勁嘆燒烤場

營業中

休息中

之前搵bbq資料都見過勁嘆喇....咁岩母親節媽媽想bbq, 就黎呢到試下啦有好: 無乜人 - 可能母親節家家都到飯店同媽媽食飯啦, 呢個場就無乜人, 十枱八枱客好食物 - 有厚麵包吃, 羊扒(味道不錯, 不過無乜肉, 一舊骨+少少肉同多多肥油), 糖水好味唔好:好多蚊 - 呢到好多蚊, 而老爸比較惹蚊, 一坐底已經咬左幾啖; 就因為老爸惹蚊, 我地免了皮癢之苦...父親真偉大埸地細 - 呢晚人唔多, 可以接受, 人多就真係難受喇, 因為爐同枱都排得比較密款色少 - 見唔到大家所講既墨丸, 食物款色真的很少, 食黎食去就係腸, 腸, 腸, 少量牛丸, 貢丸, 龍蝦丸, 燒賣...雞全翼, 豬扒, 牛扒, 另外有大雞骴(不過唔入味, 面頭d香草燒兩燒已經黑晒)整體黎講, $108蚊收呢d食物, 真係唔抵囉

今次去錦田的勁嘆燒烤BBQ去到之後估唔到會得到以下驚喜：$88平日港式任食，這裡所有食物自助取自己燒其他元朗天水圍小欖等埸全部都是有好多亞姐＂幫＂你夾驚死你一定食唔哂鬼死甘cheap每次問她取只比少少你，食得唔自由,這裡除自己喜好想燒那樣取那樣。所有食物好衛生及新鮮，最特別是大方包好鬼入味,當然這裡的主打花枝丸及三角豆卜，最得意還有亞勁這狗狗！

果度好方便,係MTR錦上路站再轉的士,都係5分鐘到,勁快去到就已經有得坐,我同2個朋友揀重慶BBQ開始B勁大火,如果控制得唔好D野食好快會窿哂...老闆娘見我地咁樣就好好心提醒我地,一開始唔好放太多肉類落去之後等慢慢細火返就會愈燒愈靚個場幾好呀,坐得好舒服,好有FEEL,D地下唔會好似其他BBQ場既咁爛容容我地總共B左4個鐘,勁多野食..比一般BBQ多好多選擇...特別最愛墨魚丸同豬頸肉^0^最後老闆娘仲同我地傾左陣計,勁NICE...仲送左糖水俾我地食佢D糖水唔會好似出邊一般咁,求其溝D野落去煮幾煮就俾人佢係真係多料...用心去整出黎,好好味!!!!!!!基本上我係勁中意黎呢度B,我仲係咁推介俾公司既同事...佢地上完佢既WEBSITE,都話真係好吸引..勁多野食選擇..^^

都唔係第一次黎上勁嘆facebook得知而家有得重慶bq身為粉絲既我點可以唔帶朋友黎試!!!!!$108/1 包野飲1支除左可以重慶b 仲可以食埋港式b d野 抵到爛!!!!!今次黎又多左好多新野我+2個朋友 3個人每款拎1樣 差唔多食暈晒咁多野哈哈但係走果陣我飽到死左3個鐘我覺得太多哈哈my fav. 幾款雞翼 雞脾 豬頸肉 鴨胸 脆肉瓜 墨魚丸 韮菜 菠蘿 豬大腸 牛扒 雞扒.....實在太多啦!!!!!不過重慶b太快熟 好難捉摸呀老闆娘好nice 一邊親自幫我地燒banana 一邊同我地吹水知我身體唔好 送糖水之餘仲教我點增肥好鬼中意佢仲有佢3個囝囝約定左朋友星期6再去希望老闆娘唔會再一次唔記得我啦

不知是清明節定第二日要返工既問題, 個場好少人bbq數埋10枱度, 幾冷清下.今日趁假期, 日頭玩完夜晚入去bbq, 講真這兒 真是不太就腳, 不過食物有d都幾特別, 已不是第一次來, 就是因為比佢d食品吸引, 所以遠少少都再來. 而且佢地仲會送糖水任食送完即止,燒野食咁熱氣有d糖水滋潤下真是不錯, 這店都幾細心.

