十二味 (謝斐道)

營業中

休息中

食過呢間幾次，乾鍋，酸菜魚，水煮都好食，而且好大碟，調味都好正宗。不過今次碟回鍋肉真係四個字形容曬:肉乾菜油!油太多啦，個碟底一層厚厚的油浸住d蓮藕，豬肉抄到乾曬好硬，真係食唔落(如圖)，請商家改善一下，繼續努力💪🏻

五個人 四道菜 五碗飯 飲品有剩 埋單先係$900零但個個都係勁飽 又好食酸菜魚(3-4人）必點好大份 魚香嫩滑 量夠 酸菜十分多夠酸夠麻 唔會太辣 湯送飯 超級正乾煸肥腸 係豬腸 辣度適中無影相 咬落去香口 豬油爆炸 又唔會覺得好油膩勁好送飯 可惜份量偏少 每人兩舊左右完左 可能6個人要點兩份 辣椒就十分十分多啦🥲水煮肥牛份量足夠 有油墨菜 同薯粉係底🤤 吸晒d味 牛肉亦好夠淋 唯一缺點實在太辣 小辣都好辣 搞唔掂 尤其辣椒籽遍布搞到要洗一洗酸菜湯 先食到篙筍清甜 大碟 保持水分 正嘅特飲好大杯 夠兩個人share 抵嘅會encore！！！

依家在銅鑼灣番工，成日要諗食d 咩😆有日行過十二味都幾多人排隊就試下啦！！平均一個餐70 蚊左右，同同事share 食，試到多一款！我就揀左酸菜魚少辣，佢個湯一d 都唔油，仲好有之前在內地食ge 感覺！我平時食開譚仔十小辣，覺得呢個辣到岩岩好！而且佢係有勁多魚！同朋友唔洗爭食！個湯又好飲😆😆另外個款係牛肉黎，但加得太多肉鬆粉，口感好怪，反而入面ge配菜蓮藕好爽脆，其他配菜都好入味。美中不足係無港式凍飲，得可樂同維他檸檬茶，而且冷氣勁大，夏天去都覺得好凍，大家記得帶褸先好去！

以前未Work From Home嘅時候已經好中意黎呢到食lunch，一人份量剛剛好好過夠曬數👍🏻估唔到今次order dinner 都幾抵食👍🏻-▪️經典香辣鍋$40必須選擇5️⃣款配菜👍🏻我就選擇左萵筍(+$28)、蓮藕pian($28)、雞翼($38)、嫩牛肉($52)以及花菜($28)。萵筍爽口新鮮，厚度適中；蓮藕走油炸過，非常惹味，推薦👍🏻；雞翼係勁入味，超級滑嫩嘅孜然味單邊雞翼，為數不少；牛肉用鬆肉粉醃製，不過都好好味，份量超級多🐮；花菜就比較遜色少少，可能因為佢係先煲過再mix，會比較淋身得制🥲叫左大麻中辣，勁惹味正！題外話：超級少辣椒，全部都是配料👍🏻出色呀！▪️涼拌土豆絲$40呢個估唔到蒜味十足，如果就咁叫可能會覺得略為淡口，但依家剛好中和香鍋嘅辣勁🌶️

同同事係呢頭收工一齊食個午餐，佢好鍾意食十二味嘅酸菜魚，發現原來灣仔有分店，即刻去試下。 佢哋有午餐套餐，分別叫咗川式口水雞同酸菜魚一齊share，套餐包咗一包紙包野飲同前菜，前菜係木耳。口水雞一上菜見到好大碟而且唔係鋪左好多青瓜係底扮有好多雞👍🏿雞件都唔細但略嫌有啲唔夠入味，開頭一兩件雞食入口好香但唔覺辣，係愈食愈辣🔥，不過朋友好食得辣就覺得唔辣。酸菜魚有好多魚塊仲要無乜骨，湯底入口唔會好咸同好酸，我唔鍾意食酸都大讚好味。而朋友十分喜歡食酸菜，佢話呢間分店無佢平時食開個間咁入味，但都好好食～分量一啲都唔少，食到好飽啊，滿足！

