匠森串燒

營業中

休息中

收工約了朋友食晚飯，天氣凍決定試下這串燒店。星期二晚七點多，竟都差不多滿座，似乎都係熟客仔，邊食串燒、邊飲啤酒及睇球賽，氣氛不錯。串燒即叫即燒，逐串熱辣辣送過來。燒豬手很肥美，燒得香口。尤其喜歡燒馬友魚，魚大大條幾新鮮，就甘食及點泰式辣醬食都好。豚肉荔枝卷，豚肉燒得香荔枝多汁好味。燒蔬菜也燒得剛好，如秋葵、韭菜、蒜芯也不錯。飲品方面，除了啤酒同埋樽裝汽水，我們試了其自家煲的羅漢果水，甜度適中，仲還貼心地幫我們興熱了，清熱氣一流。

有朋友係外國返咗黎香港， 梗係要聚一聚， 但我本身lunch 食咗buffet 唔係好肚餓， 所以揀咗間餐廳食串燒， －邊食－邊傾， 慢慢坐下.D 間餐廳環境唔錯， 雖然係工業區， 但環境衞生乾淨， 坐位寛闊， 坐得舒服， 所有串燒即燒， 上台熱辣辣，整體上食物質數唔錯， 樣樣都好食， 正😍蒜香燒茄子： 有半條咁多， 超多蒜蓉， 好味，燒得啱啱好， 唔會好乾身燒牛肉串： 粒粒都大大粒， 好juicy , 唔鞋口燒羊肉串：唔係好蘇， 加埋啲醬汁， 好味蒜蓉燒蠔：推介， 新鮮， 香甜， 蠔大隻， 食完想encore 已經冇晒秋刀魚： 啖啖肉， 好肥美金菇肥牛： 中間好多金菇， 夾埋肥牛一齊食， perfect match

餐廳採用日式設計，環境乾淨舒服，位置好闊落牆上面有一幅超長嘅懷舊動漫人物打卡牆我都認唔哂咁多角色🙈串燒方面，有肉類，海鮮，蔬菜。價錢親民佢哋係即點即燒，每款串燒上枱時係熱辣辣，仲會幫忙切開碎上， 方便大家share, 非常細心先來個雞泡魚乾，好香脆。送酒一流。肉類方面，特別推介羊肉串同埋羊架，味道濃郁，但係又唔會太羶。調味適中，好惹味又唔會太咸。豚肉荔枝卷，豚肉燒得香荔枝好Juice爆汁金菇牛肉卷 小小辣，多多惹味燒蔬菜點左大啡菇 燒韭菜，仲有燒金菇大啡菇有煙肉同好濃郁嘅芝士。燒金菇上面鋪咗一層厚厚嘅蒸海鮮嘅蒜蓉，超惹味呀😋😋一口甜薯加上了糖漿和芝麻， 更加美味呢度嘅串燒夠火喉之餘又唔會燒到乾，即使蔬菜都依然keep 到好多汁🫰🏻最正係d調味料，唔會太重手，款款又不同配搭， 食到不同嘅味道👍🏻 下次夜晚搵地方同朋友傾計食飯，好推介匠森老闆話呢度仲有私房菜添

今日同朋友happy Friday，黎到觀塘呢間新開嘅樓上串燒店😚環境都幾乾淨，坐得幾舒服，日系風～ 我哋每樣都叫咗一啲嚟試下，都盡情叫，冇留肚🤭 煙肉芝士燒巨菇 $45 面上係煙肉芝士，估唔到燒得幾好，而且巨菇幾新鮮，因為菇嘅汁都鎖喺入邊，食嘅時候小心爆汁🤣 燒紐西蘭羊架 $58 + 燒特級牛舌芯$68 羊架都厚身，算大件，半肥瘦，但比較煙靭，唔太羶～ 牛舌芯入邊都juicy ，有咬口，不過不失～ 汁燒原隻魷魚$118 燒得幾好，唔會燒到好乾有黑焦，普遍仲有肉汁，魷魚肉大彈牙，味道比較清新😌燒鮮白鱔 $42 呢個係encore咗！因為幾驚喜，佢燒到外脆內軟，外皮微焦，鱔肉新鮮！招牌風味烤豬手 $58 呢個幾驚喜，豬手醃得入味，有d甜甜地，可能加咗糖漿或者蜂蜜，入邊骨膠原豐富～燒雞皮 $28 外脆好似食緊薯條咁😂 稍微偏鹹🙈秘製豆卜 $22 呢個真心幾好食，豆卜燒得好香脆，滿滿嘅蒜蓉，一啖咬落去，口腔充滿蒜蓉同埋豆卜嘅香味🥹 台灣腸 $22 烤得香脆，外皮薄薄一層～ 味道都ok😆

