北豆 Bar & Grill (已結業)

Ot完肚餓，心癢癢又嚟過北豆，想食秘撈麵，真係好好食，今日試豬軟骨，都係鐘意食羊多啲，個秘撈醬真係掂！點多個燒秋刀魚，第一次見打開燒，成條一夜干咁，好靚😂😂

睇完openrice送嘅叮噹優先場！再到附近搵食！呢間話係川菜加日本串燒！原來係下午做川菜麵食，晚上做日本串燒酒吧！日夜唔同食品！去到係酒吧格局，一邊大酒吧，一邊座位！燈光昏暗！入面無人，正當我以為無開時（因為燈光昏暗到好似無開燈）有個姨姨在另一邊行過來開門比我們入去！坐低比低點餐紙我！好似車仔麵咁揀餸！我同肥髀一人一碗麵，但啲配菜就唔係好齊，大腸、花枝丸、豬腩仔都無！店員話因為星期六唔多客！揀咗配料姨姨就入廚房煮食物（一腳踢）北斗招牌羊肉秘撈醬撈麵：配料金菇同炸魚肉春卷（$50）招牌羊肉連皮，肉好肥美，一啲都唔膻，又唔會嚡！金菇正常，炸魚肉春卷皮比較黑，幸好皮脆肉彈牙！好味！麵似幼啲嘅油麵！加上少辣嘅秘撈醬！好香濃惹味！見撈醬有好多豆豉夾雜其中！好味！人氣牛肉湯麵（$38）牛肉比較瘦，所以嚡啲！麵彈牙，浸得耐麵都唔會發！清湯底好濃，重香料味，又唔會好辣！好味！凍檸茶（麵加$3）茶味幾濃，味道正常！姨姨唔係咁專業嘅店員，成日走咗去，離開舖頭！有客人來佢先出現一陣！然後又離開！佢好似媽媽咁傾偈！叫我們加餸！廁所好乾淨！

好食後巷串燒酒吧風格南乳豬頸肉芝士流心蛋啡菇，好好食，一切開隻蛋流出嚟真係見到都開心牛舌，我唔食牛，朋友話好食，再encore雞翼竟然可以燒到皮脆，唔錯唔錯雞軟骨普通肥婆鱔超好食，皮脆肉嫩，非常香口，魚油豐富豬大腸，仲有個店家自製泰式辣汁或者麻辣醬可以點，兩款都好夾

北角區返工，同事成日中午放工都要去食出名牛肉麵，我又唔食牛，次次都返屋企食。放工行開見到同一條街有間酒吧feel餐廳，望一望門口牌仔，原來食串燒的，仲有麵同飯，最重要係佢地主打羊！真係唔知係咪突登同上面打對頭😂anyway, 我想試新嘢！一入去嗰陣羊肉香，係真係打埋塊面。爭扎咗一陣，食湯定食撈麵，湯好少全羊做，就算羊肉餸都係牛肉湯底，撈麵出麵好多都就咁鼓油味。最後，天氣熱熱地，我揀撈！鐘意牛嘅佢地都有牛肉唔使緊張。上枱，香，好香，快快手撈起就食，好多芫茜正！入口，直頭好似家燕媽响食神咁，好好食，真係好好食，個醬好特別，唔係誇張。我食到尾一路嘗試估入面到底撈咗咩，但真係講唔出，我只知道我上癮了。。。晚上食就貴小小，下午就套餐價，38包埋飲品，同事們要跟我行了！！