匯味堂 (已結業)

今次特登渣車黎食串燒～因為想食地道串燒好耐地方小小但勝在夠熱鬧最值得讚既係店員熱情同好nice會介紹返個日有咩好食先來這個跟餐既喇沙雞扒粉絲~可轉麵 喇沙夠味又不太辣份量剛好雞扒嫩滑再來這串鰻魚串～咬落去好香魚味雖然依句廢話～但真係唔係間間店燒得有魚味之後依個茄子份量比想像中多食極都有咁重有秋刀魚同牛舌牛舌係厚串～好足料這店唯一一樣唔好只係配料唔夠燒得入味可能我只係叫左小辣關係最後埋單2個人都係3百幾叫做抵食

呢間店特色之處是有好多不同新口味轉換除了叫餐牌試的,必定要留意一下牆上畫了可愛的新菜式今次試左老闆娘推介既一夜干,少少鹹香,又脆內軟既魚鮮味,未試過咁好食既串燒魚再來就是買3送一的燒蠔,冇諗過可燒到咁好,仍好fresh又juicy!煙煙靭靭有咬口嘅墨魚咀都係推介之選之前出面食過的雞皮,也不及這一間,有脆又軟口感味道一流!不得不介紹燒苦瓜,不覺苦,又甘又清香既味道,值得一試食串燒冇諗到可以食埋飯後果同甜品,食左又甜又脆的焦糖蘋果,仲有好有驚喜既燒芒果另外還試了肉骨茶,味好夠又超級多料,仲配埋大大件脆卜卜的油炸鬼飲品方面,試了羅漢果海燕窩,剛好有室溫,最啱我唔飲凍野又怕太甜既人間野除左真材實料,老闆同老闆娘都係好好人,會問客人意見,又會聽取意見,推出更多不同的美食!必定再encore,牆上掛左黑啤腸同黑啤羊脾,仲有金枕頭飯團,韓牛!

男朋友既釣魚朋友推介之後，變左吃串燒首選。呢間串燒應該由老闆同老闆娘兩人打理。地方裝潢簡單，但勝在用心經營。老闆做過唔同地方的菜式，所以又有西式燒物、泰式燒物、日式燒物、港式燒物等！只要你想唔到，沒有佢做唔到既菜式～燒海鮮份份都抵食夾大件呢一次吃清酒燒扇貝，扇貝成隻拳頭咁大。吃完再飲埋清酒汁，鮮甜無比！燒蠔，蠔身嫩滑！啖啖肉！蒲汁燒鱔，肉身厚。鱔皮烤到脆口，但肉都好嫩！（係我吃過燒鱔中第二間最好的）仲有次次都嗌既燒茄子🍆茄子成條成隻碟咁長，吃落一陣陣牛油香（但唔重油膩感）呢款牛油唔似係人造牛油再吃有少少蒜味成個口感係嫩嫩地既感覺鍾意有少少口感可以連皮吃。仲有佢地自己煲既涼茶-羅漢果雪梨/檸檬薏米水唔甜，好解渴，好有住家味！服務仲無得講，佢地會推介時令野，或者岩我地口味既野。見無紙巾，仲主動換上。

星期二同老公去咗大角咀匯堂食晚餐，其實老公就幫襯左好幾次，今次係我第一次食。裡面只有幾張枱，匯味堂佢主力呢就係串燒同埋喇沙出名嘅。入到去老闆娘好熱情咁招呼我哋又問我地需唔需要開冷氣同埋即刻講是日推介，服務一流。我哋叫咗佢哋最出名嘅喇沙同豬頸肉味道一流，另外茄子都好入味但係個size唔夠橋底全消咁大但都相當好味。仲有叫咗大蜆生菜都好新鮮，只是雞軟骨份量比較少。最後埋單嘅時候老闆同老闆娘都好熱情招呼，相信我哋都會再去幫襯。

好難老婆自己有節目，所以一個人去搵好西食。呢度地方唔大，老板只係兩公婆嘅小生意，但充滿人情味！據老板講佢每天都去街市搵新鮮食材，量少但日日不同當日有手掌咁大嘅扇貝，迷利版的彩虹魚 (都係老板介紹，我都未食過)，仲有好正燒牛肉粒 (好食到唔記得影相 ) ，同埋基本必食推介 - 脆炸雞軟骨，肥牛露筍卷，仲有燒皇帝菜。老板兩公婆都非常健談，而且有好有禮貌，令人覺得好舒服。值得一去再去，只可惜鋪頭仍是細，如坐滿就要等位。不過可以外賣，但我總覺得坐係度即燒好即食嘅風味係最正！

