北海道牧場餐廳 (已結業)

未試過咁嬲阿！所以特登開個acc寫評！因為在金鐘反工，以前成日食北海道牧場，覺得好味過澳牛。見到團購25蚊張，抵到爛咁，一口氣買左8張。點知中伏了。不說食物質素差左，以前啲蛋系好滑好黃。覺得好味過佐敦間澳牛。可能有團購關係，啲蛋質素差左勁多。好普通。如果唔系圑購，完全唔值呢個價！我買左蕃茄炒蛋叉燒飯，飲凍華田。counter d姐姐態度都ok 叫我可以拎杯野飲揾個位坐，一間再送野食來。因為都來左北海道幾次，我知啲a姐送野食利個時會拎走埋我個盤，成日都拎走埋我啲叉，紙巾=___=咁個a姐拎個叉燒飯來時我都好醒咁拎走哂我啲叉同紙巾。不說個叉燒飯la 茶餐廳一定好味過佢。。因為我食野好慢，加上一個人食飯時喜歡玩電話。而我lunch時間成日都會忘記帶紙巾的。個a姐無lala 同我收左我張紙巾。收左都算la 我好聲好氣跟她說：唔該，你好似收左我張紙巾，可唔可以拎過張俾我？她就無lala勁惡說：我邊到有收你張紙巾a?跟住就走去繼續執盤。當她行埋來時我再問：唔該，可唔可以拎張紙巾來？然後她又說「我幾時有收過你張紙巾？」火都利，「咁唔該你拎張紙巾來可惜嗎？」「要拎咪自己行出去拎囉」哇。。咩態度。之前食

見到限量推介牛肉飯+北海道奶茶就想試試...可惜, 從未如此失望:1. 奶茶係黑白牛沖嘅, 何來北海道2. 等左15分鐘, 職員係到大叫邊個叫牛肉飯? 街市咩, 有牌有收據係檯面, 話晒都係金鐘黎架。兩個女仔玩玩吓咁, 全無服務質素可言。3. D飯又凍又硬, 好似中午食淨留到夜晚, 份量又少, 很少牛肉很多汁, 蛋也是凍的....只有黑白牛奶茶最正常.四十幾蚊食個冷飯餐

叫了個北海道早餐堂食.員工: 態度不太友善多士+反蛋如圖...上桌時的反蛋蛋兼己爆... ... 我最期待的多士又'淋',而牛油也好慳皮... 有3滴左右吧....奶茶吾夠熱同吾太好飲...

原來金鐘都有分店，知道左當然急不及待去食總離不開我最愛的北海道套餐份量好少啊不過湯底好rich 好漏，基本上食完個通粉已經飽左一大半叉燒好林身~火腿煎得好香多士沒有烘得脆反而有點失望炒蛋好大份~ 一點味精也沒有，好fresh 的耶~奶茶用了北海道牛奶沖的好似飲牛奶咁滑咁濃反而失去左奶茶既茶香還是，澳牛的比較取勝不只是更平民化既價錢，還有的是質素不過論中環金鐘一帶，這還是好吸引的

北海道牧場餐廳金鐘夏愨道16號遠東金融中心地下D1號舖佢set架選擇!唔多,又係勁多人架餐廳本身位唔多啦~~~~成日去都係排死人今期又係一早去, 早餐當午餐吃來一碗火腿通粉建議加麻油, 是日本麻油加了除了嗅下似出前一丁連湯架味都似埋,仲有香好多不過我本人想有辣油多d北海道牧場餐廳食品都加入了日本奶特別之處是全脂奶, 奶味出及濃個炒蛋都加了奶, 所以會滑不過無pepper提供, 我習慣加好多先吃炒蛋架個厚多士, 中間塗了大量牛油不是太特別, dry dry地夾了炒蛋一起食

