北京拉麵店 (已結業)

09/05/09是母親節的前夕, 我&妹妹&我媽媽去慶祝一餐, 我突然想起不如食中菜, 可以適合我媽媽食,想起上次食的"北京拉麵店"都晤錯, 不過那時我一人用餐, 今次帶我家人去食個晚飯!!上次食過知味骨套餐$51都好好食, 今次都不例外order了一個,但今次的知味骨都比較甜了一點, 冷盤的雞絲拉皮都是好香的麻醬味, 粉皮較厚,甜品就送來一件水果茶凍, 食落好像jelly般, 味道都好香甜!!我們都想try下啲新款菜式, 媽媽提議order個荷葉瑤柱三色飯$36, 妹妹就提議order東坡肉(配蝴蝶包4片)$50,之後我再order多一籠素菜餃$18(4隻)和甜品叫了一碟桂花糕$16兩件我們都是第一次食東坡肉, 因為好奇所以order一個try 下, 表面的皮都軟腍鬆化, 但都是最肥的一部份,再配以香濃醬汁可令豬肉好入味, 將塊肉夾在熱烘烘的蝴蝶包, 食落不會好油膩之後來一籠素菜餃, 一共有4隻, 裡面有西芹,粉絲, 菇...etc, 味道都都一般, 皮薄多饀, 都幾好食...我們一邊食, 一邊等個荷葉瑤柱三色飯, 因為是即叫即做, 所以要等30mins, 終於等到它來, 真是好香,

7/4放工後去了將軍澳中心做facial , 之後大約9:00pm,經過北京拉麵店裡面都好多人, 起初我對拉麵都不是太大興趣, 見到有菜飯的一人set dinner, 都不仿一試,有4款choices, A----上海套餐,B--和味套餐,C--柏葉結豬軟骨,D---南京牛肉套餐最後都是order 了個和味套餐, (餐飲or酸辣湯)我order了餐飲另外加$6叫了支燕麥豆漿, 都好多台式飲品&健康飲品, eg 珍珠奶茶,五穀米漿,柑桔青檸...等等, 都好多choices, 先來了碟雞絲拉皮雞絲拉皮是一個凍食的頭盤, 是一些粉皮加上了麻醬,carrot, 青瓜絲, 麻醬令到雞肉拉皮都好香, 粉皮好滑,vegetable都好fresh , 不錯!!紅米菜飯不會煮到軟硬適中, 配上新鮮的菜碎, 多食紅米又健康, 纖維又高又健康,又可以choose紫米京都滋味骨酸酸甜甜好開胃, 豬肉不會太肥or太瘦,有啲peach的sauce, 份量十足, 好好食柱花糕肉眼可見一粒粒的桂花, 個糕都晶瑩剔透, 但不是好香的桂花味, 味道一般燕麥豆漿豆味都好濃, 是"西龍傳香飯糰",健康之選, 而且是低糖食完

Weeknight 來到﹐食客唔多。同老婆叫左蜜汁豬扒紅米飯﹐燻魚紅米飯同埋小龍包。蜜汁豬扒味道幾好﹐但得5小薄條。飯亦好細碗﹐類似bb仔飯碗size。 連細食既老婆都唔夠飽。 小龍包質素好普通﹐貨式同急凍果d差無幾。試過今次相信都唔會再來﹐因以呢個價錢係呢個商場內有好多其他質素比較好同份量比較多既選擇。

一年一度既貓狗展昨日去左, 去到行步路都要好小心, 因好多主人都有埋狗狗來, 雖然最終都無咩收獲, 但好開心同左龜同變色龍影相, 好靚呀...隻龜完左返到去7點幾, 呢間人龍都唔少, 不過佢既效率已經改善左, 所以仲趕得切睇和味無窮燻魚紅米飯- 燻魚味不太香, 肉質不韌, 而個汁太甜, 麻麻. 而個紅米飯菜粒好爽口, 可收貨拍黃瓜- 蒜味太勁, 不過黃瓜真係拍而唔係切, 令到幾入味碧綠雲片- 同之前提過差唔多