第一個感覺幾大份.魚有好多塊.比預期多.而且好滑我叫了小辣.對我來說適中.酸酸地.好開胃.連湯都好味建議食得辣的人叫中辣小食雲耳也不錯如果免費飲品有多些選擇就好了

夏日炎炎，就想吃一點開胃的食物。在友人推介下，於是下午時間便入了十二味酸菜魚。可能是下午時間，店內食客人數不太多，只有兩三檯。店內是用電子方式自行下單，我們點了大份酸菜魚、炒土豆絲和冰粉（因為不太能吃辣，冰粉可以解辣）。酸菜魚魚肉滑溜，湯底方面夠酸，而且上面的花椒等配料十足，調味不錯，底下有一些闊薯粉，吸收了湯底，很入味。若魚肉份量可以再多一點會更好😝炒土豆絲點了不辣，味道不錯，醋味酸酸的，很開胃。最後冰粉不算太甜，實在是解辣恩物～

有日起身突然好想食辣嘢，好想食酸菜魚，所以就嚟十二味食晏。呢度午市套餐價錢平，而且食物質素同晚市一樣咁高，所以好抵食。餐廳係要自己掃枱上QR code自助落單，落單時可以揀辣度。點咗一個酸菜魚同一個全素麻辣香鍋，午市套餐包埋凍酸梅湯，另外一杯加錢轉桂花冰釀，呢度啲桂花冰釀好好味。酸菜魚一上枱就好香花椒嘅麻香，揀咗中辣食落夠晒辣。金黃色湯底加埋酸菜好啱撈飯食鱸魚片滑溜而且近乎完全無骨，雖然午市價錢平過晚市咁多，但魚片份量都唔少，好抵食全素麻辣香鍋有蓮藕片、土豆、油麥菜、脆黃豆、大豆芽等等。辣度揀咗中辣好夠麻辣好惹味。除咗辣味仲食得出有多種香料，而且好有鑊氣整體嚟講午市食物質素同晚市一樣，所以午市好抵食

一行四人，有一位朋友去左攞位先，點知待應聽錯左做八位，因為一直空唔到咁大張枱，就俾哂啲位後面嘅飛先。我哋三個到左諗住問下等候時間先發現呢個烏龍，白白浪費左等候嘅時間，如果唔係都唔知食唔食得成。仲要依家只可以食到10點，大大縮少左飯聚時間。搞左半個鐘可以入啦，我哋已經預先寫好哂要食咩，一入就落單。叫左個熱鍋、紅糖磁粑同酸菜魚，明明寫左紅糖磁粑後上，但第一道就上左，咁個刻我哋肚又餓又費事浪費就算數啦。食得出佢應該係即炸嘅，外層脆，但內層又保持到煙韌熱辣辣，唔會炸到硬左一舊。之後上熱鍋，我哋叫左大辣，佢個麻辣都唔可以睇少，辣到落喉嚨同胃，不過對食得辣嘅人黎講係過癮嘅，但都要一路飲野解辣，佢有啲大大杯差唔多成500ml嘅野飲可以嗌，可以同fd share或獨食都得。不過略嫌個鍋有啲太乾，尤其係我最愛嘅腐竹同肥腸，有幾次差啲乾到吞唔落卡住左喺喉嚨，肥腸仲好多時得翻個皮，冇左啲肥膏，完全係缺失左個精粹。由於前兩樣都好快上菜，但酸菜魚就遲遲都未上菜，於是我哋check單，點知原來冇落到。明明落單個時侍應覆左一次單，點知都係漏咗，仲要嘢飲都上錯咗，服務質素真係要改進下先得，我哋呢枱都錯左四次啦。唔知係

晚上突然想吃小龍蝦，剛好樓下就有一間十二味、於是便下樓來買外賣。晚上八點左右，店內繁忙時間，服務員態度極差，當我詢問外賣什麼時候會有（當時等了大概二十分鐘左右），女服務員選擇無視我的說話，沒有任何回應。另外，排在我後面買外賣的人，和外賣送貨員，外賣編號排在我後面的，都能夠比我先取外賣，肚子已經好肚餓，看到這些更是火滾！就算味道再好（何況都唔係咁好），仍有很多間辣菜可以選擇，不是非你不可！老闆，請你提升服務質素，和店員管理。以後外賣，堂食都不會再來這間分店，亦都不會推薦比朋友

