十二味 (搵食市集)

營業中

休息中

在沙田文化博物館睇完哥哥-張國榮既展覽，順道出大圍搵食，午餐時間前往，品嘗到了他們家的招牌菜，和價格親民的美食。首先，推薦大家品嘗他們家的極大杯酸梅湯，不僅份量十足，而且味道酸甜可口，是解暑的好選擇。點了幾道菜，包括酸菜魚、辣子雞和麻婆豆腐。酸菜魚的魚肉鮮嫩多汁，酸菜醃製得宜，吃起來既開胃，非常適合白飯，最重要既係佢既配料係非常有誠意，非常之咁足料。辣子雞的香脆口感和辣椒醬料的獨特風味，讓人一口接一口，回味無窮。麻婆豆腐則是豆腐入口即化、口感滑嫩，麻辣的豆瓣醬和花椒的香氣，更是一大特色。如果你喜愛四川菜，這家餐廳一定不會讓你失望。最令人驚喜的是，這家餐廳價格親民，僅需不到100元就能享受到如此美味的餐點，實在是物有所值。如果你還沒有來過這家餐廳，不妨抽空一定要來品嘗，絕對不會讓你失望。

來佐咁多次，就呢次菜品明顯少一半！次次都係叫同一份野，乾鍋都係叫呢啲料，以前食唔曬可以打包走，宜家4人都食唔飽，今次真係真係好失望，縮水縮太多！！！！！！！！！

是日同朋友到大圍食午餐開年飯🌹一於食紅噹噹的川菜🤞 酸菜魚魚片嫩滑肉質，湯底酸辣令人很開胃，而且湯裡的酸不會太嗆喉 做得不錯 而且入邊仲有其他配料，萵筍，酸菜等等 份量豐富乾煸四季豆 四季豆香口爽脆不會太油膩加埋肉碎一齊食，口感豐富 又係白飯殺手我好少食白飯 但我今日竟然成碗食曬😮川香回鍋肉 呢碟係重口味之選 回鍋肉爆炒過後很香濃而且肉質沒有變柴 爆炒過後醬汁滲入回鍋肉裏面令人一口接一口 不過我唔敢食咁多 因為呢一碟對我來講略油了一點🤪 邪惡之選紅糖糍粑 點左豆粉同埋紅糖同吃 外脆內軟十分滋味 令人滿足的甜品 🍮

星期六Lunch時段，人頭湧湧，四個人食，大家一致認同十二味大圍分店係咁多間分店之一為最高質！當中最欣賞係 乾煸肥腸！炸得好乾身，又乾淨！好滋味！乾煸四季豆有得揀全素，讚！叫左中辣，好好味！另外叫左 酸菜魚，辣子田雞，香煱牛肉！全部都好好味！最後仲點左 紅糖糍粑！好高質！炸得剛剛好！脆脆粘粘！為呢餐作完美ending !!!!

聽同學朋友推薦過好多好多次啦，今日終於有機會來試下。午市套餐有一個熱菜，一碗飯同一杯飲料，加八蚊一杯嘅氣泡水同酸梅湯都超大杯，夠曬解辣。上菜很快，但係出品唔錯👍🏻雞翼肥腸麻辣香鍋肉多菜多，一個人食嘅話應該好難食曬而且都好入味。水煮牛肉味道幾好，就係牛肉少佐啲。總體來講都幾地道，人均消費唔到一百都算幾難得了～