呢間燒烤場已經黎過幾次,次次都保持到水準,真係好抵讚揚一吓食物夠新鮮係一買點,最頂唔緊係佢d墨魚丸真係正到無話可說,重有好好味ge羊鞍,牛排,雖然係薄薄地,但係真係非常入味,鐘意食羊的一定唔可以錯過a~麵包又厚又軟....,物選擇都好多,睇得到呢d叫承意lor雖然要轉車入黎,無人地嗰d咁就腳,但係咁企埋又好食,點都抵啦~唔知以為去左西貢不過好可惜今次無魷魚lor,如果有就真係重正不重有,佢地d猪大賜真係好咸好咸lor,唔知係咪今次重左,咸到食唔到架今次我老公仲燒到手指,老板好好人即刻比藥我老公搽,你地話 係咪好吖~個洗手間都乾淨,但係如果可以無咁多蚊咁就更好喇,反而出面無蚊wor,真神奇

]呢間燒烤場已經黎過幾次,次次都保持到水準,真係好抵讚揚一吓食物夠新鮮係一買點,最頂唔緊係佢d]墨魚丸真係正到無話可說,重有好好味ge羊鞍,牛排,雖然係薄薄地,但係真係非常入味,鐘意食羊的一定唔可以錯過a~麵包又厚又軟....,物選擇都好多,睇得到呢d叫承意lor雖然要轉車入黎,無人地嗰d咁就腳,但係咁企埋又好食,點都抵啦~唔知以為去左西貢今次我老公仲燒到手指,老板好好人即刻比藥我老公搽,你地話 係咪好吖~個洗手間都乾淨,但係如果可以無咁多蚊咁就更好喇,反而出面無蚊wor,真神奇

見到呢間個個comment話唔錯,驚星期日冇位一早book定位.位置重要超隔涉.好難揾.打去問路嗰陣員工態度都ok,點知去到..一去到見到成個場得兩枱客己經心知不妙,但山長水遠去到冇辦法啦.地方都乾淨.有個老閣娘嘅人話叫買咗飛先.咁我問:係咪坐邊都得架.佢話:唔係,我哋畀位你....(咁我同朋位就食風食咗成晚喇)可能佢哋見我哋未齊人,竟然唔想幫我哋起爐住.我唯有話:個爐起得架喇,我d朋友就到齊.好啦,咁佢起咗爐我就同朋友去拎嘢食啦.有個男嘅員工不斷跟住我哋,喺附近望住我哋夾嘢食.攪到我哋好唔自然.每夾一樣嘢佢又望一望我.點解要咁樣呢????講返嘢食先失望.去到發現種類得好少,好多嘢都冇嘅,同佢網站或之前嘅食評好大出入,.三角豆卜金沙骨~雞腎.煙鴨胸.五花腩肉.豬大腸.面豉醬茄子.魷魚全部都冇.雞翼亦冇4-6款.日本蕃薯得d頭頭尾尾.所謂嘅糖水係煉奶水加西米雞比.牛扒.雞翼.豬扒每樣肉類都有雪味.可能佢e度真係太少客.d食物去唔到唯有雪完又雪.我見到d肉類真係醃定.難怪咁大陣雪味.我哋成晚食得最多係菇.大粒又新鮮.肉類真係難食到食唔落囉.燒到9点,無啦啦有走埋嚟掃地.(係喺腳邊掃喎).我