今日係星期六，去海洋公園玩到7點幾搭巴士返到金鐘，就黎左呢間餐廳食下，竟然無人@@所以好靜好鐘意小樽叉燒飯餐$39連野飲。。。金鐘的晚餐黎講，價錢可以接受我地3個一共叫左3個餐，3杯野飲，隆重介紹最左面果杯'香甜奶水'，真係又香又甜架，飲落好似細個時好鐘意飲的旺仔牛奶咁好有童年回憶個叉燒飯d叉燒好好味，再加隻煎蛋，店員又會好細心咁送上麻油(加落d飯度一流！)跟著我老公去問佢有無多dsoy sauce，個店員竟然好好人好大方咁比左成碗飯汁(其實係好好味的燒汁)，比我地撈飯食，超好味！最後加左個好厚的北海道3.6牛乳炒蛋三文治好飽好滿足的一餐

好多時星期六都會呢度食早餐，每次都係堂食。今日仍然都係點了個北海度早餐加凍華田，食物品質還算可以接受，但已沒以前好，由其是那個炒蛋，這已是鐵一般的事實。仲要今日收銀大姐幻聽外賣自取，搞到杯凍華田係外賣杯，份量少咗！

九月三日(星期一)還記得，那時，架架妹仍是在舊公司的日子...一向對北海道牧場餐廳情有獨鐘回想這半年有北海道牧場的日子，真是差不多每星期也會吃一次快餐來說是較其他的同類食店有水準，可說是陪伴我渡過不少日子是日，趁還未轉新工作地點，也要來回味北海道牧場午餐多士較為硬身，而且牛油不太足夠，失了點水準喜歡吃北海道的通粉湯底，十分香濃炒蛋是半生熟，吃的時候更有蛋汁流出我心目中最愛的是這裡的凍華田，是Toast Box美祿恐龍的另一版本啖啖的阿華田粉，直令架架妹陶醉其中轉了新工，無論地點時間也不就，來這裡的機會應是少之又少這時候，要說一聲再會了:我的親愛...

由於金鐘廊裝修後開了多間新食店, 所以這間打著北海道旗號的食店少咗好多人排隊. 今日行過見無人排隊所以一行四人就嚟呢間搵位開餐厚多ok, 中間的牛油份量唔錯, 火腿好明顯係普通貨, 比超市買到的還要差, 而且似係預先整好所以已經開始有點乾, 難道這是 "北海道style"?炒旦ok, 但落得太多奶去炒, 有奶味無旦味。意粉是意大利式的較硬口感, 個人覺得很好, 湯係罐頭湯加水開稀. 叉燒份量足, 但味都係一般茶廰口味.友人的餐肉茄通. 餐肉同平時茶記的無分別, 味道無分別, 厚度無分別, 都係咁薄.肉丁意, 份量足, ok呢個真係劣劣劣, 咖啡基本上係蒸餾水咖啡, 完全無咖啡的香味, 最差係隻杯係充滿茶漬店內環境亦唔理想, 同一般茶記一樣好多食材放咗喺 counter 側邊的通道(即攞餐具果個位), 服務方面, 捧餐的服務生很好, 但counter收錢就完全唔掂, 幾十元食個茶記其實對於服務都無乜好要求, 但做收銀的係唔係應該揚一揚手, 唔講歡迎光臨都應該講句下一位啦. 總結食物是ok 的, 但基本上 "北海道" 只是一個名稱而已, 骨子裡只是港式冰室level(冰室--食物種類太少)

呢間餐廳已經唔係第一次光顧，初初開業時期，質素真係唔錯，每樣食物都好好味，質素亦好好，不過近來光顧，質素每況愈下......今日如常叫咗個「北海道早餐」，牛油多士轉為奶醬多，不過個多士一上枱，呆哂！本來件多士只有圖中一半嘅花生醬，鍊奶幾乎可以話係無，經過投訴後，廚房好隨意地PAT 多一下花生醬，然後俾返我，塊多士仲要係淋嘅，唔該哂！咁樣做生意同埋咁嘅服務態度，基本上係想趕客！枉我幫襯咗呢間餐廳咁耐，無下次囉！

