匯城 (已結業)

星期一返到嚟公司就例牌打仗，坐低就開始忙，一路耷低頭不停係咁做，直至2：30PM先知原來自己冇出去食LUNCH。即刻去茶水間睇吓有冇外賣紙先，搵咗好耐先搵到一張，就試吓附近匯城嘅下午茶餐掂唔掂先。真係好肚餓，叫咗一份炸雞脾薯條再加一份單點火腿蛋三文治。外賣送得好快手，頭尾15分鐘就送到，所有野食都仲係熱辣辣！炸雞脾薯條，生炸嘅雞脾仲出緊煙，非常好味，用舊式薯條，點茄汁食就一流！火腿蛋三文治，都算唔錯啦，蛋整得啱啱好，唔會太老。呢個下午茶餐真係算唔錯，價錢又合理。