十二味 (香港仔中心4期)

營業中

休息中

📍十二味 (香港仔中心4期)香港仔南寧街11號香港仔中心4期地下7號舖———————————————酸菜魚 (加粉條) (午市套餐)(💰: 78 hkd) (+$28 hkd)嚟到當然要叫餐廳嘅鎮店招牌- 酸菜魚🍲💖 我哋只係叫咗午市套餐嘅酸菜魚，點知上菜時發現都幾大盤，我諗如果兩個女仔分嚟食可能都足夠呢😛酸菜配上嫩滑嘅魚片絕對係最佳配搭❣️ 魚片份量足夠， 塊塊厚切，食落好嫩滑，好香魚味但但又唔會腥，超高質😍其他配料包括萵筍、杏鮑菇片、蓮藕、蘿蔔等… 湯底方面我哋叫咗小辣，辣度其實都已經幾足夠，有好香嘅花椒八角味，但又唔會太麻太鹹掩蓋咗主菜，配上煙煙韌韌又吸湯嘅粉條，食到我哋停唔到口😆麻辣香鍋 (田雞) (午市套餐)(💰: 68 hkd) 老實講我從來冇食過田雞🫣但因為同行友人堅持好想試，我唯有完佢心願叫嚟試吓啦… 本身我諗住淨係食佢啲配料，試吓佢嘅烹調手法就算，但朋友堅持話其實田雞肉同普通雞肉冇咩分別，仲要更加嫩滑，咁我都試咗一兩舊🙈😛食落肉質的確幾似雞肉，唔會太鞋口，完全個香鍋充滿住辣椒花椒等配料，食完仲股麻麻辣辣既後勁，都真係幾惹味～ 配料方面，有啲土豆絲、蓮藕片、雲耳同埋菜等

今日午飯時間同同事一齊由黃竹坑去香港仔搵食，見到呢間食川味嘅好吸引，有午市套餐，辣度可以自選，入去試下。酸菜魚 $78我地唔食得好辣，叫咗小辣。份量都幾大，d湯金黃色，好鮮甜，少少酸少少辣飲落好醒胃。魚片好鮮嫩，白雪雪，完全冇骨。配菜有萵荀，杏鮑菇及大量酸菜。每個餐配一個白飯。跟餐飲品係紙包檸檬茶。我加$8升級咗100%椰青水，清甜。牛肉麻辣香鍋 $71呢個勁大碟，我哋點咗走辣。味道好有驚喜，超惹味個醬料，唔係平時食開嘅味道，唔識形容，好香口，炒得好有鑊氣。材料豐富有爽口大豆芽，爽脆蓮藕，粉粉的薯仔條，及嫩滑牛肉，佐飯一流。乾扁四季豆 $55 呢碟同樣走辣，又係佐飯之選。欖菜肉碎好惹味，四季豆經走油好香口，爽嫩。紅糖糍粑 $48新鮮熱辣炸起，糍粑外脆內軟糯QQ, 沾上紅糖及黃豆粉，香甜美味，食唔停口嘅甜品。就算已經食到超飽，我哋都食晒。我地兩個人叫咗3個餐，眼闊肚窄，加上佢分量超大好抵食，要打包。仲買咗支辣椒油，又食又拎，超滿足。另外，我見隔籬枱飲品升級左特飲柚子茶同埋荔枝玉露，勁大杯，勁誇張，下次來一定要試吓。

正宗四川菜館「十二味」之前在香港開了不少分店，最近香港仔開新店。餐廳有多款小菜及小食，其中有招牌酸菜魚、辣子雞、牛肉香鍋、毛血旺、辣椒黃金皮蛋、口水雞等，款款都辣得惹味，作為辣愛好者一定要叫個外賣自取返屋企試啦！人見人愛酸菜魚用上三種不同品種的酸菜混搭而成，口感爽口，味酸甜，魚質嫩滑。霸王辣子雞用了紅辣椒乾、花椒、薑蓉和葱，紅辣椒主辣、花椒主麻，一打開彌漫住一陣辣味，辣子雞脆卜卜，啖啖肉，滑溜惹味。

好耐冇食辣野，同朋友聚餐就簡左食川菜。我地叫左個酸菜魚，毛血旺同埋麻辣香鍋，味道好好。毛血旺入面好足料有金錢肚，午餐肉，魷魚🦑，油麥菜，萵筍同埋豬皮，d食材好入味。酸菜魚魚肉滑溜溜又冇骨，唔洗驚唔識lun 骨🦴香鍋配菜係自己配，我地咩都想食，加加下都唔平，但係勝在份量足，起碼唔會俾人感覺又貴又少

