包點爺爺 (已結業)

呢間包點爺爺我食過幾次,覺得早餐食真係好正!因為mama有make 早餐比我返學食,所以都係佢唔得閒既時間我先買黎食佢呢度d包熱騰騰,即時食好味百倍我最鍾意係炸菜肉絲包,幾乎次次都買呢個,因為對甜ge包冇乜興趣不過菜肉包都唔錯,可以再食雖然約$5一個,但大大個,料夠多,塞滿一個包咁濟肉十分之滑,加埋炸菜好野味另外,我都買過蘿蔔糕,可能我比較鍾意食好軟好軟同唔係太多料既糕,所以覺得好正!!!但mama話太軟,好難煎同蒸anyway,果度不時有好多小食,有機會要去try try~~

今次係寫中式包..一向都鍾意食中式包, 因為冇牛油~感覺食完會健康d~拎上手又唔會成手油.不過~麻煩在要自己翻蒸/叮…如果o係街買已蒸熱o個d就要即食先好味~如果唔係d倒汗水會整濕個包,就失真啦~今次買左個蕃薯包.與包點先生一樣既紫色外形..賣相肥仔,拎上手唔會輕飄飄.. 切開發現冇一點空位, 就只有包同餡..證明夠足料..味道都唔錯…食下包,唔會有糊口.. 紫心蕃薯餡味道真實,唔會太甜,食到有一絲絲蕃薯纖維…呢個包食完幾飽肚~又高纖健康…比較之下~好食過包點先生添~

之前未聽過呢間中式飽店~只係常食xx先生同試過xx王子~見佢貼左張雜誌介紹:係比較呢間同是賣中式飽的xx先生..呢間某d包點既得分係高d~所以決定一試~唔想食得太飽~於是要了件o係邊位既馬拉糕.搣開底紙~嘩~超多氣孔~有少少恐怖….食後:唔太甜~好鬆軟…因為我係用手搣開舊糕黎食~d油遺留左o係手指~所以就覺得都幾油喎~淡黃色~唔係酒樓最傳統啡色o個隻.但都唔錯~食得過~如果同其他兩間比較馬拉糕,好似係呢間好食d~見到之前既食評都好似覺得幾好~所以下次都會試埋其他款式...

3/12/08 7:15pm放工返到元朗, 正走向食牛肉麵之際, 發現左一間新開既中式包點店. 其實個人是偏好西式包, 總覺得變化較多, 賣相靚. 但今次竟然比門口的試食吸引左, 就係蘿蔔糕.~已放涼既蒸蘿蔔糕入口不太粉, 仲食到絲絲蘿蔔, 雖然料不算多, 但至少食到真味, 已不錯. 何況只是 $10 有一大條? 好, 買一條返屋企加料~ 店員更提議翻蒸比煎好, 因為粉不多, 易散. 老闆娘好熱情, 逐向我介紹蒸爐既包點, 叉燒包, 雞肉包, 菜肉包, etc...問佢既推介, 佢話所有包係每日即做, 唔留過夜的, 佢既第一個推介係"素包". 當我我抱住半信半疑既心態時, 老闆拍心口話d包唔落豬油, 又鬆軟,叫我即場試食. 好!! 放低 $4跟機! 熱辣辣既包從櫃中取出, 仲連底紙都幫我摵埋, 睇個包表面脹卜卜似係新鮮蒸起,一啖咬入, 果然非常鬆軟, 入面有菜同冬菇都好新鮮 ! 老闆見我影相, 問我係唔係寫稿? 我敷衍地答了:..係..係.. 跟住o係隔離既甜包櫃拎左個香芋包出黎, 又係推介, 係每日用鮮芋頭磨成, 佢幫我分開一半比我影相, 仲請我食, 哈!!(其實我好鐘意