十二味 (搵食市集)

營業中

休息中

一向都好鍾意食海鮮嘅我，自從知道有麻辣小龍蝦呢樣野之後，真係為之瘋狂，同老公一樣勁鍾意食呢啲嘢，辣同海鮮就係我哋嘅至愛🤩但係我哋都比較細食，樣樣野都好想食，最終我哋叫咗一份細嘅小龍蝦，同埋一份水煮牛肉，小龍蝦我哋加咗刀削麵，點不知水煮牛肉個配料都有薯粉喺裏面😝😝😝講返小龍蝦先，麻辣味唔算太出，我哋已經叫咗中辣，都唔算好辣，但係麻味就一啲都唔夠，不過整體來講味道都算入味，刀削麵沾咗呢啲汁好好味，小龍蝦都已經算係大隻，至起碼蟹鉗都有肉，數量都剛剛好二人份量，至於水煮牛肉份量比較多，平時出邊嘅水煮野係配料同辣椒比較多，但係佢反而相反，係牛肉比較多，再加埋薯粉，真係好飽，佢仲有少少芽菜配料，牛肉都好滑，大大嚿啖啖肉，呢個我哋嗌左小辣同埋中麻，麻味好夠重，辣味剛剛好👍🏻👍🏻👍🏻相信送飯係一流，飲品叫左杯百香果，唔會好甜，大大杯又有少少解辣，不錯不錯👍🏻

👧🏻Wodafoodie in Tai Wai曾經有段時間每個星期大家都北上食酸菜魚/燒烤/麵包，但其實香港都食到酸菜魚！水準仲要唔差！我每次都食呢間🤤✨ 人見人愛酸菜魚+粉條 $266可以揀唔同辣度或唔辣，岩曬d又想試下但又食唔到辣既人。我揀左小辣，🐟魚肉好嫩滑又無骨😍粉條軟硬度適中，配埋酸菜同個湯一齊食真係好惹味呀～～☺️兩個人如果唔係好肚餓，其實叫一個正常份量酸菜魚+粉條都好夠飽👍🏻大食既朋友仲可以叫埋佢個黯然銷魂炒飯同紅糖糍粑，勁好食！😋好開心大圍都開左分店，以後唔洗特登出九龍食啦😙📍 十二味 (搵食市集) (大圍)大圍村南道45-47號搵食市集1樓11號舖

十二味的川菜好食就係人都知㗎啦，不過佢啲分店主要都係喺港島同九龍，新界人就好慘。終於，喺大圍開咗分店啦，正呀喂呢間分店係樓上舖，地下有個細細嘅門口，再行上去餐廳都幾大，擺咗好多張枱，坐滿咁濟嘢食方面同其他分店一樣水煮牛肉$148:超級大碟，香辣麻味有齊晒，仲要有勁多配菜，豆芽、青瓜同寬粉，而且牛肉都好嫩，份量亦都好多武隆尖椒雞$98好香的花椒味道，但雞唔算辣，配菜蓮藕好好味，好甜好脆口兩個人食到抱住肚食，人均150$

好想食辣見到有間四川麻辣新開次次行過都陣陣香辣味決定去試試伏🌯🍖🍱🧆🍳菜式🌮🍙🥗🍕🍔（5🌕滿分）1. 炒萵筍 🌕🌕大大碟 清炒咁味道清甜 配辣野一流2.辣子雞 🌘辣椒係多呀但係又唔夠咸 又唔夠辣雞肉可以多d3.酸菜魚🌕佢真係用新鮮魚肉既去皮去骨都做得幾好幾好食❤️更多試伏實錄💛真心分享唔做假💚

以前呢層2樓係由幾間餐廳組成嘅food court 而家十二味一間做晒，所以空間同距離都足夠好多餐廳都會用qr code自助落單，呢度都一樣，減少疫情下與員工嘅接觸。叫左毛血旺、中辣、加麻份量適合2-3人，人多仲可以叫多幾款野食嘛。覺得香味、麻味、香料都好足，但(對我嚟講)唔夠辣，下次試大辣先😆 裡面有：鴨血、牛柏葉、餐肉、尤魚、肥腸、豬皮、然後青瓜芽菜底。配白飯應該match過葱油拌麵😆因Drink menu款式唔多，最後叫左解辣一流嘅冰粉，順便濕吓個口。整體真係好食呀，好有大陸風味，而家返唔到大陸都食到啦。不過下次想試吓午餐，咁一個人就抵食D。