處女作,我係一個從來唔寫食評嘅人,正所謂好又一餐唔好又一餐,但係今次忍唔住真係要爆啦,話說今日同個女同老婆去食晚飯,老婆話想食酸菜魚,咁就去咗香港仔12味,我老婆點咗個酸菜魚,我點咗個香辣鍋,我個女點咗個麻婆豆腐!都預咗佢啲嘢好大份食唔曬打包拎走,到埋單嘅時候,叫個服務員幫我打包個香辣鍋同埋麻婆豆腐!個服務員第一句嚟到話兩個盒收四蚊,我話唔緊要,麻煩幫我打包,佢同我講話佢哋唔會幫客人打包嘅,因為我哋坐張枱好窄,自己打包好麻煩!我三個人食飯食咗七百四十幾蚊連加一,心諗,落單已經係電話落單,連打包都要自己打包,原來加一服務只係需要上餐其他乜叉都唔使做!最抵死嘅係同佢講,佢話如果你真係有要求嘅話佢係都會幫你打包嘅!我話我已經講到明係真係有要求㗎喎!佢話佢態度都好好呀,我話我態度都好好呀!我冇發脾氣呀!我話我唔明點解你唔肯同我打包咋嘛!佢跟住就同我講佢話佢喺度做咗半年都未試過同客人打包喎!我話咁我冇嘢講喇,轉頭就走!講真呢間嘢我都食咗好幾次,但今次係會係我最後一次囉!

星期一至日都有午市套餐 價錢由$48-$78不等 份量十足 十分抵食🥳.▫️酸菜魚 ($78)叫左小辣 食落酸酸辣辣好開胃 魚好嫩滑無草味 份量好足😳▪️川式口水雞 ($65)麻辣控制得岩岩好 好香口❤️雞肉實淨吾會霉！▫️川香回鍋肉 ($68)呢道菜好惹味 有蒜苗炒開回鍋肉 有少少辣味！▪️乾煸四季豆 ($55)份量十足 四季豆炸後超香口 但又吾會失去甜味 送飯一流▫️柚子茶 (+$8)勁大杯柚子茶😱😱😱😱😱😱超抵飲

同朋友去完南丫島玩，落船已經好肚餓，就諗住去香港仔搵啲嘢食。行咗幾條街都好似冇乜嘢特別，大家都想食辣嘢就試吓呢一間，估唔到有意外驚喜。坐低先知道呢間原來係連鎖店，好多人喺裏面食酸菜魚，不過我唔啱，所以就叫咗呢個乾鍋。乾鍋裏面炒嘅材料，全部都係自己選擇，即係裏面所有嘅嘢都可以揀自己鍾意食嘅。我個評語係夠辣同埋香口，雖然望落去真係好唔健康，但係間唔中食一餐半餐冇問題嘅。最令我感動嘅係，我哋叫咗其中一樣材料係鵪鶉蛋，佢地唔係就咁放啲鵪鶉蛋落去炒，連鵪鶉蛋都係炸過然後先炒，多一重口感，亦都更加香。不過可惜嘅係，年糕係同一個炮製方法，先炸後炒，但係就炸得太乾身，所以比較硬。

以前成日返深圳食川菜，自從十二味開左，唔使返上去都已經有正宗嘅川菜食lu~ 餐廳位置好方便，喺正香港仔中心對面。✨ 人見人愛酸菜魚 $258呢度嘅酸菜魚係必點的！湯底用咗豬骨、鰂魚同鱸魚骨熬製而成，加入唔同辣椒包括天椒、花椒、原串青花椒等，辣椒層次感豐富。酸菜魚味道鮮甜且酸辣麻香，完全唔會覺得油膩。餐廳選擇食材用料講究，特別用咗二十個月雲南老埕酸菜、四川酸菜同廣東鹹酸菜炮製，酸味獨特。鱸魚片非常嫩滑，份量好多，無魚骨。墊料亦好足料，有萵筍、白蘿蔔等配料，蔬菜吸哂所有酸辣湯嘅味道，令人回味！✨ 經典香辣鍋 $218麻辣香鍋既份量都好大，我哋揀咗花菜、蓮藕片、美國肥牛、蝦球、四季豆五種配料。配料非常足料、炒得好香口惹味！香辣鍋有唔同辣度🌶️（小、中、大）選擇，我哋揀咗小辣都算幾辣 🥵 ✨ 熱情果梳打 $28熱情果梳打入面有啲熱情果籽、熱情果醬、青檸，酸酸甜甜，食辣野配呢杯特飲真係一流！餐廳仲有電話充電器租借服務，真係好貼心，第時食嘢玩手機都唔驚玩到冇晒電喇！

