十八座狗仔粉

營業中

休息中

係元朗十八座狗仔粉叫左兩碗狗仔粉 一碗火鴨湯魚肉湯一份細雜燴一份魚皮餃 一入去話叫外賣 都吾知係個啊姨聽錯定我講錯冇叫燒賣 又入埋燒賣比我 又話咩冇燒賣 燒賣要等 又話咩比多兩粒魚皮餃我得吾得都算啦 照要頂 ！食食下有原隻小強真係好嘔心🤮🤮以後都吾去啦！

我以前在佐敦吃過他的狗仔粉， 每個星期必去一次。可惜轉左工作後必沒有吃過了。突然心血來潮，試下外賣送黎食下，以解相思之苦😂😂😂他的水準同以往一樣沒有令我失望，他的菜甫是我每次去一定加的，酸酸甜甜辣辣很好吃😁😁今次仲加多左個牛腩也是一粒，牛腩很淋很入味🤩

十八座狗仔🐶粉💓經過十八座狗仔🐶粉，就吸引左入去食啦💓富有香港特色的街頭小食分2個size,細$❷❷大$❷❾伴著有豬油渣.菜脯.蔥花♥️如果食得辣既朋友仔推薦必落［辣菜脯］湯味濃郁，不知不覺間全都吃掉了🔸魚皮餃$❶❷魚皮餃十分出色，入面魚肉豬肉比例剛好鮮味十足，再配上自家製［千味醬］令到魚皮餃錦上添花💓😆👍🏻👍🏻👍🏻👍🏻

喜歡呢度并非因為招牌菜十八座狗仔粉，而係因為隻鴨下肶，今次再黎……改左名，將上肶下肶改為翅滾飛天脾同翅滾火鴨脾，我地就傻傻地叫錯左~~ 另外仲叫一碗火鴨翅，黑白炸丸，魚皮餃，蘿白。不過今次用餐都唔係太愉快，話說食食下發現有條蟲蟲旭下旭下，真係相當恐怖，唯有搵店員求助，店員都好好即刻換過比我地。雖然我地都唔肯定究竟呢個不知明生物係本來有定冷氣機掉下來定係從邊度黎!!? 我淨係知，見到它，真係乜胃口都無晒~~

十八座狗仔粉:湯底很濃很濃，但是很鮮美，能吃出冬菇和蝦米的味道，粉是用粘米粉搓出來的，由於兩頭尖尖的像狗尾巴所以得名狗仔粉。狗仔粉一上來覺得很平凡啊…無非就是粗粗的面+些菜脯幹，不過吃著吃著就發現原來地下有乾坤，下面有香菇、蝦米、豬油渣、一點鴨肉之類的吧～亂亂的，但其實還挺特別…不過缺點就是鹹，非常咸…我自己加了辣菜脯，真的超級辣！辣得可爽了！火鴨髀碗仔翅:據說是四隻燒鴨熬製而成，每口都能吃到嫩嫩的鴨肉和脆脆爽口的木耳絲，真的超讚！

我黎呢間唔係食狗仔粉，係食生菜魚肉架😆😆因為同朋友已經食左好多野，但係仲想食下宵夜，咁我地就黎左食生菜魚肉啦，無咁飽🙈🙈呢間生菜魚肉真係我食過最好食既一間，因為佢地個湯底係用鴨煲既，好濃好好味！我第一次食生菜魚肉係會飲曬d湯🤤🤤🤤而且佢既生菜魚肉都多，唔會得少少。咁又係既，成30蚊一碗，佢應該都唔會比得少少料你，但加埋個湯底真係值呢個價錢！呢個生菜魚肉真係必試！下次黎我再試試狗仔粉先✨✨

半夜三更老公先嗌肚餓 唯有同佢去搵食 好彩比我搵到救星 十八座狗仔粉✌🏻一黎佢就叫咗兩碗 一碗金絲火鴨魚肉湯 一碗大雜燴咁順便我就痴啲黎食啦火鴨魚肉湯湯底用火鴨殻精煉肉香味住晒入湯底生菜魚肉配上金絲素翅有睇頭又夠飽肚 大雜燴驟眼睇肉台灣甜不辣包括有原味大腸 五香豬肚 清湯豬皮 同埋鮮甜蘿蔔 總共四款 個醬香濃 有啲似沙嗲但帶甜 加上小小辣 好惹味 而且兩碗都有得揀大碗定細碗 宵夜時段建議大家都係揀細碗啦 食飽飽就可以番屋企訓餐好

叫咗個豬雜味道本來幾好，但太甜。狗仔粉一般，太諗pat pat，其他分店整得好食好多。碗仔翅賣相極核突，肚痛痾爛Pat pat咁樣，杰撻撻又難食。但唔知點解大媽店員引以為傲，每5分鐘重覆一次湯底用鴨熬6個鐘。個人認為此店浪費食材及爐火，大媽店員又臭寸，老闆唔炒佢等執笠，可惜連累另一位十分有禮貌又親切既婆婆店員。