約左朋友係食肆多不勝數既觀塘覓食😋今次選擇咗喺工廈食串燒空間夠大 坐得舒適秘製黃金香蒜茄子皇🍆超濃蒜香味 火喉控制得唔錯 茄肉熟透之餘 外層唔會燶茄子肉較容易起出黎燒饅頭仔兩邊都燒到微微焦香 配上煉奶食 比起用炸既方式食落冇咁邪惡🙈🙈燒生蠔🦪大隻生蠔 肉質飽滿 肉汁鮮甜 推介👍🏻👍🏻豚肉車厘茄卷🍅燒得香脆既薄切豚肉配酸甜車厘茄 係解油膩之選燒新鮮雞心朋友評價唔錯燒雞中翼&燒香口五花腩🐓🐖兩者都係香口得黎又Juicy 燒特級牛舌芯 厚身食落爽口呢間串燒店相對上多蔬菜類選擇呢次order左秋葵同埋粟一燒燒秋葵 簡單鹽燒已經好食牛油粟一燒🌽個名好cute😂粟米超甜 牛油燒粟米本身已經係絕配👍🏻店員笑容親切 地方寬敞 坐得舒服 食物質素高👍🏻

今晚我與朋友去了一家位於觀塘的餐廳，品嚐了日式風味的美食/串燒，讓我留下深刻的印象。 首先是招呼，店員親切的招待，有禮貌，令你感到舒適。一坐下便來兩杯日本提子凍飲🍷，特別適合當作開胃飲品。配合之後的食物所帶來的口感和風味，令人讚嘆不已。 接下來是風味羊肉串🍢、燒雞皮串🍡和燒牛肉串🍢，這三個燒烤選擇絕對不容錯過。它們的調味獨特，帶有炭烤的風味，每一口都讓人胃口大開。燒烤時，肉質保持了水分，口感鮮嫩多汁，令人回味無窮。 如果你喜歡海鮮，我極力推薦燒新生蠔🦪。燒新生蠔的鮮甜味道絕對讓你驚艷，大大隻，配上蒜蓉香，特別鮮美，回味無窮。無論你是海鮮愛好者還是初次嚐試，這道菜肴絕對能滿足你的味蕾需求。 如果你喜歡辣味菜餚，那麻辣川香肉碎茄子🍆、鹽燒三文魚鰭和皇燒虎皮尖椒🫑絕對是你的不二之選。麻辣川香肉碎茄子配上嫩滑的茄子和辣椒的香味，是一道讓人垂涎三尺的美食。而皇燒虎皮尖椒則是一道辣味十足的菜餚，吃上一口，絕對讓你食指大動！ 除了燒烤和辣味菜餚，這家餐廳還有一些非常出色的其他選擇。比如，他們的招牌風味烤豬手🐽，不論是外皮的酥脆還是內部的肉汁，都能讓你回味無窮。還有燒鮮白鱔和豚肉荔枝卷，它們的搭配絕對

食串燒應該冇乜人會唔鍾意，但令人又愛又恨的是 見到樣樣都想叫，叫下叫下就超出預算🫣今次食這間位於觀塘工廈，地點其實超方便，行上一層，價錢就親民咗，冇收+1變相就可以食多兩樣🫢重點係真心每一樣都好好味有質素，即叫即燒，味道點到即止唔會過鹹，火候掌握得準確唔會鞋口和乾啊！燒新鮮生蠔🦪 @$32生蠔超大隻，厚肉肥美又新鮮，爽滑 蠔味十足，蒜蓉蔥花作調味已好足夠！秘製川醬燒巨菇 $48菇上面鋪咗用川醬醃製嘅肉碎，辛辣惹味。燒雞中翼 $20孜然惹味 正常發揮燒特級牛舌芯 $68牛味香濃，口感爽彈燒雞軟骨 $28燒菠蘿 $28多汁又甜燒紐西蘭羊架 $58老公嘅心頭好，佢話夠淋又滑，充滿大漠風情，羊架灑滿孜然粉係絕配🤭燒金菇肥牛卷 $32亦係水準之作，輕輕 灑上辣椒粉，令味道再提升。燒多春魚 $38有四條 火候掌握得好好，外面香脆內裏唔乾。秘製燒豬頸肉 $58份量都好足，燒完爽口彈牙唔乾，點埋甜酸醬食唔錯。細支藍妹 匠森串燒📍觀塘

周末不用上班，瞓到自然醒，無拘無束，在家一次吃過早午餐。然後在觀塘逛下，上商業寫字樓睇下水貨名錶。到了傍晚時分約了在附近收工的老友吹水聚舊，他建議去地鐵站附近的成業街，當中成運工廠大廈是美食集中地，近近地我們上了一樓的匠森燒烤。匠森燒烤除了午市開設午餐外，其餘時間主力做美食燒烤，燒烤食品種類主要分肉類、海鮮類及蔬菜類。我們是食肉獸，就點了多款肉類：台灣腸、墨魚腸、招牌風味烤豬手、燒金菇肥牛卷、東北風味羊肉卷、燒牛舌、烤芝士腸、燒豬頸肉、燒香口五花腩、燒紐西蘭羊架等，飲品就選了Asahi日啤、Zero Coke及梳打水。點了這麼多食物連飲品，人均消費只需$200，抵吃。評價:燒烤食物具水準，最怕是烤過久的苦澀味，不論是牛舌、羊架或墨魚腸也能吃到肉汁香味。必吃推介：招牌風味烤豬手，皮脆肉嫩，吃到豬手內裏完美骨膠原。細心好客的老板，送上手工精細的剝皮車厘茄，車厘茄粒粒肉汁豐富，嫩滑無比。