一行六個朋友聚會BBQ.地點都係首選元朗,見到呢間個個都讚食物一流,但係有一個comment話服務好差都有D心大心細.最尾都本住冒險精神去試一試.之前已經打咗去訂位知道BBQ開3點同埋如果要有瓦遮頭位要留座就要先比訂金.由於唔太確定朋友會唔會甩底所以只係訂位無比訂金.當日14:30入到去,老闆娘都任我地揀位.(P.S.有瓦遮頭位約可坐到20多人所以一係就好似我地咁早D到,一係就比訂就萬無一失喇),雖然我地早咗到但係老闆娘都有禮貌咁叫我地坐底等等同埋即係搵人開爐比我地.正式開餐揀野食,唔係講笑,真係估佢唔到有咁多種類,比起其他BBQ場都要多款同乾淨,最緊要係自助食幾多夾幾多唔似一般BBQ場好食嘅就比少少,小丸子就比多到你唔想食.(不過記住唔好浪費,食唔哂每件$5)好味推介如下:墨魚丸:我由細到大最憎食墨魚丸因為怕粉,但係呢間嘅墨魚丸我差唔多食咗一打,唔粉,真係有墨魚粒,仲想走嗰陣偷偷打包(當然只係諗下)日本蕃薯:已蒸熟,D皮洗得好乾淨,好甜(老闆娘教先燒到表面收水,搽一次牛油再燒至令身再搽一層蜜糖)好食到停唔到口,我食咗5件,同行一位蕃薯小姐食咗8件雞翼:自家腌製有4-6款,記得有咖哩,

老闆娘阻撓客人揀位前日同老婆黎左呢間勁嘆燒烤場,,西鐵錦上路站轉的士,不用跳標,可能係晏晝近4點既時段,暫時未有客人,個場都算大,老婆好怕曬一心同老婆揀一個無咁曬既心水座位,不過即時比老闆娘叫停,指定我同老婆坐某一張座位,個位好曬,個陣時客人只有我地,我試圖要求轉坐其他座位時,依然比老闆娘拒絕.我只要求坐一張無咁曬既小座位,要求合理!但都唔可以!..所有老公理應都應該錫老婆,邊個女人唔想皮膚靚,既然有幾十張座位,點解我地只得唯一一個位選擇?做生意要講良心,實在有點兒難為客人大量蚊,有白紋伊蚊可能因為季節,因為天氣,時間,環境,場地衛生,非常多既蚊,蜜蜂,"烏鷹"!!清楚見到有白紋伊蚊,場地旁邊有河道都有一定關係,巳用蚊怕水和蚊貼,當然對拒唔到白蚊伊蚊,及後見到場內有客人帶備專業用氣霧蚊水和點蚊香..明智!我同老婆兩日後既今日,手腳依然紅腫痕癢順帶一提,及後有客人有同樣揀座位上問題發生,當客人態度剛強一點,就自行坐上自己所選座位了,下次..我知道我要點做了..不過短時間內都唔會有下次誠然,雖然環境,服務質素唔理想,但以這個價格衡量,食物既味道,同種類選擇方面都算幾好

周日重點活動係bbq，友人提議來呢間勁嘆bbq，話食物不錯，當然支持﹗地點在元朗的八鄉，如果唔係友人有車，都真係幾難來到，從黃金海岸駕車都要成20分鐘左右先到﹗地方不算大，一個大空地放滿桌椅，地方幾乾淨，起碼是石屎地，試過好多燒烤場地方店其得要命，呢間算十分整齊了﹗空地前面有投影大電視，播放無線，咁岩今晚係鐵馬尋橋大結局，友人係向左fans，開心得不得了﹗地點不就近，人客自然不多，加埋我地十枱客都無，$98一位，食物自取，包一水一飲品。放食物的地方排得整齊，丸類肉類應有盡有，特別介紹呢度既蒜蓉牛油醬，用來燒佢地提供既厚面包真係一流﹗丸類味道在水準之上，墨魚丸更加係每我大叫好味，一人吃了六粒，有咬口之餘入面盡是粒粒的墨魚粒，正﹗龍蝦丸、牛丸都不錯，特色的係佢地既自家醃豆卜，呈三角形大大件，食落帶豆香，燒得乾身一點外皮更脆，好食﹗肉類方面，佢地有幾味雞翼、豬扒等用勁多蒜來醃製，個款直頭好似金沙雞翼一樣，當然香口十足﹔辣雞翼值得一試，香口得來入味，真係幾辣﹔燒豬扒就夠鬆軟，還不錯﹗友人大讚燒魷魚，有咖哩香﹔食家就話呢度既羊架都不錯﹔另外我就鍾意呢度切件既司華力腸，唔係度度燒烤場有得食﹗仲有係

