匯城 (已結業)

今早餓餓地，當然要食個早餐啦，又揾咗間新食店試試。去咗係茘枝角長沙灣道億利工業中心地下7号鋪的匯城食店，環境尚算舒服，冷氣好涼。店員工作態度也可以接受。上餐時間都很快，今早叫咗個餐肉腸仔通再配凍奶茶。餐肉兩件加兩條腸仔，湯底也熱熱地。比起上次食已有所改善，記得上次食，個湯底凍冰冰的。餐肉味都算新鮮，肠仔有煎過，幾好食。通粉粉量尚算多。但杯奶茶就好難飲，全完沒有奶茶味。全完不合格。埋單$30元，價錢還可以接受。

是日老闆萬歲請食下午茶，部門同事投票揀食茶記定叫糖水吔，最終少數6比4，班餓鬼話想食咸點，最後選左呢間茶記點外賣。下午茶選擇離唔開炸脾、西多士、公司三文治、豬扒包、沙爹牛包，同事都點匀哂，落單。我點果個係洋蔥豬扒包配薯條，揀凍檸茶，老死點既係熱狗配沙律。個豬扒真係不得不說係食過所有豬扒包之中最差劣既no.1，包皮硬而un，無烘個包都算，個包皮好難咬開，豬扒無咩味齋乾炸，而且又乾爭爭且鞋中，醬汁更少之有少，dry過dry martini，整體真係味如嚼蠟，寡人為人都不愛浪費，慚對阿媽教落食得唔好嘥既美德，食左一半，放棄了。薯條更加無話可說，係炸淨到底既短頭短尾，扁身同乾身，老麥既薯條好味多了，又係食左6,7條放棄了。同事因爲夜晚出街食放題，所以將佢果份比埋我食，個沙律醬偏多，薯仔既比例亦佔左大多，比較濟。熱狗個包同豬扒包一樣無烘過，包好乾身，茄汁酸度偏高，成個包味道都係難以下嚥。今次我醒，食之前切開一半分俾同事一齊食，算係無咁大嘥。普遍同事食後感都傾向負面，雖然茶記下午茶一個餐都只係30蚊左右，唔期求會有驚為天人既美味或任何驚喜，但應有既平衡水準還是應該保持的，此店既下午茶實屬係不回頭系

剛剛和朋友睇完戲吃宵夜, 一碟油菜加一杯熱杏霜。朋友很細食, 晩上只吃半碟油菜一餐!油菜 (芥蘭 + 菜芯) 中規中矩!熱杏霜 一般!環境乾淨, 傾偈一流 (可能和時段有關), 近電視位! 正!

是日與好友閒逛D2-place後搵個平平地的地方晚餐~~~呢度環境算是不錯~~~我們一個中湯一個西湯，難得個忌廉湯係唔杰的~~~仲要有餐包，真係幾飽吐~~~鐵板燒的牛扒都幾好食，肉唔會韌~~~羊架配薯菜，薯條真係好多，羊架幾好食，唔會韌~~~埋單價錢不太貴，最重要係食得飽又坐得舒服~~~

生意好好,賓至如歸感覺,第ㄧ次吃焗芝士魚柳意粉,大件夾抵食,也有很多選擇,有泰式、公司三文治、各式小菜、沙拉餐,如果雞扒包D雞扒不要炸得太厲害更好,吃晚餐也可享用下午茶的待遇,上次吃的雜菜㷛大件夾抵食都是50多元平民化的飯堂,多元化選擇,十分讚好