講起想食香辣鍋 都會諗起連鎖店品牌十二味今次入到嚟香港仔都見到有分店呀！經典香辣鍋可以任意選擇配料 5款以上起炒叫咗豬頸肉、牛舌、土豆、萵筍、花菜好香好有鑊氣！份量俾得好足！每次都鍾意膽拖土豆同花菜 真係炒得特別好食！中辣程度辣得好好味 麻香味夠濃 又唔會太油同埋真係要叫返碗白飯 實在太香太下飯啦陳皮鮮菌牛肉牛肉偏甜味 質地好似一種牛肉乾零食鮮菌片都好入味甜甜地 夾埋係幾特別嘅小食特色飲品都好大杯低飲熱情果梳打酸甜清爽又解渴 比較推介 慾望酸梅就略淡咗少少 再酸啲就夠perfect

呢度嘅午市套餐好抵食而且我又好鐘意食酸菜魚 成日經過都好想試 但每次都好多人等位今日終於避過最繁忙時間 見唔算太多人終於有機會可以試吓🥰人見人愛酸菜魚 🐟-小辣🌶湯底鮮味香濃魚肉份量都唔少厚肉又嫩滑 完全冇骨 啖啖肉味道酸酸辣辣 我哋叫咗小辣唔算好辣配料仲有好多酸菜同萵筍 菇片送飯一流川式口水雞 🐓-小辣🌶又麻又辣小辣都已經幾辣 但好惹味雞肉嫩滑 雞皮都幾爽脆 辣涼拌土豆絲🥔土豆絲爽脆 麻麻辣辣 好開胃嘅前菜蔥油拌麵每條麵條都掛滿蔥油醬汁好香口 唔算太油膩紅糖糍粑必點❤️我最鍾意嘅紅糖糍粑即叫即整 熱辣辣上面沾滿黃豆粉 外脆內煙韌 沾埋紅糖醬食 香甜更滋味 好味☺️套餐加$8可以轉飲熱情果梳打大大杯 好啱食完辣嘢飲解辣又解渴真係好抵飲❤️

食川菜，必然諗起既其中一個招牌就當然係十二味中式傳統招牌裝潢，啲燈籠🏮都好有feel，香港仔分店裝飾仲好新好有特色，淨係個霓虹燈牌已經好吸晴行入去聞到啲花椒麻辣味已經開胃，餐牌最主打自選經典香辣鍋、酸菜魚、烤魚出名又吸引，其他熱食川味小炒、冷盤都有，電話落單，服務幾好先叫酸菜魚，因為太想食，諗住唔夠先叫其他人見人愛酸菜魚上枱，超大盤，佔左半張2人枱好香，以為係個盤大好淺，錯晒，真材實料超足份量啲魚多到驚人，真係驚人，粗略估計至少二十片，而size都同一般食既酸菜魚好唔同，好大塊厚肉最大一塊有半隻男仔手掌咁大先食魚片，好入味好正，肉質鮮又滑，真係啖啖肉，其實睇size都知係鱸魚，配埋肉質口感，靚鱸魚好好味，立即黎勞蘇食推介食法 —— 酸菜+魚片+米飯成啖放入口就係滿足，辣味正宗香料又足，好爽被魚片驚艷完食左半碗飯，開始試真啲配料，首先當然係個湯，聽聞用左幾款酸菜、豬骨、魚骨煲，香料十足，一睇一聞就知真係「金湯」，飲落唔會太咸或太辣，又酸又香幾正就試埋酸菜先，食落魚味都好濃，酸得幾爽，又會好想食飯，配金湯一面飲一面食都唔錯仲有萵荀係入面，川菜梗要食萵荀啦，幾腍同入味仲有菇添，配料都好多好豐