這是第3次光顧十二味了, 第1次在裕民坊分店, 第2次和這次都是在大圍分店。兩間分店的座位均寬敞舒適, 沒有壓迫感。上回光顧已是8月尾, 被安排坐在靠窗位置, 感受到外間的熱力, 冷氣略嫌不足。1個月後再光顧, 被安排坐較內部位置, 倒沒冷氣不足問題。午市套餐1) 川香回鍋肉 (小辣) $682) 米飯3) 柚子茶 (凍, 少冰) $84) 酸辣木耳酸辣木耳酸辣開胃, 飯有微香。川香回鍋肉之前試過唔辣版本, 是次挑戰小辣。藕片爽脆, 配有大量豆瓣醬, 肉片和蔥同炒, 微辣香口惹味, 辣度剛好, 份量之多可供2人共享。唯一挑剔的地方是, 辣油過多, 滿口是油。是次挑戰少辣的川香回鍋肉, 未知辣度如何, 特意加錢點了凍柚子茶以助解辣, 雖然要求了少冰, 但夠凍。相比外間加錢轉特飲, 這份量屬超級大杯, 起初以為味道會偏淡, 攪拌後味道剛好。

餐廳位於1樓, 在地面入口設有大大個餐牌, 不太吃辣的或像我不吃麻辣的, 可先研究一番才決定入座。餐廳寬敞舒適, 甚有空間感, 唯冷氣略嫌不足。餐廳提供口罩套, 甚貼心。午市套餐1) 酸菜魚 (小辣少油) $732) 米飯3) 桂花冰釀 $84) 木耳木耳爽口, 蒜香味濃。桂花冰釀以小瓶盛載, 份量不多。雖以酒糟釀製, 但入口無酒味, 只有啖啖桂花香和粒粒口感。  酸菜魚點了小辣少油, 多吃會冒汗, 很適合冬天吃。可能上回3人共享, 不覺大碗, 如今放在我面前, 未知能否應付。呷一口湯, 入口竟覺有點麻, 心感不妙, 多喝一口, 沒有麻辣感, 可能剛好咬中辣椒籽, 故有麻的感覺, 小辣雖然偏辣, 也能適應。魚肉份量不少, 肉質白滑, 雖有骨但細軟, 直接吞下也沒問題。酸菜十分入味, 酸辣開胃。其他配料有爽口的菇片和萵筍。整個用餐體驗不俗, 是可回頭的餐廳。

I like the boiled fish with pickled cabbage! That tastes fresh and spicy! Although I just chose the mildly spicy one. But I think service could be better because they are not enough serious to the food as I ordered less oil one and mild spicy while my friend ordered middle spicy, the waitress could not even tell which one was which…. So that was a little embarrassing. However the fish tastes really good I will have time for another time definitely!

餐廳主打正宗川菜，酸菜魚同麻辣香鍋最出色！🤤🤤鍾意食辣嘅一定要食呢間 😍小妺食過好多次📋小妺今次就叫咗一個 中辣 🌶［麻辣香鍋］💁🏻麻辣香鍋揀一個辣度之後，就可以揀自己鍾意嘅菜。最少五個菜，最多可以加到35個菜！😂建議大家睇住嚟嗌，因為佢個份量真係好多！咁因為今次係同友人兩個人食 我哋就冇揀好多餸 淨係揀咗五個 🔅滷水肥腸(佢炸過咗之後 先再攞去一齊炒 十分脆香)🔅美國肥牛 (炒到好入味，又好有鑊氣）👈🏻推介🔅豬頸肉🔅鵪鶉蛋🔅土豆片💘上菜速度好快香麻酸辣 佢呢間餐廳都全部10分出色👍🏻👍🏻 仲有好多款經典川菜，毛血旺、麻辣小龍蝦等，不過今次我就冇叫到🙈份量係巨多❗️ 每次食都食唔晒 要外賣😂 嘢飲都好大杯❗️小妹係同友人一齊share一杯⚠️需要收服務費加一 手機掃QR code落單 💰經典麻辣香鍋($232)+熱情果梳打($28)+米飯($12)+外賣盒($2) +服務費($27)合共301 人均消費大約150元提供現金 ．Visa．Master💳卡．AlipayHK．微信． AE．銀聯．ApplePay．GooglePay❗如需要紙巾、外賣盒另收$2📍 大圍村南道4