第一次去呢間十二味，個女店員嘅服務態度真係好差我地六點半入座，差不多七點二十分佢就好不耐煩咁樣來催食快d，問題係小龍蝦都啱啱上，買二送一，可以食得幾快？隔離檯早過我地入座，傾計傾佐一個鐘，嘢食又唔嗌，都唔見佢出聲。食食下又見到果個店員望過來，真係好鬼乞人憎，食餐飯都食得唔安樂。其他分店d服務真係好過呢間太多。仲有衛生環境堪憂，見到好多小飛蟲係度飛來飛去，飛飛下又停係d餐具上面，大家如果想食十二味，都係選擇其他分店好過。

我對酸菜魚要求勁高，呢間當然做不到最好味個d,但都唔差既...味道都夠濃，但方方面面好似都差左dd，如果未食過酸菜魚的話一定已經好滿足架啦！今日同朋友去食，佢地都已經覺得好好食！！所以真係可以一試架👍🏻👍🏻另外叫左粉萵筍，走油完後好多油😂😂但個萵筍本身都幾甜，除左油太多 成碟都是油之外，都幾好食的！👌🏻仲叫左一個乾煸肥腸！肥腸被炸得好乾脆，所有油都逼晒出來！一點肥膩嘅感覺都沒有，推薦呢道菜👍🏻👍🏻👍🏻

服務態度極差！員工歎慢板，十問九唔搭！落單亂七八糟，要自己scan QR code落單！我係第一個客人，等半個鐘，其他人order陸續出來，無我份。叫佢地追單，無下文，再叫另一個追，佢話等等，然後又係無下文，無人回頭同我講番究竟情況係點樣。食肆真係以為好食就可以放任員工唔認真招待客人？？？老實講，唔特別好食！只係一般，雖然唔差。今時今日，咁嘅服務態度，無下次！

又係口痕好想食酸菜魚，今次搵到呢間係銅鑼灣同灣仔之間嘅餐廳。裝修同環境感覺都好似內地嘅餐廳，而且落單都係用手機落。咁就一於試吓係咪好似內地酸菜魚咁正宗😆四個人叫左一個人見人愛酸菜魚$228，不過佢唔包粉條，要另外加$28。本身嗌左一份但係黎到份量唔算多，而且我地四個都係粉條愛好者所以加多左一份。整體味道同內地相似，不過唔夠辣，價錢貴左但份量又唔及內地多。另外叫左幾個小菜質素都係一般正常。我地另外叫左桂花冰釀，$28杯但係好細杯🥲銅鑼灣都幾多食酸菜魚嘅地方，如果係同朋友食飯傾偈，以份量同環境黎講我覺得可以再試下其他選擇，希望價錢或者份量可以調整下。

衣間想試好耐，一直無機會，今日行完山喺衣邊結束就順路來試下。2點但店也很多人，剛好有一張枱，所以等了不久就入左去。手機落單，方便快捷，我們叫了兩個午餐，一個係水煮牛，另外一個係酸菜魚，另外再點了蔥油麵同皮蛋。皮蛋第一到來，幾靚，同平時喺第二間食嘅唔同，衣隻皮蛋透明的，沒有黑色皮蛋嘅味道。中間辣椒味道唔錯，餸飯好正。之後酸菜魚，午餐set 有飯同飲品，68蚊幾抵食，酸菜魚好大盤，入面有雞脾菇，萵苣，大量酸菜，魚也不少。味道我叫左中辣，不過都唔太辣，味道是不錯的，68蚊其實幾ok,可以再食😋佢配個飯我就覺得太生米，仲有杯飲品桂花冰釀，幾特別，亦解辣，不過太細杯。蔥油拌麵，沒有什麼特別。水煮牛肉等了很久也沒有，追一追佢地話整錯左外賣，我地照要喇。不過朋友說麻麻地，入面無咩餸。lunch set 都係配白飯同有飲品。可以為酸菜魚再食，下次叫大辣🌶