十二味 (山市樓) (已結業)

個人比較喜歡吃川菜，十二味的大名聽得多，但今次還是第一次嘗試，當然要吃招牌菜！網上見大家都推介人見人愛酸菜魚和麻辣香鍋，所以這次都列入必點之選，眼闊肚窄的我們還點了夫妻肺片。當餸菜上桌時，發現份量絕對足4人份，所以我們需要把一半的酸菜魚帶走作第二天的午餐用。先講一下酸菜魚，配料十分豐富，重點是已經包括了寬粉，金針菇和萵荀，不用額外加錢。魚肉也不吝嗇，厚肉而且份量很多，魚骨亦甚少，吃得非常方便暢快。酸菜並不咸且夠酸。可能是因為我們點了小辣，湯頭只有微辣，面頭撒上芝麻，特別的香，超級下飯。麻辣香鍋又是另一亮點。配菜我點了金錢肚，蓮藕，萵荀，四季豆和鮮牛肉。配料裝得滿滿一盤的，麻辣醬汁夠麻香但不太辣，越食越開胃。鮮牛夠軟滑，另外幾款配料亦很爽脆和吸味，最畫龍點睛是加了蠶豆和大量芝麻，特別滋味過癮。夫妻肺片是牛𦟌和金錢肚，切得雖薄但份量都不少，密舖在碟上。味道則偏辣和比較咸，對比兩道招牌菜，是略為失色。整體來說我覺得是感覺正宗的，麻辣調味合適，但菜式訂價稍高，特別是萵荀的份量偏少。下次必定會多叫幾個朋友分享更多款式。

外賣酸菜魚lunch ，要$68+$2外賣盒。番到屋企一開外賣盒，嘩！d份量少到！份量連平時一半都唔知有冇呀，真係不知所謂！呢間堂食可能都ok嘅，但外賣就算把啦。

上次食過北角十二味分店既酸菜魚，覺得好好味。今次黎到西環分店就想試下第二樣。 一開波就叫左杯熱情果梳打先，踏入夏天，E杯酸酸甜甜既梳打開胃一流。之後就叫左個午市套餐既川香回鍋肉，係用腩肉，韭菜同蓮藕炒既，小小辣，炒得好夠鑊氣，餸飯絕配。另外我就介紹朋友叫左酸菜魚餐，佢試左都話湯底好濃，魚就非常鮮同滑。每個套餐都有跟一個前菜，係辣辣地薯仔絲，然後就係主菜，一碗大白飯，再跟杯野飲都係幾十蚊。同朋友一人一個餸share食，超值又好味！

用OpenRice app 點左外賣自取香辣鍋，之前堂食過，質素係唔錯，雖然價錢唔算平，但分量係夠嘅，今晚第一次試外賣自取，點左15分鐘個app已經話可以pick up,但我去到餐廳，問企喺收銀個阿姨，佢叫我自己去張枱到對單號碼，有就自己拎無就再等，最後我等左足足45分鐘，中間已經有禮貌問過可唔可以跟下張單，但個阿姨都係哦完就算..等都等到一肚氣（同場有好幾個人都係叫咗外賣，有個仲話已經等左一個鐘），無下次...

喺公司隔離有間四川麻辣店，再加埋一班鍾意食辣嘅同事，結果就係十二味成為我嘅飯堂！干鍋、酸菜魚、麻辣豆腐、口水雞，幾乎所有菜式我哋都試過，全部都好高質，午餐更加抵食！

