勇記海南雞 (隆基大樓)

營業中

休息中

📍紅磡人氣海南雞飯‼️• 啖啖肉夠腍身🤪 -- 勇記海南雞🐔•Follow @pigfoodiexhk for more food!🐷======================#pigfoodiexhk_紅磡==========================Bookmark咗呢間海南雞飯好耐啦～前排放工終於得閒嚟試下😋本身好想試椰子雞湯，但係可能因為太晏先去，所以已經賣晒😩------------------------------⭐️招牌泰式去骨海南雞飯 $55海南雞一半係雞髀肉、一半係雞胸肉，份量都幾多！😝雞肉嫩滑腍身，雞皮都唔會好厚肥膏～油飯粒粒分明偏乾身，如果油香再出啲會更出色👍整體嚟講都值得一試！------------------------------賣相：3.8/5味道：4.3/5性價比：3.5/5推介度：3.5/5------------------------------店舖資料名稱：勇記海南雞 @yungkee_hainan_chicken 地址：紅磡馬頭圍道23-35H號隆基大樓地下29L號舖前往方法：黃埔站A出口

之前外賣一隻雞加餸。但因為過了幾小時才進食。屋企人食左覺得沒有太大的驚喜。但今次堂食-滑！雞皮爽！油飯-反而無乜驚喜，如果薑蔥味雞味再重些必然會加分。不過以55元價錢可以食到「無骨海南雞油飯」+熱飲=超值👍🏻下次要試佢的椰香系列/撈米線🍜

今日星期六，好彩一早諗定要食海南雞，渣左架車就咁泊左響大街，晏晝五點去到竟然全院滿座，落單果時阿姐要入廚房數吓有幾多隻雞先做我生意，等佢數雞等到個心卜卜跳，幾驚俾人抄牌！俾完錢之後拿拿林返返上車等，等左10分鐘再跑返入去就攞得！返到屋企就咁擺響廚房，擺到晚飯先攞出黎食。開飯就咁成盒擺上檯，啲雞好黃好靚，成屋人都話勁滑勁香勁好食，一致認為好食過太安樓！滑到連食緊咩部位都唔知，認知障礙症🙈 食左一半忍唔住要影返張相寫返份食評！

第二次食,上次上環,今次紅磡.星期六下午2：30到,等幾分鐘就有位.叫左海南雞腿飯,好好彩有椰子湯.湯有椰子香味,湯頭都甜.免費來講,味道真係唔話得.至於海南雞腿飯,份量適中.雞一樣keep 住個水準,最少對我來講,一樣咁好食,夠嫩滑,有雞味.油飯,我自己覺得乾左少少.總括來講$68,對我來講,性價比超班

諗住中秋節買隻海南雞，早幾日專登過嚟比晒錢，點知當日4點半去到，鋪頭門外有2條隊要排，1條排隊登記，另1條排隊拎雞。一早比晒錢都仲話要排隊登記，一手交收據一手拎雞咪得囉。懶係有系統咁，做埋啲多餘嘢😡好啦，登記完又要去排隊拎雞，點知訂好同walk in 嘅都係排同一條隊，同埋4點半都話仲有得walk in 買雞，早知我唔使早2日專登過嚟訂啦，直接過嚟買咪得囉😡雞又出得慢，差唔多要2-3分鐘先出到1隻雞😵‍💫拎雞條隊有廿幾人，拎隻雞都要等40分鐘，你想整條人龍出嚟話比人知你有幾叻？唔好意思，咁只係話到比你啲客知你有幾唔識做生意😡

上個月去食咗勇記海南雞，真係幸運到！套餐入面有海南雞半隻、油飯同埋小食，全部都好好食。海南雞嫩滑多汁，油飯香口，令人回味無窮。餐廳環境稍微迫夾，好多人等位，但最終我哋都有幸食到美食，真係好開心！

29-7-2023 (Sat)因為同老公約咗晏晝去男友人MY屋企,我哋就乘機嚟呢頭食晏,老公話佢公司秘書推介呢間海南雞,於是我哋決定試呢間,上嚟睇吓佢開幾點,答案係1:15pm,而椰子雞湯係先到先得,於是我較啱時間嚟,我哋12:53pm嚟到,堂食同外賣兩條隊都各有3組客,有耐,老闆娘出嚟同我哋講呢日電飯煲有啲問題,飯中間仍有啲硬,如果介意嘅,就麻煩下次再嚟.我同睇,除咗飯之外,都有米線,喇沙同金邊粉選擇,於是決定繼續等,到1:00pm就開門俾客人入去喇.最後我哋要咗151.00嘅2人餐,有:5. 熱桂花烏龍茶(冇糖)同椰子雞湯中揀咗椰子雞湯見到有好多椰子,啖湯有晒呢兩種材料嘅味道,好對版,不過鹹咗少少.味道:4.7分2. 墨魚餅,香辣魚餅同泰式雞棗中揀其中一樣,老公揀咗泰式雞棗一客四粒,外脆內裡唔算太juicy,但都已經好好.味道:3分3. 麻辣手拍青瓜(小辣)呢個唔辣,OK冇問題嘅.味道:4分1. 半隻泰式去骨海南雞口感爽滑,都食到啲雞味,但又係鹹咗少少,唔蘸個醬食都夠味.味道:4.7分 4. 油飯同白飯中,兩個都要油飯油飯上加咗啲胱脆,增加口惑,佢唔係好油亦唔夠香,飯的確係硬咗少少

食個海南雞喇沙等20分鐘，話入面炒緊（？）你未準備好就唔好開門，我仲要係頭嗰批客，唔係太好賣煮唔切。催極都話嚟緊，咁你－係叫我轉飯啦－間食肆晌開門之前都唔準備好，不了