哈，呢個係小妹搬到金鐘的第二個報告。之前經過呢間餐廳已經好想試，不過下午時間條龍真係太長。到今日先有心情排。哎，一如所料，條龍排到天橋。好，今次點都要買到。等了十五分鐘，終於到我。點了個叉燒通粉加杯凍奶茶。又等了十分鐘... 一共等了接近半個鐘先有得食。唉，真係搵食艱難。好，先講講個通粉。。。老實講我無諗過d食物係gum ge 質素。真係包裝了的香港茶餐廳。除了裝修同個包裝有d日本feel之外，其他的完全是茶餐廳食物。塊叉燒干過我塊面。。。個湯都ok。通粉無特別。。。不過同事的炒滑蛋好像很吸引。下次有機會而又吾駛等再試試.簡單d講，無特別味道又無驚喜...價錢都算平

是日到了久未踏足的金鐘區辦事，多月沒來，發現了太古廣場同金鐘廊，已經不是我所認識的樣子了。金鍾的兩個代表性的旗艦商場，又來多一次大翻身。辦好事，當然要去找食野既地方啦，而太古廣場同金鐘廊，絕對不是我要獨食的地方。而金鐘，是一個欠缺茶餐廳的地方，要找個平平地又可以坐低食既地方，最容易找到的，也許只是連鎖的快餐店吧。說小餐廳，是有的，不過地方肯定不太。統一有，中信有，遠東有，法院有，金鐘有。海富、力寶、太古、美銀、和記、東英，就只有貴價的地方，同埋連鎖的快餐店。我要找未食過的地方，於是我便來到遠東金融中心，找來這家REPLACE了Monster Burger的食肆，北海道牧場餐廳食晏。此店其實沒有什麼特色，只是標榜自己用上了北海道的牛奶來做炒蛋，同沖奶茶咖啡而已。不過，淨食其厚多士餐加奶茶咖啡，也是可以的。是日中午來，要食飽一點，多士奶茶是不夠我下午所消耗所需。所以，我要食一個飯。午餐既選擇，實際上是港式的，可想而知，這北海道牧場餐廳，只是一間掛㗎頭賣港肉的食肆，除所謂的牛奶外，完全沒有日本的感覺。而我的什麼厚切餐肉滑蛋飯，加上了濃味的茄醬，味道好，好香港，但感覺有點怪怪。而且，那肉片令我

工作天的下午, 一頓遲來的午餐遲有遲的好, 平日總是排著長龍的餐廳, 在這個時候不用排也不用等位, 可以吃得舒適一點從前領教過這裡的叉燒, 今天不敢再試, 改為點了自家製的肉丁餐炒蛋做得不錯, 又滑又有奶香; 多士是我喜歡的厚切, 配合炒蛋和那比較味濃的磨菇汁, 很好肉丁意粉做得的確比叉燒好, 肉丁香而不辣, 吃一口滿是肥肉, 亦不會把整個湯弄得太油湯底也是有別於一般茶記的雞湯, 而是用了很重奶油味的濃湯, 雖然很肥卻很味美最後來一杯奶茶, 其實是一杯港式的奶茶, 但是改了用3.6牛乳而不用淡奶, 令奶味變得香濃, 不過, 反而有點點蓋過了茶味選對時候來的話, 這裡也是個享受悠閒午餐/茶餐的好地方

對我來說，「北海道牧場餐廳」跟「華星冰室」、「澳牛」、「民華餐廳」沒兩樣，全是例牌去吃「常餐」。雖然明知那 3.6 北海道牛乳炒滑蛋很肥膩，但每月總有一兩日心癢癢想去吃 火腿炒蛋多士，質素仍能保持。把火腿炒蛋放在多士上，灑少許鹽花，一起送進口裡 - 滋味無窮啊。湯底還好，通粉也夠爽身。最失色的是那三兩片柴皮叉燒，沒有鮮味又過稔，可惜中午套餐不能轉火腿通。熱華田香濃可人，為下午的工作注滿能量。平日的中午時段依舊多人，惟店員效率確有進步，沒有新開業時之長長長人龍。

I have always wanted to try this place but when I went to the Wan Chai branch last year it was closed.The branch in Wan Chai used to be open during the day, but now they have extended their opening hours.Anyway I decided to try this branch first.You order and pay at the counter and they will bring over the food.There are a bar tables or tables to choose from.Being my first time here, I found the menu confusing, so in the end ordered the set with scrambled eggs, ham, toast and spaghetti in soup w