影片
更多
2010-05-23
36 瀏覽
一行六個朋友聚會BBQ.地點都係首選元朗,見到呢間個個都讚食物一流,但係有一個comment話服務好差都有D心大心細.最尾都本住冒險精神去試一試.之前已經打咗去訂位知道BBQ開3點同埋如果要有瓦遮頭位要留座就要先比訂金.由於唔太確定朋友會唔會甩底所以只係訂位無比訂金.當日14:30入到去,老闆娘都任我地揀位.(P.S.有瓦遮頭位約可坐到20多人所以一係就好似我地咁早D到,一係就比訂就萬無一失喇),雖然我地早咗到但係老闆娘都有禮貌咁叫我地坐底等等同埋即係搵人開爐比我地.正式開餐揀野食,唔係講笑,真係估佢唔到有咁多種類,比起其他BBQ場都要多款同乾淨,最緊要係自助食幾多夾幾多唔似一般BBQ場好食嘅就比少少,小丸子就比多到你唔想食.(不過記住唔好浪費,食唔哂每件$5)好味推介如下:墨魚丸:我由細到大最憎食墨魚丸因為怕粉,但係呢間嘅墨魚丸我差唔多食咗一打,唔粉,真係有墨魚粒,仲想走嗰陣偷偷打包(當然只係諗下)日本蕃薯:已蒸熟,D皮洗得好乾淨,好甜(老闆娘教先燒到表面收水,搽一次牛油再燒至令身再搽一層蜜糖)好食到停唔到口,我食咗5件,同行一位蕃薯小姐食咗8件雞翼:自家腌製有4-6款,記得有咖哩,
最尾都本住冒險精神去試一試.之前已經打咗去訂位知道BBQ開3點同埋如果要有瓦遮頭位要留座就要先比訂金.由於唔太確定朋友會唔會甩底所以只係訂位無比訂金.
當日14:30入到去,老闆娘都任我地揀位.(P.S.有瓦遮頭位約可坐到20多人所以一係就好似我地咁早D到,一係就比訂就萬無一失喇),雖然我地早咗到但係老闆娘都有禮貌咁叫我地坐底等等同埋即係搵人開爐比我地.
正式開餐揀野食,唔係講笑,真係估佢唔到有咁多種類,比起其他BBQ場都要多款同乾淨,最緊要係自助食幾多夾幾多唔似一般BBQ場好食嘅就比少少,小丸子就比多到你唔想食.(不過記住唔好浪費,食唔哂每件$5)
好味推介如下:
墨魚丸:我由細到大最憎食墨魚丸因為怕粉,但係呢間嘅墨魚丸我差唔多食咗一打,唔粉,真係有墨魚粒,仲想走嗰陣偷偷打包(當然只係諗下)
日本蕃薯:已蒸熟,D皮洗得好乾淨,好甜(老闆娘教先燒到表面收水,搽一次牛油再燒至令身再搽一層蜜糖)好食到停唔到口,我食咗5件,同行一位蕃薯小姐食咗8件
雞翼:自家腌製有4-6款,記得有咖哩,洋蔥,香蒜,黑椒,不得不提香蒜味係有炸香嘅蒜頭喺面,老闆娘教用慢火燒,出黎超香口,肉質滑
牛扒:無筋,有牛味,入味
大大雞全脾:啱哂食肉獸
香草羊扒:通常出面要加$$$先有,呢度都係任食,好味,我係羊精早到都開心
超厚麵包:好新鮮加埋佢特別嘅香草牛油少少咸又係好味之選
雞腎:大件入味
牛丸同牛筋丸:都係靚料彈牙有牛味
總而言之,所有食物都會令你覺得老闆娘係有用心去揀食材嘅,收$98一位實在太慷慨喇,相比起其他BBQ場呢度環境真係唔錯唔會太迫,另外因為有多棵大樹遮蔭所以唔係太曬,服務其實真係好過好多地方,最少你要人幫手都緊有一個喺你隔離.我有朋友飲完D汽水罐同用完D紙巾掉到成枱都係老闆娘即刻幫我地收拾乾淨等我地食得舒服D,我唔敢講呢度D人係最有禮貌,但係比嗰$98有咁好嘅招待同高質素嘅食物都無咩好投訴!!!
如果想唔曬/無蚊/唔熱本人就勸各位千奇唔好BBQ,打邊爐都係一個唔錯嘅選擇!!!
同埋呢度一D都唔難搵,只要坐西鐵到錦下路站轉的士$20唔洗就到(同司機講四季豪園對面就OK),如果你揀搭小巴/巴士都OK,不過我唔記得喺邊度落車,你可以到之前打去問一問.
我之所以寫呢個食評係因為我覺得呢個老闆娘做生意係有良心嘅同埋用個心去經營,我都好想呢度可以一路做落去等多D人可以試到好野,當然以後同朋友BBQ我首選都係呢間!!!
張貼