北京水餃店 (已易手) 新餐廳

今晚輕食去了這店外店內都貼有明星相的水餃店，如果沒有留意，這店子是不太起眼的……呢間餃子店，有多款餃子，來到當然係要食水餃啦，我叫了正宗北京水餃，我對是否正宗沒有研究，但朋友話呢啲皮厚啲嘅先叫正宗北京餃子，此外，我們還叫了一個回鍋肉粗炒、羊肉大蔥餡餅，兩個人share……羊肉大蔥餡餅~ 餡餅的味道濃，但一點羊羶味都食吾出，對我呢D怕羶味的人嚟講，絕對啱食，可以放心食，回鍋肉粗炒，少少辣好野味，味道都很香濃，但我覺得鹹了少許。最後，正宗北京水餃到，是韮菜豬肉餡的，這個水餃皮係比一般平時食的餃子厚D，但餡料新鮮JUICY，即包即製感覺。可能我平時食得比較清淡，這一餐的食物是好味的，也較為濃味，所以我覺得鹹了少少，要飲可樂呢！但喜歡吃濃味的人一定會喜歡！

星期三，天氣炎熱。但難得到尖沙咀一遊。選擇光顧有點時間沒來的北京小餃店。每次都想試點新菜色，但基本上每次吃的東西還是固定了，只因大愛這裡的羊肉餃子和蔥油餅加蛋。先來一客酸辣湯，上來顏色不對勁，橙得很。但呷一口後，還是傳統的味道，夠酸夠辣也夠料。湯中有木耳、豆腐、笋絲還有大量豬肚。一會兒便清光了。再來一客蔥油餅加蛋（多蔥），即製上桌來熱辣辣，入口外脆內軟，超香口。主角上場，羊肉大蔥水餃（掛著吃忘記了拍照）。餃子皮軟硬適中，一口咬破後要即時吮吸當中的湯汁，然後加上老闆自家製的辣油，一啖吃進口中，羊肉的味道在辣油的襯托下超然突出，吞下肚子時已立時想再吃第二隻。大熱天加豆漿一杯，不過是一杯加糖的水，不叫也罷。

閒日下午茶時去既，試過夜晚經過要排隊，鋪頭唔大，閒日呢啲時候冇乜人就去試下啦，味道好岩我口味。叫有碗面，轉左酸辣湯底，面唔多，但送搭夠，多小小面會好啲，酸辣湯唔會太辣夠酸，東彼肉原本預計係肥淋淋鞋肉啦，點知出付意料，好夠味又諗個排骨都好入味。係個蔥油餅反而麻麻，整體對呢間小店幾高評價

炎炎夏日行去食北京水餃王, 驚喜見到入面竟然裝修左, 裝修左,乾淨左,企理左, 冇咁有油煙味, 又有冷氣, 有驚喜!今次試新野, 水餃擔擔面, 有驚喜 拉面彈牙有咬口, 擔擔醬唔似上海果種擔擔醬, 微辣有蝦米味,唔錯唔錯 , D 湯好似花生麻醬咁, 真材實料!北京水餃皮滑又有咬口, 不過不失, 係個茴香豬肉餃個饀咸左D.....個老闆一聽到, 即刻衝過黎SERVE 我地  仲教我地要加乜 汁醬會好食D,.....加完又真係好食左喎最驚喜係個牛肉餅, 個餅皮脆脆地之余, 入面竟然係塊又林又入味O既牛展肉, 一D都唔乾,又唔痴牙

深夜想食些少嘢，行過見到歷史悠久的北京水餃店，於是入去幫襯吓，環境依舊(殘舊)，氣味依舊(油煙)，但價錢都依舊(合理)，點了一個北京餡餅，一碗青椒餃酸辣湯底的，共$69元。北京餡餅有汁，酸辣湯多材料，水餃亦大大粒。味道方面正常，唔會差。而老闆亦好有心地教你用點樣方式食水餃點辣椒油。