大圍好多野食 住馬鞍山咁耐第一次黎大圍尋美食如果馬鞍山開番間就好了酸菜魚 好好味 好有內地味道疫情無法去食 香港唯一一間可以食到最近既味道湯都飲埋 服務唔錯 有檸檬水飲 有下火飲品 加多寶 汽水等等仲有特飲 大大杯lunch仲可以食一人酸菜魚包飲品 都只係$6X 好抵lunch獨自黎嘆 真係不得了大力推酸菜魚大力推辣子雞大力推炒豆角

於外賣飲品盒上發現疑似曱甴的昆蟲屍體!!!!!!今日於大圍十二味買左兩份午餐,回家後發現其中一盒檸檬茶唧盒面有一隻昆蟲(疑似係曱甴)屍體,令我覺得餐廳內的衛生情況欠佳,並覺得該包裝員十分不專業,居然在盒上都留意不到該曱甴屍體,導致我整餐飯都無法安心食用!!!!!!

5月尾，星期六晚去咗呢間係大圍地鐵站出口對面的十二味，位置方便但需要行上一樓。當晚7點到，都9成滿坐，我有book 枱。二人叫咗一份酸菜魚加薯粉，大盆花菜，清炒萵荀絲，霸王辣子雞。酸菜魚好大份，都幾辣，酸味唔太明顯，魚肉好滑食極都有，酸菜味道食唔太出被麻辣遮咗。萵荀絲青青地好好味，大盆花菜係特別野味嘅炒菜，用煙肉曝香，椰菜花滿有豬油味😋。辣子雞對我嚟講好辣，食唔到，我哋都食剩幾多下。座位間距離都幾近，呢到埋單都係出門口埋，環境同茶餐廳冇異，不過好食就多人幫襯。

想食酸菜魚幾個星期啦，今日終於食到啦，去左屋企附近既大圍十二味去食，網上book，仲有正價產品6拆優優，抵呀！不過唔包括小龍蝦🦞，大圍呢間十二味新開無耐，食過佢既lunch set，今次食晚餐，質素都幾好。有6折，下次會再食。叫左兩個餸，酸菜魚必須的，仲有紅糖糍粑，亦係我最愛，自己一個人都食的曬，好正。大圍呢間分店選址非常好，一出地鐵站，對面馬路就係啦，坐的都好舒服，可能我食下午5:30呢段時間，有5-6台客，食物上的快。

見到係open rice 的食評及圖片吸引了來試試，用open rice 訂座有折扣優惠，一到店就安排入座，上菜速度很快，可能因為只有1個半小時用餐時間。食物味道不如食評中講到一定要試，味道一般，價錢又不算便宜，用了6折優惠之後的價錢就比較合理，特別是飲品，正常一個罐裝飲品都要成20蚊。。。酸菜魚太多酸菜，令到有點苦味，皮蛋只食到椒的怪味，沒有皮蛋味。口水雞份量太少，四季豆同糍都可以一試。Btw,下次不會再幫襯！

很久沒回港，回來不久，便遇上香港放寬晚上可以堂食，即刻上Openrice看看附近有甚麼好吃的？原來搵食市集那邊很多店都變曬，家陣多咗間十二味。 突然想吃水煮魚、酸菜魚，以前食開的漁品，因租約問題已結束（用Whatsapp跟他們訂位才知道），那..就試吓十二味吧！ 到達後，已行上樓梯，對我而言沒有甚麼大不了，但、我老媽要拿拐杖，則有點不便。 我們一行三人，叫了酸菜魚、水煮魚、口水雞、辣子雞（唔知有冇記錯個名😅）、一個唔記得甚麼蝦（忘記影單，食物名就唔記得了）。 食物可加「麻」，我加了，瀨曬嘢，因加麻就是加花椒粒，習慣用辣汁撈飯食的我，要慢慢撥走花椒粒🙈。這兒的魚片很滑、辣汁也不會油膩膩的，幾款小菜，都做得很好【除了那個辣子雞冇乜肉食外】。 整體上，呢間食肆的食物、服務都是水準之上，可放在開飯List，等女兒放暑假回港，會再帶她來吃。