影片
港鐵牛頭角站 B6 出口, 步行約9分鐘
繼續閱讀
電話號碼
51339966
營業時間
今日營業
15:00 - 01:00
星期一至六
15:00 - 01:00
星期日
全日休息
以上資料只供參考, 請與餐廳確認詳情
💁♀️💁♂️👧👦27/12/2022(Tue), Dinner🍽喺觀塘海濱花園近九龍灣果邊，有一檔食串燒既小食店，舖仔細細只得沿住外牆既幾個座位，萬一無位既話，亦可以選擇到店前面既公園草地，好似野餐咁吹住海風、望住個海景好chill咁食串燒。而今晚我地帶埋小朋友黎order咗：🔆 安格斯牛肉串（$24）🔆 燒墨魚咀（$18）🔆 香燒雞中翼（$25）🔆 燒生蠔🦪（半打）（$90）🔆 原條燒茄子🍆（$38）🔆 香辣雞軟骨（$16）🔆 燒韭菜（$16）🔆 燒豬大腸（$24）🔆 燒八爪魚丸（$16）🔆 燒秋葵（$16）🔆 燒菠蘿🍍（$18）🔆 香燒多春魚（$16）🔆 燒大啡菇（$25）所有串燒都係即叫即燒既，所以落單之後都要等一陣先送過嚟。店方會邊燒好就邊送過嚟，讓你可以食住等餘下既食物。由於叫咗都唔少野食，呢度唔每款都細評啦，串燒價錢唔貴，都係十幾至二十幾蚊一串，每串都係細細串幾件仔咁，等你可以叫多幾款試吓。燒雞翼佢地燒得唔錯👍🏻，皮脆而肉嫩。而燒生蠔又無燒到過火，仍有蠔汁，再mix埋蒜茸一齊食，口臭？食完先算啦。燒茄子🍆同燒大啡菇都係我地每次必叫既，燒完仍然juicy好食。菠蘿🍍燒過之後，菠蘿汁濃縮咗，菠蘿味道更濃、更甜。整體嚟講，幾百蚊可以喺草地野餐咁，對住啟德舊機場跑道hea住咁食串燒，係個唔錯既選擇。(飲品我地係自購，店家並沒有提供🙏)🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整體食評：❤❤❤❤❤(4/5)❤🙆♀️(為食妙妙)整體食評：❤❤❤❤❤(4/5)👉🏻 海濱花園有個錶位場，再唔係對面既商廈都有大量時租位，泊車方便👍🏻🔆🔆🔆🔆🔆🔆🔆🔆🔆🔆🔆🔆🔆
繼續閱讀
📍北上串燒 觀塘海濱道80號觀塘海濱花園。。三訪依間串燒，三次都係宵夜時間到訪。位於觀塘海濱嘅串燒店，可能其他區嘅人未必會知，但如果你喺附近返工、或者成日喺觀塘海濱跑下步做吓運動，你會發現行到差唔多近海濱匯嘅位置，就會有一間串燒店屹立在此。頭一兩次嚟嗰陣都係外賣上車食(嗰陣仲因為疫情冇堂食)，好彩隔離就係咪錶位可以停車。今次再嚟就可以堂食，而且仲可以好chill坐喺出面個草地，老闆仲開左露營枱凳俾我地一路睇星星一路食！你冇睇錯，我嗰日真係見到好多星星⭐️喺市區都見到咁多星好驚喜🥰食物大約等左15-20分鐘，即叫即燒，價錢都唔算貴，$16-$3x一串！個人推介金牌燒湯圓幾特別😊入面係芝麻餡料，外脆內軟💕仲有蒜香魷魚鬚都好香口！雞肉亦都好嫩滑😋行下海濱，食下野，吹下風放鬆下心情，欣賞下海濱景色也不錯
繼續閱讀
一班朋友約好在觀塘海濱跑步，起步前先同店長講定大約30分鐘後到，雖然我地遲到左10分鐘回來，但個燒豆腐真係超級超級好味道🫣勁多蒜香，燒得脆脆的💗好入味🫣好想食多幾串☺️做完運動補下蛋白質係必須的😝之前已經試過一班人約野餐，可預先請老闆預留位置🙏好多款串燒都好味，當然燒串燒需時，最好緊係要預早落單，下次要試埋另一款燒豆腐同茄子🍆老闆好老實，上次比多左錢仲追左我成條街😊東九龍野餐小聚推薦🥰
繼續閱讀
上年 11 月公司大 OT 完，特登過嚟食，覺得味道唔錯。今日公司再大 OT，諗住再嚟食，點知食唔成仲一肚氣！因為想快快食完趕回家照顧小朋友，已經專登 18:30 Send Whtsapp 去落單，店主亦即時已讀，講明 20:10 會去到堂食。點知 19:50 收工打電話過去，想確認一下係咪準備緊啲食物喇，電話無人聽。行 15 分鐘終於行到過去，店主有寫低我張單的，但完全無開始燒嘅跡象，仲同我講，要等 30 分鐘喎。雖然店主係好有禮貌㗎，但問我等唔等到 30 分鐘，如果等唔到不如下次先食。吓！咁請問我早成粒幾鐘，Whtsapp 落定單嘅意義係咩？店主炒定我張單又有咩意義？可能店主覺得今晚已夠生意，唔稀罕做我呢張單，亦可能知我少嚟食，覺得得失我呢個客都無所謂。但你唔想接唔緊要呀，你早講呀，我 OT 收工勁攰都行成 15 分鐘過嚟，嚟到同即時落單嘅客人速度一樣，咁你不如唔好 Whtsapp 接我張單，唔好話歡迎客人預先下單啦！真心唔會再嚟！
繼續閱讀
同同事去的，老闆像吃錯了藥，我們坐了兩個小時五個人只上了幾串串燒，餓到傻。老闆態度非常傲慢，完全不在乎個樣⋯⋯搞到我們最後去吃M記好好的週五就這麼破壞了，完全不像個正常做生意的鋪頭。完全想不通，人也不多，為什麼烤幾串東西要這麼久，我同事說，雞養大，殺了，再烤，都烤好了。味道也很一般，又咸又乾。反正老闆也不像是要做生意的樣子，都無必要去幫襯了，如果妳是想著去吃晚飯，那就要做好老闆心情不好，讓你等兩個小時的準備。
繼續閱讀