頭先開開心心, 唸住同老婆去北京拉麵店食晚飯, 叫左五款食物, 其中一樣係酸辣麵. 但又因為老婆怕辣叫個waiter走辣. 點知一陣之後有個著西裝的經理走埋0黎話佢地D酸辣麵無得走辣, (口甘)我咪叫佢湯同麵分開上(就算太辣都可以要番D麵), 點知個經理又話唔得, 我當時已經開始發火, 一路追問佢點解唔得，佢就一路話佢間野唔會將麵同湯分開上，期間另外一位waiter送左碗担担麵, 但我地食都無食過, 繼續問個經理點解,個經理有D唔耐煩, 態度仲越黎越差．最後我同老婆決定唔食起身走人，點知一路行,個經理話我叫晒野又唔要，話我運吉，仲拉住我隻手想唔比我走．我即時停低, 當住全店的人同佢理論，最後要我老婆拉住我先唔同佢嘈．唉…..今時今仲有D(口甘)差的服務，同員工，真係非常失望. 食物好唔好我唔知，但ｄ服務差成(口甘)我都係第一次見，亦一定唔會再幫親．我會再打電話去佢總公司投訴．

尋晚同老公唔想煮飯，本想叫外賣，打電話問佢地唔送都算喇，落定order然後落去拎又唔得...已經大打折扣。唯有親身落去食喇，點知要等位，不過見同一時間好多張枱有人走..咪等一下喇，點知叫左之前d no後，就skip左我地(2人)，繼續叫後面的no. (3人以上),比我們遲來的後3-4個no.的人都入晒去..我覺得唔對路，便問門口的"經理"，他竟然話已叫了我們的...我同老公一直企係門口位置聽no.，完全沒有叫過我們就skip左...個"經理"還再三堅持自己有叫我們的no，真令人氣憤。其實作為服務性行業的，要知道"客人永遠是對的"的道理，再者，自己真的了錯。中肯的說，其實這間店的食物質素同價錢都okay既..不過，這樣的服務態度真的要檢討一下喇。

我地去左食下午茶，叫左：1.南京牛肉拉麵2.蜜汁豬扒拉麵3.香煎鍋貼4.酸辣湯1至3都係餐黎o既，15蚊一個餐，包飲品，4就要成20蚊。份量以咁的價錢黎講都算係多，杯野飲都幾大杯添。味道方面亦都算正常啦，好好食就算不上架啦，但都唔會難食。個酸辣湯就好唔抵，廿蚊先得一個細細碗。環境就迫左少少同埋好似有d"笠"o既感覺。服務都ok的，也算有禮貌。最唔滿意的係要加一...........

晚餐同Ah四去了TKO中心試食新開張的"北京拉麵店",店內都有九成滿,食品價大眾化,但食物質素就麻麻!我們点了兩碗擔擔麵、生煎包、五香炸鷄翼、葱油餅及紫米Tiramisu甜品-加一後要$132元!食食吓擔擔麵居然有條好似"毛"物体响裏面,嘩!好核突;雖然待應立刻換過另一碗,但已經冇哂食慾!擔擔麵-湯底ok,麵質不算好!小食-bad!bad! Bad!a.五香炸雞翼--->不如叫"唔香炸雞翼",完全冇味!b.葱油餅--->不夠"煙un",冇葱味,咬落去好乾好"粉",成$16得個5小塊(見圖)- 唔抵吃!c.鐵板生煎包--->不如叫生蒸包,包底係咁"耳"略煎,包面仲濕淋淋咁,睇名仲以為鐵板上,咪又係用膠碟上-名不附實!d.紫米Tiramisu甜品--->食唔到也找不到紫米,佢地食物menu幅圖好明顯d cream係紫紫地色,但實物同普通Tiramisu無分別,又係名不附實! 個人認為依家飲食業競爭咁大,d港人又好識食,試過不好便不再幫襯;開業難守業更難,希望它日後有改善!

由19:55落單, 至20:30先有得拎, 摧伙計就話係跟落單次序出菜, 但我諗如果唔係外賣而係堂食斷估都唔使等半個鐘以上先有野食呱, 眼見除左我之外另都有等外賣既人係到鼓譟, 之前都話新開張可原諒, 但已開左一排仲係咁就好差勁蜜汁豬扒拉麵($21) - 其中一個伙計話因呢個豬扒係即炸所以要等咁耐, 好就睇下係咪等得咁值得, 個豬扒炸得唔乾身, 但食落無蜜味之餘仲無咩味豬軟骨百葉結菜飯($26) - 豬軟骨肉好碎, 同之前一件件差好遠. 而個飯係紅米飯, 雖然加左幾多菜絲同煮, 但竟然可以完全無味

好多人, 等了也有一個多小時，坐門口位, 不太舒服, 因為個帶位小姐說話太大聲, 好嘈, 而且個喇叭的聲音又難聽, 有些辛苦, 如果下次再來一定不會再坐這個位. 我們點了清燉雲吞雞湯, 豬扒紅米菜飯, 小籠湯包, 韭菜肉湯水餃, 鮮奶紫米布丁. 除了小籠湯包的皮太厚之外, 其他幾款也不錯. 可以試下鮮奶紫米布丁, 幾好, 不用每次也是吃豆沙窩餅, 有些悶.走的時候問個waitress , 原來這裡是荃灣仁濟醫院對面那間的分店, 怪不知裝修好像差不多. 價錢不貴, 食物也ok , 就是要等太久, 不知可否訂檯呢?