大圍開咗間新嘅川菜！好開心本身好鍾意食酸菜魚而且地點超方便喺地鐵站一出就係！今日終於嚟試吓午餐Menu性價比超高，價錢唔貴而且都好多選擇好方便佢係用QR code去點餐，而且上菜速度好快一入去吸引我嘅仲有佢嘅口罩套同埋隔板，印有佢哋自家嘅熊貓公仔，好有趣我當然選擇左酸菜魚，朋友就揀咗口水雞天氣咁熱，我哋額外多咗個小菜涼拌青瓜午餐套餐中包括一碗飯和飲品首先每位客人佢都附送一碟前菜，係涼拌木耳一啲都唔馬虎同hea，有四川嗰種辣味而且帶啲酸，好開胃而且又過癮川式口水雞 ($65)午餐份量一啲都唔少！聞落已經好香，個醬汁調得好好，我地嗌左少辣，麻得黎唔會太辣，個辣油好惹味，加上芝麻，整體好夾，有四川風味。雞嘅肉質鮮嫩，不錯！而且個飯超大碗，餸飯一流！酸菜魚 （$68）真係超超超大碗！唔係講笑😂呢個份量似出面晚餐兩至四人份量好正！好滿足一樣嗌左小辣，酸辣味道配合得啱啱好連我唔太敢食辣嘅都接受到👍🏻魚份量多而且好嫰滑，仲有萵筍和大量酸菜！自選跟套餐的飲品涼拌青瓜夏天食呢個真係好開胃！涼浸浸嘅青瓜配上辣嘅四川菜一流！勁多蒜粒好惹味！青瓜新鮮爽脆👍🏻呢間川菜比我預期中好，而且午餐性價比超高！座位闊落而

十二味開分店開到黎大圍啦！黯然銷魂炒飯上枱時重熱到冒煙，食落好香有鑊氣。叫得黯然銷魂炒飯究竟有啲咩特別呢？原來用左勁多食材炒成！有蛋、蔥、豬肉粒、辣椒、鹹菜、紅蘿蔔粒、蝦、洋蔥粒等，剩係食材已意夠曬誠意！炒飯粒粒分明。川式口水雞有得揀辣度。我揀左少辣。雞肉嫩滑，叫上少少辣油，更添食慾！🤤雞下面原來重有青瓜。青瓜爽口。食完辣野我必點冰粉！冰粉晶瑩剔透，加了蜜糖十分清甜。入口嚐到桂花的幽香，加上提子乾更添口感。

今日放工，諗住近近地喺屋企附近食嘢，見到呢度搵食市集，有間食川菜嘅餐廳，應該開咗冇幾耐就入去試吓行一層樓梯上去，餐廳原來好大，但7點零鐘都坐滿左人呢間餐廳係食川菜嘅，有水煮魚水煮牛嘅經典川菜，仲有其他小菜都有，我同朋友兩個人就叫咗兩樣嘢食同兩個飯口水雞小辣：食川菜梗係要食辣野啦，不過我同朋友都唔係好食到辣，就揀咗小辣，呢個辣到啱晒我哋辣得來仲食到佢嘅麻辣香，仲有就係佢嘅雞肉夠晒鮮嫩，啲汁仲可以用嚟送飯大盤花菜：想食下啲菜解下膩，呢個都可以揀辣度，但係我哋今次就揀唔辣，原來入面仲有啲豬肉片，椰菜，蒽，仲要炒得勁有鑊氣，又夠大碟兩個餸加埋兩個飯，已經食到我哋兩個人好飽，下次一定要叫多啲人可以叫多幾樣餸

大圍終於有十二味，唔使特登去其他地方食，今日一於去試吓。兩點半時間去到，都有5、6檯客。我哋點咗酸菜魚套餐、乾扁四季豆、麻辣雞翼干煱，我之前去其他店舖有食過麻辣牛肉湯麵，問吓服務員，回答話冇，總之就係冇、答咗冇就冇，都幾冇禮貌。於是我哋加左個撈麵及糍杷。酸菜魚大大份，魚片都好多，味道夠酸，湯底唔錯。乾扁四季豆，好鮮好嫩，好味。麻辣雞翼干煱，我地揀咗中辣，有辣又有麻，正。每份套餐跟一大碗白飯，男人食都夠飽。糍粑軟軟淋淋，都好好味。其實一份套餐包括前菜、飲品、白飯，真係好滿足，如果餐廳可以添加一兩個麵食套餐會更好。

沙田同大圍區揾川菜選擇比較小位於大圍站斜方面的搵食市集新開的十二味由於工作在沙田，中午時間就約了同事一齊試一下我們叫了酸菜魚酸菜魚係依度嘅招牌菜當然要試吓魚質嫩滑，無腥味，再配白飯一齊食好滿足，另外仲叫了麻辣牛肉鍋，四季豆和大盆菜花麻辣香鍋，依個菜我第一次食，份量和配料都很足夠，味道很香口，下次可以挑戰更加辣👍🏻👍🏻最後還叫了大盆菜和糍粑糍粑清幽淡雅甘甜爽口很適合在這個炎熱的中午味道不會太甜，飯後甜品不錯的選擇整體來說，食物的質素很高 ，中午時間有多一個地方選擇了

