十八座狗仔粉

營業中

休息中

今日同事帶我食元朗好野，元朗18座，話個度好出名食狗仔粉，環境比較舊式鋪頭，好有懷舊風味，圓摺枱圓摺凳！大大碗狗仔粉，圓圓地細細條既狗仔粉口感煙煙韌韌好特別，面頭會放左好多蔥芯同菜圃粒，撈埋一齊食好香既蔥花味，菜圃粒爽爽地口感好好，同埋味道又好夾，配埋濃郁既湯底都幾好味，驚唔唔夠味枱面仲有辣椒油同菜圃可以自己再加！呢到仲有碗仔翅食，一樣大大碗好足料，豬肉絲，木耳，味道調教得好好，色水又靚，加埋醋一齊食，味道更加出更加正！更多兩罐汽水，就成為我地今日既lunch，都唔錯！

有一排經常食， 但可能厭左就停左一排， 琴晚去到元朗諗吾到食咩又見甘耐無食就去回味下啦叫左個大狗仔粉、魚肉湯翅仲有魚皮餃，狗仔粉都仲係吾錯， 魚肉湯翅都好好味，魚肉都好彈牙魚皮餃吾好食， d皮個口感好怪，同平時個d吾同， 可能食慣平時d魚皮餃掛 個醬味道都吾錯👌🏻

元朗入夜甜品店多，但宵夜想食少少鹹野只係諗到b仔魚蛋腸粉雞翼尖，但係又唔多想食喎，突然醒起仲有狗仔粉會開到好夜。$20有碗細嘅狗仔粉算係可以滿足到我想食鹹味嘅宵夜嘅慾望。狗仔粉湯底一般，味精重，質地偏粉，似煮得太腍身。細碗嘅份量唔多，我一個女仔3min都唔使就整碗清晒不過好彩有得任加菜甫，有辣有唔辣，可以吊吊味。至於呢度嘅服務....就係無服務。

十八座狗仔粉係深水埗旺角都有今次第一次係元朗食 梗要試試佢個個狗仔粉啦 依舊好夠味 最鍾意佢隻配菜 朋友食辣 有隻辣既配菜覺得佢辣得好入味tim燒賣 佢隻燒賣都好夠味 有d似鯊魚燒賣 d辣油又夠香今次試埋佢隻炸丸 有牛丸 墨魚丸 貢丸 同魚蛋全部都即炸 好香 每次丸都好好味又彈牙😁碗仔翅就一般 可能天氣太熱冇咩心機食熱野😰😰但呢餐宵夜總括黎講一流😁😁

好耐先會入元朗一次，我係九龍人嘛，元朗真係有d遠，今次特登入黎，係因為朋友仔日本時裝店新開張～俾下面撐下場，順便睇下有咩買有咩食～元朗多好野食就唔在講，由其日本野，但本小姐今日對西餐，中菜同日本野冇乜興趣有冇d地＂某＂D架，即係魚蛋，碗仔翅果d垃圾但又神聖嘅食物呢行過見到＂十八座＂，本身旺角店都想試，我上以仲俾男友笑我講錯＂十四座＂添！狗仔粉嘅味道同湯底一般，粉質亦未如想像好吃，好在有勁辣秘製菜莆吊吊味～大雜繪～粉量少，大大件蘿蔔，其他細細件，個計大鹹黑白炸丸～牛丸炸得太乾身，白丸爽口魚蓉燒賣～普普通通的魚皮鮫～味道似係四海果隻，幾好食本身仲諗緊試唔試俾翅滾鴨脾，好似好吸引，但呢間野，考慮下仲有冇下次先⋯

有時夜收工唔想食飯太多，可以食下D小食，試下呢個鴨肉碗仔翅，佢好足料，我最鍾意既系裡面有好多黑木耳，鴨肉佢系用左燒鴨黎整，食落口有燒鴨香再加上爽口既黑木耳，好配合

元朗有好多野食～十八座狗仔粉，聽就聽得多，雖然其他地方都有分店，但今日都決定試下～就咁睇d圖，好似真係唔錯～因為想留肚食其他野的關係，只係叫左個細的狗仔粉試下～原來狗仔粉好似將一d粗的上海面切開細細段咁～就咁食好似食緊粥咁～因為有冬菜的關係，唔會好淡～因為個粉係好淋的，再配冬菜，就有得咬下喇～仲食到冬菇味～呢個黑白炸丸，真心失望，熱係好夠熱，但炸到好乾～而且唔係好食到丸的味道～如題，試過一次就夠了～

