北海道牧場餐廳 (已結業)

往銅鑼灣的方向走去搭小巴，突然下著傾盆大雨，立即衝入最近的餐廳避一避雨，順便食埋晚飯。沒什麼心水，就揀回平時習慣吃的叉燒飯，此處的名字是小樽叉燒飯。送過來時，原來是叉蛋飯。蛋是太陽蛋，看其震騰騰的蛋黃，已覺吸引。把蛋黃弄破，撈勻，可以吃了。粒粒米飯都沾上蛋黃汁，仲有甜豉油，齋飯都已經好食。加之，蛋白都是滑滑的，只嫌叉燒太瘦同埋有丁點韌，否則會是很好的出品。所謂的北海道熱奶茶，上桌時成杯是泡，都唔使咁心急奉客呀！不過，茶味奶味總算平衡得對勁，喝得舒服。雨勢減弱，快快埋單走人。

那天要到美食展血拼, 之前便去附近吃小小野打左底先, 便到了北海道一趟~所以我們只點了一個北海道早餐2個人食厚厚的包包是烘過的, 絕不馬虎, 而炒蛋也是用了牛油炒, 又香又好滑! 火腿通粉的湯底也很特別(menu寫係日本湯底), 從未吃過這味道, 難道要在這店和北海道才有?? 至於奶茶都不過不失啦, 但是用3.6牛奶沖的話不是應該會好味點嗎??這店唯一不足是太少選擇了, 早午晚都係果個menu, 可能滿足不到要選擇多多的人了~

昨天去美食展, 想起新開的試業中的牧場餐廳, 佢餐牌選擇唔多, 2個人叫左2個餐.當然轉左飲3.6牛奶+$4個餐唔平日3X一個, 2個餐埋單$76左右.感覺好蛋, 奶的一餐, 都好飽肚~有D(制)添不過叉燒飯,始終廣東半肥瘦好食, 佢D叉燒太瘦, 會鞋感覺...但健康囉~如果太多人等位, 我覺得又唔需要排, 其實好普通的食物...

港人做生意一向頭腦精明。本人曾到過北海道遊玩，但未去過當地的牧場，不知道所謂「北海道牧場」是怎麼一回事；只知道我們的「北海道牧場餐廳」只是靠那用 3.6 牛乳入饌作 gimmick 就分店開了一間又一間。銅鑼灣、中環、沙田，最近連灣仔莊士敦道都有了，看來生意應該很好。下一站可以考慮直接到北海道開分店呀，讓日本人見識一下叉燒湯通粉也很有 gimmick !這餐廳本少爺最近吃了兩趟。第一趟在銅鑼灣吃了3吋厚蛋三文治、雜錦通粉及 3.6 牛乳奶茶，食吃的確不錯。炒蛋好重牛奶味，滑溜亦很有蛋香，好吃。第二趟則試灣仔新開的分店。要了個「北海道套餐」，有火腿炒蛋多士、叉燒湯火腿湯通及 3.6奶茶。不知是食物選擇改變了還是廚師煮功不穩定，這次不太覺得好吃。蛋薄了，大為失色；叉燒很乾很硬，通粉唯有又要靠支「日清」麻油提味。奶茶還是合格的；茶底濃配滑牛奶，不用落糖都不會太苦。套餐貫切「3.6」的精神，埋單$36。各位若想試質素較好的 3.6，可能要慎選分店了。

