十三座牛雜 (已結業)

同我出得街多嘅人都知我鐘意食牛雜，尤其是牛嘅金錢肚。今日往港島辦事路過北角書局街，久仰十三座牛雜盛名特來光顧。要了兩串牛雜$8x2，一串燒賣$6。牛雜用膠袋套著不鏽鋼兜奉上，附加竹籤非常整潔細心。兜內有牛肚、牛膀、牛腸和牛肺；牛雜很入味，澆上濃濃的湯汁無疑是牛雜的精華。由於我是第一次來吃，所以沒有叫淨牛肚，什麼也要點；吃來竟全找不到坊間近年烹調牛雜的缺點..........mamma mia~...非常感動!...美味牛雜加上附帶的服務，$8一串還是值回票價。朋友別說你吃不到走來罵我，我沒收他錢賣廣告的!...燒賣蠻不錯...就連十三座牛雜賣的燒賣也絕不是下價貨呢!...

腸粉可能食過深水步既腸粉, 比較之下覺得普通, 無驚喜牛雜牛雜愈來愈貴, 但依然咁入味, 最愛牛肺同牛肚, 好腍。牛腸都無異味, 係肥左少少, 可以接受八爪魚沙爹汁惹味, 份量夠多, 聞到香味已經想食, 爽口之餘唔會好難咬

收工路經此地，當然係要來食番串最鍾意既八爪魚﹗一串八爪魚加多一串齋，$14﹗平日來吃，最惹味的是個沙爹汁，今次個汁好似淡了，是較得不好嗎？齋淥得太腍完全無哂煙韌既口感，似豆卜多一點了﹗可幸的是八爪魚依然大份又彈牙，但沒有又辣又香的醬汁提鮮，點都無以前吃咁好味，希望下次個汁做番好一點吧﹗

趁媽媽去了旅之際我買了一串牛什, 一串魷魚和腸粉回家當晚餐真的很正!!!!牛什這裡的牛什是我的最愛 不會有甚麼化學物質的味道很入味 魷魚我覺得這裡的魷魚也是勁正!!!!魷魚非常之爽口不會un 也不會咬不開而中間的生腸也是爽口的至於腸粉就比較普通但我都喜歡(愛屋及烏麻~)我每次只要去到北角附近我都會來這裡買一串牛什這裡的水準都是保持高質素真是難能可貴呀~

沒有在街邊吃牛雜已記不清有多少年!因對上一次經歷實太慘痛…記得在深水埗街邊車仔檔食過一串後,半夜好似中咗五門蠱毒咁起身又嘔又疴十幾次!自從之後一律戒絕!到今次經過呢度門口想起好似有不少好評,重燃對牛雜嘅慾望!本來要了一串牛肚、一串腸加肺,但經揸較剪眼鏡哥哥試咗兩舊話肺未得之後,唯有腸肚每樣一串!(值得一讚係未OK唔會夾硬賣)牛肚----好淋好入味!牛腸----又大又有細,大嘅比較有腸味,細嘅就肥膏好香!芥辣味道調得不錯!無苦味(同肥媽果隻差唔多)雖然內臟膽固醇係勁!但一個月食幾次都唔過份吖!

Not too hungry by this time of the day...so let's try this for the first time...M & I decided to have lunch later, thus we have some octopus and some assorted beef inner parts...I think the octopus is good, a bit too soft for me. I really like those crunchy feeling, but they just boiled it a bit too much. The sauce is very good though...The beef inner part, i think this is good, soft and different taste. Every part are tender and chewy at the same time. no wonder it's recommended...i can order

第一站先食小食，聞說呢間牛雜出名，心想一試, 來到時已見有幾個人排緊隊，聞到有好香既香料味，最後買了牛肚和牛腸，香味好香味道亦ok. 但係咬落太腍, 幾乎唔使咬，對我黎講係太腍，置於牛腸好肥美，但係咬落中間好似有一粒粒係入邊,唔係係洗得唔乾淨定係Ｄ香料啦

都是同一個原因, 是好多家牛雜 店的水準都下跌, 先會顯得此家好似好好.此家出的牛雜 , 價錢是中上的價.不過, 出品只是中級出品牛雜是入味 , 不過味道是普通., 不是一試難望的.唔熱是另一個問題...是溫溫的.大家如是有吃過油麻地另一家出名的牛雜, 一定會只吃油麻地的, 而不會吃此家.如果是control唔到quality, 請唔好為了生意而降品質.香港人, 信下自己的味覺...唔好人說好便說好味

一串牛雜$8價錢都可以接受, 牛膀幾粉, 腸太肥太肥, 牛肚牛肺都係咁上下....成串都好淋, 有牛味, but個汁太淡, 本人較喜歡廟街牛雜多點~平d爽口d濃味dp.s. 下次一定要走腸...

