十八座狗仔粉

營業中

休息中

我係動物愛好者，所以一定唔會主動叫魚翅食🙅🏻‍♀️但其實我最愛既就係碗仔翅話說我婆婆以前住慈雲山，果度出名有間小食店，入面個個都會叫碗仔翅，係我兒時回憶第一次去18座狗仔粉，當然就叫狗仔粉啦，但個味道我唔鐘意，太多味精喇...朋友話，原來18座狗仔粉最好食既係火鴨翅唔係狗仔粉，天呀，我又點會估到呢？一於試下有幾好食先～見到滿滿既翅羹，食左第一啖就真係好想講-好！好！味！呀！個羹既texture剛剛好，唔太希亦唔太杰最正既係重重既火鴨咸香味，真係第二度食唔到架！另外要超讚既位係佢落左極多木耳，每一啖都"索索聲"架！好有口感！＄30我覺得物超所值！成碗K.O.左！朋友仲話佢最讚既地方係每一間都係一樣味的！抵佢開咁多間分店！

成日都要同男友去鴨記睇嘢同買嘢，所以有時都要係深水埗揾食，今次就去左食十八座狗仔粉了，我地揀左一人一碗狗仔粉再加一個黑白炸丸。狗仔粉本身的由來就係因為啲粉磋同切到好似狗仔尾咁短，所以唔長係佢的特質，再加上啲粉本身的澱粉令到湯"杰"身，十八座的狗仔粉始終都係起家菜，佢係可以做到呢點，個湯都幾濃味，令到啖啖狗仔粉都夠味，不過其實成個食物的靈魂同精神都係啲菜甫，講真係啲菜甫令個湯同狗仔粉生色不少，無佢真係普通過唔普通，但係因為係起家菜，呢家一碗都30蚊，未叫好平，只係有澱粉質，食一碗絕對係有飽肚感的。至於小食黑白炸丸絕對妹仔大過主人婆啦，佢係比起狗仔粉更好食，我個人就覺得兩款丸都唔錯，大大粒，表皮脆脆入面又唔會over cook，所以係真係好食。

劲多明星打卡葛网红店一定要试下j嘠啦。要左狗仔粉，香辣鱼蛋同翅，招牌狗仔粉真系好食。但系香辣鱼蛋真系就系得个辣，没有鱼蛋味，对我哩讲系超辣个只，下次要试下j鱼蓉烧卖。好想偶遇pakho chou啊。

呢間餐廳故名思義係以狗仔粉為招牌菜，黎到一定要整返碗狗仔粉。狗仔粉一定要配辣菜寶先好味。呢間狗仔粉湯底都幾濃味，但好似屯門某間小食店更好味（可能自己有情意結）。

過左12點，周圍都無咩野食。但係又肚餓訓唔著，只好落街行行。平時好少食狗仔粉，都係經過見到無入去食。今日心血來潮，試下個狗仔粉同埋個翅。效率好快，同埋無咩人。熱辣辣唔會凍，幾好唔錯。狗仔粉可以任加菜譜，翅又入味。下次宵夜可以再黎！

平時都鍾意食下小食今日嚟到18座狗仔粉就試吓佢嘅狗仔粉同埋我最鍾意食嘅上脾 上脾都幾大隻所以食完一隻都會覺得好飽 另外佢嘅狗仔粉味道都唔錯略嫌鹹咗少少 價錢都算幾抵食

又真係咁大個仔第一次食狗仔粉。就黎一碗狗仔粉,大多你一碗火鴨翅。個火鴨翅香到過晒火,今日咁熱,食到我大汗搭細汗都要掃落個口到,因為真係太好食,。狗仔粉個味道....待我諗下先,好熟識呀陣味。啊! 個湯有小小似蒜蓉粉絲蒸扇貝既味道,都幾好食。下次經過其他分店我會識得食嫁啦。另外,佢D菜甫真係掂,原味好食之外,個辣菜甫,真係可以辣到你飛天。推介,一定要落小小食下。十八座狗仔粉整體評分 9.0 /10推介: $30火鴨翅(五分滿)老虎回頭率：🐯🐯🐯🐯

狗仔粉就好似ok咁 總有一間係左近！ 第一次食個陣覺得啲粉煙煙韌韌 好有咬口👍🏼而且個湯底好夠味~同啲粉好match! 入面仲有蔥 蝦米 肉碎 菜甫做配料💢最最最重要係菜甫可以任加👍🏼👍🏼自己覺得菜甫同狗仔粉係絕配 所以次次都會加好多 太好味了！其實細碗都唔少 食哂都飽嫁~男仔就當然可以叫大碗喇😋