有好幾次經過「十二味」都見大排長龍，無入到去試。今日難得12點前去到，唔使排隊就有位喇。我同朋友叫咗兩個套餐，一份口水雞同甜品。套餐性價比超高，主菜份量大，而且會跟一碗山仔咁高嘅白飯，另外可（+$8）選擇特色飲品。餐廳係用手機落單，菜式可以選擇辣嘅程度，飲品亦可以選擇甜嘅程度，同埋冰嘅多少， 十分方便。前菜有免費嘅涼拌土豆絲，薯仔爽脆，麻油味好香。🐓口水雞 （$73）賣相吸引，似西餐擺盤。雞肉剛剛熟，新鮮嫩滑。難得雞皮爽口，一D都唔肥膩，秘製醬汁惹味香濃。🐟酸菜魚套餐（$78）酸菜魚片大大片，魚肉唔腥又無骨。湯底有菇片同萵筍片，酸辣程度適中，味道鮮甜。💚乾煸四季豆（$55）四季豆炒得乾身，而且有鑊氣。肉醉及乾辣椒份量頗多，餸飯一流。🍹桂花冰釀（+$8）有桂花清香味，唔會太甜，可以解辣。用一個小酒瓶裝住，好別緻。🍹慾望酸梅（+$8）被飲品個名吸引😍飲品好大杯，應該有500ml! 味道酸酸甜甜，有D似洛神花茶味。🍬紅糖糍粑（$48）新鮮炸起，熱辣辣。外脆內軟又煙靱。外面灑上微甜黃豆粉已經好好味，再淋𠹺黑糖糖漿更加甜蜜滋味。「十二味」食物令人吃得開心滿意，難怪人氣旺盛！值得一讚嘅係店員就算做

早幾日同屋企人食飯，屋企人指定想食酸菜魚，所以就去咗屋企附近新開嗰間川菜試吓！呢間舖頭係周圍唔同地方都有分店好方便，而且菜式選擇都幾多，不過因為今日生飛滋，所以就試吓食冇辣嘅酸菜魚，睇吓同平時食嘅有咩分別。我哋今次帶咗個二人份量嘅酸菜魚，估唔到一上枱超級大碗！裏便材料都好豐富，包括有萵筍，白蘿蔔同埋杏鮑菇等等，我哋特地仲加入咗寬粉，增加飽足感。講返主角先，酸菜魚裏面嘅魚肉超級滑溜，而且唔會有骨可以安心食用。湯底方面因為係唔辣嘅關係所以顏色都好清澈唔會好油膩。而且因為無辣所以令到其他香料嘅味道更加突出，我最欣賞佢加入咗蒜油，蒜油嘅香味配合返魚肉或者酸菜食用超級香，絕對唔會因為冇辣而令到口味好淡。餐廳嘅飲品方面都好出名，我哋今次叫咗熱情果梳打同埋柚子茶，一送上枱就俾佢巨大嘅size嚇親，估唔到20幾蚊超大杯，係性價比之選，如果食水煮魚或者辣味酸菜魚就啱晒。總括嚟講呢間餐廳啲質素都唔錯，大家如果想食水煮魚或者酸菜魚都可以試吓！

午餐時間又出香港仔覓食，同事話想食啲開胃嘢，於是就上openrice睇吓有咩好揀，見到十二味午市套餐幾抵，於是就出發去十二味試吓。一去到好好彩，前面無人排，咁啱又有張4人檯埋單走人，咁我哋5個就照坐住先，好彩啲位算好坐，5個坐4人位都唔算太逼。落單要scan QR code，我哋叫咗麻辣香鍋(田雞)、回鍋肉、口水雞同埋兩份酸菜魚，碟碟份量都算多，我哋最後都食唔曬。每樣都叫咗少辣，我本身唔係特別好食辣嘅都頂得順，唔算太辣，每道菜都好開胃滋味，魚嘅份量都唔會話少過酸菜好多，算係抵食。唯一要彈就係跟餐送嘅檸檬茶係唔凍嘅，真係有冇搞錯，食辣嘢無杯凍嘢飲真係好難頂。食到咁豐富，最後埋單都係每人$72，川菜嚟講真係算好抵，下次絕對可以再幫襯。

香辣口水雞我鐘意午餐時間又曬又熱但係無阻我出去搵食又行咗去香港仔嗰邊搵食突然間好想好想食雞但係唔係炸雞亦都唔係啲西式嘢嗰啲行吓行吓見到呢一間舖望到口水雞我就即刻衝左入去平時都好鍾意食水煮嘅嘢食望到水煮乜乜啊呢啲都好吸引但係因為天氣實在太熱驚食完個人㷫烚烚會中暑所以最後揀咗食口水雞午餐時段佢嘅嘢食係會比較實惠個口水雞飯都只係$65一碟雞一碗飯同一包紙包飲品我今次就叫咗小辣已經覺得味道夠晒香夠晒辣鍾意食辣嘅朋友一定要黎試個雞仲有青瓜喺個底嗰度萬一覺得太辣食下青瓜又可以解辣食下食下唔覺我已經食晒成碗飯啲汁好好送飯唯一一樣嘅缺點係得我自己一個出去食飯唔可以叫到成枱都係嘢食我真係好想好想搵到個朋友陪我食午飯啊