終於係馬鐵線附近食到久仰大名既十二味啦🤣🤣好多朋友食過都話十二味嘅酸菜魚勁出色！但由於只有兩個人嘅關係，我哋怕食酸菜魚會食唔晒，所以就決定食炒鍋！🍡川式口水雞 HK$68夾起嚿雞肉就聞到好大陣辣味既香油味！食落口一啖啖嫩滑既雞肉，有少少麻麻哋既辣，但辣味唔算太突出，可能係因為我怕辣所以叫咗小辣嘅關係😂😂🍡秘製醬香鍋 HK$236秘製醬香鍋本身只係一個小窩，之後就按照你想要嘅材料再加入，咁今次我哋就加咗總共五個配料，包括有美國肥牛，豬頸肉，萵筍，鮮腐竹，鹵水豬手！美國肥牛入晒啲醬香，好入味！而鹵水豬手超級滑嫩，一咬落去就骨肉分離，豬皮好滑，感覺到食緊骨膠厚🤣🤣超級推介！！🍡酸辣土豆絲 HK$68呢個土豆絲就真係超級好食啦！今次都係怕辣嘅關係，所以就叫咗走辣😂但估唔到走辣之後剩返嘅酸味竟然係最吸引我既味道！！食落去酸酸地既味道令我覺得胃口大開，令到我不停咁食🤣🤣

終於于在香港🇭🇰都可以吃到好味的麻辣香鍋啦！ 記得第一次吃麻辣香鍋是在北京一間連鎖餐廳-拿渡, 好好味！之後一想吃就跑到深圳, 疫情封關已經一年多了， 不知什麼時候開關？！上周五中午去中環那家十二味, 12點三門口已經排起長龍, 我們等咗半個鐘都沒有排到, 因兩點鐘要開會, 不能再等了, 只好失望而歸。中環午餐時間好多人, 根本排唔到。感覺店內中食客大部分為年輕人，好多都是講普通話，應該是港漂，味道很正, 我們要了少鹽少辣的經典香鍋，老公吃的很高興😊⋯⋯

平時比較少食川菜，不過都食得出呢間十二味招牌酸菜魚味道真係唔錯🔻酸菜魚湯底唔算油膩，辣度都係可接受範圍，食落開胃醒神，好適合夏天去食辣椒香口，魚肉滑嫩，算係色香味俱全之作🔻口水雞新鮮上菜果陣食，肉質鮮嫩，比起一般白切雞肉更加香口辣汁濃郁得黎唔會辣到咩味都食唔到，雞件亦都唔柴，食落相當彈牙🔻夫妻肺片煮得都幾入味，調味同食材本身好襯試左三樣菜，全部都係好適合跟飯食基本上推介俾所有鐘意食川菜人士，就算無特別鐘意食川菜，只要本身食得辣都可以一試！

又到大圍，見到有間『十二味』，諗起之前喺第二度食過，印象好好，就入到來，但見地方唔似第二度的豪華裝修，比較簡單，但地方好大，可以坐得好寬敞，喺疫情依然未能够忽視的情況底下咁樣嘅距離可以令人好放心，仲有熊貓口罩套提供，好窝心吖。『涼拌黑木耳』是lunch set包埋嘅前菜，爽爽脆脆好開胃;由於唔食得太辣，只係叫咗小辣嘅『田雞麻辣香鍋』，味道啱啱好，又唔會太辣，D土豆片，蓮藕片，油麥菜同田雞好夾;『酸菜魚』魚肉雪白，鮮甜的魚片好嫩滑好吸引，亦比想像中多料，所有午市套餐唔須加一，而且免費飲品有盒裝維他奶同檸檬茶揀。單點嘅『蔥油拌麵』看似平平無奇，但真係好惹味，有濃濃蔥油味;而『么妹子冰粉』冰冰涼涼，係食川菜嘅最佳配搭。

大圍搵食市集新開一間十二味，啱啱好想食辣嘢，便約佐friend去試下。呢間可以食香鍋、酸菜魚、水煮魚、小龍蝦等，今次我啲揀佐香鍋，佢香鍋有兩種：秘制醬香鍋（唔辣嘢）、經典香辣鍋，我啲點佐香辣鍋中辣，好多配菜，可以選擇5種或者更多餸，我啲兩個人只加5種:牛百葉、豆皮、萵筍、金針菇、蓮藕片。等差唔多兩個字一大碗就上檯來，香辣味撲鼻而來，配菜新鮮，加埋香鍋麻、辣、鮮、香、油，混搭一起讓人欲罷不能。配上冰冰涼涼啲飲品，正👍！下次可以試下其他菜式，應該唔會失望！