今晚嚟到尖沙咀韓國街附近，見到呢間上海小食店keep住有人入去食，咁就跟住行入去試新嘢喇！店內坐位唔多，最多坐到10個人左右，牆上貼住好多明星光顧嘅合照，成間店好懷舊！（1）東坡肉擔擔麵 $48擔擔麵好有驚喜！食落麵條彈牙煙韌之餘，湯底花生味好濃，加埋勁香蝦味嘅配醬口感好豐富！東坡肉好入味，唔會好肥！（2）正宗北京水餃雙拼白菜香菇水餃 $44一嚟到見到咁大碗覺得好足料，每款有4粒共8粒，粒粒都好大粒皮身較厚！正宗北京水餃餡料係韭菜加肉，食落好香韭菜味，不過略嫌偏咸。（3）蕃薯豆沙 $223粒大大粒即叫即炸上枱熱騰騰，紅豆味道唔會太甜，好香口而且仲見到有蕃薯絲，做飯口甜品嘅唔錯選擇！2個人食完勁飽，最值得一試嘅首推擔擔麵！

北京水餃店是我和內子往時經常光顧的食店。晚上，路經北京水餃店，決定在這裡吃晚飯，懷舊一番。店子位於柯士甸道公廁附近，非常易找。附近食肆臨立，可以有很多選擇。而北京水餃店的面積很少，繁忙時間，要堂食的話，便要看看彩數了。這次我們比較好彩，剛好有位。我們隨即叫了麻辣冷麵和北京水餃。麻辣冷麵是外子的最愛，煙靭麵質配上麻辣程度剛好的肉碎，香味十足，開胃可口。而北京水餃非常大粒，非常足料，啖啖滿是韭菜香味。往時老闆曾親身介紹，咬一口餃子，再放他們自家製辣油，相當惹味。

尖沙咀有好多食店選擇，今日兩個人想平平地，又想食啲簡單野，諗起近佐敦果邊既後街有間成日都坐無虛席既水餃、麵食小店，決定幫襯一下。大蔥餡餅睇黎係招牌菜式，叫左個羊肉大蔥餡餅黎試下，比較油，但味道不錯，蔥油味係香既，羊肉餡略鹹但唔會羶。配埋一杯凍豆漿，正。再叫左一碗水餃拼雲呑，仲有一碗東玻肉麵。水餃皮較厚，雲呑則整得唔錯，餡料份量適中。個麵我只係食左少少，只係記得麵條算彈牙，東玻肉都幾入味，湯底都幾濃味下。

北京水餃店，老闆的北京捲舌腔讓北京水餃的感北京感覺昇華。鋪面不大，卡位也挺逼的，但我相信，你試過一次後，再逼也願意逼進去。本來在煩惱到隔壁吃麵還是在這裡吃水餃，WHY NOT BOTH?!先吃一碗餃，再去吃麵。 所以單單點了一個，即叫即包。等了大概五分鐘，一堆大大粒，熱呼呼的飽滿餃子奉上。先呻一口湯，有挺香的胡椒味，可惜太咸或有味精。吃了半隻餃子的時候，老闆走了過來，凝重地告之：「別放湯。」然後要用我們往餃子裡加點辣椒油，加點醋，果然，豬肉餃的味道立刻昇華，比普通的一口吃下來得吸引。那辣椒油（不確定是否辣椒油，有錯請指正）挺特別，淡綠色的，吃下有一點兒「攻鼻」的刺激，但又不會過於強烈。另外還點了一個［羊肉大葱餡餅］，樣子像九龍城的清真牛肉餅，但裡面沒有汁，就只有羊肉，但我略嫌羊肉不香，沒甚麼味道，而具油膩非常，個人不多喜歡。縱然如此，餃子的確很吸引，下次再來試試其他餃子吧。

今日行過柯士甸道，本來想食韓國菜但俾北京水餃店門外煎餡餅既味道吸引住，結果同朋友入左去食由於唔係太餓既關係所以只係叫左一份京芹豬肉水餃，一份羊肉大蔥餡餅，一份北京餡餅同豆漿水餃皮略厚但餃子餡肉非常出色，芹菜味香濃，豬肉同芹菜比例非常恰當，湯底有胡椒香味兩份餡餅皮都太厚同太油膩，京蔥太多，肉的比例比較少北京餡餅菜餡係韭菜，菜同肉既比例平均，一咬落去肉汁就出黎豆漿味道非常一般如果下次去一定會再試其他口味的餃子

