加餸堂 (已結業)

夜晚諗住買個兩餸飯平、靚、正，點知一肚氣！😤夜晚7點人唔多，兩餸飯果邊有2位員工，我排緊隊，員工阿姐亦好清楚條隊係度，因為我地對過眼。突然，後面一個阿叔一野走到最前，本身諗住佢可能行前啲睇下有咩餸揀，所以我就唔出聲，點知佢係打尖插隊，個員工阿姐仲要俾佢先，幫佢裝飯裝餸，完全無視排緊隊既人！我出聲，話排隊唔係呢邊咩？我排緊隊架喎！個阿姐仲要話，哦，你先架？等等呀。火都嚟埋，你俾佢打尖，我出聲，你都仲要我等等先😡好野👍另一個負責收錢既員工服務態度亦非常惡劣，基本禮貌都無！打尖固然唔岩，但員工明知有條隊都仲要坐視不理，縱容打尖行為，顧客出聲都繼續無視，咁其他真係同趕客無分別囉！

由於公司在沙田的石門區，所以，每一次要出到沙田市中心辦事，總不會有時間去坐低食飯。正因為咁，我就是利用有限既時間，周圍去找找有沒有吸引的外賣店，買盒飯返公司食。而這一次，我看中了這一間小小的《加餸堂》。表面是一間兩餸飯店，實際上，是一間燒臘店同兩餸飯店既合體版。那天，我就要了一個燒味雙併飯，亦即係兩個餸，也可以叫做兩餸飯吧。一半是燒排骨，一半既豉油雞，兩者都可以說是蜜味燒味。因為兩樣都是偏甜的。燒排骨其實是只是帶軟骨的叉燒，是啖啖肉的出品。豉油雞，味道雖好，但給我的全都是骨，有丁點的失望。簡單的一個工作飯、回家飯，算係唔錯架啦。相信，這一家小店，係好受沙田市中心一帶既居民歡迎的。