認識呢間店係因為附近上班，見佢新開張，所以去吃中午試一下，咁中午我係吃佢啲粉麵和飯，種類不算多，但味道幾好味，份量都算多，已經係中午會選擇的店之一，知道晚上有串燒，所以就去咗試吓，好多食物燒出嚟也好味道😍 ，羊架，金菇肥牛卷，黑松露芝士大蘑菇，雞腎，雞肉串我覺得好味道，環境正正常常，有電視看，晚上人流不算多，所以食物上枱時間非常Ok, 員工對客人都很好，好味的串燒店係需要支持下的。所以都去過三次了！

今日帶住小朋友去APM影聖誕燈飾，順便買禮物，上open rice 睇吓附近有咩食，見到有間新開串燒店就去試吓，點知勁好味，老闆又勁好人，我細仔話今晚MVP係牛舌，其他野食都好正，新鮮又熱辣辣，一定會再去

一行9人生日晚飯，選了觀塘新店”匠森串燒”，地點方便，地鐵站行幾分鐘就到。一入內就有驚喜，店裡一幅長長卡通壁畫，不論是60後或00後都會找到陪伴自己成長的情懷，好有feel先來點佐酒串燒，高水準，特別推介五花肉提子串燒，食到班朋友哇哇聲人齊上菜，每道菜都驚喜十足，精緻前菜，巴馬火腿三文魚沙律，足料燉湯，生日火煱，超大花甲，寶盒豆腐，仲有鮮果咕嚕肉羊腩煲風沙雞桂花小丸子糖水等等人均四五佰，食到如此高質素私房菜和串燒，必定會再食

今日去咗觀塘一間新開既隱世串燒店.食物質素好好👍🏻食材好新鮮..個人覺得串燒好好味，食完唔會口渴，呢度嘅價錢好驚喜，中式點心嘅價錢，好親民！我會推介朋友仔黎試既新店，老闆還好好人，親自調教一杯菊花蜜我飲🥰

觀塘新開的串燒店，總於有時間約埋朋友去試了係東廣場附近，放工過去唔駛5分鐘超方便超驚喜係師傅特製的燒黃腳笠🐟肉質超滑，比起蒸的仲要滑~一試難忘。。。雞軟骨係串燒必點之一，不能缺少燒雞泡魚乾好味，小食推介之選~燒墨丸帶少少甜，好有bbq味味道金蒜燒茄子~食落有牛油味超惹味仲有豬頸肉都不得不試~最好就係呢度的汽水都係玻璃樽，配埋串燒真係好寫意岩晒串燒控來呢度大吃一餐~除左晚市外呢度仲有午餐~下次可以來試

朋友約新開串燒店,在觀塘近地鐵站,食物質素很高,尤其是牛舌,一定要試,價錢公道,坐得舒服！！問過老闆,仲有私房菜,但要提早預約,好多不同食物選擇,環境一流,打卡之選

呢日同大少去觀塘廣場睇吓電子用品，佢話學校要拍片又話要錄音，就睇吓買唔買新嘅電子產品俾佢，返到嘅就去附近搵吓嘢食。比我哋見到新嘅串燒舖廣告，就咁喺成運工業大廈樓梯一行上去就係，一於行上去食吓。入到去淺木色嘅裝修，感覺企理乾淨。牆身重有唔同卡通人物嘅大牆紙，大小不停咁喺度認卡通人班，我都好似找回童真咁！仲響度教佢我細個認識嘅卡通人物。秘密蒜蓉烤蟶子王蟶子鮮嫩多汁，搭配濃郁的蒜蓉香氣，口感絕佳，是一道令人垂涎欲滴的美味海鮮佳餚。燒牛肉串牛肉經過烤燒處理，重牛味，散發住誘人的炭烤香氣，每一口都充滿了滿滿的肉汁。燒雞軟骨串烤雞軟骨香脆可口，外皮微焦帶有炭烤的香氣，嚼勁十足，是一款美味的下酒佳點。燒翠玉瓜烤翠玉瓜保持了其清脆的口感，微軟而不失鮮嫩，清新爽口。燒秋葵：烤秋葵經過煙熏處理，保持了其柔軟嫩滑的口感，微焦的外皮帶來了獨特的風味，口感豐富，令人愉悅。