喺金巴利道未被韓國食肆佔據前，都有唔少中式食店，但能夠穩守至今嘅真的唔多。 柯士甸路嘅北京水餃店裝修一直冇變過，可以話係懷舊 (實際可能係殘舊)店內地方細細，只有十幾個位，坐得逼逼地。主打水餃、餡餅，全部即日包，即叫即制，食新鮮。白菜豬肉水餃 $48/8隻一碗有8隻，大大粒，餃皮厚度適中，唔硬帶點煙韌餡料頗多，白菜味唔算突出，肉味較重，配合清湯一齊食，感覺冇咁鹹。北京餡餅 $15/個 (豬肉)雖然羊肉餅都幾出名，但我地兩唔喜好羊肉，所以都係揀豬肉餡。基本上同水餃個餡料係一樣，餅皮煎得剛好，呈金黃色，入口香脆，適合喜歡香口野嘅你。份量偏細，一人食剛好，二人分就只能淺嚐。豬扒雞翼麵 $48有一塊碎上豬扒、兩隻雞翼以家庭式方法即炸，相當熱氣，而且頗油膩。作為雞翼控，都有少少頂唔順，太油。麵條粗幼適中，煮得唔會太腍，幾好食。豆漿 $8/杯有凍熱可選，豆味唔強，普普通通。 -由於店內地方細，好接近厨房同煎餅位置，食完會全身充滿油煙味，久久不散。另外仲會口渴，我地兩個足足飲左4杯飲品先至解決到。餐牌：

“北京水餃”屹立於柯士甸路已悠久”歷史”,每每經過也是九成客滿,及陣陣煎炸油味為左食好野,括出去,身上油味”尤它”吧…熱豆漿，熱辣辣捧上,豆味一般,有如”百X”豆漿擔擔麵，麵條柔韌,湯頭麻醬味迅色,但有蝦米香, 那pat沙茶醬如下多一點點,令湯頭會更豐富餃子似乎是即叫即包. 餃子皮煙韌香甜. 我們選了香芹豬肉湯餃，煎香茜豬肉餃, 兩者除香芹與莞茜的分別,調味也一樣,非常多”菜”,無乜肥肉,肉餡多汁濃郁豉油香. 食完卻不覺”確”喉. $48/8隻 @$6 價錢一點也不廉宜價值…. 自己衡量啦, 味道就絕對無得彈!

雖然經常遊走尖沙咀，但不是朋友介紹，也不知道這裏有一間開業多年的水餃店。店鋪不是很大，只有三數張枱！牆身仍貼上不少明星和老闆的合照，可見此店的知名度。雖然這裏的水餃很有名，但我們今次吃的，並不是水餃。而是羊肉餡餅及紅豆燒餅。羊肉餡餅熱騰騰的上桌，外層薄薄的，香脆可口；餡餅內的羊肉大蔥餡，香濃惹味又多汁，好吃！一客四件的餡餅很快便被我們吃光光了！之後是紅豆燒餅，絕對是即叫即製！由於店鋪不大，所以我們能觀看整個製作過程！外層的糯米煎得又香又煙韌，配上微甜的紅豆蓉，很久沒有吃這麼好吃的紅豆燒餅了！下次有機會，必定要試試他們的水餃！

環境確實麻麻但誠意同質素已搭夠！韭菜煎餃，餡料很足，自家醃製的味道果然不同凡響👍🏻羊肉大蔥餡餅（$19）也是非常的讚👍🏻羊肉同蔥的比例剛好，能帶出兩個味道，誰亦不比下去。蔥油餅加蛋（$18），吃這個是一定要加蛋的，味道不會太濃。上海炒年糕（$48），每次來這裡，炒年糕或上海粗炒是二選一，不能不吃。但請不要看進廚房裡🙈🙈還是將專注力放回味蕾上吧😏吃飽了要幹嘛？當然是買外賣！第二天還能回味✌🏻️

係尖沙咀行完街就諗住係附近搵嘢食，結果行完成條韓國街都揀唔到有咩心水，最後望去對面馬路，就見到呢間北京水餃，見未食過就入去試下啦。店內都幾多人食，而餐牌除咗有水餃之外，亦有麵條、飯等等羊肉大蔥餡餅外脆，而內裡亦有肉汁，咬落軟淋淋味道唔錯。水餃雲和吞雙拼水餃皮身較厚，內裡包著豐富肉汁嘅餡料，肉菜比例適中，食完都幾飽肚。東坡肉麵湯式濃香，麵條彈牙非常好食，而東坡肉都唔錯真係好肥。最後飲埋凍豆漿真係爽yy 。