包點先生 (逸東商場)

營業中

休息中

以為連鎖店價錢29蚊個缽仔蒸飯佢最平啦!? 點知原來有d分店仲會每日有一款指定蒸飯做特價20蚊炸...O咗咀!(今時今日大家記得要做個精明嘅消費者呀!)雖然今次貴咗9蚊，冇法都要試一下…臘腸蒸雞砵仔飯!(豉油可以另上)都總算可以食飽我個肚嘅飯!雞肉味道都幾好，冇雪藏味，雞肉入口唔會太"鞋''，而臘腸入面有d肥肉，味道還可以吖!個飯最重要係夠熱!

花膠冬菇燉雞腳湯 $42包點先生除咗有點心同埋飯之外, 仲有靚湯飲! 對比出面既OL湯, 包點先生湯夠大碗+而且包埋湯料👍 夠哂補湯料嚟講都幾有誠意: 2細塊花膠 + 1大粒燉淋咗嘅冬菇 + 2隻煲淋曬嘅雞腳 + 雞肉連骨, 意料之外地淋! 我當然食曬啲湯料啦😋晚飯時間去買嘅話, 有機會未有貨, 大概要等15分鐘

逸東分店員工極之冇禮貌，今天早上7:10分到買鳯爪排骨飯，收銀問是否要辣，我一心以為辣係我食開果隻，點知唔係，跟著想換，好幾個員工一起鬧、話要改好多野做，鬧顧客的包括收銀，周志鳯、同鬧人最犀利埋面一個女員工，我想你們要多訓練員工有禮，不要當客人為出氣袋！😡😡😡

翻新之後第一次試，燒賣個人係覺得ok ge味道ok夠飽肚。但其他就差D，今次叫左燒賣、鳳爪、鮮竹卷、炸雲呑，燒賣講左可以飛左佢；鳳爪四個字皮厚鞋韌，食到唔想食；鮮竹卷頭兩件係ok ge，第三件唔知點解D皮就好韌但D肉係無問題ge；炸雲呑最好野入面D餡唔係肉黎類似油炸鬼個D啦，但講真個皮係趣口同D醬汁係好食ge。整體黎講除左鳳爪覺得唔低，其他都ok ge。p.s：不論D食物質素係點，D啊姐堅係有禮貌ge～

又去到返工嘅日子，每一日我都好煩都夜晚食咩好，點知行過包點先生見到包點先生竟然出咗家常菜系列，我有梗係要試下啦！！！！！今次就買咗嘅"薯仔炆雞翼" 我估唔到雞翼竟然有超過三至四隻，仲有一大兜飯提供，非常之好呀🤣😘我都即刻轉咗可以入微波爐嘅兜裝住佢 帶飯健康之選😎super

領剪的這個東涌街市裝修後，令包點先生都這麽美觀，不論早午都不少人排隊。第一次叫山竹牛肉，非常之不討好，因為店員就咁將山竹牛肉放到袋裏，沒有盒子蓋上，其實很容易翻瀉出來，還要盛有喼汁。山竹牛肉亦都沒有什麼牛肉味，細細粒，有點兒彈牙，就是沒什麼牛肉味，不好吃。蓮蓉包，包皮仍厚，蓮蓉餡不少，夠甜夠味梅菜豬肉包味道也不錯，豬肉不算太過鹹，中間有一夾了一些梅菜，可以點綴味道無法想像，原來這種舊式的麻蓉包，味道那麼好，外皮有點厚，但是中間的麻蓉也極多。外皮呈啡色，中間麻蓉大大球，又有種磨砂質感，起沙狀，外皮都好配合內裏的麻蓉。有點兒甜，但是即使大大團麻蓉亦都不會顯得大甜，真是美味。鮮竹卷亦都質素不錯，看來不算吸引，但是外邊的鮮腐竹，又薄又滑，而且吸味，不會太多汁浸著腐皮。內裏也不算太多菜，有些肉。

之前係富東分店食過 ,味道唔錯 ...........宜家包點先生係我屋企樓下開多間 ,就落去睇下 ,雖然新開張無乜野特別款式 ,但係D包都幾吸引 ,就買左一個凍白饅頭and一個凍馬拉糕 ,囉番屋企蒸黎當早餐食 ........白饅頭 : 夠鬆軟 , 有咬口 , 囉黎做早餐正爆 !!!!!! 馬拉糕 : 蒸完後漲左 , 好大個 , 食完好飽 , 但係就甜左D同油油地 , 但都算係唔錯既選擇