元朗小食多不勝數，但要舒舒服服坐下食的店舖不多 十八座是一個好選擇，食物夠平夠貼地每次去都是叫狗仔粉 火鴨翅等招牌食物，今次額外叫左兩款小食試一試🔶千味醬魚皮餃 評分8/10魚皮餃預先煮好，加上自家制汁很快上枱。 千味醬甜甜帶有微辣 把比較淡味的魚皮餃變得惹味🔶黑白炸丸 評分8.5/10黑白炸丸店家預設有四款不同的丸 (牛丸 豬肉丸 香菇貢丸 墨魚丸)。但朋友不吃牛又不吃豬肉丸，問過店員可以只選兩款 yeah☺️ 你我上枱被炸丸的大小嚇怕，因前為即叫即炸的關係， 炸丸膨脹得很大 過了一分鐘回復以下大小。但依然份量相對大，看外表以為會很乾 一咬熱辣辣肉汁爆出

現在已經很少吃粉仔的地方，別說是好吃不好吃了。十八座的出現，是愛吃粉仔的人的救星，它有好幾家分店，裝修格局都差不多十八座狗仔粉可以算是窮人恩物，價錢唔貴，這裡的狗仔粉味道唔錯，湯底濃濃的，湯底加入蝦米，菜圃吊味，有點像糊仔的感覺，配料充足湯底鮮香，加上菜甫，得閒去食一碗回味下魚翅浸燒鴨下肶係第一次咁食燒鴨肶，好特別，加埋魚翅亦幾好食，火鴨的香氣加上大啖的鴨腿肉令人回味無窮黑白炸丸 - 即係炸貢丸 ˴ 墨魚丸同牛丸。即叫即炸，炸得外脆肉彈，好味道﹗

十八座狗仔粉近嚟多咗好多分店，人在元朗有少少口痕，見到有一間分店都幾多人買。既然未曾食過狗仔粉，俾次機會佢，叫咗一份細碗試下。鋪頭入面有兩張枱，剛好可以坐低食。見到牆上仲貼滿晒其他推介美味，例如碗仔翅配鴨腿，今次未有位食。狗仔粉嘅賣點我覺得係個重口味湯底，同埋面頭嗰啲菜脯。狗仔粉個樣有啲似銀針粉，但質地比較接近烏冬，比烏冬再實淨少少。佢本身無乜味道，主要靠落咗鴨肉同胡椒調味嘅湯撘救。枱頭嘅辣菜脯超惹味，令成碗野有層次好多。唔好辣嘅我都落咗兩匙羹。

聽閒呢間鋪好出名，係香港周圍越開越多分店，出面又好少有狗仔粉食，個日心血來潮就入左去試，原來馳名嘅狗仔粉有分大細，我叫左個細嘅試，由於唔食辣嘅關係，無機會試店鋪推介嘅勁辣菜脯。唔洗五分鐘就有得食，碗面鋪滿蔥同菜脯，如果大家唔食呢兩樣野記得要走，唔係嘅話要夾走都幾麻煩。不過其實我都ok,所以直接開始食，菜脯唔算好咸，每次夾少量配狗仔粉味道啱啱好。至於狗仔粉粗幼同長度做得唔錯，幾方便入口。口感方便，軟硬適中，食得出係狗仔粉，同其他粉麵唔同。唯一不足係湯底比較咸，感覺落左頗多味精，個人唔建議飲，否則會太濃。

有晚放工想去尖，但又有啲肚餓。喺間尖隔離見到呢間好sharp。一條友想快食啱晒！地方同裝修都冇啦。街坊野以為平啦…其實真係吾算平！但係好足料！！！好多鴨肉！好翅好thick好入味！ 好香！每枱都有兩罌菜脯。一辣一吾辣。我兩種都試！嘩辣啲隻好辣！好辣！好辣！要講三次！如果你麻麻食得辣，吾好試！不過又真係好味！叫咗份雜燴。好入味！！！係吾夠喉囉…下次叫大份致得。蘿蔔冇渣！大腸又滑！好食！ 第一次幫襯，好味道，當小食一流！

天氣甘熱，真係食咩都冇胃口，反而更多想食d辣野刺激下，甘岩又途經呢間，醒起佢個辣菜莆係唔錯嘅就order返碗火鴨翅，既然係食呢間又冇理由唔加隻脾，當上脾係$22，下脾係$33嘅時候，又真係冇理由唔加隻下脾唔知係咪下午呢個時間唔多客，兩個姐姐出奇地好禮貌，同佢講我想加多d辣菜莆，仲好好口甘冇問題，順便讚下自己嘅辣菜莆出色返到屋企見到菜莆山，心情大好，係辣嘅，但真係好好食...不過點都要講一講，個下脾就真係失色左dd

有次經過旺角，都見到有間，今次就係元朗食。叫左2碗狗仔粉，生菜魚肉，鴨翅。狗仔粉其實我覺得好似老鼠粉咁，不過唔係透明，兩端唔係尖，係平既，幼圓柱體咁。食落口有少少咬口。上面有d菜脯，仲可以自己加枱面上個d辣菜脯，侍應話加左好好食。不過我唔係特別鍾意食辣，所以冇加。生菜魚肉好大陣麻油味，所以香，不過唔駛放咁多都夠味，魚肉一條條厚厚地身，份量多。鴨翅就第1次食，有口感。如果鍾意食鴨既朋友，可以叫鴨脾，侍應話香d，而且有得成隻脾食，好過癮。P.S.建議叫1個狗仔粉試下先，再叫其他小食，唔夠就叫多碗，咁樣可以試下其他野食eg魚蛋燒賣個d都有賣。