到深水埗逛完黃金商場後，感到有點肚餓，不想只吃燒賣魚蛋。走著走著看到十八座狗仔粉的招牌，想念這個傳統街頭小吃的味道，便進了去！我叫了一碗狗仔粉（$30)。店家在每桌桌面上放置了兩樽菜甫，分別是辣菜甫和不辣的菜甫。我最喜歡的不是這裡的狗仔粉，而是菜甫，特別是辣菜甫！辣菜甫相等於譚仔米線的中辣程度，怕辣的話，不要加太多便可以。狗仔粉反而不是太特別，粉多，其他材料則比較少，不過以$30來説，還是可以的！

十八座狗仔粉一直係香港都好出名，佢同其他中式粉麵好唔同，個湯底味度十分濃厚，趁有個外國朋友仔黎到香港緊係要帶佢食啲local啲既食物啦！我地叫左每人一碗狗仔粉，一份燒賣同埋一碗火鴨翅，狗仔粉湯底配料都幾足，香味濃郁就緊架啦，連我個朋友都好中意食，自己最中意蒸燒賣，大大粒而且個醬汁好食，佢係微辣加勁重麻油味既豉油，配埋一齊簡直perfect啊！仲要我自己本身好中意麻油既香味，12蚊抵食啊！至於個火鴨翅坦白講就麻麻地，因為實在太咸了！碗仔翅會比較好食，雖然料好足但太咸就蓋曬個味，狗仔粉同火鴨翅都係30一碗，無分大小，overall worth trying！

中意食狗仔粉所以專登入黎食，滿心歡喜但發現狗仔粉黎到係得小小微溫，吾係熱既，味道一般，吾使為左佢而特登入黎深水埗食，失望😞魚蓉燒賣還可以。可一不可再，天水圍天澤商場既狗仔粉正啲

莉莉子一向鍾情於街頭頭小食，魚蛋燒賣、雞蛋仔無一不歡。自問食港式小食食到大既莉莉子，聽到「狗仔粉」都充滿著好多問號🧐🧐 原來狗仔粉係類似粘米粉既食品，以前仿間興起既小食，因為形狀似狗仔條尾，所以叫狗仔粉😍😍🐶🐶莉莉子坐低左之後，就叫左個招牌狗仔粉，仲特別加左炸豬油，豬油好香脆，脆bobo ，狗仔粉就好幼滑，湯料入需仲有冬菇、菜莆同蔥花，非常香😍😍另外仲叫左個大大份燒賣，大大粒，但價錢就貴左少少，簡單加上豉油就已經非常好味😍😍😍不過香港既小食都真係幾貴，如果平返少少，莉莉子就可以再試多d野啦🐶🐶🐶

起初走入這間餐廳，只是為了醫飽肚。因為見到他招牌寫着狗仔粉，覺得非常有趣，便進去試試。沒想到這樣簡單的食肆，能做出如此濃郁的美食，其實我不太清楚湯底是用什麼做出來的，但是這些狗仔粉10分入味，吃起來口感十足，配料也很多，而且價錢10分實惠。推介推介！

我去到深水埗肚餓諗住 搵間好嘢食見到十八座狗仔粉毫不猶豫咁入咗去食就算見到好多負評我都 唔理原來我呢個決定係錯㗎佢同尖沙咀真係爭十幾皮我食咗咁多次 尖沙咀嘅分店真係覺得好好味呢度淡而無味人情味都冇個狗仔粉真係要靠個辣菜脯真係乜味都冇尖沙咀嗰間好濃味雖然個大雜燴係過得去因為個汁醬但係嗰個 火鴨湯真係淡而無味搞到我用菜脯去提升佢個味都唔得呢個情況真係幾詭異呢間舖頭不嬲都係sell濃味嘢而家竟然係淡而無味真係幾驚我會繼續幫襯但係唔係呢間囉我真係唔明點解佢咁 淡而無味

個個去18座狗仔粉 都係為左食狗仔粉但我同男朋友偏偏喜歡佢哋嘅小食今次只叫咗幾款小食無叫狗仔粉🤣黑白炸丸真係好好味呀🤩🤩🤩最喜歡佢哋嘅炸貢丸 如果佢哋出單買炸貢丸就好了😭😭😭金絲火鴨魚肉湯湯底有微微火鴨味 我同男朋友好快就清晒一碗啦🤣鍾意呢度嘅燒賣有好多葱花我同男朋友都係葱怪黎㗎魚皮餃都一樣有好多蔥花而且佢哋個鮮味醬真係令到個魚皮餃更加好味有時候簡簡單單食幾個小食都已經好滿足了唔需要大魚大肉 已經好幸福