➡️佢位置唔當眼，係要經過個疑似商場既入口，每次經過都見佢條人龍… 左排外賣、右排堂食，諗下左諗下右，最後決定買隻海南雞番屋企加餸都好，家人都可以試下～由舖頭行去紅磡車站再搭港鐵都要個幾鐘既，番到家即時放入雪櫃比🐔涼下，職員姐姐提我記住食前15分鐘拎番出黎解凍～ 開盒時，家人話隻雞好細，係因為無骨耶，🐔皮薄、口感爽脆、仲有啫喱😋～ 雞肉滑滑，成家人都覺得好味，叫我下次再買。下次再經要試堂食🥢見堂食雞油飯色水都好靚～

咁啱今日去開紅磡試咗長龍店勇記海南雞.由前五星酒店廚師主理勇記海南雞位於紅磡廣場附近位置非常方便餐廳內部乾淨整潔座位不算太多但唔會太擠迫唔洗擔心會坐得好貼.講到勇記最出名嘅海南雞佢嘅海南雞係用白切雞淋過熱水後再浸入冰水中佢嘅雞肉肉質嫩滑好食唔膩口令人食完之後仲想再嚟一碟油飯有雞油嘅香味飯粒彈牙令人食得好滿足順帶一提跟飯嘅泰式汁非常惹味少少辣帶出雞嘅鮮味，一定要試.總括而言海南雞十分出息如果你鍾意平靚正嘅餐廳勇記海南雞絕對係一個好選擇

去完嘉里酒店staycation因為係九巴月票既死忠由呢度求其坐架巴士都可以出到去紅磡廣場而今日午餐就係食紅磡大熱既勇記海南雞位置就係紅磡廣場格離隆基樓條巷仔入面疫情先開既勇記一直都好難食到既就算開左上環分店都無咩點變先唔計根本排唔到隊佢餐廳本身就已經星期日同紅日唔開平日亦都只係開到夜晚七點半所以唔係區內人根本無咩機會食到咁難得今日星期一請左假仲要成三點先黎到係竟然唔洗排隊可以直入雖然咁出名而且老闆話係君悅酒店出身但價錢都真係好親民一個海南雞飯用半隻雞二人餐就有半隻四人餐就全隻望落就無特別抵食反而單點全隻就抵好多今次我就試下加錢轉雞脾果然我真係唔識食既我仲好天真咁以為會有成隻脾咁上都聽到有人話想要埋骨但做唔到比佢老闆話同以前君悅酒店一樣都係用三黃雞不過就由新加坡式既三色醬變成而家泰式既一款醬雞皮色水係好靚之前我只係食過一次外賣堂食就真係第一次雞就真係好滑而且脾位都係啖啖肉份量亦都好夠比全日雞多唔少但個雞油飯就唔算特別香個椰子雞湯就話一日有兩煲出晒就無野飲同湯之間我就揀左湯呢個湯係清甜既不過就唔似蘇山雞咁會有雞賢係湯入面個雞飯係好食既但環境就真係麻麻地方都幾細好多都係單丁位周圍都係擺左雜

難得早放所以係上堂前去左勇記睇下有冇雞食結果好彩仲有雞賣！咁坐底之後就即時叫左個招牌海南雞飯食，本想餐飲有跟野飲/椰子雞湯，但因為太遲去了椰子雞湯賣已經無哂🥲唯有下次再早啲然後海南雞一如既往又滑又嫩！配埋個醬好下飯，一啖雞一啖飯一陣就食哂

品嚐了他們的招牌去骨海南雞飯，讓我感受到了海南雞飯的另一種風味。一進入餐廳，就能聞到飄散在空氣中的椰子香氣，彷彿置身於海南的熱帶氛圍中。我點了椰子雞湯作為前菜，這道湯清淡而鮮美，湯裡還有碎椰子肉的口感，令人回味無窮。而主菜——去骨海南雞飯，也是一絕。雞肉呈現出白色，肉質鮮嫩多汁，吃起來鮮甜可口，令人食指大動。海南雞飯裡的醬料也是令人驚喜，搭配雞肉食用，入口香滑微辣，帶點甜味，讓我一試難忘。雞飯的飯粒也十分軟糯，與醬料完美融合，讓人一口接一口，欲罷不能。

勇記海南雞總店響紅磡古滑的雞真係絕不滑稽花時間同心機嘅手工菜果然係唔同啲平民嘅價錢有米芝蓮嘅級數性價比高超抵食/唔怪得日日都大排長龍成日六點前都未夠就賣晒✨招牌海南雞🐔 - 半隻$92外賣叫咗半隻海南雞外賣份量啱啱好/夠晒兩個人食雞皮較厚但係爽脆Q彈入口嫩滑/海南雞啲雞肉好滑好嫩仲要係啖啖肉配埋個特製嘅醬汁真係好味到爆不過如果唔鍾意辣嘢嘅話就要小心喇/因為醬汁係的確有啲辣提提你現時勇記海南雞只係收現金㗎咋

同朋友去咗紅磡區行街，最後係openrice發現咗一間叫做勇記海南雞嘅店。我哋就決定試下佢哋嘅海南雞飯。🍗價錢方面，一份海南雞飯只要55蚊，同埋仲有一杯花茶附送，覺得幾抵。😊 雞肉方面，份量足夠，而且雞肉質地細膩，雞皮又薄又滑，口感唔錯。👍最吸引我嘅係佢哋嘅雞油飯。飯嘅香味同雞油完美結合，令人食指大動。🍚 雖然飯量有啲多，但我同朋友都算大食，最後都成功ko。😋總括嚟講，我覺得勇記海南雞喺紅磡區係一間值得試試嘅餐廳。下次再去紅磡，我哋會考慮再光顧。🙂