不知從何時開始，吹來了一陣北海道牛乳煮食風，其中一間有份推動的，正正是在銅鑼灣的北海道牧場餐廳。銅鑼灣那間舊店我還未吃過，轉眼間已經在幾處地方開了分店。灣仔這間正正在公司附近，屈指一算，這一次是第三次來，但因為前兩次都沒帶相機，所以就留待今次才寫。之前吃過這裡的北海道套餐，味道不錯，但如果和附近的華星比較，我還是喜歡華星多一點的。來這裡，我通常是吃華星所沒有的飯。今天依舊叫了一客小樽叉燒飯套餐，太陽蛋永不會失望，這裡的叉燒不是以鬆化蜜味取勝，反而是以最原始的豬肉味吸引食客，再配上日式的照燒汁，其實是不錯的選擇。飲品我則點了凍阿華田，不說不知，這裡的凍阿華田原來在上面還會灑上阿華田粉，做法類似TOAST BOX的美祿恐龍。比起普通凍阿華田味道更濃，但只有凍飲是這個方式，熱飲只是一杯普通的阿華田呢。一邊吃，一邊不期然會想起，如果在在北海道的原野上吃著一碟小樽叉燒飯是何種感覺呢？哈哈～

同一班朋友行開灣仔, 見到有關北海道牧場餐廳, 又唔係好多人, 入去試一試.朋友話呢間野, 出名係D炒蛋, 因為係加左北海道3.5牛奶落去一起煮的,叫左個茶餐試一試, (其實同佐敦某一間食店好相似)個餐有一個义燒通粉, 多士, 炒蛋, 火腿, 同埋飲品, 好快有得食, 其實個通粉冇什麼特別, 只係個湯底都幾好味個多士一般啦, 試一試個炒蛋, 好滑喎, 真係唔錯.杯凍奶茶, 一個字, 好重奶味, 但係都滑口, 不錯份量都足夠一個男仔食, 36元一個餐, 算係一個合理價錢.同行友人叫左個3.5吋三文治, 嘩~~真係好鬼厚呀~~隻炒蛋....呢個真係OK喎而且店內環境幾好呀, 坐低同朋友食野傾計, 都不失為一個唔錯的選擇

某夜上堂後的晚餐。見有做晚市，食少少野先返去。店員介紹這裡的亮點係炒蛋同叉燒，常餐既格局，岩哂。這裡的賣點唔係快，發呆左幾分鐘先有野飲，凍奶茶，好奶，飲唔到咩茶味。叉燒意，叉燒軟腍，正正常常。厚多士，滑炒蛋，夠滑淡蛋味，火腿，輕輕煎過，都係正正常常。如果冇記錯，要$38蚊，印象行過兩條街同款既常餐收$30蚊，對我黎講，其實水準分別唔大，莫非……

叫左個set,杯奶茶唔知點解只係微暖,我問個呀姐"奶茶係咪唔會好熱架", 佢話"隻杯隔熱架"其實只係一隻好普通o既膠杯,仲要好薄下~我同佢講我飲過喇,唔熱~佢先換過杯比我~點解會出杯唔熱o既奶茶呢,點解唔即時換過杯比我呢~d分咪o係度招左law~炒蛋 ok,幾香蛋味多士 麻麻地,乾左d奶茶 凍o既~叉燒通 叉燒好好食,湯底雖然只係味精湯,但係味道唔錯呀!!

第一次來到北海道牧場餐廳食嘢，叫咗個親子餐，親子餐原來即係小朋友餐，迷你版午餐，通粉迷你，連嘢飲都係咪你版。雖然迷你，但火腿通粉入面火腿絲都唔少，湯底好濃，日式呱，好特別，好好味，同冰廰味道唔同；蛋多士好重牛奶味，連好立克都好重牛奶味，好正，用北海道3 6牛乳果然唔同啲；當日陽光好好，我坐喺落地玻璃位，出面係街，陽光射入來都曬曬哋，但間中吸收下陽光食午餐都唔錯咖！

上個月成日經過莊士敦道見到有間新餐廳準備開張, 一睇原來係北海道牧場餐廳, 同果排成日見到o的雜誌賣行廣告, 話佢個叉燒蛋飯好出名,終於今日去試下, 點知大失所望, o的叉燒勁硬同o的鼓油好甜, 大佬呀食糖水咩, 好在o的飯係珍珠米加返o的分, 如果下次去頂多叫茶餐算, 因為見到個賣相都幾好.