頭先午市去咗將軍澳中心新開果間北京拉麵店試食食物．．．．．超難食前菜係竹筍梅菜-既kelle又難食主菜-我叫荷葉飯,飯硬無味無料乾爭爭 同事叫豬扒飯,豬扒凍冰冰甜品-無味又唔甜o既糕點,最o岩糖尿病人服務.......超混亂逢勸各姊妹千祈唔好去．．．．．

想再試試, 叫了四樣東西如下:小籠包–從未吃過如此差勁的小籠包, 熱也不熱的, 肉質有點怪怪的, 連皮也沒有香味, 隔離檯說有臭味, 我覺得未有這麼誇張。担担面–味道偏淡, 有花生香味, 不算太差。東玻肉–味道不錯, 只有五塊, 每塊約0.5cm, 另有四塊包(蝴蝶餅) 。湯雲吞–原以為跟紅油抄手的雲吞質數一樣, 可惜湯雲吞的雲吞皮較厚, 有點失望。今次沒有漏單的情況, 又沒有看見別檯在追單, 應該是改善了, 希望不是撞彩吧!!

初來將軍澳中心, 好似空城咁.. 見到唯一一個鋪位有人聚集. 原來係北京拉麵店既分店. 即刻試下先!本身不吃辣的. 再三問阿姐麵係咪辣架. 佢話果隻叫四川麵既先係辣ge. 咁我咪食lor.. 嘩~辣到低B~~~ 辣辣辣~ D汗好似落雨咁. 唔食辣既人唔好以身犯險. 算啦反正我唔係辣人, 我既尺度不能作準.. 另外紅油炒手皮薄餡正. 好有口感, 火候好, 唔會腍beebee. 而且「香而不辣」!!! 哇哈哈~ 哂我!! 各位, 可能紅油炒手香而不辣係此店特色XDD

雖然前日先食完, 但香港人總係貪新鮮, 所以做完運動又來呢度睇下有咩食雞絲紫米冷麵($32) - 紫米冷麵得色無味, 麻醬汁落得少之餘味道淡又唔香, 呢個麻麻地紅油炒手($19) - 雲吞餡料得豬肉, 雖然就寡左D, 但咬開豬肉軟腍同有肉汁, 唔錯. 而佢個汁得好少辣, 如果可再辣D會更好碧綠肉片($28) - 腩肉片卷入青瓜絲, 腩肉爽口唔肥膩, 口感幾清新煙燻鴨胸湯拉麵($25) - 鴨胸帶有些微蜜味, 鹹鹹地幾好味, 不過鴨胸既份量比較少食物水準講完, 家陣要講下服務, 佢地做野既效率真係好慢, 其實以上食物係分兩次外賣, 其中一次碗麵竟然等成差唔多三十分鐘, 9點幾人已經唔多淥碗麵竟然要咁耐, 仲要係整完包好晒放係廚房檯面無人理, 要三摧四請先拎出來, 門口個帶位又霎下霎下, 叫佢跟下張單佢就行去望一望就算.食物味道還可以, 但份量偏細, 兼且服務唔合格, 喊走唔甩啦!

開左一星期唔夠, 每晚都大排長龍, 係將中終於感受到咩叫人氣南京牛肉拉麵($20) - 牛肉既質感就好似平時食開既港式牛腩, 大大件都有好幾舊, 炆得唔算太腍. 而個外賣盒係上層放麵下層放湯, 所以D拉麵放耐左都唔會太腍兼仲有D煙韌感豬軟骨拉麵($26) - 每件肉都有好大舊軟骨, 喜歡啜骨既我覺得好正涼拌豆腐($29) - 豆腐都幾滑, 而皮蛋唔會有澀味, 兩者夾埋齊食會有雙重口感, 不過個豉油汁對我來講就比較甜外賣每款食物加$1