呢排每個星期六下晝都會去長沙灣廣場教會嘅團契聚會，完咗之後我哋一班人都會去附近食嘢。連續兩個禮拜我哋都去咗滙城。呢度個老闆好好人，每次就算我哋無book位都會留起一排位比我哋。呢度啲嘢食價錢唔算貴，最神奇嘅就係下午茶餐可以食到夜晚8點。好耐冇食過炒公仔麵，所以叫咗個五香肉丁炒公仔麵，仲叫多咗個炸雞比同朋友一齊share，其它人見到都話好邪惡！碟五香肉丁炒公仔麵等咗大概10分鐘就到，炒功方面ok 啦，幾夠鑊氣，同埋無炒燶。但係個面好似烚得唔係好夠時間，未完全發開晒，有機條痴埋咗一齊，同埋有啲硬，中意食有口感嘅可能啱食，我自己鍾意食偏腍少少。配料方主要有肉丁，洋蔥同青蔥，肉丁份量ok，但係唔係好夠五香果隻未，即係罐頭裡面紅色果隻汁，如果你都係五香肉丁愛好者一定知道我講緊邊隻味，同埋肉方面比較瘦，肥返少少比較好，感覺無咁乾。炸雞髀差唔多等咗20分鐘先上，即係好大機會係生炸。望落去個樣唔錯，炸到金黃色。切落去好多肉汁流哂出嚟，肉質放面唔乾，而且鮮嫩Juicy。調味方面主要有鹽，同少量沙薑粉，只係嫌佢咸咗少少，如果可以放少啲啲，真係啲啲鹽就真係正。雞肉嘅肉味唔算好突出，但就無咩雪味，可能調味方面

整個星期都在茘枝角核對公司事務 忙碌得有點忘了肚餓 直到同事嚷著要吃飯 才猛然發覺已是下午三點多鐘 沒太大的意慾外出用餐 就麻煩了同事代帶個便當回來 炸雞腿加沙律 一般情況沙律只不過是伴菜 餐廳慣常不太重視 但這家的沙律做得很好 選的都是普通食材 如薯仔 菠蘿 青瓜粒等 但勝在新鮮 變相口感就另有不同 炸雞外皮非常脆口 肉質略嫌過火了一點 比較乾身令口感差了一截

日前去到荔枝角探朋友，選擇了臨近的匯城食晏。典型茶餐廳格局，地方尚算寬敞，卡位也不少。看了餐牌，選擇是日精選午餐 - 干炒豬扒烏冬，選擇精選午餐的好處就是上餐夠快，不需5分鐘，一碟熱辣辣的干炒豬扒烏冬就呈上了，烏冬軟腍有彈性，味道還算不錯，豬扒就顯得較為乾身，微微影響了整體口感。

午膳到了客戶附近的茶餐廳簡簡單單的了事 點了個蒜茸汁雞扒拼炸蟹蚶意粉 其實真的沒有什麼可寫 蒜茸汁味道一般 雞扒就煎得蠻香口的 肉質也頗為嫩滑 祇是份量似乎偏細了 蟹蚶本身的是那些麵粉合成現貨 不作評論 反而要一讚粉葛例湯 夠味得來又不覺喝後口乾

星期五收半晝，專登收早過嚟朋友荔枝角OFFICE，朋友係時裝設計師，公司有好多衫辦可以比人。HEHE我地當然一早就到，順便買份下午茶食吓先。求其入咗匯城買，地舖又最近地鐵站出口，買一份公司三文治配炸薯條外賣上朋友辦公室慢慢食，等咗大約15分鐘，公司三文治份量都唔細，番茄生菜絲混沙律醬，火腿蛋午餐肉，味道OK啦，炸薯條太乾，炸耐咗。

星期一返到嚟公司就例牌打仗，坐低就開始忙，一路耷低頭不停係咁做，直至2：30PM先知原來自己冇出去食LUNCH。即刻去茶水間睇吓有冇外賣紙先，搵咗好耐先搵到一張，就試吓附近匯城嘅下午茶餐掂唔掂先。真係好肚餓，叫咗一份炸雞脾薯條再加一份單點火腿蛋三文治。外賣送得好快手，頭尾15分鐘就送到，所有野食都仲係熱辣辣！炸雞脾薯條，生炸嘅雞脾仲出緊煙，非常好味，用舊式薯條，點茄汁食就一流！火腿蛋三文治，都算唔錯啦，蛋整得啱啱好，唔會太老。呢個下午茶餐真係算唔錯，價錢又合理。