新光附近既名店，一直都想試下。上星期經過北角，終於可以試下呢間既牛雜。我要左一串牛雜同一串魚蛋。先講牛雜，$8串。個牛肚食落幾嫩同入味，算係唔差。但最後食到個牛膀竟然有少量沙，即時口感差左唔少，印象分亦扣左。至於個魚蛋，有些少辣，口感都無乜特別，不過不失。其實佢個牛雜本身味道唔錯，但有沙真係其中既敗筆，希望佢改善下。

一串$8, 6舊, 唔係平架, 但一場黎到, 點都要試下有咩咁好食.好彩去到冇人, 唔駛排隊可能係我對牛雜本身冇咩好感. 覺得怪怪地.牛膀牛肺大腸個質感好怪, 我自己唔係好頂得順比較正常都係牛肚牛腸.牛肚夠林, 其實睇佢篤得入都知佢林成串冇乜鹵水味, 係好大朕牛味.阿姐教我落少少芥辣就最正, 我第一次食當然想試下本身個味道所以真係落得少少.但一食落, 佢d 芥辣又幾正喎, 拍得住肥姐o個d, 有少少攻鼻好後悔冇落多d 下次叫淨牛肚同小腸都得了

一月廿三日(星期五)是日都算準時收工,於是按原定計劃前向北角吃湯圓!當然這只是飯後甜品!我還給老公兩個選擇,一是以海南雞聞名於何文田的勝利,另一間是蔡瀾推介的阿鴻小吃,於是一早就印了OR的地圖以便尋找!不過這兩間食肆與A出口尚有一段距離,在尋找路線之際,見到十三座牛雜,我們一早已經聽聞過,今日有幸路過,當然要試試,當小吃!在對面街都見到一條人龍,排到戲院,果然厲害!不過牛雜都很快就可以買到,都是剪兩剪而已!我們見到哥哥仔邊剪邊吃!多滋味!本身想買一碗小的$30,不過老公說可能太多了,最後買了兩串,份量剛剛好有牛膀、牛肚、牛腸和牛肺!我們覺得鹵水味香濃!而且每樣用料都新鮮好吃!正如其他OR食友所說的一樣!!!!值得推介!可惜如果不是專情過來北角,我們都很難吃到如此美味的牛雜呢!

晏晝飲湯,湯渣唔夠送飯,就落樓下買碗牛雜加餸~平時入夜好多人排隊,今日點零去就無乜人,好快就有喇!叫左一碗細牛雜($30),大碗要$48,不過真係大碗好多阿姐好好人,會先問你有咩唔食,我話唔要"潤",佢好nice咁同我講個度唔叫"潤"叫"膀",雖然我有D nor,但係都好多謝佢話咁我知,以後我就唔會走錯野喇始終覺得牛腸最好,炆得夠稔夠滑,而且無怪味;肺就差D,好粉,無乜味,成碗入面牛肚最多,睇黎都係十三座的招牌了~炆得稔而咬落去爽,真係好好味!爸爸就鍾意佢D湯,話撈飯一流喎,不過佢就投訴汁太少,無計啦...人地D秘方黎架嘛~不過講開又講,$30咁細細碗真係有D貴...同埋加價頻率和幅度都有D高...

睇左ar 蘇介紹去食o架!!!!點知真係好好味!!!!!我只係食牛肚o架咋~可以就咁叫牛肚~唔洗一定限定要哂雜!!不過真係好好味呀~d牛好入味而且牛肚已經"紋"到好"林"唔會好難咬!!!!!gdgdgd!!!!不過有少少貴啦~一串有六舊~要$8奶茶要$13不過奶茶也不錯耶!!!!值得一去!!!!

吃過超平價生煎包，行經新光戲院，與同事商量，好歹也篤番串牛雜止口痕。由於我們都要肚，故阿姐換了以小碟盛上。小碟牛肚有草肚和金錢肚，炆得極為入味又軟腍，最重要係不黐牙。加點芥辣同吃，三兩下手勢已清碟