老老實實，依家香港真係冇乜邊度有狗仔粉食，咁響冇乜選擇之下，呢間打正旗號賣狗仔粉嘅，難怪咁受歡迎。十八座狗仔粉見過有好幾間分店，深水埗，佐敦都見過，今次試元朗呢間，響又新街附近，交通都方便，座位算多，等左一陣就入得，不過阿姐好似好忙，叫左兩次都唔應機。不過事實上，佢哋嘅狗仔1粉又真係整得好食嘅，味道較得啱啱好，最鐘意就係就肥豬油渣，咬落去好香口，不過得兩粒仔就少左啲。次次都係食細碗，因為可以貪加埋佢啲小食，有款大雜會係唔錯，可揀豬皮，豬腸，豬肚，蘿白，配埋佢嘅千味汁，堅係好食。(雙拼13，四拼23，大四拼33)。可能因為太夜去，原本想試埋佢哋嘅火鴨翅，但已經賣晒，賣點係0分鐘即叫即滾，睇相賣相係唔錯，23蚊都唔算貴，下次真係要試吓!

第一次食狗仔粉，我諗都有20年前 ，響長沙灣(新)邨地下啲小販檔食過，果種感覺好似依家都仲記得之後好耐都冇食過了，直至近年有十八座狗仔粉嘅出現，令我可以食返以前嘅味道。每次行開深水埗呢面，都會過嚟呢間食，地點方便，響正高登商場斜對面，其實成條街仲有好多出名食店，好似劉森記，維記豬潤麵等等。十八座狗仔粉賣嘅食物唔多，主打嘅招牌菜狗仔粉，有大碗($27)同細碗($20)選擇，最欣賞佢哋係個湯料咪味道剛剛好，唔會過咸或冇味，食完唔會好口渴，唔飲水都得。大家一定要落秘製蔥菜同辣炸菜，吊味啱啱好。除咗狗仔粉，仲有火鴨翅($22)，佢哋係會用成隻鴨髀落去滾，即叫即製，食到翅又可以大啖大啖食肉，超好飲。但其實佢哋啲嘢都唔係太飽肚，不過呢真係食極唔厭呀!

當日我抱住期望的心情, 去試食懷舊小食"生菜魚肉湯", 點知中伏了 一碗本來平價的生菜魚肉湯, 突然加了冇味的仿翅. 想山雞變鳳凰, 真是有點無言. 整體上魚肉鬆散冇魚味, 湯底淡, 應該是雞粉下得太少. 好彩生菜算是新鲜但價錢$27確是太貴不值, 不會再去了.

天氣轉涼，晚飯前總想吃點東西暖暖胃。自從在銅鑼灣的期間限定店吃過就愛上了! 經過剛入選米芝蓮推介街頭小食的它，當然要繼續支持。外賣價錢大小劃一$27，煙韌的狗仔粉，配以稠身但味道濃郁的湯底，加辣菜脯是常識吧? 辣菜脯是隨個人喜好添加的，但不要看輕，少少的已經夠辣，後勁十足。

朋友介紹好正去試下,點知得個貴字無客情況下食物又唔熱,先講火滾鴨脾上菜時只有小小翅係上面,個心凍既寫明下脾又俾人切左上半部,SIZE得返拳頭咁細隻咁細隻都唔整熱俾人,粉仔普普通通不過上菜時又係得小暖暖湯底ok啦,不過我覺得深水埗豬油渣麵好食好多,大雜燴個汁教得好野味杰度剛剛好配咩都好味,不豬皮太硬唔爽豬腸太咸點汁過咸如果淨食都好味豬肚普通蘿蔔正,個汁點魚旦應該一流,總結好多細舖都好食過佢好多,不過唔識搞包裝同宣傳,米之連評價不能盡信唔會再去食

突然好想食狗仔粉,就近近地十八座,味道有點咸,但唔錯,不太軟,味道幾香,怕唔夠飽,點多個火鴨翅,好濃鴨味,太多料,似糊仔,但又幾好味,不過呢到食品有個共通點,就是比較濃,食物一般可以,服務正常冇服務

狗仔粉..又名粉仔, 係上一代既懷舊食物, 依家香港真係少之又少我之所以對佢有情意結, 都係因為細個阿媽成日帶我去食！早排有一間熱鬧非常既狗仔粉店, 經過見無咩人排隊就去試下啦我成日覺得狗仔粉既精粹係係D菜甫到, 如果無左佢成碗野就無左靈魂！而我食親都落人地半罐咁濟, 確實係有D誇張既..火鴨翅係好特別既, 食落好多鴨絲都好足料, 湯頭非常之重鴨味, 好香！叫多左個大雜燴食下小食, 有蘿白, 大腸, 豬肚同豬皮, 小食唔算好入味, 不過佢有個甜甜地既醬, 個人麻麻地鐘意個醬, 覺得有D怪總括黎講都算可以一試, 不過價錢都唔係平！

之從知道做野附近有十八座狗仔粉, 就差唔多每星期都食一次, 佢個粉仔比較杰身, 辣菜脯好正, 不過都幾貴, 一碗都要$28, 佢既燒賣同魚皮餃都可以一試, 唔想食飯既時候係一個好既選擇~