晏晝放食飯 但係外面熱辣辣 因為要食 所以谷住出街揾地方食 議論紛紛去邊樹食 食中定食西 嫌遠又嫌近 最後成班人又咪去咗樓下間茶餐廳食 見到是日套餐有乾炒牛河 OK 搞掂雖然D河粉係一大盤咁炒 但係鑊氣又OK wor 外觀上河粉上色得吾錯 牛肉頗嫩 口感幾好 係好味嘅廣東小炒 最緊要就係鑊氣 如果眼前係一碟鑊氣十足 熱氣騰騰嘅炒粉麵飯 請問又點能夠say NO...

話說最近食晏時常幫襯位於荔枝角站D1出口附近嘅匯城茶餐廳，除咗貪佢就腳之余，食物也上得好快，而且午市時分order套餐而又在12.30pm前埋單，仲有$5折扣呢。是日一如既往12點前去到，唔駛等即刻就有位，睇過是日精選午餐餐牌，並沒有一款啱我口味，於是便選擇普通餐牌裡的干炒海鮮意粉。數分鐘後，侍應便端上一大碟的干炒海鮮意粉，常到來這裡用餐，對餐廳一直以來的食物份量都蠻大份已見慣不怪，而且伴炒食材配料也毫不吝舍，蝦雖小，但數量很多，大大的滿足了偏愛吃蝦的我，其他還有魷魚、蟹柳粒、蜆仔肉、韭黃、芽菜等，意粉軟硬度適中，正合我意，整碟意粉也炒得均勻，醬料沾上每一條意粉之上，最重要的是不會炒得太乾。味道方面，唯一感到遺憾的是略微帶鹹了些，另外若少放些油感覺上會好些，儘管如此，由於當時也許是太餓的關係，還是吃完了整碟意粉，飽足的午餐，引來的將會是極邪惡的瞌睡蟲作祟~

11點幾做完野，有D肚餓，於是入左一間餐廳食晏點知完來早餐做到11:30，所以都叫左我最愛既牛肉出前一丁啦不過有D失望~牛肉份量唔多 比較薄好重雪味 隻蛋好似煎左好耐 好似大學canteen整好一盤煎蛋 有單就夾上碟既感覺  凍晒，蛋黃"鯨"晒，食落完全唔掂。牛油餐包都係凍既...唔好話就快轉餐...叮幾秒整返熱都好掛.....而且雖然叫左出前一丁麵，但食落嘅感覺梗係有D分別~ 唔太似出前一丁囉凍檸茶，得個甜字，無茶味 BAD~ 我諗只此這次光顧啦。

坦白講，小弟都唔喺餐餐食好嘢，今日又為咗工作，我又過嚟荔技角做嘢同食飯！都喺果句啦，食得茶記，不能計較味道，只為咗填飽個肚就算！嚟到依間茶記已經喺一點半，但依然超多人，而且環境喺新裝修，對於茶記嚟講，算喺幾好！我自己叫咗精選午餐B 《香草扒雞胸拼吉列魚柳》配意粉，白湯加餐飲熱菜蜜！先講白湯，其實都係大路茶記湯，味道唔算特別！但異常超咸！食開重口味我都頂唔順！熱菜蜜都喺大路到唔大路，冇西洋菜味，又得個甜字，不過都算啦！可能飲完個超咸忌廉湯，食乜都冇乜味！香草扒雞胸拼吉列魚柳配意粉，其實本身都冇期望，但竟然可以一束意粉之中，可以煮到有一兩條喺唔熟，咁真喺經典！唔喺雞蛋中挑骨頭，但真喺未試過！問心：食得茶記，只為咗填飽個肚就算！42蚊，就覺得唔喺咁抵食！