平日經過完全吳知係食串燒，成日以為係食粉面，所以從來無入去😂後尾知道有朋友食完提起先知原來係有串燒同食喇沙，仲要有海鮮串燒，啱曬我呢個為食🐱😂😂約埋幾個朋友一齊去食，叫左好多款，相信我D相放吳曬甘多上黎，因為只可以post十二張相，唯有就係有圖果D可以圖文並茂，無相果D就等我描述下有幾甘好味啦😂@生蠔—-即開生燒，上枱熱辣辣香嗊噴未食———已經流 哂口💦@帶子—-又係新鮮生燒，玉滑鮮嫩吳會過🔥@師恰—-吳會生，又係吳會過🔥，汁都飲埋@元貝—-新鮮吳在講，味道甜到呢😋@象丰仔—-又係甜到汁都飲埋✌️✌️@羊架—-師傅燒到啱啱好又嫩又吳會有蘇味@蚧玉釀番茄—-夠特色，好多蚧肉係🍅入面—-（🍅夠特別，但我個人就覺得味道一般）@煙肉堤子——又係幾特式，通常煙肉多數包————番茄，呢道包堤子，食出新口味😉@叉煷——必吃的生🔥叉燒蜜味恰到好處👍@流心蛋—-流到入❤️，不能不吃😂@朱仔骨——玉嫩好味食到舐舐😋@燒🍆——-有辣有吳辣，食果時記得講——————自己食到有幾辣😅@🐔骨腸——香噴噴呀，正👍@苦瓜——-香口多汁，吳會🔥乾水份@菠蘿——-甜甜甜又係我的至愛🤗@菜芯芥蘭—菜嫩燒完食都吳會有渣😀@鴨舌——

岩岩落機極度肚餓，忍住一路翻大角咀先食。見到店內剩翻3隻馬刀貝，果然正過貴妃蚌好多！燒蠔係即開即燒，燒鮑魚好好食，好好食，好好食！重要既野一定要講3次！時令菜款要左茭白筍，韭菜花，銀杏。茭白筍口感似雞髀菇燒得幾香，韭菜花鮮嫩無渣，銀杏稍乾。肉類點左牛後腿肉同豬頸肉，兩樣火候都幾好，肉香油香都有。最後黎個清甜雞湯米填滿自己。大滿足！抵讚既係以上全部野食都係即叫即生燒。要啲時間等就一定架啦，換來既係有新鮮食材味道既燒烤。

街坊小店，價錢唔算貴，大大個燒魚頭 $128,都幾多肉，又唔會燒到過曬火，仲附上店主自家調製的醬汁。榴槤飯團細細細粒$22,覺得貴咗少少，因燒過，面會翠翠地，而且榴槤味都幾香，食到中間位置，會見到有少少榴槤蓉，但如果大粒d就更好啦。仲有檸檬薏米水$15枝，足料好飲8佢地仲有其他燒物，但一條友食唔到咁多，唯有下次再試，平時午餐和晚餐，想食平平地，可叫碗喇沙食。

之前lunch行經呢間小店，入去食左碗喇沙，味道唔錯。老板介紹夜晚有串燒同埋好多款特別菜式，今晚專程帶屋企人黎試下我地一行4人，叫左：一個喇沙配雞扒套餐，少辣，好味，$48好抵清酒煮蜆配粉絲，蜆好鮮甜，有清酒香味芝士燒馬刀背，新鮮，唔會俾芝士搶左鮮味，唔錯！糖心蛋，帶少少酒香，甜甜地，好味好開胃煙肉鵪鶉蛋，熱辣辣，入面係流心的，好好味榴蓮飯團，好香榴蓮味，表面有飯焦，好味，啱晒榴蓮控燒魷魚，新鮮釣的，好香，有咬口又唔會太硬，配埋個海鮮醬汁芝士雞翼，皮脆芝士滑肥牛海鮮菇卷👌🏻焗燒賣，味道👌🏻但硬左少少總括樣樣野都好味，兩位年輕老板很有禮貌、服務貼心，讚