66
12
6
| 餐廳: | 勇記海南雞 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
附加資料
最後落單時間為晚上7點
營業時間
今日營業
11:30 - 19:30
星期一至六
11:30 - 19:30
星期日
全日休息
*法定假日休息
以上資料只供參考, 請與餐廳確認詳情
相關文章
太急促，好似要倒落去咁，職員見到你就嚟食完就已經望住你，準備收你啲嘢，催促得太過份，見你食完之後，總之40分鐘都未夠就同你講出面有客等緊。知你多客嚟食，但都要顧及吓其他食客嘅感受㗎！
繼續閱讀
海南雞飯（$66）個雞係幾好食連雞皮都醃得超入味油飯都幾好食但覺得有少少偏乾同埋可以再加啲味冇諗過個湯比到驚喜之前食金雞嗰啲係落南瓜勇記落紅蘿蔔成件事協調好多椰子味又好夠出但店員都幾冇禮貌頭頭對正冷氣同埋風扇又有開就禮貌問啡短頭髮女店員可唔可以閂細少少個冷氣其實如果佢話唔得呀較唔到/老細唔俾都算點知佢勁寸話 吓仲閂呀 已經好細喇喎 再閂就熱完全唔helpful 有冇諗過幫個客調位都解決到件事有諗過會唔會係伙記行嚟行去係熱過食客所以開咁大但佢明明自己都着長袖衫😂
繼續閱讀
👏🏻每次經過呢一間海南雞飯都大排長龍，我喺上網見到佢嘅評價都幾好，今日咁啱喺附近同朋友喺上環就決定同朋友試吓呢一間海南雞飯係咪真係咁好食！😛 我哋排咗15分鐘入到去，覺得味道其實都幾好，不過座位就有少少迫，海南雞都非常嫩，咁啱我有雞髀位，非常好彩，佢嘅肉質其實幾好食，再加埋佢本身秘製嘅醬汁！油飯同埋佢嘅海南雞配搭整體上都唔錯，我覺得呢個份量，如果普通晏晝食係夠飽㗎，價錢嚟講都唔算太貴重送一個椰子秘製例湯，都值得排隊，不過如果下午茶時間嚟食應該就唔會咁多人！
繼續閱讀
#勇記海南雞 早幾年前已經聽聞喺紅磡非常出名嘅勇記海南雞喺上環開分店，當時有唔少媒體報導，有次行過未開門都見到人龍，真係怕咗。之前行過見佢冇乜人排隊，就諗住去試下。以防萬一都係十二點前去到，真係唔使排，不過就一定要搭枱，因為都已經有好多客，雖然店舖好似好忙，但店員認真mode得嚟仲保持到基本禮貌，唔係一味話忙趕客咁款。兩大名物泰式海南雞飯同椰子雞湯$66，湯係好夠熱，啲煙係咁湧出嚟，好多椰子不過好硬食唔到，但離遠都聞到有椰子香。雞湯非常濃郁好夠味，留意到應該係接近全場都叫椰子雞湯。期待已久嘅海南雞飯，海南雞斬得夠大件亦比得幾多，唔同部位都有，最正當然係雞髀位，但空口食一啖有種白切雞嘅感覺，除咗雞翼比較入味，其他底味比較淡，味嘅來源嚟自泰式辣醬，夠辣惹味好食。本身對勇記都有啲期望，因為曾經被形容為海南雞天花板，今次食過確實係好食，但未至於神級，嫩滑程度同底味調教未算最好。加上環境唔大名副其實係一間小店，坐得唔算舒服食完就要走。勇記海南雞上環蘇杭街102號江寧大廈地舖
繼續閱讀
勇記海南雞
上環蘇杭街102號江寧大廈地舖 #勇記海南雞#海南雞#椰子雞湯#油飯#food#hk
又到Lunch時段，今日好想食海南雞一於去勇記，呢個時間太多人都係外賣返公司食算，趁今日介紹下。
招牌去骨泰式海南雞飯(油飯)，$66，外賣+餐具+$2之下$68。
海南雞份量頗多，雞皮入口爽脆，雞肉嫩滑，美味!沾上醬汁更惹味。
油飯粒粒分明，口感偏硬唔夠香口(一時時，有時正常口感)。
椰子雞湯，十分足料，椰香味濃，味道清甜，讚!
嘆個滿足的午餐。
繼續閱讀