西環新開左好多好味嘅餐廳，今日嚟到呢間專食辣野嘅。餐廳係中國式嘅裝修風格，裏面嘅座位都好有特色，坐得舒服可以坐好耐。-嚟到呢度唔可以唔食經典香辣鍋啦我哋叫咗小辣，好彩都唔會太辣。-我哋叫咗以下：經典香辣鍋$38 可以揀五個餸，每樣餸加錢，呢個鍋麻麻辣辣好看好好味。-雞翼$38切開一半嘅炸雞翼，好香口！-豬頸肉 $42豬頸肉篇細粒，有幾塊窿咗，攣埋左。😕-牛舌 $48牛舌做得軟炆有牛味👍🏻👍🏻-土豆$28土豆片薄薄一片，唔錯唔錯👍🏻-寬粉$28寬粉撈埋辣椒及其他餸一齊食好夾，但係覺得煮得唔夠耐，有少少生，唔係煙韌個種。👌🏻-小食要蒜泥青瓜$38好香蒜泥味，好適合用來中和下個香辣鍋。👏🏻-加左一碗白飯$12一碗白飯兩個人食份量唔係好夠，建議兩個人都係叫返兩碗白飯啦。✌🏻-一罐可樂$15叫佢拎兩杯冰底，兩個share飲，都足夠！

讀書時不時經過這家門口很有中式感覺的川菜，一直以為只是火鍋店，原來中午也有很划算的套餐。今天自己一個人來，選了麻辣香鍋，配菜點了田雞，價錢$68，包一杯酸梅湯，還有前菜一小碟。田雞口感很像魚，超多骨呢。另外配料有蕃薯、芽菜、黑木耳等等。辣度選了小辣。感覺這香鍋比較油膩，必須配米飯和喝酸梅湯才吃得下。這裡侍應直接說普通話，來這裡感覺到了深圳一樣，很有中國特色。環境很多燈籠🏮，比其他十二味的裝修簡單。

寬粉癮成日都attack我 好想知香港邊度有good qua寬粉食 友人介紹咗呢度 勁 勁 勁 勁開心😭😭😭😭😭😭😭😭😭😭個香鍋好興奮 鍾意食咩就嗌咩加入去! 好香口! 田雞sad咗啲 好瘦 牛舌彈口 萵筍爽的 寬粉煙靭 (簡直可以嗌兩份)🤩🤩飄香毛血旺 有肥腸 鴨血同魷魚 肥腸同鴨血是正的 魷魚有啲乾柴feel川式口水雞 肉嫩juicy!冰粉個汁有點兒過甜 但refreshing嘅!紅糖糍粑真係喊出泥 正到dum地 脆皮chewy心 geeeeez so good 完全最佳comfort條舌頭嘅甜點🤪🤪今餐辣food all the way 滿足到跳舞💃💃💃💃川菜泥講 食到咁剌激 呢間冇油/辣到我痾😂👍🏻味道：8/10十二味招牌自選香鍋 $38 - 田雞 $48 牛舌 $48 萵筍 $25 寬粉 $25飄香毛血旺 $148川式口水雞 $68幺妹兒冰粉 $26紅糖糍粑 $48📍堅尼地城

最近天氣凍成日都好想食辣野亂下個身 食四川菜就最啱啦 今日喺西環附近見到一間幾多人嘅四川餐廳抱住人多冇死嘅精神入去同男朋友叫咗個香辣鍋兩份食都幾飽份量其實都幾啱三四個人食計埋白飯嘅話經典香辣鍋$38配料方面我哋加咗金錢肚鮮魷魚美國肥牛台灣魚腐豬頸肉寬粉 加加埋埋大概三百幾但係份量其實好大入邊都好足料 我哋叫咗小辣但係已經好惹味 又辣又過癮 冬天嚟食真係一流 成個人即刻暖左！我自己就比較鍾意食鍋入面嘅寬粉因為吸晒辣味 好入味 男朋友就比較鍾意配白飯食 各有喜好不過個人都覺得寬粉可以一試因為幾有咬口幾入味 嘢飲方面我哋叫咗熱情果梳打$28呢個價錢真係超值未見過咁大杯嘅嘢飲果然食辣野一定要配一杯大大杯嘅嘢飲 飲品來講呢度真係算非常超值 飲落去有熱情果同埋梳打嘅味道唔算太甜味道啱啱好真露西柚味$38酒精濃度都幾高最尾我哋索性將佢同埋熱情果梳打撈埋嚟飲味道都唔錯喎👏🏻

