匯味堂 (已結業)

岩岩落機極度肚餓，忍住一路翻大角咀先食。見到店內剩翻3隻馬刀貝，果然正過貴妃蚌好多！燒蠔係即開即燒，燒鮑魚好好食，好好食，好好食！重要既野一定要講3次！時令菜款要左茭白筍，韭菜花，銀杏。茭白筍口感似雞髀菇燒得幾香，韭菜花鮮嫩無渣，銀杏稍乾。肉類點左牛後腿肉同豬頸肉，兩樣火候都幾好，肉香油香都有。最後黎個清甜雞湯米填滿自己。大滿足！抵讚既係以上全部野食都係即叫即生燒。要啲時間等就一定架啦，換來既係有新鮮食材味道既燒烤。