一向都鐘意BBQ既我都有四圍試下唔同既燒烤埸,今次揀左呢間試下...真係幾SURPRISE,一黎地方夠乾淨寬敞..有足夠既空間二黎老闆娘好有禮貌仲事事親力親為,見我有BB仲俾我揀坐邊添除此之外,野食都好豐富同特別,最難得既係有香草牛油,用黎搽麵包一流..蜜糖仲無限量供應~大家都食到好滿足呢!下次一定會再黎

已有幾年無寫食評了~連密碼都唔記得左 ^-^ 舊食友唔知仲記唔記得我呢? ^0^今次寫的原因是因為希望介紹LEE間有誠意既BBQ場比有要求既食友佢係繼 :劉星花園 之後~我最愛既任食BBQ場佢既食物係一般 任食BBQ場沒有的: ~ 而食物是自助任取的~食多小自己話是~唔洗浪費 正牌龍蝦丸 (不是佳X平價沒有蟹籽又粉的那種~你有買開就知我講咩~任食場通常都無供應)芝士丸 (至愛)花枝丸 (超有咬口~好多一片片既花枝肉係內面 超級無敵推介)司華力腸 (金x牌)三角型豆卜(用慢火燒至外脆內軟~再掃豉油輕輕燒一陣~人間極品)日本番薯~已烚熟 (先將牛油搽上燒一陣~再搽蜜糖燒多陣~連皮食~yummy ^0^)面豉醬茄子 (勁有心思)脆肉瓜 (切得厚厚的~ 很新鮮)鮮冬菇 (好小可以任取的)勁蒜蓉特厚豬扒~ (豬扒面布滿蒜蓉~燒完之後d蒜蓉甜甜地脆脆地~豬扒又厚身~成塊吉列豬扒咁~口水流 超重本貨~唔試走寶)小羊架 (孜然粉味~香草味~咖哩味~輪住出)雞比 (咁誇張都有)豬大腸 (勁愛)五花腩肉 秋都魚 (甚落本^0^ )煙鴨胸xx梅肉粒 (無食過)不過咸的廚x賜 (而家買的廚x腸不知點解好咸的

聽朋友話依間燒烤場新開,專程來試試~我不嬲都鍾意周圍試唔同地方o既野食,試過好多唔同燒烤場,食物多數大同少異,所以今次都冇咩特別大期望~點知~冇期望之中,就有驚喜喇~最深刻幾樣野: 1) 厚方包, 2) 墨魚丸, 3) 日本蕃薯, 4) 三角豆卜1) 厚方包我未試過去燒烤場係供應厚方包, 頂多都係法包, 我一見倒直頭「嘩」左出黎! 仲要超軟熟呢~2) 墨魚丸我都冇諗過墨魚丸可以有咩特別, 但係真係好好味,我平日其實唔係好鍾意食墨魚丸, 總覺得唔似係墨魚整出黎咁, 但依度供應o既墨魚丸真係好香, 仲真係有墨魚粒粒!!!3) 日本蕃薯第二樣頗驚訝o既事, 不單止供應日本蕃薯, 仲已經預先整熟左先, 我可以就咁叉住黎燒, 加上蜜糖燒脆, 超正~好有台灣風味!4) 三角豆卜可能我見識少, 我真係好少o係街市見倒有三角型o既豆卜, 見倒有豆卜, 心想: 點會好食呀?乜味都冇, 點知, 原來入面係已經有味架喇! 燒脆左好好味!今次燒烤真係有好多驚喜, 同班朋友食得好開心, 環境又令我地坐得好舒服! 我同班朋友好耐冇見架喇~今日可以o係一個咁無拘無束o既地方同班朋友聚舊, 真係好開心~有機會一定會

呢度D食物唔錯, 就算丸類都比一般燒烤場o既質素高! 試過金蒜豬扒, 好好食! 仲有厚多士, 搽蜜糖同牛油燒, 燒完之後好似西多士, 好食~可惜可能因為新開或者比較遠(不過其實佢就o係四季豪園對面 / 旦王花隔離), 未有咁多人幫襯, 今日食唔到糖水, 但係真係值得再去!