之前去過尖沙嘴的十二味食午餐，覺得環境同食物十分不錯，今日來到西環食午餐，知道這裡也有一家十二味，二話不說直接進去跟朋友吃午餐。西環這邊的十二味感覺更有中國風格，無論是桌子椅子至到整個裝潢都是滿滿的川州風味，令食起川菜時更正宗。我們點了三個午餐一起分享，分別是雞翅麻辣香鍋，乾煸四季豆和泡椒牛肉。三個餐都配小吃和飯，還有一杯酸梅湯，十分划算。雞翅麻辣香鍋點了小辣，所以也不算太辣，炒的十分香味道也很美味。泡椒牛肉也是十分野味，第一次吃，有萵筍和雲耳還有一些蔬菜做配料，沒想到也相當好吃，乾煸四季豆也是炒得口感十分地道。如果想吃得划算又坐得舒服，十二味絕對是不二之選。

三人午餐，點了三份主吃，豆，田鷄和雞翼田雞和雞翼份量比想像中少，配菜為主味道有的，談不上豐富，主要是用辣味蓋住食材，食材質感一般試一下還可，不用期待座位舒適，聊天聚會ok的結賬約三百

約左去堅尼地城朋友屋企玩，朋友就推介呢間川菜，我地就一行人7位係入冬漸寒既friday night食辣野驅寒haha!位置算方便，離堅尼地城站2分鐘路程左右，好快到～ 我地7個人就等位要等耐啲，7:45等到差唔多8:15先有位。一班人食當然要點招牌香鍋，我個人最鍾意食香鍋既午餐肉同腐竹 🤩 午餐肉香口又夠厚，唔係薄個隻。腐竹就夠𣺉同入味。酸菜魚我地嗌左唔辣，都Ok，魚肉質地唔錯。個黯然銷魂炒飯都有啲驚喜，炒得幾乾身又夠鑊氣。炒菜就一般，油左少少。野飲方面除左罐裝汽水之外原來係勁大杯 😆 埋單每人$200。總括黎講都算Ok，雖然未去到一試難忘但如果係附近想食川菜都會再食 😊

本人無辣不歡，一星期點都要食一次辣野。十二味係其中一間我經常去既川菜。你不能話佢特別出色，不過性價比十分高。琴日收工同朋友2人去左西環分店食晚飯，埋$495蚊。今晚叫左4樣野 水煮魚（中辣），口水雞（中辣），皮蛋（中辣），干扁四季豆（中辣）。水煮魚好大盤，料足夠3-4人食左右。魚肉不過不失，水晶粉都好多，唯一係我覺得中辣唔夠辣。口水雞應該係用冰鮮，有睇過我食評都知我鍾意食冰鮮雞多過走地😂 口感接受，不過都係唔夠麻香。其餘兩款表現正常，十二味不過不失，勝在唔貴。係諗唔到食咩既情況下不錯既選擇。

如果對食辣稍有要求，個人建議不要來這裏吃，因為毫無川菜味道，食材不夠新鮮，員工服務非常差，Order左一碟炒萵筍，碟中有好多一點點，都唔知食唔食好。酸菜魚、只可以算是普通貨式！

又到了午餐時間，吃什麼好呢？沒頭緒，那就吃十二味吧！位置方便，環境寬敞舒適，更重要的是食物好吃，價位適中！我不是點酸辣魚，就是吃口水雞！酸辣魚，一定要加點辣，吃不了辣的朋友可以點小辣，想吃酸辣魚可是又不吃辣的，那就點不辣吧！我不是開玩笑，他們家的酸辣魚好大一「盆」，超多魚片，酸菜份量也不少。口水雞沒得選辣度，所以建議如果不吃辣的同學，可以點其他的食物，口水雞就不要嘗試吧！口水雞底部鋪滿青瓜，青瓜吸收了麻辣汁，非常入味！