士雞扒飯」製成品卻有點讓我感到有點失望，因為「卡夫芝士」只是一般片裝芝士，而且直接鋪在白飯的表面上就算數。所以片裝「卡夫芝士」在「黑椒卡夫芝士雞扒飯」，根本還未能夠完全融化進入雞扒跟黑椒醬汁裡面，「卡夫芝士」甚至剩下很多未融化的部份，令「黑椒雞扒飯」本來偏辣的味道裡面，夾雜有點不合襯又生硬的碎芝士塊口感。「加多樂冰室」還在「黑椒卡夫芝士雞扒飯」碟邊，放了少許的沙律菜。不知道「加多樂冰室」是否想讓沙律菜，變成「黑椒卡夫芝士雞扒飯」其中的一部分，但我覺得新鮮未完煮過的沙律菜，跟熟食「黑椒雞扒飯」不算合襯。所

今日叫外賣 不過網上外賣平台無咁早開 於是我就上food panda睇下 「Cafe Coco」未試過於是叫左兩個早餐試下雪菜肉絲湯米粉 配煎蛋，牛油多士 $36有驚喜 🥰 首先米粉、雪菜肉絲和蛋是跟湯分開上的 唔駛擔心啲米粉會浸到脹哂 而且米粉份量好多 亦都好好食 唔會一夾就散 👍🏻沙嗲牛肉公仔麵 配煎蛋好味 沙嗲牛肉味道不錯👍🏻👍🏻奶油豬 +$7加$7可以由多士變成奶油豬 完全冇後悔加左 奶油豬有好重既牛油同砂糖味 而且好大個 黎到既時候仲係熱辣辣 好脆口😍 下次一定會再試 而且價錢唔貴 🥰

唔講唔知, 呢間餐廳平時如果關咗大門, 真係一啲都唔起眼我覺得可能只有食過一兩次or係呢區出沒得多嘅人先知~ 其實係唔差㗎! 估唔到咁少人寫呢間嘅食評.. 常餐雞髀意粉（本身係飯，我轉咗做跟意粉，朋友個個係肉躁）+飲品+任飲綠豆沙=唔使50蚊! 唔使加一! 呢啲時勢是但去糖水店食個綠豆沙閒閒地都至少要十幾二十啦! 上菜速度都好快, 綠豆沙唔會好甜或者好水 , 有啲類似海帶定臭草, 都幾足料; 雞髀又大大隻連個意粉都整得唔錯, 唔會好乾唔會好硬, 仲有少少沙律菜分量都控制得好好~Can encore